فورد رتجر ranger وش رايكم به ؟؟

[شاص]

السلام عليكم ..
أحد الزملاء معجب بونيت فورد رانجر لكنه متردد ويبي يشوف أحد سبق وأن جربه حتى يتعرف على مميزاته وعيوبه من ناحية قوة العزم والراحة والتماسك وصرفية البنزين والأعطال .. والسعر

ياليت الشباب اللي عندهم خبرة يفيدون بخبرتهم

ودمتم سالمين

[softy]

اهلا وسهلا اخي الكريم بحكم عملي بالمستشفى قبل كم سنة تم تامين عدد 6 فورد رنجر

موديل 2004 والحق يقال المواتر راحة اكثر من غيرها مثل الدسسن والهيالوكس

وصرف البنزين اقل من غيرها والقوة ممتازة

[شاص]

الأخ softy شاكر لك مرورك وإضافتك للموضوع ..

بانتظار المزيد من التجارب

[بن سليمان]

هذا رابط عن نفس الموضوع ان شاءالله تستفيد شي منه
http://www.mekshat.com/vb/showthread.php?t=224618
ومثل ما ذكر في الموضوع فيه رانجر اصلي امريكي وفيه اللي هو اصلا وانيت مازدا وهذا في تايلند يصنع اشوفهم اليومين مصانع السيارات طاحين في تايلند ما ادري وش لاقين فيها:j ؟؟؟؟

[المميـز]

انا من ملاك هذي السيارة موديل 2001 لون ابيض

http://www.4x4offroads.com/image-files/ford-ranger-2002-2-5l-turbo-diesel-rats-ranger1.jpg

الحق يقال ...

قبل لا اشتري السيارة ... تعرضت لكلام كثير جدا جدا وكان تعصب العالم إلى الهايلكس
مع ان الهايلكس عام 2001 كان كلبليتر والرنجر 2001 بخاخ ... والحمد لله
استخرت واشتريت الرنجر وماشاء الله تبارك الله ممتاز فوق ماتتصور :good::good:
والموتر إلى الآن موجود عندي والله يعطيه طولت العمر قولوا امين :)

مميزات السيارة ... المكينه والقير ياباني ... وهذي احلا ميزه
الميزه الثانيه ان الموتر دبـــل وارتفـــاعه عن الارض جدا معقووول
الميزه الثالثه مقارنتاً بغيره ... مطب الرنجر اخف من غيره

إذا تبي اي قطعه ولقيتها غاليه عند توكيلات الجزيرة فورد .. على طول توجه
إلى الحاج علي حسين ميركوري ومازدا .. لأن ارخص من فورد

واي استفسار عن السيارة انا حــــــــاضــــــــر :cool:

[شاص]

الإخوة بن سليمان ، المميز ...

شكرا لمروركم وإضافتكم ..

(رانجر اصلي امريكي وفيه اللي هو اصلا وانيت مازدا وهذا في تايلند يصنع )

يعني هل هنارك رانجر أمريكي وآخر غير أمريكي ؟؟

أو أن محركه وقطع غياره مازدا؟

[abo abd allh]

الرنجر الي موديل 2000 تقريبا يصنع في امريكا

اما من 2001 صار يصنع في تايلند مع مازدا يعني قطع غياره نفس المازدا

امل اني افدتك

[السارحي]

كان عندي 2005 الموتر استعماله ممتاز وصرف البنزين معقول

لكن المشكله في العزم ضعيف جدا وعلى فكره فاكها على ايدي من الوكاله يعني باخصها عدل
وبعتها على واحد من الربع عنده حلال ومكسرها تكسير ما شاء الله عليها

لكن عزمها رديئ جدا

[شروكي ربع]

جربت موترين دبل منه ..

الأول 2001 بانزين وممتاز والاخر 2003 ديزل وكلاهما رائع فعلاً ..

الرساوة ممتازة والمطب رائع وممتاز ولايقارن لابالددسن ولابالهايلوكس والعزم حلو جداً طبعا للبانزين اما الديزل فمتواضع ومايمشي اكثر من 140 هذا اذا وصلها وغالبا 120 لان المكينة ماهي تيربو ..

الموتر متماسك ولاعمري غيرت فيها أي قطعه من خراب ولاقد طبت صناعية لكن ماطولت معي الصراحة البانزين يمكن 4 أشهر والديزل حول السنة ولكن كلها مستعملات وماخذها بعد شركات يعني مكروفات ..

القطع لصراحة رخيصة حسب تجربتي وخاصة البدي الله يكفيك الشر , واللي هبلت بي الفحمات الصراحة غالية جداً خصوصا الديزل سعرها 400 وكسر سعر خرافي والبقية معقول جداً ..

الرنجر السيارتين التي ندمت على بيعها وخصوصا البانزين .

طبعا العزم في البر خذ رجال البنزين والديزل طبعا وكلن على مقامه :D


والله مدري وش أقولك بعد , اللي تبي اسأل وانا اعلمك باللي جربته واللي لي فيه خلفية هنا او على الخاص .

[بن سليمان]

الإخوة بن سليمان ، المميز ...

شكرا لمروركم وإضافتكم ..

(رانجر اصلي امريكي وفيه اللي هو اصلا وانيت مازدا وهذا في تايلند يصنع )

يعني هل هنارك رانجر أمريكي وآخر غير أمريكي ؟؟

أو أن محركه وقطع غياره مازدا؟
انت خابر ان مازدا تابعه لشركة فورد فعادي تحصل شعار فورد على ونيت مازدا اللي يصنع في تايلند واللي عند توكيلات الجزيره نفسه اللي عند وكيل مازدا شركة الحاج حسين رضا اللهم الشعار هو اللي يفرق
لكن الفورد الرينجر الاصلي الامريكي الظاهر انقطع ما يجينا من عام 2001 وشف ادخل الرابط تحصل الفورد الرانجر الاصلي الامريكي موديل 2010 وشكله ما يجي الا غماره ونص
http://www.fordvehicles.com/trucks/ranger/

وحصلت صور سريه قالوا عنها انها لموديل 2012 وانه مصنوع في استراليا

http://www.mekshat.com/pix/upload03/images129/mk108337_rang.jpg
http://www.mekshat.com/pix/upload03/images129/mk108337_2012-ford-ranger.jpg
مثل طريقة السوزو الديماكس احيانا تحصل شعار الشفر او الجمي عليه لان ايسوزو تابعه لشركة الجمي

[أبوعبدالوهاب]

جربت موترين دبل منه ..

الأول 2001 بانزين وممتاز والاخر 2003 ديزل وكلاهما رائع فعلاً ..

الرساوة ممتازة والمطب رائع وممتاز ولايقارن لابالددسن ولابالهايلوكس والعزم حلو جداً طبعا للبانزين اما الديزل فمتواضع ومايمشي اكثر من 140 هذا اذا وصلها وغالبا 120 لان المكينة ماهي تيربو ..

الموتر متماسك ولاعمري غيرت فيها أي قطعه من خراب ولاقد طبت صناعية لكن ماطولت معي الصراحة البانزين يمكن 4 أشهر والديزل حول السنة ولكن كلها مستعملات وماخذها بعد شركات يعني مكروفات ..

القطع لصراحة رخيصة حسب تجربتي وخاصة البدي الله يكفيك الشر , واللي هبلت بي الفحمات الصراحة غالية جداً خصوصا الديزل سعرها 400 وكسر سعر خرافي والبقية معقول جداً ..

الرنجر السيارتين التي ندمت على بيعها وخصوصا البانزين .

طبعا العزم في البر خذ رجال البنزين والديزل طبعا وكلن على مقامه :D


والله مدري وش أقولك بعد , اللي تبي اسأل وانا اعلمك باللي جربته واللي لي فيه خلفية هنا او على الخاص .




ياالحبيب .. انا ابي اشتري رنجر 2005 بس محتار اخاف منه وبلاويه يقولون موزين .. وشرايك ؟؟

[التعـ King ـديل]

الرنجر القديم افضل من الجديد .. كان عندنا 99 تسوقه وانت مغمض ولا احلا منه

الجديد لانه صار مازدا بعلامه فورد تغير كثير بس من ردود الشباب احس انه كويس

[GMC79]

الرنجر الان مازادا حلو كلها ياباني لكن مدري عن قطع الغيار رخيص والاغالي

[الصــرح]

كان عندي

000

متماسك وعملي

لكن عيبه بعض قطع الغيار غير متواجده

الغريب بهذه السيارة

8بواجي لأربع سلندر

وبالبيع يطول يعني غير مرغووووب

[moooj]

كان-عند-واحد-من-الجيران(بدون-دبل)وكرفه-سنة-ونص-بران-وخطوط-ولا-قال......أح
حسب-كلامه-اقتصادي-ولا-طب-الورشة
هذا-الي-اعرفه-والله-اعلم

[غريب الدااار]

اخواني سوال مهم جدآ

انا عندي رنجر 2005 اذا بغيت اروح اشتري قطع من مازدا وش اقول موديل السياره لانه يقولي وش السيارة ووش الموديل وش اقول ؟؟؟؟؟؟؟؟

[طويق1]

حياك الله يالغالي

رنجر -فورد--عبارةعن(بيك اب-مازدا -محرك 2600سي سي--بنزين)أو2900ديزل
سيارة ممتازة كان معي2003م
غيرت تمتيك مروحت تبريد الرديتر(قيمتها450ريال عند الدريس في دوار الخرج الصناعية القديمة
عند التوكيلات1840ريال بعد الخصم

سيارة جيدة والدبل قوي والمحافظة عليها تستمرسيارتك جديدة
أتمنى أكون أفدتك
مثل ماذكرت لك أي قطعة لا تتعدى الدريس في دوار الخرج
ولاتقول فورد قل مازدا 2600 سي سي

في النهاية أسأل الله أن يقدم لك اللي فيه خير

[غريب الدااار]

اخوي لاهنت الدريس هذا وين وصفة بالظبط ولا رقمه ..

لاني ما ادري وينه

وانا محتاج قطع غيار لرنجر 2005 ارجوكم وجههوني والله اني غشيم بهالامور

[vxr99]

حد خبري فيه مريح جدا ونشيط بالخط ما جربته فالبر
لكن خابر ان قطع الغيار عله تعطلك لو تعطل الموتر لين تلاقيها

[arrayyyan]

كان عندي 2004 الموتر استعماله ممتاز

[أبوهشام2]

أنا عندي فوردرنجر 2010 غمارتين دبل
الموتر استعماله بطل في الخط والبر والجبال
ولا عمره قال أح
ماكلفني إلا زيت وسيفون كل 8000

وبالنسبه للسلبيات:
يفصل ع150كم
4 سلندر

لكن هو يعتبر أفضل الموجود من ناحية السعر للونيتات الدفرنسين سواء هايلكس أو حتى الددسن وفي النهايه عزمهن متقارب

بالتوفيق