المساعد الشخصي الرقمي

مشاهدة النسخة كاملة : عن الحوض لمن لديه خبره


Mohammed99
08/10/2009, 06:33 PM
السلام عليكم ورحمة الله وبركاته
شباب أريد مشورتكم لدي عددة أسئلة
سؤالي عن الحوض فورد أم جمس أيهما الأفضل ؟و وأيهما أفضل في نوع الديزل ؟
أي من هذين واسع الأنتشار و الوكالة تخدمك خاصة في نوع الديزل ؟
أرجو من الشباب اللذين جربو الحوض أن يدلو بدلوهم .
Famous
08/10/2009, 06:47 PM
أضم صوتي إلى صوتك أخوي محمد
وأحب أضيف بعض الأسئله.
1- ايهماأفضل من ناحيه التحميل (قدره التحميل والمشي في النفود/زفلت )؟
2-وأي مقاس عملي و ممكن الواحد يروح و يجي فيه (بالعربي ما يغثك)؟
3- قوه المكينه؟
ولكم الشكر
آل زايد502
08/10/2009, 08:22 PM
والله يأخوان مادري ايهم افضل بس انا معي السلفرادو ماشاءالله تبارك الله ماشي معي تمام التمام وعزم الحمدلله طبعاً لو نويت ان شاءالله جمس ولا سلفرادو انصحك بالــ2500 لان قوة التحميل اقوى وانا الي معي 1500 اذا حملت اغراض يطيح شوي ولا تنسى الدبل ارضي افضل بس اللله يعينك وانت تدور انا والله صارلي 3 شهور او اكثر وانا ادور ولا لقيت دبل ارضي الله يعينك بس
واعذروني على القصور وهذا الي عندي عساني افدتكم بس والله يرزقكم الموتر الي ينسفط
عشقي شمالي
08/10/2009, 08:41 PM
السلام عليكم ورحمة الله وبركاته

اخوي من تجربتي لل Gmc

انا اشوف الجمس افضل من الفرود بمراحل ويكفيك توفر قطع اغيار في كل مدينه
ويكفيك اذا جيت تبيعه بعد
وبالنسبه للجمس الديزل كمان حليل وما تحس انه ديزل لان فيه نظام تيربو

والجمس بالزفلت مايحتاج هو اصلا مركب خطوط طويله
وبالنفود صحيح ثقيل شوي لكن للي يعرفه يحسه مثل الريشه ومو اي واحد يسوقه بالنفود

وبالنسبه للمقاس من ناحية التحميل والقوه 2500hd ومقاس مكينه 6000 او يسمونه 6 لتر
واذا انت راعي خطوط ومنت راعي نفود خذ تماتيك
اما اذا تبيه للنفود خذ قير عادي ودبل ارضي


انا جربت القديم وجربت الجديد لاحظت ان القديم اقوى لكن بدون راحه
وبالتحميل مستحيل ينزل من الخلف بس عيبه ثقيل بالحيل

واتمنى تكون استفدت

وتحياتي لك
داود الحمد
08/10/2009, 09:14 PM
اخوي انا جربت الجمس قطع عشرة ولكن بدون دبل بصراحة خفيف وعزمه قوي مع ان اللي معي قير تماتيك و مكينه 350 بس انه 8 سلندر اما بالنسبة للتحميل فهو اخو قلبك ولا ينزل كثير لأنه سسته ورى

هذا رايي والله الموفق
عبدالمجيد2003
09/10/2009, 03:16 AM
يا خوي انا انصحك بالجمس او السلفرادو فهي قويه في الخط والنفود ومن ناحيه التحميل اقوى بعد انا موتري سيلفرادوا و6 سلندر وماشاء الله عزمه قوي وهو محمل كل الاغراض
أحب النفع
09/10/2009, 09:33 AM
أنا جربت الفوردالحوض غمارة ونص أول ثم الجمس ثانيا
فوجدت الجمس أفضل من حيث العزم والراحة وتوفر القطع والتصليح وأرتحت معاه طبعا كلهن قير عادي ودبل أرضي وحوض قصير
Mohammed99
09/10/2009, 01:36 PM
ما قصرتو الله يوفقكم ويسهل امركم
لكن يا شباب بالنسبة لديزل بالنسبة للنوعين ؟ كيف أدائهم و هل قطع الغيار متوفر؟
وفي الحقيقة ياشباب بقطر فيه احواض فرود ديزل بس اني متردد وخايف
Famous
09/10/2009, 06:58 PM
آل زايد502 (http://www.mekshat.com/vb/member.php?u=60859)
عشقي شمالي (http://www.mekshat.com/vb/member.php?u=36000)
داود الحمد (http://www.mekshat.com/vb/member.php?u=90378)
عبدالمجيد2003 (http://www.mekshat.com/vb/member.php?u=128445)
أحب النفع (http://www.mekshat.com/vb/member.php?u=31051)
وعلى راسهم صاحب الموضوع
Mohammed99 (http://www.mekshat.com/vb/member.php?u=80753)
يعطيكم العافيه وما قصرتو وجعله الله في ميزان حسناتكم



ونستنتج ان سلفرادو 2500 قير ارضى احسن شي :)
ابو محمد1991
09/10/2009, 08:31 PM
انا الي اشوفه اكثر انتشار الجمس والشفر ولا تنسا ان الصيانه حقتها افضل من الفورد واكثر انتشار في الرياض بس 3 وكلاء والفورد واحد
لن أمل من العطاء
09/10/2009, 08:52 PM
بالنسبه للديزل
محركات فورد ا قويه وحلوه
لكن الصيانه وقطع الغيار لن تجد لها حتى في الوكالة
اتذكر فان اسعاف عند التوكيلات في جده عطلان سالتهم قالوا يحتاج تغيير بخاخات قيمتها فوق 12 الف ريال

الشفرات قطعها متوفر وكثيره ومهندسيها كثيرين

وانصحك لا تقرب من الديزل
هو صح افضل واقوى من البنزين وانظف للبيئه
لكن ان تعطل صدقني بتكره اليوم اللي شريته فيه

شوف في امريكا يموتون في الديزل لان عندهم قطع غيار وعندهم مهندسين فاهمين فيها

عندنا صعب تجد ميكانيكي ديزل زتجده بشق الانفس اقصد ميكانيكي عادي للسيارات القديمه والشاحنات
فما بالك ان اجتمعت ديزل واليكرونيات ديزليه
Mohammed99
10/10/2009, 11:18 PM
ما قصرتوا والله يوفقكم ويسهل امركم جميعا