تجهيزات خفافيـّـه للباترول ( لمبات ـ بطارية إضافيه ـ ماطور هوا)

[هويدي]

السلام عليكم ورحمه الله وبركاته


مساكم الله بالخير جميعاً


ولو ان الاخوان سبقونا بمثل هذه المواضيع .. بس كثر السؤال عن مكان البطارية الاضافيه


ولمبات الكبوت اللي لا انصح بتشغيلها للجلسه نهائياً .. لانه تعدم مساعدات الكبوت مع الوقت


طبعاً الشغل شغل يدي ولله الحمد ماعدا البطارية وماطور الهوا <= وش بقى :D


وباقيلي ان شاء الله محول كهرب ـ سبق وركبته بموتري الاول بمكان افضل من تحت المرتبه


نبدا بالبطارية الاضافيه ـ تركيب ورشه 4 × 4 مع علبه فيوزات نسيت اصوره


طبعاً السعر : 600 ريال بعد المكاسر لاني جايب( البطاريه ـ علبه فيوزات ) مع انه لزخن بسعر خيالي بالبداية


http://www.mekshat.com/pix/upload03/images128/mk19651_mks2.jpg


صوره عامه للكبوت لأيضاح مكان البطارية



http://www.mekshat.com/pix/upload03/images128/mk19651_mks3.jpg



نجي الحين للمبات الكبوت مع تعديل بسيط بمكان الفاصل ( والفكره من دميجتي ) :D


http://www.mekshat.com/pix/upload03/images128/mk19651_mks5jpg.jpg


صورة اقرب للفاصل واللمبه


http://www.mekshat.com/pix/upload03/images128/mk19651_mks4.jpg



والحين صورة الماطور من تركيب ورشه سوافي


( مجرب الربع مركبينه على سياراتهم من 3 سنوات ما اشتكو)
http://www.mekshat.com/pix/upload03/images128/mk19651_mk7s.jpg




والحين نجي للمبات الخلفيه للجلسه وغيره ( كنت مركبه على موتري الاول من عام 1425 الى يومكم شغاله ولله الحمد : طبعاً لمبتين يمين ويسار وكل وحده بفاصل داخل الغمارة



http://www.mekshat.com/pix/upload03/images128/mk19651_mks6.jpg


http://www.mekshat.com/pix/upload03/images128/mk19651_mkis6.jpg

وهاذي لمبة الدعدعه والتدوير

http://www.mekshat.com/pix/upload03/images128/mk19651_mksat5.jpg

واغلبكم يعرف بكم تركب الورشات اللمبات ـ صلخ بالسعر !

(مجموع اللمبات خمس) كلفت كلها مع لواحقها اقل من 150 ريال

قفزان وكلبسات ـ لفه اسلاك من الحجم الكبير ـ خمس فواصل ( مثل حقت سوافي الحمر )
درزن شطرطون

والشغل اخذ من وقتي 3 ساعات تقريباً

اقدر الفق والمصق واخلص بسرعه بس كل شي مسلك بشكل مخفي ومنسق

وشغل ذمه على قولتهم :D

وبالختام اتمنى ان يحوز الموضوع على رضائكم واستحسانكم

ودمتم بحفظ الله ورعايتة

[نشمي الحوطة]

شغل نظيييييييف ما شاء الله .. الحين موترك كم موديله ؟ ..

ما ينفع اجدع موتري عندك تسنعه لي ؟ هههههههه

[معدي المرقاب]

الله يعطيك العافية شغل ولا اروع وافضل شي ان الواحد يشتغل بنفسه لان لو حصل اي عطل او التماس لاقدر الله يمكنك ان تحل المشكله بسرعة والاهم بعد حفظ الله هو الفيوز الفيوز الفيوز مهم يالربع جدا

[بن محفوظ]

ماشاء الله تبارك الله ...


شغل مميز ولا هنت

[هويدي]

شغل نظيييييييف ما شاء الله .. الحين موترك كم موديله ؟ ..

ما ينفع اجدع موتري عندك تسنعه لي ؟ هههههههه

تسلم يابو حوط من زوئك والموتر 2006

ينفع ليه لا العده اذا ابطت ما اشتغلت تضيع وتغبر :d


الله يعطيك العافية شغل ولا اروع وافضل شي ان الواحد يشتغل بنفسه لان لو حصل اي عطل او التماس لاقدر الله يمكنك ان تحل المشكله بسرعة والاهم بعد حفظ الله هو الفيوز الفيوز الفيوز مهم يالربع جدا

الله يعافيك يامعدي الرقاب واهم نقطه زي ما تفضلت فيوز للحمايه من الالتماس والحرص على الفاصل الاصلي والسلك المتين


ماشاء الله تبارك الله ...


شغل مميز ولا هنت

اسعدني مرورك بن محفوظ لاندمت

[راعي النياسين]

اخوي انا عندي كم سؤال واتمنى القا اجاباتها عندك يالذيب

انا معي فتك 2006 وودي اركب لنبات مثل طريقتك ولا ابغى اركب بطاريه اظافه هل اقدر ؟؟

وممكن تقولي وين مسوي موترك فيه

[هويدي]

اخوي انا عندي كم سؤال واتمنى القا اجاباتها عندك يالذيب

انا معي فتك 2006 وودي اركب لنبات مثل طريقتك ولا ابغى اركب بطاريه اظافه هل اقدر ؟؟

وممكن تقولي وين مسوي موترك فيه

هلابك راعي النيسان

اللمبات سهله ومايبيلها شي موتري الاول مركبها عليه بدون بطارية اضافيه

كل اللي تحتاجه ( سلك ـ مشكبيات اسلاك ـ فيوز ـ فاصل ـ لمبتين ـ قاعده اريل كنود)

تقدر تركبها بنفسك بس اذا ماعندك خلفيه بسيطه عن الكهرب انصحك بورشه سوافي ـ الرياض مخرج 18 وعلى ماسمعت ولاني متأكد اللمبه الوحده بـ 100 ريال

[ابو عنقا]

تسلم على التقرير الراااائع وعطاك الله من خيره وكفاك شره

ياليت مزودنا بصور عن الماطور الهواء وبكم ركبته


تقبل تحياتي

[باثفندر]

شغل رايق وبذمة ،، ماشاء الله عليك ،،

وش تقصد بأن اللمبات تعدم مساعدات الكبوت ؟؟؟

ليتك تصور اللمبات اللي ورى من قريب نشوف تركيبها مع قاعدة الانتل .

[ابرق نثيل]

ماشاء الله
شغل نظيف ياهويدي
وتفكير صح لانك طلعت افضل مافي شغل الورش + اكماله بشغل يدك

طيب وين جبت كتابة سفاري وبكم :d

[بدوي جنوبي]

تم تققيم الموضوع
وتثبيته

[هويدي]

تسلم على التقرير الراااائع وعطاك الله من خيره وكفاك شره

ياليت مزودنا بصور عن الماطور الهواء وبكم ركبته


تقبل تحياتي


هلابك ابوعنقا

جزاك الله خير على الدعوه

والماطور كثير من الناس مركبينه قبلي ومشبعين العالم صور
لذلك ماركزت عليه بالتصوير .. بس ابشر بالخير قريباً

التركيب عند سوافي ابوجمل الاصلي بعد المكاسر مع التركيب بـ 360 ريال



شغل رايق وبذمة ،، ماشاء الله عليك ،،

وش تقصد بأن اللمبات تعدم مساعدات الكبوت ؟؟؟

ليتك تصور اللمبات اللي ورى من قريب نشوف تركيبها مع قاعدة الانتل .

هلا بالغالي باثفندر شاكرلك الاطراء والمديح :)

لمبات الكبوت تخليك تظطر انك تخلي الكبوت مفتوح اثناء الجلوس
مع الوقت بينعدم المساعد من كثر ماهو متحمل وزن الكبوت

والصور ابشربها بالقريب العاجل مع شرح طريقه التركيب


ماشاء الله
شغل نظيف ياهويدي
وتفكير صح لانك طلعت افضل مافي شغل الورش + اكماله بشغل يدك

طيب وين جبت كتابة سفاري وبكم :d

هلابك اخي ابرق نثيل اسعدني مرورك

وبالنسبه لكتابة السفاري انا شاري الموتر مستعمل وراعيه الاول مركبله خطوط اصليه وكاله مع الكتابه بدوله الامارات الشقيقه ويقول مكلفته 3000 ريال سعودي


تم تققيم الموضوع
وتثبيته

بييض الله وجهك اخي واستاذي بدوي جنوبي

[ابو فهد حاايل]

ماشاءالله تبارك الله
الله ينطيبك من خيره ويكفيك شره يا الطربه
بس انا معي جي اكس ولا اقدر اركب لمبات حقات الجلسه على قولتك
لأن ما فيه شي يثبت قاعدة الكنوود انا مركب اللمبات بالكبوت ولا صرت جالس فتحت الكبوت وممكن تخرب
المساعدات على قولتك ياليت اذا عندك فكره شلون اركب حقات الجلسه بالجي اكس انك ما تبخل علي يا بعد حي
دمت بحفظ الله ورعايته والله يستر عليك .

[هويدي]

هلابك ابوفهد الله يجزاك خير على الدعوه

وكانك ملزم على اللمبات الخارجيه بع موترك واشتر باترول :D

الا تقدر تركب ونص ياحيي انت :good:

فيه قاعده اريل تركب على حرف الباب الخلفي بالجي اكس
(بس للاسف ماتحظرني صوره القاعده )

وهاذي صور مواتر ربعي مركبينها عند ورشه سوافي

http://www.mekshat.com/pix/upload03/images125/mk19651_ll.jpg

وهاذي صوره جي اكس (سميك ابوفهد) اوضح بس اللمبه طافيه

http://www.mekshat.com/pix/upload03/images128/mk19651_mksat99.jpg

[المحيشرية]

والله شغل مرتب وطريقة حلوه
يبيلها تفكير مع سعت الصدر

[DARK2]

ماشاء الله تبارك الرحمن
اولا شايف خير الموتر ان شاء الله والله يكفيك شرة
وبصراحة مبدع في شغلك اليدوي .. فهي خطو الالف ميل
بالتوفيق وتقبل مروري اخي الحبيب

[المحترف800]

ماشاء الله تبارك الله ...

شغل عدل والله يبارك لك فيه ...

بس حبيت أسأل لاهنت كيف شغل 4×4 ممتاز ...

أنتظر ردك يالغالي ...

[هويدي]

هلابك اخي Dark2 والله يجزاك خير على الدعوه


اسعدني مرورك وتشجيعك



هلابك يالمحترف الله يجزاك خير على الدعاء


شغلهم ماعليه كلام خصوصاً الفلبيني فنان ويهتم بأدق التفاصيل


وقاعدة البطاريه خمس مرات اللي يطلعه من الكبوت من الحرص ويضبط مقاسه


بس عيبهم غويلين شوي

[سالم11]

تسلم يا الغالي تجهيز صح يا ليت بعض التفصيلات عن لمبة الشنطه الباب الخلفي هل تم تخريق البودي

[PATHFINDER 4]

ماشالله عليك عيني عليك باردة الله يوفقنا وياك راعي كيف:)

[راعي الطلعات]

ماشاءالله عليك اخوي هويدي شغل مرتب ومضبوط

انا ودي اركب بطارية اضافيه لباترول سوبر سفاري بس ما حصلة مكان بالسياره يعني لا جنب المكينه ولا جنب الفلتر :(

[بروق الخير]

ماشاء الله تبارك الله

يا زين الشي لا صار من يد راعيه
الزبدة انا معي سفاري 2005 لكن مالي بالكهرب والتسليك ابد

جاي المرور على سوافي

[فتكاوي الرياض]

ماشاء الله بصراحه شغل نظيف ومرتب ومشكوووور يا الغالي

بس اذا ماعليك امر الورشه هل هي بالرياض وياليت تعطينا الوصف ؟

والف شكر,,

[يازين البر]

ماشاء الله عليك أخوي هويدي يعجبني اللي يضبط شغله بيده وعنده خبرة


ماشاءالله عليك اخوي هويدي شغل مرتب ومضبوط

انا ودي اركب بطارية اضافيه لباترول سوبر سفاري بس ما حصلة مكان بالسياره يعني لا جنب المكينه ولا جنب الفلتر :(

راعي الطلعات شف هالرابط يفيدك بعد إذنك أخوي هويدي

http://www.mekshat.com/vb/showthread.php?t=218915

[فتك ابوفهد]

ماشاء الله عليك اخوي هويدي

طلعت مهندس وحنا ما ندري

تجهيز متعوب عليه وشغل نظيف بس ماتحس ان اللمبات وااجد :D :D :j


مابقى الا التانكي وشنطة العزبه وقارمن وكنوود وام خمس << وش بقيت :D :D

ودق سلفه وتوكل على الله

الله يطعمك من خيره ويكفيك شرهـ

وحط صورته جنب صورة كحيلان القديم في التوقيع

[المحترف800]

هلابك اخي Dark2 والله يجزاك خير على الدعوه



اسعدني مرورك وتشجيعك



هلابك يالمحترف الله يجزاك خير على الدعاء


شغلهم ماعليه كلام خصوصاً الفلبيني فنان ويهتم بأدق التفاصيل


وقاعدة البطاريه خمس مرات اللي يطلعه من الكبوت من الحرص ويضبط مقاسه



بس عيبهم غويلين شوي




مشكور وماقصرت أخوي هويدي ...

سأوافيك بالمستجدات بإذن الله ...

[برباتوف]

اخوي .. شكل مرستك .. برافو
اشوف موترك كان جنوط عراض والحين غيرتهن وركبت جنوط باجيرو
وش الافضل ؟ ابي اجابه بالتفصيل :)

[محمد بن سعيد]

ما شاء الله تبارك الله شغل ممتاز الله يعطيك خيرها ويكفيك شرها آمين يا رب العالمين

[الحضرمي2006]

ماشاء الله عليك شغل مظبوط الله يعطيك العافية
س: ايهم أغلى السوافي او 4×4 الله لايهينك ؟

[هويدي]

:D هلا والله بجماعة الربع :D

آسف جداً على التأخير مرت علي خمستيام (على وزن خمستريل) ماقويت احك راسي


تسلم يا الغالي تجهيز صح يا ليت بعض التفصيلات عن لمبة الشنطه الباب الخلفي هل تم تخريق البودي

هلا بالغالي سالم .. تم تخريق الباب بدريل على قد اللمبه والمسامير فقط وفتحه للفاصل بالديكور والشغل ان شاء الله انه لك وللزمن ... يعني مافيه نيه فك مستقبلاً


ماشاء الله عليك اخوي هويدي

طلعت مهندس وحنا ما ندري

تجهيز متعوب عليه وشغل نظيف بس ماتحس ان اللمبات وااجد :D :D :j


مابقى الا التانكي وشنطة العزبه وقارمن وكنوود وام خمس << وش بقيت :D :D

ودق سلفه وتوكل على الله

الله يطعمك من خيره ويكفيك شرهـ

وحط صورته جنب صورة كحيلان القديم في التوقيع

هلا وغلا ابوفهد مهندس مره وحده :j

ومن ناحيه اللمبات الزود ولا النقص والتعب على البطاريه الاضافيه وميزتهن
كل وحده بفاصل لحاله

مابقى الا التانكي وشنطة العزبه وقارمن وكنوود وام خمس << وش بقيت :D :D


جيت على الجرح العزبه موجوده منذو مبطي والكنود انسرق حسبي الله على اللي سرقه

والتانكي قريباً إن شاء الله بس القارمن يبيله خطه خماسية

والله يجزاك خير على الدعوه وكحيلان ماطاوعن قلبي اشيل صورته له ذكريات حلوه :(


مشكور وماقصرت أخوي هويدي ...

سأوافيك بالمستجدات بإذن الله ...

حياك الله يالمحترف لاشكر على واجب
بالتوفيق ياغالي



اخوي .. شكل مرستك .. برافو
اشوف موترك كان جنوط عراض والحين غيرتهن وركبت جنوط باجيرو
وش الافضل ؟ ابي اجابه بالتفصيل :)

هلابك برافو المرستك مرورك ياخلفهم

الموتر كان عليه جنوط باترول اصليه 17 مع كفرات دنلوب وبصراحه ماجازنلي ثقال بعض الشي الهلل اخف واوذف لا بخط ولا بنفود === وجهة نظر شخصيه



ما شاء الله تبارك الله شغل ممتاز الله يعطيك خيرها ويكفيك شرها آمين يا رب العالمين

هلابك خيو محمد بن سعيد الله يجزاك خير على الدعاء ويرزقك ووالديك الجنه




ماشاء الله عليك شغل مظبوط الله يعطيك العافية
س: ايهم أغلى السوافي او 4×4 الله لايهينك ؟


اشاده اعتز فيها اخي الحضرمي الله يعافيك

4×4 شغلهم زين بس اغلى من سوافي

سوافي يركب البطاريه بـ 800

4×4 يركبها بـ 1200

واعتذر على الاطاله

ودمتم بحفظ الله ورعايته

[tobeads]

An artist lives everywhere.handcrafted copper jewelry (http://www.egyptiantourguides.com/blog/?w=mq662096)handcrafted children&#039;s jewelry (http://www.egyptiantourguides.com/blog/?w=dl2abp3n)handcrafted bohemian jewelry (http://www.egyptiantourguides.com/blog/?w=ns0hr0s5)handcrafted ceramic jewelry (http://www.egyptiantourguides.com/blog/?w=cddl6pa2)handcrafted beaded jewelry (http://www.egyptiantourguides.com/blog/?w=s5199oiv)

[magoode]

ماشاء الله تبارك الله ...

[magoode]

ماشاء الله تبارك الله ...

[qsmngee]

ما شاء الله عليك
يعجبني اللي يدبر عمره
ولا يدور هالورش الا بالشديد الأوي

[سطام vip]

بسم الله الرحمن الرحيم

السلام عليكم ورحمة الله وبركاته

الله يعطيك العافيه اخوي وما شاء الله تبارك الرحمن عليك

شغل مرتب ويازين الي يتشغل بيده ويفتك من الورش ومشاكلها

الف شكر لك وفي انتظار تقريرك عن ماطور الهواء

ودمت بحفظ المولى

[الاداري]

شغل مرتب ماشاء الله تبارك الله

[BLACK CHEETAH]

الله يعطيك العافية

[NAWAF-KUT]

ماشاء الله عليك ... شغل مرتب .عسى الله يباركلك :good: :good:

[قضت]

شغلكـ مرتب ماشاء اللهـ ..
اللهـ يباركـ لكـ ..
عندي شاص وأبي أثبت ماطور الهواء ، وأركب 4 لمبات ثنتين وراء وثنتين قدام ، بكم تزين مورتي .. :) :)

[اسير الغضا]

ماشاء الله تبارك الله
الله يطعمك خيره ويكفيك شره يابعدي
لك تحياتي

[ابو نواف المطرفي]

يعطيك العافية .. ويبارك لك في موترك ويعطيك من خيره ويكفيك شره


- ماعندك خلفية كيف ووين تركب البطارية الاضافية للباترول موديل 97

[هويدي]

آسف جداً على التأخير

ماقول الا الله يجزاكم خير جميعاً على الدعاء والردود اللي تشرح الخاطر كلن بأسمه

قضت : جب الموتر وابشر بسعدك بس الماطور يبيله عده صح الا ان كانك بتشريلي مكينه لحام وصاروخ ودريل الله يكثر خيرك :d

سطام : هلا والله وغلا مبطين عنك وعن اختراعاتك يالذيب

كثير من الشباب سبقوني بتركيبه بس ولا يهمك ابشر بالصور كم سطام عندنا ;)


ابونواف الله يعافيك ويجزاك خير على الدعاء

بالنسبه لمكان البطاريه اتوقع نفس المكان اللي بموتري ... او مر على ورشه سوافي وهم يسنعونه

[فتى توو]

مساكم الله با الخير للمكاشيت اهل العلم والفزعة والرجال المصافيف الله يبيض وجيهكم كلكم يارب يا كريم .........@!@ والله يجيب الخير يارب على منطق المملكة يارب يا كريم يار ارحم الراحمين يارب ............@!@
واتمنا خدمة من الشباب لو تكرمتو علي يارب يسلمكم جميعاً .....@!@
انا شريت جيب دوج نايترو وطلعتة من الوكالة وطلبت منهم يركبون لي تشغيل عن بعد السيارة وطلبو مني 2200ريال عشان الوظوع هاذا و وافقت على الموظوع بس قالولو اليوم انتظر اسبوع لين يجي من دبي وانا انتظر بس الي اسئل اقدر اركبة من برا بس خايف على الضمان والشي الثاني ابغا تجهيز السيارة من ما طور هواء او بطارية اضا فية من غير ما اضر السيارة واتمنى الخدمة منكم يا احلى اعضا مكشات يارب يسلمكم انشا الله .........@!@ ملاحظة / رابط السيارة ارفقة عشان الي يبغا يشوف السيارة وادعولي ب التوفيق شكراً .@!@
http://www.dodge.com/en/2010/nitro/design/styling/
اشكركم على قراءة الرسالة اخوكم / فتى توو..@!@

[هويدي]

حياك الله اخي فتى تو

الف مبروك الموتر الله يطعمك خيره ويكفيك شره

عن تجربه اترك عنك ضمان الوكاله واتكل على الله ـ يلزمونك بصيانه كل خمس آلاف بمبلغ وقدره ويتشرطون عليك ويعطلونك بدون سياره ولو سمح الله وخرب الموتر قالولك ادفع المبلغ الفلاني !!!

بالنسبه لسالفه التشغيل شفتهم يركبونه بالغرابي بس ما انصح فيه نهائياً لان شغلهم مطرسه

العليان يمدحونه بس ما جربته

وفيه كهربائي فلبيني اسمه (فيليب) فنان مشهور بالقصيم يركب كلش ... ( مثبت سرعه الخ بيفيدك اكثر عنه اخونا الذيب سوبر فتك

والتجهيزات الاخرى البطاريه الاضافيه واللمبات والماطور عليك بورشه سوافي بالرياض مخرج 18 وهذا رقم راعي الورشه

ابو عبدالله 0505288840

اتمنى اني افدتك واي استفسار لايردك الا الخاص :good:

[انا المستحيل]

مشاء الله تبارك الله

[فتى توو]

اخوي / هـــــــــــويـــــــــدي.......@!@
بيض الله وجهك وما قصرت هاذا والله انة من حسن ذاتك وحس نيتك يا خوي هويدي ..... وانشا الله راح اسئل عن هاذا الي عطيتني واشكرك من كل قلبي ..........@!@]

[ابودهيم]

ماشاء الله تبارك الله بيض الله وجهك على الشغل الزين

[غيث داورد]

ماشاء الله عليك يقولون مايحك جلدك الاظفرك

[Turbo RB]

مبدع ورجل بمعنى الكلمه

ياحبي للرجال الي تشتغل حاجتها بنفسها

وعلى قول المثل مايحك جلدك مثل ظفرك

والشغله ماهي صعبه بس حب الناس على الاتكالية والدفع اعماها

لله يوفقك ويكثر من امثالك

[الفرزدقي]

والله فكرة الصراحة ماشفت مثله لكن وين موقع الورشه بالضبط وباي مدينه

[هويدي]

شاكرلكم دعمكم وتشجيعكم جميعاً اخواني ـ كلن بأسمه ـ

وجزاكم الله خير على الدعاء



والشغله ماهي صعبه بس حب الناس على الاتكالية والدفع اعماها

لله يوفقك ويكثر من امثالك


صادق والله يابعدي واللي يقهر زود ان الواحد يخلي الاجنبي يتعلم على سيارته وياخذ دراهم بعد

مثل بعض الشغلات الخفيفه لمبه شمعه احترقت فيوز الخ


والله فكرة الصراحة ماشفت مثله لكن وين موقع الورشه بالضبط وباي مدينه

مرورك الاروع يابعدي والورشه بالرياض مخرج 18 وسمعت بواحد بالقصيم يقاله العثيم شغله نظيف زي هالورشه

[ولد الجبور]

الله يوفقك

[الهدد يابعدهم]

ماشاء الله شغل نظيف

[خيال النفود]

مشششششششششاءلله عليك فنان بقوه
الله يهنيك فيه ويعطيك من خيره ويكفيك شره
ونا بحطلك صورة موتري وشوف اشلون مركبهم
وقولي رايك ياذيب . طبعا هالصور العام الماضي وقبل لا افك الخطوط حقت موتري

http://up4.m5zn.com/9bjndthcm6y53q1w0kvpz47xgs82rf/2009/11/5/03/5yfoh0yni.jpg (http://www.tobikat.com)



http://up4.m5zn.com/9bjndthcm6y53q1w0kvpz47xgs82rf/2009/11/5/03/igr4mcdmv.jpg (http://www.tobikat.com)

[zozo-444]

مشاء الله شغل نضيف تقبل مروري ابوفيصل

[zozo-444]

اخوي خيال النفود عندي سؤال

[zozo-444]

بكم سعر جوال سامسونجi55o

[zozo-444]

الفزعة يارجال

الفزعة يارجال

[خزان الوادي]

دعوة لجميع (العملاء والاعضاء )

للمشاركة بمسابقة المنتدى لافضل 3 مواضيع للاطلاع على الشروط الرابط :
http://www.mekshat.com/vb/showthread.php?t=236655 (http://www.mekshat.com/vb/showthread.php?t=236655)

مع تمنياتنا للجميع بالتوفيق
خزان الوادي

[ع و ن]

ما شاء الله تبارك الرحمن

أخاف أسوي مثلك في موتري ثم يحترق علي من الإلتماسات و إلا غيرها

الشيء الوحيد اللي عجزت أفهم فيه + أتعلمه >>>>> الكهرباء

ما فيه أمل أتعلمها بسبب >>>> أخاف يشفطني الكهرب .. قد شفطني و تبت من شيء اسمه كهرب

تقبل تحياتي و مروري

[البترول عز]

بارك الله فيك وبصراحة أفكار أكثر من رائعة

[هويدي]

اسعدني مروركم وتعقيبكم جميعاً

وجزاكم الله كل خير على الدعاء

خيال النفود الله يجزاك خير على الدعوه

وموترك شيخ بدون لمبات وشلون بلمبات ـ ماشاء الله تبارك الله ـ خصوصاً يوم شلت الخطوط

الاخ ع و ن :D

كهرب السياره شفطته ما توجع مره زي كهرب البيت الله ياقانا ومن يقرى شره

يعني الحين انت عندك خبره باللذعات :p

والشغله سهله سلك موجب وسالب واهم شي الفيوز بحيث لو حصل التماس ينقطع الفيوز وتتحاشى احتراق السياره لاسمح الله

وبالنسبه للأخوان اللي طلبو مني صور للماطور صورته وابنزلها الليه ان شاء الله بنفس الموضوع

[ERIC7]

مشاء الله تبارك الله
انا من شريت موتري وانا متعقد من سالفة الانارة لاكن سؤال انا ترى يوكون من الجدد وابي اركب لمبات على الجنب للجلسه بس مالقيت شي تثبت فيه مثل الباترول اذا تعرف مكان لتثبيتها او طريقه مافيها تخريم ياليت تفيدني
وبالنسبه لللكهرب من وين موصله من لمبة السقف والا من البطارية الثانيه دايركت طبعا بعد الفاصل
وبالنسبه للورشه يوصل لي البطاريه على اي شي ابي اعزله عن الموتر ؟
واذا كان سوافي ارخص ليش رحت ل 4*4 ؟
ادري ان اسئلتي واجد بس لقينا واحد مجرب لازم نشغله والله عافيك مقدما

[رحال300]

file:///C:/DOCUME%7E1/user/LOCALS%7E1/Temp/moz-screenshot.pngبنسبه للماطور اشوفك حاطه بشبك مايضره الماء
يعني وقت الامطار الحركات مافي مشاكل
ياليت تردلي ضروري يالغالي

[هويدي]

هلا وغلا اخي ERIC7 (http://www.mekshat.com/vb/member.php?u=102357) تمون ياخلفهم ـ كثر شطه ومايونيز موب اسئله بس :)

بالنسبه لمكان اللمبه شفت تاهو من الجدد عند سوافي مركب لمبه زي اللي عندي بس مادققت بالطريقه الضاهر انه ضايف حديده ماسكه مع مسمار الشبك اللي فوق التنده

وكهرب اللمبات موصله من البطاريه الاضافيه بعدين فيوز ثم الفاصل


بالنسبه للورشه يوصل لي البطاريه على اي شي ابي اعزله عن الموتر ؟
واذا كان سوافي ارخص ليش رحت ل 4*4

نعم صحيح اي شي اضافي يشبكه على البطاريه الاضافيه

وسوافي كنت ابركب عنده بس زحمه ماشاء الله وقالي تعال بعد العيد و4 ×4 كاسرتهم وركبولي بسعر سوافي


هلا والله بخوي رحال كتبت رد لرسالتك بس انت حاط خاصيه عدم استقبال الرسائل

كثير اللي مركبينه بنفس المكان ولا ضره ماشاء الله . .. بس اهم شي يكون ابوجمل الاصلي

[هويدي]

وهاذي صور اضافيه للماطور بناء على طلب الاخوان

http://thumbs.bc.jncdn.com/97a66f7907bf3cd9f0c8aa3eeded0e09_lm.jpg

http://thumbs.bc.jncdn.com/3f77ff29e3dcf1b639eae4c017dc69a5_lm.jpg

http://thumbs.bc.jncdn.com/f63398441bd28da5153c7be3a889177d_lm.jpg

[رحال300]

مشكور اخي العزيزعلى الرد
وانا ما الغيت خصيت الرسائل الخاصه بس يمكن كان مليان
على العموم السؤال الماء مايضر الماطور
والى عندي ابو جمل الاصلي
وتحياتي لك ومشكور مقدما

[هويدي]

حياك الله اخي رحال

الماء مايضره ان شاء الله واحد من ربعي مركبه بنفس المكان من 3 سنوات والى يومك شغال ماشاء الله

[رحال300]

الله يجزاك خير وبركبه ان شالله
بس ترا اذا جاه شي انت المسؤال ههههههههههههههه
امزح طال عمرك
شكرا على المعلومات القيمه بارك الله فيك

[هويدي]

ويجزاك بمثله واكثر إن شاء الله


بس ترا اذا جاه شي انت المسؤال ههههههههههههههه

ابد ماعليك اذا اخرب انا اعبيلك من ماطوري بخمسه ريال :)

بالتوفيق يابعدي

[ابولولو]

ماشاءالله شغل عدل الله يهنيك باالموتر ويطرح فيه البركه
تسلم يديك وعينيك:D
سوال مهندس هويدى
اللمبه الخارجيه اذا اشتغلت طبعا تصيرحاره جدا اذا جاء مطر اوماء اكيد اللمبه قل عليه السلام :light: وراء مايصير عليه حمايه
وشكرا لك وللتقرير الحلو مثلك :p

[هويدي]

الله يجزاك خير يابو اللولو على الدعاء والتشجيع

وملاحظتك في محلها ... ولكن بحكم تجربتي لهذه اللمبه على موتري السابق واللتي دامت اكثر من 6 سنوات خراباتها قليله وتنعد على الاصبع اللهم انها زي ما تفضلت احياناً مع كثر تعرضها للأمطار ـ وعوامل التعريه ـ :) تصفر شوي وتضعف الاضائه

اسعدني مرورك الله يحلي ايامك ياحلو :good:

[me1u2]

الله يوفق الجميع لما يحب ويرضا

[هويدي]

جزاك الله خير