سلطان العضيدان
13/05/2002, 08:27 PM
يقول (الله يسلمك) هذا واحد امير وكريم وزعيم وفارسا لا يشق له غبار بس انه الشيب ظاهرا به والسنين جعدت بشرته
سافرا يوم من الايام وصطحبه شاب في عز شبابه بس ان هالشاب (طال عمرك) جميل وله ملامح فاتنه ولو تحط يدك على خده طشر دم من نعومته.............. الله يدفع البلاء.
المهم وهم سارين وصلوا هاك الديرة قال الامير للشاب: ان بنات هالديرة بتركز الانظار عليك والابتسامات الداعبة واما ان (يقوله الامير) يخلف الله لاهم مناظرين ويبي يصدن عني ....... وينسن اني من انا يوم كنت فارس واميرا ورئيسا وجوادا...... ايييييييه الله المستعان وقال الشاب: ان خصالك ياالامير تبي تشفع لك .
ويوم ادخلوا على البيت اللي هم عانين له ونوخوا الركاب والله يوم اقبلت عليهم هاك الوحدة وكان راعي البيت ماهو موجود فقالت للامير: خذ الفاس وكسر حطب واقد النار وزين القهوة لسيدك (والله النشبة) وسمع الامير كلامها واطاعها واخذ الفاس وكسر حطيبات وزهب القهوة والشاب جالس متمركي يحتري بس القهوة .
خلصت القهوة وقدمها الامير لشاب وهو يقول الامير:
يازين يالي في ذراعك نقاريش=الحكم حكم الله وحكمك على الراس
ان شيتني حشاش سيد الحواشيش=وان شيتني حطاب قرب لي الفاس
وان شيتني خيال فاروى المراييش=اثنى وراهم يوم الارياق يباس
والفرخ لايغويك في صفة الريش=طير الحباري ياريش العين قرناس
اييييييييييييييه وصار الامير يخدم الشاب اللي مصطحبه معه..... (مالك الا خشمك ولو هو اعوج)
سافرا يوم من الايام وصطحبه شاب في عز شبابه بس ان هالشاب (طال عمرك) جميل وله ملامح فاتنه ولو تحط يدك على خده طشر دم من نعومته.............. الله يدفع البلاء.
المهم وهم سارين وصلوا هاك الديرة قال الامير للشاب: ان بنات هالديرة بتركز الانظار عليك والابتسامات الداعبة واما ان (يقوله الامير) يخلف الله لاهم مناظرين ويبي يصدن عني ....... وينسن اني من انا يوم كنت فارس واميرا ورئيسا وجوادا...... ايييييييه الله المستعان وقال الشاب: ان خصالك ياالامير تبي تشفع لك .
ويوم ادخلوا على البيت اللي هم عانين له ونوخوا الركاب والله يوم اقبلت عليهم هاك الوحدة وكان راعي البيت ماهو موجود فقالت للامير: خذ الفاس وكسر حطب واقد النار وزين القهوة لسيدك (والله النشبة) وسمع الامير كلامها واطاعها واخذ الفاس وكسر حطيبات وزهب القهوة والشاب جالس متمركي يحتري بس القهوة .
خلصت القهوة وقدمها الامير لشاب وهو يقول الامير:
يازين يالي في ذراعك نقاريش=الحكم حكم الله وحكمك على الراس
ان شيتني حشاش سيد الحواشيش=وان شيتني حطاب قرب لي الفاس
وان شيتني خيال فاروى المراييش=اثنى وراهم يوم الارياق يباس
والفرخ لايغويك في صفة الريش=طير الحباري ياريش العين قرناس
اييييييييييييييه وصار الامير يخدم الشاب اللي مصطحبه معه..... (مالك الا خشمك ولو هو اعوج)