مشكله سرقه السياراات اللي ينفذون اصحاب معارض للسيارات!!!!

[سعد777]

اخواني السلام عليكم
موضوع للأسف جداُ ابطاله حراميه وشي يحز بالخاطر

لما تنسرق سيارتي لن اتوقع ان اجدها في معرض ما او ماشابه ذلك
بل ابحث عنها في اماكن يشبه بها ان تكون فيه للتفحيط او للتشليح او غيره

المهم حدث قضيتين بالمنطقه الشرقيه واحده بمعرض بالأحساء والثانيه بمعرض في الدمام
القضيه اللي بالأحساء لهم مده من الزمن يمكن اكثر من خمس سنوات وهم على ذا الحال سرق سيارات تعديل بارقام الشاصيه ومن ثم البيع بتمرير وتسهيل الأجراءات بطرف من المرور وتم كتشافهم عن طريق مواطن جزم ان ما يراه سيارته المسروقه منذو زمن ولآكن رقم اللوحه يختلف والأستماره كذلك
ورفع قضيه بذلك واعترف صاحب السياره انه شراها من المعرض الفلاني هذا المعرض فقط حوش ولا يوجد به سيارات ولآكن للتمويه يوجد به سيارتين او اكثر اصحابه وهم الاباء يرسلون ابنائهم للسرقه ومن ثم يدخلونها لدى فني لحام وطباعه ارقام من الجنسيه الباكستنيه ويقوم بتغيير رقم الهيكل ومن ثم يصدر لها استماره عن طريق شريك لهم بالمرور كيف ؟ اشلون مدري اشلون يضبطونها

المهم هذا الأجودي اللي حصل سيارته واشتكى طلع فضايحهم واعترفوا بسرقه اكثر من 400 سياره ومن بعض الأدله ووجود لوحات كثيره في مستودع مهمش لهم ومن ضمن اللوحات لوحه سيارته المسروقه خخخ يمكن ناوين يجمعونها ويبيوعنها المنيوم ماهو الكيلوا بـ6 ريال هههه
وتم القبض عليهم شيبان كبار سن واخوان بعد ديرون المعرض ومعهم عيالهم يقومون بالسرقه واحضار البضاعه ومن يسهل أجرائتهم من المرور
-------
القضيه الثانيه

شخص فقد سيارته من نوع لكزس والمهم ويحصلها مع شخص آخر بعد ماقام بالبحث عنها وعند السؤال اتضح انه شاريها من معرض من معارض الدمام والمعرض هذا وقع بدل منه وسو المكاتبه والمبايعه ونقل الملكيه بدون حضور صاحب السياره يعني لا تستغرب تقوم ماتحصل سيارتك يمكن تنباع في نفس اليوم خخخخ ونت ماتدري

قيل لي فاردت تنبيهكم وسلامتكم

[ابوقاسم]

مشكور على طرح الموضوع والتنبيه
هذا واحد من الشباب حاصل له هذي المشكلة
شاري السيارة من معرض والحين ينتظر الشيخ يحكم علشان ترجع له فلوسه
الله يعين ما في ثقة الحين بالمعارض اشتر من الوكالة او واحد تعرفة شاريه من الوكالة
تحياتي

[ابو ناصر2020]

حسبي الله ونعم الوكيل

لو فيه حد كان وقف صار لكل سارق حد مايتعدى عليه

[الربذي]

ماهي غريبه على بعض سقط المتاع حللوا ماحرم الله سبحانه وتعالى.
لكن 400سيارته اعوذ بالله هذي كم مليون دخلوا حسبي الله عليهم ...

[shaheenshah]

جزاك الله خير على التنبيه
لكن اللي اعترفوا انهم سرقوا اكثر من 400 سياره وش حكموا عليهم فيه؟

[COBRA999]

حسبي الله و نعم الوكيل جزاهم عند ربهم ,,,الواحد منهم يسرق ويتمتع بالفلوس ولا همه دعاء الناس عليه ولا رب العالمين وعقاب رب العالمين

[سعد777]

جزاك الله خير على التنبيه
لكن اللي اعترفوا انهم سرقوا اكثر من 400 سياره وش حكموا عليهم فيه؟

لا علم لدي ولآكن القضيه ببدايه شهر رمضان اكتشفوهم

[رعد الصحراء]

لا حول ولا قوة إلا بالله
حسبي الله ونعم الوكيل
(من أمن العقوبه أساء الأدب)
فيه قصه حدثت لشخص معروف
ذهب إلى الامارات واشترا جيب اعتقد موديل 2007
وعند حضوره للمرور لإكمال الإجراءات إتضح إن السياره مطلوبه للبنك الأهلي
وعليها أقصاط شهريه
طيب كيف طلعت من السعوديه ؟
طبعا أكيد عن طريق شبكه
القصه هذي مؤكده لشخص معروف ومازالت القضيه إلى هذه اللحظه ولم يتم نقل الملكيه ورايح جاي من دائره إلى دائره

[الحرب20091ي]

الله يحسن الختام لنا انشاالله
ناس معاد عندها شي بس همه الفلوس وبس كيف يجمع ثروه
مايعلم ان هاذي الدنيا بجميع مافيها ماتساوي عند الله جناح باعوضه
لكن له رب يحاسبه هو ومن تستر عليه وغيرهم الكثير الكثير الكثير
تقبل مرررروي.:good: :good: :good:

[تناهيت]

اللة يغنينا من حلالة عن حرامة

[ابوطاقية]

حسبنا الله ونعم الوكيل
ناس تحلل ماحرم الله من اكل اموال المسلمين بالباطل

[شروكي ربع]

القصة الأولى حصلت في الرياض قبل فترة وتم القبض على المجرمين من قبل مباحث المرور ..

طبعاً المجرم الأصلي كان باكستاني وله ورشة في صناعية العروبة في شمال الرياض وشغل الورشه حليو وماكان احد ملاحظ عليه شيء أبداً ولكن حدثني شخص عن شخص ان هذا الباكستاني يبيع مخدرات و يجر على بنات سعوديات - الله لايوفقه - وتوقعتها اشاعه ..

المهم بعد حول السنة طوقت المباحث ورشته ومسكت كل العمالة الا هو هج والظاهر انهم مسكوه تالي , والسالفة انه كان يشتري سيارات تشليح منقلبة والا مدمورة حيل موديلات جديدة وطول الله اعماركم يفرفر في الرياض ويحصل نفس الموتر موقف عند بيت او في اي مكان ويجيب سطحه ويشيله طبعا بعدين يقص على المفتاح ويبرمجه ويقص الشواصي ويغير اللوحات على انه الموتر المنقلب وله - كما يقولون - ضابطين في المرور يمشون اموره في خلال يومين من شراء السيارة المدمورة وتعديل المسروقة ويبيع السيارة بعدين في المعارض على انها مصدومة وصلحها ..

طبعا تم القبض كما اسلفت على كل المتورطين الا المجرم الاساسي واعتقد انه ممسوك الان لان السالفة صار لها اكثر من 3 سنوات .

[ابو_حمد]

لا حول ولا قوة إلا بالله
حسبي الله ونعم الوكيل

[محسن اليامي]

شيبان كبار سن واخوان بعد ومعهم عيالهم يقومون بالسرقه واحضار البضاعه ومن يسهل أجرائتهم من المرور




أمحق شيبان عزالله ماشابوا على الطاعه حلالاه من يمسك ذالشيبان هم وعوالهم ثم يبسطونهم بسط وعقبه في العنه يودونهم للشرطه ، لا ويسحبون جميع حساباتهم ويرجعونها لأصحابها

[معدي المرقاب]

الله يحسن الخاتمة

[الصــرح]

السيف الأبتر مريح له فترة <<<< الله يعيده

وإلا كان تأدبوا هالحرامية

[ولد الدواسر]

لا حول ولا قوة الا بالله
السيف الابتر لو يحركونه شوي تشوف كل الحرامية يتوبون
وبالنسبة لافراد المرور الي يساعدون الحرامية هذي مصيبة ( اذا كان رب البيت للدف عازف فشيمة اهل البيت الرقص) ,,

[أبوحمد 505]

من القصص الطريفة
عمي أنسرق موترة في الرياض كامري موديل 2003
والموتر لو تشوفونة ماينبغى بقرش متفكك من تحت مساعدات على أذرعة على عكوس
الموتر دميرة لأن سواقتة حارة ويكنس المطبات كنس المهم وقف عند صيدلية والموتر شغال
جاء واحد وسرقة طبعا عمي أنجن بلغ الدوريات وأتصل على نسيبة وقالة نسيبة
ياخي اللي بياخذ موترك ببيعة تشليح ولا بيفحط فية قال عمي اللي سرقة ورع لأنهم شافوة راعين المحلات
قال بس بيفحط فية المهم الله أنطق عمي وقال وين يفحط فية الموتر منتهي
قال النسيب بس خلاص أنشاء الله بنلقاة في الصناعية طبعا فرفرو في الصناعية
إلا والله أن موترة واقف عند حق ميزان أذرعة وحول وكلم راعي المحل قال هذا واحد حطها العصر وجاب القطع وقال أمرك بعد صلاة العشاء
والموتر ماشاء الله مظبط والدية من تحت مساعدات وأذرعة وعكوس ومربطة بعد من تحت
ناوي علية تفحيط ويستلم عمي الموتر نظيف ماخسر إلا شغل الورشة

عاد سبحان الله عمي ضايق ونسيبة يقولة عسى أن تكرهو شيئ وهو خير لكم

[التعـ King ـديل]

كلامك صح ..

وفيه قضيه كتبت بالجريده سياره جيب مسروقه بااسم حرمه ماخذتها اقساط من شركه

واشتراها رجال من الامارات ويوم جا يصدرها للسعوديه اكتشفو انها لحرمه ومسروقه

من عام 2004 والرجال مشتريها عام 2008 يعني الدعوه فوضه كيف راحت السياره

للأمارات وكيف نقلت بااسم اماراتي وكيف وكيف اسئله كثيره

[عاشق الفرعه]

حسبي الله ونعم الوكيل

[راعي المجهم]

حسبنا الله ونعم الوكيييييييل

[الكايف2]

من امن العقوبه اساءالادب

[Abu Saad]

جزاك الله خير على التنبيه
لكن اللي اعترفوا انهم سرقوا اكثر من 400 سياره وش حكموا عليهم فيه؟

اي سيف ابير.
يبشرون بالعافية ....
اول من يدافع عنهم هيئة الرقابة والتحقيق.
وعموما يكفيهم العذر المشهور ( السيارة مهيب في حرز) !!
والله من الضيعة يالمحاكم .
حسبنا الله ونعم الوكيل.