يا اهل الخبره جيب نيسان م ٩٧

[just1]

السلام عليكم ورحمة الله وبركاته
عندي مشكلة في التقطيع ما ادري وش حلها عند ١٦٠ يقطع ما يقبل دعسه والضغط مايوصل ٥ .
عند ٣،٥ يبداء يقطع حتى وانا واقف
يساعدوني بمشورتكم رايكم
غيرت كلبليتر جديد, طرنبه بنزين, صفاي , سبرنقات بلوف مع الوزن مع الصنفره, بواجي اسلاك بواجي ,بليتين, بوبينه, جبت ديلكو وجربته من موتر ثاني, ومانفع, وشلون اصلحه ......
دلوني على ورشه تظبطه
لا هنتو وجزاكم الله خير...

[معدي المرقاب]

اخي تاكد من التوصيلات الكهربائية او تاكد من تانكي البنزين يمكن فيه تنسيم او الليات وعموما الباترول كله تقطيع في تقطيع

[عبدالعزيزسعيد]

=========== صارت الحركه معي واحسن شي تشوف لك نفس موترك وركب اللياتا للي بالكربريتر واللي بالرفرف بنفس طريقة الموتر اللي جبته وان شاء الله تنحل مشكلة موترك

[qweasd]

السلام عليكم ..

مشكلتك بسيطه إن شاء الله ..

مشكلة التقطيع وعدم قبول الدعسه عند ضغط معين غالبا ماتكون من وزن البليتين حيث أن البليتين يبيله واحد باخص يوزنه أنت دور واحد فاهم بوزن البليتين وليت لو حصل واحد سعودي ومتخصص بالباترول لأنه إذا صار موزون مايقطع ان شاء الله ..

ثانيا إذا وزنت البليتين وما ظبط معك شف فيه بالرفرف الأيسر اللي قدام الراكب تلقى فيه جهاز صغير مثبت بالرفرف وطالع منه ثلاث أسلاك صغار وسلك كبير هالجهاز يسمى منظم الكربون تأكد من أسلاكه لايصيرن مفصولات ولا متشققات ولو يحصل تجيب باترول مثل موترك مافيه تقطيع وتطبق هالأسلاك اللي عندك مثل ماهن مشبوكات بالباترول الثاني ..

الحل الأخير شف الليات الداخله والطالعه من الكربليتر لا يصير بهن شقوق..
إذا ظبط أو ماظبط معك أنصحك تغير الديلكو اللي عندك وتحط ديلكو إلكتروني حق باترول 98 وفوق ولاتنسى الكويل حق الديلكو الألكتروني لأنك تبي تحس بفرق بالتشغيل خصوصا الصبح ويروح التقطيع ومشاكله بإذن الله .. والله ييسر أمورك

[اميرالصمت]

اخوي هذي بسيطه يفك الديلكو ويطبق على رقم 1 واذا ماظبط جبه الي وانا ازبطه لك
انشاءلله