اللولو من اهم مايتم استخراجة من البحر ................. وين الغواصين

[حد السيف]

السلام عليكم ورحمة الله وبركاته
غواصة مكشات وبحارتة
حياكم الله ...... ما عطيتونا اخبار اللولو ورحلات استخراجة من اعماق الخليج والمصاعب التي تواجة اهل الغوص والبحارة وذكريات الغوص والبحر واماكن استخراجة والمناطق التي يتم حصر ما يوسم منها
عطونا الاخبار والعلوم ترى البحر واهلة كلهم خير
بانتظار من يثري هذة الخيمة من هذا النوع والذي كان يوما من الايام مصدرا للرزق واهم مصادر الدخل لاهل الخيج


محبكم اخيكم حد السيف

[استكوزا]

وعليكم السلام ورحمة الله وبركاته

هلا والله بحد السيف ويا مرحبا........والله موضوعك جدا شيق ومغري$$$$$......انا اعتقدت لفترة ان المحار الذي يحتوي اللؤلؤ قد انقرض واصبح اسطورة يتغنى بها البحارة القدامى .....اتمنى ان اجد ما يغير هذا الاعتقاد من خلال ردود الاخوة ....وشكــــــرا اخوي حد السيف على اثارة الموضوع......همتكم معانا يا شباب..

[غواص الاحلام]

خوى الغالى /حد السيف
السلام عليكم ورحمة الله وبركاته
الماضى راح بحلوه ومرة ونواخذة اللولو منهم اللى راح الى رحمة ربه ومنهم من يرجوها عسى الله يرحمنا جميع .
لاكن خلنى اقولك شئ ولا يهونون الاخوان عن مكان يمكن للواحد منا اللى ماعصر تللك الفترة الزمنية انه يعيشها الى حد ما تتقولون كيف؟
يوجد فى الرياض مركز لبيع المعدات البحرية اسمه غطاس البحر الاحمر فى شارع العليا العام من شمال بعد تقاطع شارع الامير عبد الله بحوالى 200 م المهم انه يسوى رحلات سياحية بحرية ومن ضمنها رحلات غوص لتعليم استخراج اللؤلؤ فى البحرين وياخذونك عن طريق مركب خشبى (بانوش) يوم كامل فى البحر فى عدة مواقع وعلمونك ايش نوع المحار اللى تستخرجه ويخلونك تغوص ومعكم المدرب ويعونك سلة تعبيها من المحار ويعطونك سكين خاصة بفتح المحار ويعلمونك كيف فتحه وانت وحظك ان لقيت لؤلؤة فهى لك.

وعن نفسى انا رحت معهم عدة مرات وتبى الحق انى ابسطت ولاكن اللى ماجاز لى (دورة المياه) عزكم الله اللى موجودة فى البانوش معلقة فى الخلف عند النوخذة ولا انصح احد يستخدمها والبانوش مبحر وانت وحظك ياوصلت معهم يارجعت سباحة وقد ابلغت النوخذة باحتجاجى وقال انهم بالعانى مخلين كل شئ فى البانوش كما هوا حتى يعيش السائح الجو اللى كانو اجدادهم يعيشونه فى ايام الغوص .
تبى الصدق بالفعل ان الواحد يعيش فى ذاك اليوم بكل ماتعنيه الكلمة ايام استخراج اللؤلؤ فى الماضى .
شئ ثانى واحد من اللى كانو معنا فى الرحلة لقى له لؤلؤة حليوة بس صغيرة اما عن نفسى ولا فخر لااحد يسألنى ان كان لقيت او لا. والسبب انه تبى تخنقنى العبرة

[ريف النشاما]

حياك الله أخي حد السيف

الضاهر إنك تبي تغرق أعضاء مكشات :mad:


هذا الله يسلمك يبيلك شغله عريضه طويله ........ بس يالله يمكن يطلع واحد مكشاتي بحري


أما انا أعذرني الله يسلمك ....... ليش

لأني مره سويت نفسي بحار وقلت أبدور محار على قولتكم وغصت وياغوصت الندم

مابغيتو تشوفوني بمكشات بس الله ستر

غصت ويوم وصلت القاعه إلا يابعد حيي وش تشوف ... شي يخرع...:eek:

ياوالله النشبه المشكله أني مافتحت عيوني إلا بعد مسافه إلا ذيك الدنيا المرنه

قلت ياولد مابهاش ...... الهجا ياولد .... والله وأرفع نفسي بقوه نحو السطح

أثر ماعندي سطح ولايحزنون ...

والله ,اسبح واسبح ويالله طلعت عقب ماتقلبت عويناتي :looney:


وهالحين مع السلامه

,استر ماوجهت لاشفتك ولاشفتني:j

[استكوزا]

يعني افهم من كلامكم يا شباب ان اللؤلؤ ما زال موجود !!!.......والله هذا شي طيب .....المعذرة ترى ماعندنا في البحر الاحمر غيراصداف كذابة "يعني بدون لؤلؤ" ....اذكر يوم كنا صغار اول ما نحصل محار نطير من الفرح .. نحسب لقينا كنز ...ما ندري ان اللي في يدنا بصر"بضم الباء والصاد" مو محار..مافيه ولانص ريال..
شكلي باروح رحلة مع غطاس البحر الاحمر اللي يقول عليه اخوي غواص الاحلام ....والمحــــار اللى اطلعه انثره في البحر الاحمر لعل وعسى يتزاوج ويتكاثر......."خيال خصب".!!!!!!!! .....


اخوي غواص الاحلام ...ما عندك فكرة عن الاسعار بالنسبة للرحلات التي ذكرتها وهل ضروري امر بالرياض
للذهاب الى هذه الرحلة؟؟

[غواص الاحلام]

خوى /استكوزا
السلام عليكم ورحمة الله وبركاته
الرحلة فقط عن طريق مركز غطاس البحر الاحمر فرع الرياض والسعر يختلف بحسب العدد والاوقات وعلى العموم انا اخذت كل المعلومات المطلوبة وسوف اضعها فى مقال مستقل حتى يتسنى للجميع الاستفادة وبخصوص انك تمر على الرياض فلا يوجد داعى وممكن تتجه باالطائرة مباشرة للبحرين والوعد الفندق بعد التنسيق مع المركز

[الغواص البري]

للتذكير هذا آخر موضوع في خيمة الغوص والرحلات البحرية بتاريخ 12/9/2004م

[باوزير]

شكله صار مليونير و ما عاد يشارك