المساعد الشخصي الرقمي

مشاهدة النسخة كاملة : لمبات 12 فولت وإلا 220 فولت ؟


ريان2002
14/10/2009, 08:22 AM
صبحكم الله بالخير جميعاً
بغيت أسألكم ياأخوان
أنا طاعاتي للبر خفيفة فهل أشتري محول كهرباء وأشبك عليه لمبات 220 فولت لجلسات الليل وإلا آخذ لمبات 12 فولت مثل شمعات ال 50 واط وأشبكها على البطارية أو الولاعة ؟
مع العلم إني أحتاج إضاءة لمبتين أو ثلاث وما أحتاج أشبك أجهزة ثانية ( يعني لمبات فقط لا تلفزيون ولا لابتوب ولا غيره)
وأتمنى اللي يشور علي بالمحول يذكر السبب وكذلك اللي يشور علي بلمبات ال12 فولت يذكر السبب
ملاحظة / السيارة مافيها بطارية إضافية
وأشكر مقدماً كل من يرد على إستفساري
ترهيم
14/10/2009, 08:59 AM
السلام عليكم

اخوي ريان .. انت الشخص الوحيد الي يقدر يقرر هالموضوع .. على حسب احتياجك انت .

بنسبه لي انا .. عندي محول للمبات وعندي لمبات على البطاريه .

على حسب الوضع والمده . يعني احياناُ المده قصيره او طلعت عشي مثلاُ ورجعه علي البطاريه ويحناُ يكون من اول الليل وودك باناره كويسه والدعوه فيها جمعه شوي اشبك الجهاز .

لو انا مكانك اشتريت الجهاز بتحتاجه في يوم واشتر اللمبه وخلها 24 ساعه بسياره مع العده ماتنزل . يعني ماهنا غناة عن الاثنين .
عميد سامودة
14/10/2009, 09:05 AM
صباح النور
خذلك جهاز محول 220 له عدة مميزات
مايسحب البطارية بسرعة واذا قرب يسحب البطارية يعطيك انذار ويطفي
اما اللمبات اللي على الولاعة والبطارية فهي تقضي على البطارية في شهر ومحتمل تغلق البطارية وانت في البر وتقعد بها
اتمنى اكون افدتك:good:
ريان2002
14/10/2009, 09:07 AM
أشكرك أخوي ترهيم على ردك السريع
وطلعاتي مو أكثر من 4 ساعات في الليل وبالعائلة
وبالنسبة للجمعات فبعض الأخوان سياراتهم مجهزة وتفي بالغرض
ولا تقول طيب ليش ماتسألهم لأن الفكرة توها جت على بالي وحبيت أعرف إقتراحات الإخوة الأعضاء أولاً
ريان2002
14/10/2009, 09:09 AM
أشكرك عميد سامودة وماقصرت
خشم العرمة
14/10/2009, 09:37 AM
انا بالنسبة لي عندي جهاز اشحنه في البيت واذا طلعت البر شبكت عليه اللمبات ممتاز مررة وفية كشاف وكهرب 12 فولت وفية 220 فولت وتقدر تسوي اشتراك للبطارية وتقدر تخلية محول
جهاز روعه بصراحه
تلقاة عند العليان
سيف الظفير
14/10/2009, 10:22 AM
محول كويو وثلاث لمبات بيض 60 واط ونعمة يا القرم
لاتكب البيالة
14/10/2009, 11:35 AM
السلام عليكم
انصحك بلمبات على البطارية على طول يكونن البيض ما تصرف كهرب وايضا اريح للعين
لكن انت قلت احتياج 4 ساعات فقط فانصحك بالانوار اللي تشحن عبارة عن ديودات تشحنه بالبيت وانا استخدم هالنوع حتى لو انت بعيد عن السيارة تشغله وتلقا ناس يبيعونه عند المساجد وافضل نوع اتوقع كاسباو ب 15 ريال
ابوطاقية
14/10/2009, 12:24 PM
انصح بالجهاز الي بموضوع اخونا انسان خاصه اذا معك عائله
http://mekshat.com/vb/showthread.php?t=234649