المساعد الشخصي الرقمي

مشاهدة النسخة كاملة : التوضيب جاب اللي الصمرقع


ابو السهوم
15/10/2009, 03:55 PM
مساكم الله بالخير يالشباب
أنا معي شروكي موديل 94 صار فيه مشكلة سبايك ووضبته عند واحد سباك ومازبط والآن صرقعت المكينه ثاني مره بس ودي بتغيير المكينه فياليت تدلوني على أجد عنده مكاين نظيفه أو إذا أحد يخبر لي مكينه يفيدني .
وأكون له شاكر ... مع التحيه
الوتر الحزين
15/10/2009, 03:58 PM
هلا اخوي

في تشليح الحاير ورشه ( المطيويع) متخصص شروكي

بس والله مادري بكم الاسعار وانا اخوك

الله يعيننا واياك
بدراان
15/10/2009, 04:57 PM
وأضيف علي كلام اخوي الوتر الحزين :

المركز السعودي بالصناعية القديمه عنده مكاين وقيور أمريكي
راعي المجهم
15/10/2009, 07:47 PM
أرجعله وخذ فلوسك هذا ميكانيكي ولا سباك زي ماقلت
ابو السهوم
16/10/2009, 07:04 PM
الله لايهينكم يالأمراء كلكم بالنسبه للمطيويع عارفه وهذا الأختيار الأخير لكن المركز السعودي إذا ماعليك كلافه ودي بوصفه يالأمير ...
ابو السهوم
16/10/2009, 07:07 PM
راعي المجمهم والله إنك صادق لكن الورشه حقة واحد من الزملاء وإستحيت منه والسباك أقصد الميكانيكي أخذ قروش الورشه وإنحــــــــــــــاش ,,,,؟؟؟؟
شاص2007
16/10/2009, 07:59 PM
الشروكي ما يوضب اذا خبط تغير مكينته لان مافيه ناس بالسعوديه تضبطه الا ما ندر وبالنسبه للمكينه انا سمعت انه فيه مكان بالرياض يبيعون فيه مكاين شروكي يابانيه ويمدحونه وانا والله ما ادري
سوبر VTC
17/10/2009, 03:40 AM
الصوت اللي عندك احتمال من جلد عمود التيمن
المفروض يغيرن 4 جلد تقريبا ب180ريال
طبعا تراهن ما ياثرن
هالحين موتر احد الربع له اكثر من سنة
حتى راعين الورش و التشاليح ناس ثقة و خبره
يقولون ما ياثر
افضل حل اذا بغيت تفحص المكينه
افصل البخاخات بالتسلسل
افصل و اشبك
لان الصوت احتمال انه من البستم فقط
اخبر احد الربع كان يطعس بالنفود يطلع صوت طقطقه
فصل البخاخ الرابع
و طلع الصوت
صار البستم من عند البنز متوسع
غير البستم ب100ريال و راح الصوت :good:
و الى يومك الموتر ما شاء الله
له الان سنة و شهر

ركب مكينه يابانيه
من التشاليح ماشيات على 90الف و طالع
شد المصنع وكاله :good:
راكبه مع شغل اليد من 2800 الى 3300
على حسب مشترى راعي التشليح
اهم شي خلهم يغيرون الطبات (الرقع) جديده حقات السلندر
فيه بعنيزة مركز الطريف يجيب شيروكيات مقصوصه
من عند النص
مكاين دفرنسات قيور اديترات مكيفات دينمو سلف
نظيفات جدا :good::good:
سكراب ياباني

عندك ورش بالرياض متخصصه بالشيروكي
ابو ايوب بالصناعيه القديمه
ابو فهد الهاشل خف اسواق الغنم بالدائري الجنوبي
ورشة كرامه الفعيم بمخرج 17 شرق الدائري الشرقي
ورشة المطيويع بالصناعيه القديمه
بريده عندك و رشة ابو تركي الفهيد
عنيزة عندك ورشة ابو علي الثويني مركز صحارى :good:
ورشة المروى ابو ابراهيم الرشيد :good:


موفق
سوبر VTC
17/10/2009, 03:52 AM
هذا رابط توضيب بالصور :good:


التوضيب (http://www.mekshat.com/vb/showthread.php?t=30226)


تبي موترك ما يحتمي ابد
اديتر رصتين فقط ياباني مستعمل ب350
او جديد ب700 كندي
لا تقرب الرصه ابد الصيني او الاردني

ودك تنسى شي اسمه حرارة بالشيروكي

اغسل السلندر + الاديتر
حقين الاديترات يحطون نص لتر اسيد
+ زيت فرامل
راح يطلع السلندر و الاديتر جديد تقل وكالة :good::good:
راح يطلع وسخ عجيب :no:
خصوصا الطين اللي بثلاجه المكيف الداخليه عند الراكب
اذا كان البلف تعبان غيره بواحد جديد
+ غطاء جديد

راح تدعيلي :)
شرط توقف بعز الحر ساعه
و الحرارة على النص اذا كان بلف بلد
اذا كان بلف كابرس تحت النص على الثلث
بدراان
17/10/2009, 05:24 AM
الدائري الشرقي " مخرج 17 " اتجه غرب


الاشاره الرابعه رح معها يسار جنوب استمر حتي يقفل الشارع " T "

هو ثاني محل علي اليسار



ومن هنا حسب الكروكي :



http://www.mekshat.com/pix/upload03/images129/mk19297_xx.jpg