+++++++ الرائـــــــــــــــد / ابراهيم ابو شرارة +++++++

[ساري المملكه]

من خلال متابعتي للقناة الاولى خلال السنتين
يطل علينا الرائد ليطلعنا على الحركة المرورية بالعاصمة

واكثر مايذهلني عدد الحوادث خلال دقائق معدوده او قل ساعه فما السبب
1_ هل الغشامة عندنا زايدهـ 2_ أوتخطيط الشوارع لك عليها 3_ أو حب الوصول لدوام بنفس الوقت المحدد
4_ أو الدوريات ماعندك احد

قفلة _ ياحظ الي عنده ورشة بالرياض عز الله رابحه هالتجارة ان صدق عدد التلفيات الي نسمعها والحوادث من ابو شرارة :)

[VIP-503]

هههههههههههههههه

و الله ارزااااق

تقبل مررووووري

[الستانس]

والله اللي اشوفه

سوووووء تخطيط الشوارع

والواقع يبرهن سوء التخطيط

في كل مكان تشوف الشوارع حوسه وبدون تنظيم والشوارع تجبرك تلف يمين يسار وتحجر اللي حولك حتى الشرع احيانا تلقاه متعفط من ضرب فرامل السيارات اشبه بالزوليه


الله يعين

[سوبر VTC]

الناس طيران على غير فايدة
اعصاب مشدودة
و السب و اللعان والم
اسرعت او ما اسرعت
الفرق دقائق

[ابو تركي المطيري]

الي اشوفه عدم احترام نظام المرور هو سبب الحوادث خذ مثلا

الاشاره حمراء قبل لا تولع خضراء قطعها بسبب انه يدري انها بتولع له خضراء بعد كم ثانيه والاشاره الي توها مولعه حمراء فيه سياره جايه مسرعه بتقطع بسبب انها توها مولعه حمراء

السواقين لا يحترمون بعضهم البعض بالشارع تعطي اشاره انك بتلف يمين السيارات الي بالحاره اليمين حتى لو كانو بعيد عنك تلقاهم يضايقونك عشان ماتلف بحارتهم

الدوارات عشوائيه لابعد الحدود كلن يبي يدخل الاول سواء كان الدوار له ولا مهو له

عدم وضع مسافه امان بين السيارات سيارات بطريق سريع يمشون اقل شي 100 وتجد المسافه بينهم اقل من مترين طيب لو السياره الاماميه مسكت بريك لاي سبب شنو تقدر تسوي يا صاحب السياره الي ملبقه بذراه النتيجه معروفه وتجد بالرياض 5 سيارات 6 سيارات متصادمين بحادث واحد بسبب القرب من بعضهم البعض بالطرق السريعه

الرياض من اوسع الشوارع بالخليج لكن المشكله من السائق دايم مستعجل بالاشاره بالدوار حتى الحواري الداخليه مسرعين

[ساري 111]

1_ هل الغشامة عندنا زايدهـ

هذا هو السبب

[AbdulAZiz M]

والله يخوي أولا مشكلة الرياض الزحمه الشديدة وخصوصا أوقات الدوامات
وثانيا من أسباب الحوادث الشوارع السيئة جداً جداً حيث يرغب الشخص في تفادي الوقوع في الحفرة أو المطب وتجده يصطدم في سيارة أخرى

ثالثاً وجود العماله التي ليس لها علاقه نهائيا في سياقة السيارة وإنما الأرزاق

التفصيل السيء لبعض المخارج والمداخل وعدم وجود لوحات إرشادية توضح ذلك

الدوارات البيضاوية والتي يتستطيع الشخص ان يتجاوزها بسرعه 100 كم بالراااااااااحه

الرؤس اليابسه مثل ما تفضلوا الأخوان تجد الشخص يريد أن يغير المسار فتجد السيارة الثانية تقف في وجهه لا تريده ان يغير مساره ولا هو اللي راح وترك الناس تمشي علقه جالس في نحورهم .......

قانون الدوار للأسف (الأفضلية للأقوى) فغصب تجي زحمه عند الدوارات تلقى سيارتك جديده ويجيك واحد معه قرمبع يبي يتوطاك ...

لكن الشكوى لله ونصيحتي يا انكم تبكرون للدوام أو تتأخرون عن الوقت المحدد

مع السلامه

[عاشق الفرعه]

لو الحريم يسوقون كان فتحتلي ورشه زهريه وشف الذهب اللي بيجيني

[اورنس الشرق]

السبب تجميع الدوائر الحكوميه والوزارات والجامعات فى وسط الرياض وشي

طيبيعي بصير زحمه وحودث لن الجميع متجه لمكان واحد

[abo-lma]

والله الغشامه عندنا في السواقه

لان الواحد وهو يسوق يحسب ان الخط له لحاله

تكبس له بالنور تلقاه يناظر في المرايه ويشر بيده يقولك وش تبي

بالله عليك هذي ماهيب قمة الغشامه

وحدث ولاحرج ( مراهقين يسوقون سواقه تجيب الهم ورجال كبار في السن سواقتهم تجيب الهم

وغيره وغيره وغيره

[سوبر مكشات]

الا مشاكل السعودية أعيت من يداويها

[البرحه]

الله يعظم اجرك .. من سنتين وانت تتابع القناة الأولى ؟؟

انا اول شي اسويه احذفها من التلفزيون

[ساري المملكه]

الله يعظم اجرك .. من سنتين وانت تتابع القناة الأولى ؟؟

انا اول شي اسويه احذفها من التلفزيون
يمكن فيني وطنية زايدهـ :)
مالنا عن غصب 1 :)

[ساري المملكه]

ابو لما + عبدالعزيز + ابو تركي

كلامكم عين العقل بس وين الي يطبق

لاهنتم على المشاركة بالموضوع

عوافي للجميع

[عبدالاله 123]

لا ياحبيبي شف السعوديين لم يسوقون في البحرين اتحداك تشوفه قاطع اشاره والا داخل دوار بدون اولويه
ليه لان المخالفات على الجبهه ولافيها واسطه واعرف فلان والافلان

[شاص نجد]

والله احنا عندنا كثير عيوب وهي المسببه الغثا لنا ولاموالنا ولصحتنا : وعندنا عيب كبير ويصعب حله وهو : الوعي . (نحن قوم ما عندنا وعي) كلا يشوف نفسه فوق القانون . ولا نحترم لا نظام ولا قانون وكلا ما يشوف الا مصلحته . وانا متأكد ان عندنا وعي ولكن نتجاهله .( ومن امن العقوبه اساء الأدب) . لو يصقعونه بمخالفه ويحجز الموتر 10 ايام كان عرف النظام مضبوط .

والله هالايام لما اوقف عند الاشارة : اوقف بالحالي فقط . واجلس اتفرج : الشباب يقطع الاشارة . والشايب يقطعها . حتى ابو فسيه يقطعها .

[المميـز]

الأسباب كثيرة

ومن أهمها لا صار مديرك الصبح يعصب عليك علشان التأخير :p:)

[Abu Saad]

النفوس شينة .
شعار اي واحد يسوق الرياض هو :
منتب اطيب مني!