رفع السفاري بالكعكات

[راعي العشــه]

السلام عليكم ورحمة الله وبركاته
يسعد مساء الجميع
ارجو من لديه الخبره في هذا المجال مايبخل علينا
جيب سفاري 94م
ودي اركبله كعكات علشان ارفع الموتر
وبرضو ابي اركب كفرات عريضه
جنوط الموتر مروحه وكالته وابي اركبله كفرات مقاس 16
وعندي بعض الاسئله:

*اي افضل الكعكات الربل او الالمنيوم للسفاري
*كم ( سم ) يناسب الموتر هل 4سم او اقل
*لو ركبت الكعكات اركب جميع الجهات مقاس واحد او الامامي يختلف عن الخلفي؟

*وش احسن نوع للكفرات العريضه ويناسب مع رفع الموتر وتكون ممتازه خط وبر..

ولكم فائق احترامي وتقديري

[nejjer]

صباح الخير
انا والله جربت الكعكات ألمنيوم جيدات بالحيل وتركب بين الشاصي والكعكه ربل وبين الكعكه والياي ربل هذي افضل طريقة عشان مايطلع صوت احتكاك وبالنسبه لجميع الجهات انا كنت مركب للجهه الخلفيه للموتر حوالي 4 سم والموتر باترول 99 ربع حلوه مره خاصة لتحميل
ارجو اني اكون افدتك عن تجربتي

[راعي العشــه]

الله يعطيك العافيه nejjer
على مرورك وعلى الفائده

[ahmad995]

الكعكات تسبب حره
لان مستوى العمود يرتفع عن الكرونه وتذبحك بالسرعات من 120 وطالع

[تاج1426]

السلام عليكم
ياخوي مشكلة الكعكات جربتها
وفكيتها والسبب انها فعلا ترفع السيارة
لكن اذا كانت وافقه عند البيت
وطبعا فاضيه من الحموله
ويوم جربت الياي الاسترالي لقيت الفرق
شاسع يوزن السياره حتى اني مركب تانكي ماء
80 لتر داخل السياره ولا تغير شي بارتفاعه
وكذلك مشكلة الكعكات انها تضغط على الياي
ولا تستفيد من تركيبها الا عند الفحص الدوري
فك وركب ، فك وركب ، فك وركب
وبعدين فيها مشكلة لها صوت بالياي اذا كانت السياره فاضيه
واتمنى لك التوفيق

[ابرق نثيل]

مثل افادة تاج1426 ومنطقياً اغلب الكشاته يركبون ياي استرالي لك وللزمن وشي مدروس ومرتب

[تاج1426]

تعقيب على موضوعي السابق .........
بالنسبه للكفرات العريضه انا مركب كفرات فايرستون ( كتبه مجوفه ) على ال gxr ولا لقيت منها اي خلاف حتى اني استعملتها 3 سنوات وفكيتها لدواعي السفر وركبت نفس النوع ولو تشوف اللي فكيت تقول مالها الا سنه او أقل بالنسبه للنقشه ما تغيرت ابد لكن البنشري قال انها مستهلكه لانها يابسه .
وكل من استشارني قلت له ركبها وما تندم لانها حتى لو نقص الهواء ما تزعجك باللفات مثل غيرها .
وشلتنا ستة سيارات كلهم مركبينها جيوب ويوكون

[راعي العشــه]

الكعكات تسبب حره
لان مستوى العمود يرتفع عن الكرونه وتذبحك بالسرعات من 120 وطالع
الله يعطيك العافيه على المعلومه وعلى مرورك

[راعي العشــه]

السلام عليكم
ياخوي مشكلة الكعكات جربتها
وفكيتها والسبب انها فعلا ترفع السيارة
لكن اذا كانت وافقه عند البيت
وطبعا فاضيه من الحموله
ويوم جربت الياي الاسترالي لقيت الفرق
شاسع يوزن السياره حتى اني مركب تانكي ماء
80 لتر داخل السياره ولا تغير شي بارتفاعه
وكذلك مشكلة الكعكات انها تضغط على الياي
ولا تستفيد من تركيبها الا عند الفحص الدوري
فك وركب ، فك وركب ، فك وركب
وبعدين فيها مشكلة لها صوت بالياي اذا كانت السياره فاضيه
واتمنى لك التوفيق

جزاك الله خير اخوي
والظاهر اني بهون عن الكعكات

وبالنسبه للكفرات انا مفكر بكفرات فايرستون
بس ابي اعرف وش المقصد بالمجوفه اللي تقول هل تقصل اللي كتابتها مايله شوي
وش افضل مقاس للباترول جنط 16
وشاكر ومقدر لك مرورك وتنبيهك

[راعي العشــه]

مثل افادة تاج1426 ومنطقياً اغلب الكشاته يركبون ياي استرالي لك وللزمن وشي مدروس ومرتب
الله يعطيك العافيه على المرور