دعوة لتصحيح تخلف بعض الشباب .... ( تغـــبــيرة السيارة !! )

[شاهد عيان]

أحبتي الأعضاء

السلام عليكم ورحمة الله وبركاته

مازلت ألاحظ فئة من الشباب يقوموا بتــغبــيرة سياراتهم وهي وضع طبقة من الشمع ثم وضع طبقة أخرى من الغبار حتى تصبح السيارة حسب رأيهم كأنها جديدة !!! المعروفة بإسم ( غبار الميناء ) ...

أو يقوموا بـتلـصيق كميات من البلاستيك الأبيض ( على بالهم من الوكاله ) وتصبح السيارة كأنها كتاب مدرسي ...

ولعل التساؤلات في هذا الموضوع كثيرة :

- متى يرتقي هؤلاء الشباب بأفكارهم هذه ؟؟؟
- هل يعتقد بأن سيارته أصبحت جديدة ؟؟
- أيعقل وضع هذه الأوساخ على السيارة ومن ثم التباهي بها !!
- ماهي طرق معالجة هذه الظاهرة والتي تدل على تخلف صاحب السيارة ... ؟؟

[أبو يوسف]

ليت الأمر يبقى عند هذا الحد
وصل ببعض الشباب تفصيل خطوط جديدة للهايلوكسات وربوع التايوتا وعرضها عند الاشارات للتباهي بها
المشكلة التغبيرة هذي او التشميعة لها ضرر على البوية
فبعد مدة تصبح البوية خشنة

اللهم اهد شباب المسلمين

مشكور اخوي على طرح مثل هذا الموضوع
مع التحية ....:)

[عبد العزيز العجاجي]

الأصل كُتب بواسطة أبو هديـل
ليت الأمر يبقى عند هذا الحد
وصل ببعض الشباب تفصيل خطوط جديدة للهايلوكسات وربوع التايوتا وعرضها عند الاشارات للتباهي بها
المشكلة التغبيرة هذي او التشميعة لها ضرر على البوية
فبعد مدة تصبح البوية خشنة

اللهم اهد شباب المسلمين

مشكور اخوي على طرح مثل هذا الموضوع
مع التحية ....:)

[القناص]

اي والله صدقت يا شاهد عيان

كلش ولا بو قراطيس تسمع له خرفشه اذا مر

ليتهم يبدعون في الترهيم بدل شغل القص واللزق والمواتر المشوهه بالتغبير والتلزيق!

سلام

[تبريزة]

اول شي اشكركم على الالتفات للشباااب ومحاولة حل بعض الاساليب التي ينتهجونها

ثانيا اخواني حبيت ابين انكم انتم تبونهم متكتفين ولا يسوون شي ،، من البيت للمسجد
اذا كان هذا الشي مايؤذي المسلمين ولا فيه اي ضرر على حياة صاحب السيارة
لماذا هذا التهجم

بعدين يااخواني انتم مادفعتو شي من جيوبكم ،، فيه احد وقفكم وقالكم عطوني فلوس ابروح اجلد ولا اشمع ،،، يعني مالقيتو الا الموضوع هذا تفتحونه
فيه مواضيع اهم بكثييير ،، ليش ماقلتو ليش الشباب يركبون دبات (شكامين) مزعجه ويزعجون به خلق الله
ليش مافتحتو سالفة التفحيط والرفع
ولا ليش وليش وليش

يااخواني فيه مواضيع اهم من كذا ،، وبعدين الخساره على مخبات الشاب نفسه ولا مخبات ابوه ،، اذا صار ابوه مانصحه ولا يعطيه فلوس بدون مايسأل عاد هذي مسؤوليته ومسؤولية ولده

وعلى فكره كل اللي تكلمتو عنه من تجاليد وتشميع تجي من الوكاله في بعض السيارات يعني مو شي من المخ مخترع

واسف على الاطاله والمداخله المتأخره

ودمتم
اخوكم
تبريزة

[SilverSniper]

ويا ليت الوضع يتوقف على التلازيق وبس
- النور السخيف المسمى زينون
- اللعب في الظفيرة من دون معرفة
- اللعب في الكنداسة عشان يطلع صوت
- تغيير لمبات الطبلون والأركان
- التظليل- وما أدراك ما التظليل
- الجنوط
كل هذي الأشياء تلف للمال - تلف للسيارة - تلف للجهد - بدون فائدة

[جميل جمال]

ما اشوف فيها اي شي ..

بعدين وش اللي محمي تسبودكم ومحرق رزكم ..

دامهم ما ازعجوا المسلمين بكيفهم سياراتهم ويسوون فيها اللي يبون ..

بعدين اجزم ان اكثر الناس مر بها التقليعات وهو في شبابه .. موب شرط بنفس التقليعات ولكن بتقليعات كان على وقته ..

وعلى قولة اخوي تبريزة وشفيكم ما فتحتوا الا هالموضوع وخليتوا موضوع التفحيط والرفع ..