يا أهل الشروكي سؤال عن سعر موتر .. مواصفاته بالداخل ..

[isuzu.2007]

باب واحد قير عادي سعودي
سياحي زي حق شركة الكهرب بس الجنوط كروم زي حقت الوكالة الفل كامل ..
لون أبيض
ماشي 260000
جاته طقة خفيفة في الرفرف الأمامي الأيمن
الداخلي نظيف
المحركات سليمة و نظيفة مكينة و قير و دفرنس و دبل
الموتر بشكل عام الصراحه انه نظيف


كم حقه .. يعني كم يسوا الأيام هذي .. أقصد الأيام هذي .. و كم يسوى إذا اشتد الشتاء ..


و هل تنصحون فيه .. و كم سلندر يجي النوع ذا .. و كيف الحراره عسى ما ترتفع .. الرجال يقول والله ما ترتفع معي ابد حتى في السفر بس مدري عنها بعدين ..


و هذا رقم الجوال .. اللي يبي يشور علي الله لا يهينكم .. لان دخولي قليل .. 0555419515


و مشكورين و ما قصرتوا مقدماً ..

[isuzu.2007]

شكل الموتر زي اللي في الصورة بالضبط .. بس يفرق الجنوط .. جنوط الموتر اللي عندي زي حقت الفل كامل و الفرق الثاني الرفارف و الصدامات و الشبك لونها أبيض .. كيف مدري كذا انعرض على الموتر و شفته امس .. يمكن هو مغيرها و الرجال ثقة و يقول الموتر ما انرش بس الطقة الخفيفة اللي في الرفرف ..

الصور ماخوذه من موضوع للاخ رسام و يعذرني لعدم توفر الصور ..

http://www2.0zz0.com/2009/09/28/20/572702201.jpg (http://www.0zz0.com/)
http://www2.0zz0.com/2009/09/28/20/100930915.jpg (http://www.0zz0.com/)
http://www2.0zz0.com/2009/09/28/20/514409791.jpg (http://www.0zz0.com/)
http://www2.0zz0.com/2009/09/28/20/974438885.jpg (http://www.0zz0.com/)

[ahmad995]

كم موديله...

[isuzu.2007]

عفواً نسيت الموديل .. موديله 2000

[isuzu.2007]

ما فيكم أحد شريطي .. أو يعرف في الشروكي :d ..

الله يجيب اللي بيعطيني العلم ..

[بدران9]

السعر مالي به بخص لاكن بعطيك جمل اقصد نصيحة والنصيحة كما قالو بجمل
الشروكي يعاني من فرط الحركة والنشاط.
الصغار ايضاً يعانون من فرط الحركة والنشاط.
اذا ركب الصغير الشروكي ينبطق عليه قول الشاعر( الطيور على اشكالها تقعو وفي رواية تقعي)
ملاحظة: :rolleyes:
ليس كل صغير عنده شروكي.
ليس كل شروكي مع صغير . وركز على هذي بارك الله فيك.
اذا انت ناوي ناوي ناوي والنية مطية على ماقالو مع ان هالمثل ماله دخل لكن عليك بثلاثة اشياء.
1- الاستخارة
2- الفحص الطبي مهم جداً خاصة قبل الزواج :good:
3- اعرضه على ورشة ((شروكيات)) مهوب اي ورشة شف اذا المكينة قد فكت ولا قد ركب عليه هدرز فالهجاج الهجاج ولاتثق في راعية الا اذا كنت تعرفه لانه اذا خرب مايصلح واذا صلح مايخرب واذا خرب مايصلح وذا صلح مايصلح :D
فمان الله .

[isuzu.2007]

لا زلنا ننتظر المزيد من المشورات الطيبة ..

[Mekshaati@]

البروفيسور بدران اخصائي طحال ورفارف بيجو ماقصر

[راعي المعازل]

انا اقول يتراوح بين الـ 16 و 18

والله اعلم

[سوبر VTC]

ان بغيت ورش تفحص لك الموتر
بالرياض او عنيزة او بريده
مع اعطاء السعر الحقيقي

علمن :)

على فكره
الشيروكي ماله سعر محدد
بمعنى بيع جيب ابيض كلاسيك تماتيك م2001
محركات و بدي نظيفه بدي سليم بيع (خطبه) ب32000الف
و بيع نفس الموديل و المواصفات ب26الف بالمعارض
كل الموترين ممتازة و نظفيه

يعني على حسب بيع راعي الموتر
بعضهم يطمع بك اذا كنت خاطب الموتر
و العكس صحيح
و بعضهم قنوع جدا لو تسوم ب22 حده عليك ب23الف
على حسب قبيلك :)

لكن اتوقع الموتر بحكم اننا داخلين الشتاء
يوصل 22
ترى ماله سعر محدد
انت و شطارتك و اسلوبك :good::good:
يعني قل له ان الموتر يبي له شغل :D
ينفظ تحتيه كراسي ربل ربطات ركب
كفرات :p
صوف صليبات
داخليه يبي غسل
عشان ينزل بالسعر

ترى لو كان قير عايدي يمكن يجيب اكثر لانه مرغوب

موفق

[isuzu.2007]

الله لا يهينك يا سوبر Vtc .. أبي أتواصل معك .. نزل رقمك أو دق علي .. رقمي بأول الموضوع فووق ..

و لا زلنا ننتظر .. المشورات الطيبه يا اخواان ..

[مدمن فتك]

الشروكي وعن تجربتي معه
موتر مثل مريض السكر تهتم فيه يعطيك ماتهتم فيه يبلشك الله يشافي مرضانا ومرضى المسلمين
افحص ببريده او بعنيزه والله يوفقك

[4800VTC]

ماشاء الله!! تبارك الله
النوعية هذي هي المفظلة لي في الشروكي
باب واحد+قير عادي=سيارة روعة
,.بسسسسسسسسسسسسسسسسسسسسسس,.
الاستخارة قبل كل شي
والله ولي التوفيق,

[الحرب20091ي]

انا حصلت واحد في معارض النسيم موديل 2000 المحركات مافحصتها لكن اشتغاله سليم حق شركه بس مدري يالكهرب يا الهاتف يقول مسيوم 27500 وباب واحد وقير وقزاز هندل ومكيف.

[ahmad995]

اتصور يسوى له من 18 الى 22

[isuzu.2007]

جزاكم الله خير يا الربع .. و لا زلنا ننتظر المزيد من الآاراء ..

[isuzu.2007]

جزاكم الله خير يا الربع .. و لا زلنا ننتظر المزيد من الآاراء ..

[isuzu.2007]

جزاكم الله خير يا الربع .. و لا زلنا ننتظر المزيد من الآاراء ..

[بواسامه]

طبعا سعره غالي
صحيح انه ركزه
بس بجد الشيروكي متعب شوي ويبيله صيانه على طول من واقع تجربه مريره الله لا يعيد الشر
ضروري تتعرف على راعي سطحه وياليت ترتب تكشت انت وياه اضمن لك

وان بغيت الراي فابعد عن الشر وغني له

[isuzu.2007]

جزاكم الله خير .. نننظر المزيد من الاراء

[isuzu.2007]

جزاكم الله خير .. نننظر المزيد من الاراء

[Mekshaati@]

احفظ قريشاتك وخذ لك ياباني لو هو سيكل

[isuzu.2007]

جزاك الله خير يا أبو موسى .. بس أنا مابي كلام عام كذ .. أنت مجرب ؟؟!!

اللي جرّب الشروكي يعطيني العلم .. كلام الناس و نظرتها ما تهم .. أنا ابي اخذ العلم من واحد مجرب ,,

[isuzu.2007]

جزاكم الله خير يا الربع .. و لا زلنا ننتظر المزيد من الآاراء ..

[التسوله]

السلام عليكم ورحمة الله وبركاته
اخوي ايسوزو
الله يعطيك خيره ويكفيك شره اذا كنت ناوي ناوي الشروكي
بس سؤالي وين بتروح فيه كل مكان والا تطعيس ومراقى؟؟؟
اذا كان كل مكان
سو للموتر صيانة كاملة وتراها ما تبي شي (بواجي (65ريال) +اسلاك بواجي (110) + صفاي بنزين (330ريال) نظف فلتر الهواء والا طق جديد/ استخدم زيت سوبر جي تي فوكس / سيخ الاديتور مع تغير بلف الحرارة ببلف كابرس موديل 89 ماء اخضر اصلي GM وماء مقطر وشبك المروح بفاصل مع تشيك على الركب والمساعدات والجلد
وان حصل لك تربيط ما فيه مانع (اغلب اللي يقرون يقولون وش يبي ذا )
انا ابي اوصل معك لسيارة تدق سلف تروح المريخ
توني بايع شروكي باب واحد موديل 97 وعلى واحد اعرفه وبسرع يعتبر حلو لي وله الموتر مجهز بدعامه وسله شبك القصيم وتاني 90 لتر ماء وكفرات تويو وجنوط نجمة حقت الوكالة بعته بعد 6 سنوات استخدام رحت به للجن الازرق والحمدلله ما قال اح
بس ترا انا الصيانة عندي دوريه كل سنة لكل سيارة ما ابخل عليها عشان ما تبخل علي بالعطاء
اما ان كانك تبينه مطاعس ومراقى ومستغني عن مخباتك اشتره وكده ولا تبيعه خله وقف لا قضيت منه ما راح يعيش معك ولا 4 اشهر الا وانت دافع اللي وراك واللي دونك
الناس اللي تذم ما عمره سوي صيانة لسيارته حتى لو هي تويوتا والا نيسان ولو سوا لها صيانة ودخلت الورشة متأكد ان الفاتورة بطلع ترليون تشوف الموتر من برا تقول وكالة ولا ركبته ومسكت خط انواع الاصوات وانواع القطن بأذنك من اللجه والرجه ترا الناس عنده مشى حالك / مايخالف / بكيفه / كثيره يستخدمونا ويقولون والله الموتر ذا يصبر وهو والله ما اضمن اروح به ولو مخرج 9
ميزات الشروكي المهمة
صرفية البنزين انسى موضوعها يتمضمض ويرجع الباقي
قوي بالجلد يتحمل بطانيج الدنيا ومريح ما تحسبها ولا يتفكك
نسم كفرات ودور اطول عرق بالدهناء وارقه بدون ترهيم
اوسع جيب ربع ياخذ عفش اكثر من غيره
الدبل الثقيل فيه لوك اتماتيك يعني انسى انه يتعلق برمل ونادر ما يتعلق بالطين
عيوب الشروكي
قيره (ضغيف بالنمره الخامسة فقط)
وجهه ( لا صار الهوى مناطح ومحمل اطلب الله ) خذها تمشية
كلتشه ( اذا رجلك ثقيلة ما يتحمل 2 سنة)
ما عدا كذا صل صلاة الاستخارة وشف وش اللي الله كاتبه لك
عذرا على الاطالة

[isuzu.2007]

التسوله .. بيض الله وجهك عز الله انك كفيت و وفيت و فالك الرنج روفر.. :)
طيب كم سعره عشان اشوف انا مغبون فيه و الا سعره مناسب .. يعني كم تتوقع يسوى الموتر اللي كتبت لك مواصفاته ..

و لا هنت رقمي باول الموضوع .. انتظر رساله منك .. بسألك عن بعض الامور .. او دق و سكر ..(^_^)..

[تمساح نجد]

هلابك خوى اسوزو اذا نظيف محركاته مكينته نظيفه حتى لو مغير المكينه مو مشكله اهم شى تاكد انها نظيفه وتاكد من دفرنساته التهريب مو مشكله تتصلح صوف تاكد من الاصوات والونات لدفرنس اذا سليمه وكلشى تمام حده مره 17 18 الف على ممشاه فوق 20 الف لاتاخذه ماشى واجد

[isuzu.2007]

تمساح نجد لا هنت .. ننتظر المزيد من الاراء ..

[شيخ العزوبية]

هلابك اخوي انا معي واحد مديل 99 تماتيك باب واحد وسعودي .. والحمد لله ماشي زي الحلاوه ياربي لك الحمد ولا اشتكى من شي ركبت له مروحة اضافية تشتغل على الحساس والحمد لله ما اشكلت علي الحراره ..

الشي الوحيد اللي عانيت منه هو تهريب الزيت ..!! بس والسبب اني ماوديته عند ميكانيكي ممتاز او ميكانيكي مختص ..

ومثل ماقالو الاخوان شيك عليه واذا هو نظيف توكل على الله ..

اما سعره لا يتعدى 18 اكثر من كذا اتوقع كثير عليه ..
وفيه ميكانيكي ممتاز في الرياض الصناعية القديمة ومتخصص بالشيروكي لو كنت بالرياض رح خله يفحصه لك وهذا رقمه 0561077952 اسمة( جي ) ولو محتاج اي شي ثاني تعالى خاص وابشر ..

اتمنى ان اكون افدتك ..

[isuzu.2007]

ما قصرت يا شيخ العزوبيه .. بيض الله وجهك ..

[isuzu.2007]

جزاكم الله خير يا الربع .. و لا زلنا ننتظر المزيد من الآاراء ..

[لكزس_جيب]

صبحك بالخير ..
والله وأنا أخوك عمري ما جربت الشيروكي ..
واللي عمره ماجرب والله مايدري .. لأن كلام الناس واجد ..

خذ لك لفة بالمعارض .. وشف الاسعار .. بتساعدك كثير .. في المعرفة ..
وقبل أي شيء عليك بالاستخارة .. ودعاء الله أنه يوفقك للموتر الزين ..

الله يكتب لك الخير ..