<<<ارضية الموتر احرقتني>>>هــــل مـــــــن حــــّـــــل????

[ابوراس الدحمي]

اسعد الله اوقاتكم بكل خير اخواني المكشاتية ...... اما بعد...........
عندي ارضية الموتر وعند الدعّاسات الارجل -أكرمكم الله (البنزين والفرامل والكلتش)
تطلع منها حرارة ما تنطاق ابد........
يمكن عشان ماصورة العادم تمر من تحت هل من طريقة لعزل الحرارة ذي؟؟؟؟
تحياتي ::::::::::::::

[راعي العشــه]

فيه عوازل تحصلها عند اهل التنجيد

[ابوراس الدحمي]

مشكور ياراعي العشه وتسلم على مرورك ...........
ما هو افضل اني اعزلها من برّا....... يعني هل ينفع اركب عازل أو صاجة حديد مثلا بين بدي السيارة وبين ماصورة العادم ؟؟؟
اللي فهمت منك اني اركب عازل من تحت الفرشة ..........
تحياتي ::::::::::::

[باوزير]

ينفع لانه اللاندكروزر فيه صاجة بين الشكمان و البدي

[taag1]

حياك الله ابوراس الحراره لها حل وهو ياطويل العمر في القصيم واتوقع في عنيزه محل ينجد لك الأرضيات ويحطلك لباد حق الموكيت او عازل قماش صوف مثل شدالبلد وقيمته بحدود 250-300 ريال اتوقع وهذا باذن الله بيعزل الصوت والحراره ويبرد امكيف بسرعه في القيض الحمر وألأخوان في القصيم بيفيدونك ان شاء الله اكثر ولكم تقديري .,.,.,

[بن سليمان]

حصلت لك هذا الرد في موقع مكشات


السلام عليكم ورحمة الله وبركاته

اخواني المكشاتيين
ما دريت الا وواحد من الاخوان يتصل علي ويناديني يقول شفني في الورشة الفلانية
وش عندك ؟
تعال وشف !
يوم جيت واليا الرجال فاك دبة الكنداسة القدامية اثر فيها فلتر دقيق جداً ومهمته يقولون الحفاظ على البيئة
المهم الرجال يقول انا قاري عنه في مكشات - صراحة انا دورت الموضوع في مكشات ما لقيته - قام الرجال وقص الدبة من جلبها بالحام الاكسجين ولحم بدال الدبة ماصورة وركبها
والله الرجال يقول خفت الحرار من تحت الرجلين وحرارة الموتر بعد وكذلك احس ان عزم الموتر بدا يزين

انا سويت سواته لاكن بدال ما اقص الدبة واحط بدالها ماصورة جبت مفراص ومطرقة وطقيت هالفلتر اللي بوسط الدبة اثره مصنوع من مادة مثل الجير مقاوم للحرارة الى ان تكسر وراح قطع وكل ما كسرت كبيته وطلع معه قطن الى ان نظفت الدبة تماماً وركبتها بدون قص ولا لزق

لكن للاسف ما ذكرت الصور الا عقب ما ركبنا كل شي

ملحوظة : الفلتر هذا دقيق تشوفه تقول شبك صغير كل فتحة لا تتعدى واحد ملم مربع مثل فلتر بزبوز الماء
وهو معرض للانسداد كله علشان هالبيئة اللي صجونا فيها كن ما مخرب البيئة الاحنا وهم ومفاعلاتهم النووية ما يضرون البيئة ابداً

[ذيب صعافيق]

انا اقترح عليك تشوف السيارات الي مثل سيارك حتي تعرف مصدر العلة لان فيه بعض السيارات فيها صاجه بين البدي والشكمان او قديكون العازل الي تحت الرشه مشيول

[تاج1426]

اخوي ابو راس الله يسلم راسك
أنا مرت علي هذي المشكلة بسيارة باثفايندر 95
وكان عندي مشكلة مع صوت المروحة اذا شلت البلف
لازم أمشي 120 علشان يفصل اتوماتيك المروحة ويخف صوتها
وقالوا لي ركب له طرمبة التيما ولا يخفاك هو 4 سلندر
عاد انا ركبت الاتوماتيك ومن اول تشغيله للسيارة يروح صوت المروحة
الحقيقه ارتحت كثير لاكن لازم احط بطانيات تحت الرجلين من حراره
موجوده عند الرجلين ورحت لورشه وقال لي الميكانيكي يمكن تحترق المكينة
الحق ورجع طرمبته ورجعتها وصار مافيه حراره عند الرجلين ابد
يمكن طولت عليك بالسالفه لكن تاكد من مروحة سيارتك مع انك
ما ذكرت نوع السياره

[ابوراس الدحمي]

ينفع لانه اللاندكروزر فيه صاجة بين الشكمان و البدي

تسلم يا باوزير شكلها من عندي مشيولة ما هيب موجودة لازم اشوف لها
والله يبارك فيك بالحبيب صراحة افتدني
تحياتي :::::::::

[ابوراس الدحمي]

حياك الله ابوراس الحراره لها حل وهو ياطويل العمر في القصيم واتوقع في عنيزه محل ينجد لك الأرضيات ويحطلك لباد حق الموكيت او عازل قماش صوف مثل شدالبلد وقيمته بحدود 250-300 ريال اتوقع وهذا باذن الله بيعزل الصوت والحراره ويبرد امكيف بسرعه في القيض الحمر وألأخوان في القصيم بيفيدونك ان شاء الله اكثر ولكم تقديري .,.,.,


الله يحيّك ويحيي هالطلّة البهية اخوي taag1 وأشكرك على مرورك .....
الله العالم.... ان الحل اللي قلت لي عليه بيحل مشاكل واجد غير الحرارة مثل ما تفضّلت به والله يزيدك من فضله آآآآآآآآآآآآآمين
اكرر شكري وعرفاني لك ........
تحياتي ::::::

[ابوراس الدحمي]

بن سليمان لك خالص شكري وتقديري على انك جبت الرد اللي يثلج الصدر
جاري التحقق من الكنداسة الصغيرة ذي والله يشكر سعيك
تقبل تحياتي الخالصة ........