المساعد الشخصي الرقمي

مشاهدة النسخة كاملة : استفسار عن الورش الخاصة بالسلة المخفية


AbdulAZiz M
18/10/2009, 12:00 PM
السلام عليكم ورحمة الله وبركاته

مساء الخير للجميع








بصراحه بحثت عن أكثر من محل يركب شبك فوق التندة مخفي فحصلت أكثر الناس يمدحون ورشة الضويان وورشة الوادي واعتقد فيه ورشة ثالثة يجهلني اسمها وجميعها في القصيم

فقلت استشير المكشاتيه عن أفضلهم من ناحية الجودة والبوية المستخدمة وبالأهم رخص السعر

وعندي بعد طلب بحكم اني ما قد مريت على القصيم يا ليت وصفها ولا احداثية أحد الورشات السابقة المعلومة اللي عندي إنها جميعا في الرس

وشغله ثالثة عارف اني كثرت عليكم بس تحملوني :) المظلة اللي تركب مع الجنب مثل حقت العضو الغالي (سرهيد) -مظلة الطرقية- هل فيه منها جاهزة ولا لازم تفصيل ...

أتمنى ما ثقلت عليكم ويا ليت نستفيد من خبرتكم

أخوكم عبدالعزيز
AbdulAZiz M
18/10/2009, 10:05 PM
للرفع الله يرفع قدركم

وشكرا على من أرسلي على الخاص وبيني وبينك اتصال إن شاء الله في الإيام الجايه

عبدالعزيز
AbdulAZiz M
19/10/2009, 12:58 AM
معقولة ما فيه أحد مركب السلة من حدى الورشات اللي فوق ....
راعي الطلعات
19/10/2009, 01:04 AM
افظل ورشة لتفصيل السله فوق التنده وتكون مخفيه ومثبته صح ورشة المميز بالرياض وكذلك ورشة المواهب

المميز بالصناعية الجديده

المواهب اخبر انها في الصناعية القديمه

وبالنسبة لمظلة الطرقيه الي صممها اخونا سرهيد قليل تجدها بمحلات بيع لواز البر لأن الاكثيره يفظل انه يفصلها على تصميمه هو وعلى حسب حجم السله

اتمنا اني افدتك لو بالقليل

بالتوفيق
قناص*07
19/10/2009, 02:18 AM
ياخوي انا ماني من اهل القصيم لاكن في ورشه امام سوق التمر الجديد (الظاهر حراج الغنم سابقا) خل السوق بيمينك والورش بيسارك. اسألهم بيلونك من اللي يفصلها انا شاري منهم اكثر من عشر شبوك لاكن نسيت اسم الورشه واسم العمل.
بالنسبه للشبك الخلفي او اسله الخلفيه عنك ورشه البيطار ووصفها وإنت خارح من السنيدي(المركز الكبير)تبتل لين تجيك الاشاره خذ منها يمين من ثاني دخله .يجيك مجمع والورشه داخل هالمجمع وسلامتك
تاج1426
19/10/2009, 09:56 AM
مجرد اقتراح :
ليش ما تبحث عنها في محلات الزينات تلقى احد فاكها او بايع سيارته وعارضها عندهم لاني قد بعت سله كانت عندي حطيتها في محل زينات وباعوها لي ، وسبب فكها انها تطلع بويتها وتبدا تصدي لان شبكها فوق خفيف ولا يمسك البويه ومع الماء والامطار يبدا الصداء ينزل على سقف السياره .
AbdulAZiz M
19/10/2009, 08:10 PM
شكرا لكم جميعاً على المرور

وبخصوص المواهب والمميز اعرفهم لكن انا ودي في الضويان ولا الوادي لان خبرتهم أفضل في هذي الشغلات