انتبهوا ياراعين الجيوب

[ترتر]

هذي صور لجيب لكزس سقط في المغسله وكان مرفوع يعني الرجال ناوي يغسله بستم لاكن الله يخلف عليه راح موتره
وربما هناك منا من يعلم اثار الغسيل البستم من اثار على الموتر من اسفل مثل القماشات والهوبات والفحمات والقزوز وغيره فأنا انصح الجميع من عدم المبالغه في غسيل السيارة بالبستم خاصة في الصيف لانه بصراحة ماهو ضروري بينما بالشتاء ممكن لانه الواحد ممكن يدخل شعيب او نفود او طين لاكن ماهو ضروري كل شوي غسيل بستم ومن المعلوم ان بعض المغاسل يحطون قطعة خشب اسفل الموتر افرض ان هذه القطعه انكسرت لاسمح الله وش تكون العاقبه ربما مثل ماحصل لاخينا راعي الكزس الله يعينه شاهدوا الصورة وهي خير دليل

http://www.mekshat.com/pix/upload/images6/mk5709_jeep.JPG

شوفو الموتر كيف

http://www.mekshat.com/pix/upload/images6/mk5709_jeep3.JPG


http://www.mekshat.com/pix/upload/images6/mk5709_jeep5.JPG

[ابواسامه]

السلام عليكم
عسى ماطاح على احد

والله يعوض راعيه
والله يعين راعي المحطه على وجعة الراس

[الربذي]

السلام عليكم ورحمة الله وبركاته
HALA باخونا تر تر اشكرك على هذى الصورة المعبرة جاء يبي يكحلة واعماها
اقر الوحة وانت تعرف كلا لة من اسمة نصيب
طاح لانها الف مقصورة وعند كتابتها مشبوكة تتحول الى الف وهي مكتوبة ط ى ح
وحتى البعض يقراها طيح
ويمكن واحد راعي عين قوية وماذكر الله وقرى الوحة (طيح) فطاح واطاح معة فرحة راعية ارضا
واهم شي انة ليس هناك وفيات على مايبدوا ولحمد لله

[الربذي]

تحية ود تحية حب تحية اعجاب باخونا الغالي ابو اسامة اللهم انصراخونا المجاهدين بكل مكان

[عاشق الجبال]

السلام عليكم ورحمة الله وبركاته

تحية لكل اعضاء مكشات

الله يعوض على راعيه ولاتنسون اصحاب البنشر والترصيص خصوصا من يرفع السيارة على
رافعتين لانه حصل معي نفس المشكلة ولكن ستر الله حيث كان نزول السيارة بهدوء حتى لامست
الهوبات الخلفية الأرض .

جزاك الله اخي الكريم ترتر على النصيحة.

[* ولد الديمن *]

السلام عليكم ورحمة الله وبركاته

مشكور اخوي على التحذير..

الرجال لوحته تدل انه في يوم من الايام بيطيح.....

[فـ(الجـوف)ـتى]

الله يعوض على راعيه


ومشكور على النصيحه والتحذير


وجزاك الله خير0

[مدلّه الرعيان]

السلام عليكم ورحمة الله وبركاته

الله يخلف على صاحب ( اللكسز ) لكن يا جماعة الخير تراكم خـوّفتون من التشائم بحروف اللوحات ، لأن حروف لوحت سيارتي - ط ا ر - وش الـّدبرة ؟

اخوكم / مدلّه الرعيان

[سنتافي]

السلام عليكم ورحمة الله وبركاته

والله شوفو ترى من جد احيانا اللوح مشكله انا مره كان عندي كابرس الفين ما كمل شهر الا و طس ولوحته ط س ي عاد عليكم الحساب

وبعدين اذا حبيت تغيير اللوحه سهل فك وحده من اللوح وبلغ على انها انسرقت وبيعطونك رقم جديد واذا تعرف احد في المرور يمكن يطلعلك رقم زينhttp://www.santafemods.com/images/Smileys/Smileyexcuseme.gif

http://www.mekshat.com/pix/upload/images5/mk8041_1121.JPG

[ريع الدياب]

بسم الله الرحمن الرحيم
السلام عليكم ورحمة الله وبركاته

مشكور يا أخ ترتر

والله يعوض على راعيه بأحسن منه

الحمد لله حروف لوحة سيارتى ...... م ك ا ...... ( المكرمة) الله يعزها قبلة للمسلمين

[ترتر]

الاخوه

ابو اسامه : ابشرك ماطاح على احد والله يعينه

الربذي : لاشكر على واجب وفعلا كلامك صحيح وابشرك الحمد لله ماهناك وفيات

عاشق الجبال : صادق والله كل الاجانب كذا والله يجزى الجميع خير

wsws511 : لا شكر على واجب

فتى الجوف : اللهم امين واشكرك

مدله الرعيان : اشكرك

سنتافي : لاتخوفنا ياشيخ الله يستر , وبالنسبه للوحات لاتوهق عمرك لانه مستحيل يعطونك رقم جديد ويلغون لك رقمك الاول لانها انا سرقت لوحاتي الثنتين قبل فتره وتبهذلت بهذله علشان يعطوني لوحات مع العلم انهم رفضوا يعطوني لوحات غير وقالو ا لي لو نبي نغير لكل واحد كان جت العالم كلها تبي تغير وقلت لهم عطوني لو لوحاتي الاوله و3 ايام وانا اراكض لين عطوني نفس الاوله ب 100 ريال الله يخلف على هذا النظام السارق مبسوط والمسروق هو اللي يتبهذل:confused: :confused: :confused:

للمعلوميه اني حاولت اقناعهم انه ممكن السارق يسوي جريمه باللوحات قالو لي البلاغ يحميك والله العظيم انهم ماعندهم سالفه :D :D لانه افرض اني انا سويت جريمه لاقدر الله من راح يمسكون والبلاغ يحميني :D :D :D الله يخلف عليهم رجال الام..............


ريع الدياب : اشكر لك مرورك واقول لك اللهم امين يارب


ومشكورين

[سنتافي]

السلام عليكم ورحمة الله وبركاته

اخوي منسرقه لوحة لخويي وبلغنا وكل شي و يوم رحنا للمرور نبي نفس اللوحات قالو انه في نظام جديد يسقط اللوحات المسروقه من النظام (يعني ما عاد تطلع لانهم يحطون عليها ملاحظه ) والرجال كان زعلان لان كثير كانو يعرفونه بلحته (مميزه نوعا ما) وبالواسطات (لمدير مرور المنطقه الغربيه ) اقنعنا انه هذا النظام وحفاظا على الرجال من المشاكل وللمواساه عطاه رقم ثاني مميز

وسألنا كثير في القسم قالو ابد هذا النظام

http://www.mekshat.com/pix/upload/images5/mk8041_1121.JPG

[ترتر]

؟؟؟؟؟ اخوي سنتافي

والله غريبه اللي صار مع خويك ودي تقول لي الكلام هذا من قريب ولا لاء ؟؟؟

انا كانت لوحاتي مسروقه قبل تسعة اشهر بتاريخ 23/11/1424 هـ حتى اخوي نفس الطريقه انسرقت منه قبلي بشهرين

يمكن هذا النظام اللي تقول صار من قريب ؟؟؟؟؟؟

وياليت يطبقونه عندنا في الرياض؟؟؟؟!!!!!

وهل اقدر اغير لوحاتي اللآن مع اني معي البلاغ الى الان رد لي تكفى ؟؟

والله هذا المفروض النظام من زمان بس الله يخلف علينا ما يعدلون النظام الا بعد ماتجيهم المشاكل يعني ما فيه ادارة جيده تخطط وتنظم , ومن هو الضحيه ؟؟؟؟؟؟ المواطن المظلوم !!!

انا يقولون لي النظام مايسمح لك تغير لوحاتك؟؟؟

وخويك يقولون له النظام مايسمح لك تاخذ نفس اللوحات ؟؟؟


السؤال اي النظامين يمشوننا عليه او كل منطقه لها نظام ؟؟؟

شكلي ابي اجي لجده واقول لهم لوحاتي انسرقت علشان يغيرونها لي وارتاح :D :D :D

[عروان]

أنصح اللي يبي يغسل سيارته بستم يروح لمغسلة فيها بستم يرفع السيارة من الكفرات وليس من الشاصي مثل اللي حصل لراعي اللكزس الله يعوظة.

النوع اللي أقصدة تراه ونش ماهو هيدرولك (بستم) . تطلع بسيارتك عليه ثم يرتفع والكفرات فوقة. هذة أسلم للسيارة من جميع النواحي.


أطيب تحية