ياراعين الجيوب : فروا من المشلان فراركم من الأسد ( يبنشر بالردمية )

[اول الخير]

السلام عليكم ورحمة الله وبركاته :


أخواني في الله 00
قدر الله علي وركبت طقم كفرات للجيب مشلان فرنسي الصنع وعددها
5 كفرات وسعر الكفر قريب 600 ريال
والطقم أقل من 3000 ريال بقليل وتاريخ جديد وضمان وكيل
ظنآ مني بأن سعر الكفر له دور بالجودة
مقاس الكفر 275\70\16ر
الآن لي تقريب 8 أشهر ولايخلو أي كفر من رقعة أو رقعتين وربما 3 رقع
وأحيانآ يبنشر بالردمية :confused:
والرقع بالدعاسات والجوانب
وطلعاتي والله قليلة جدآ


والله إني ندمت على شرائي له00
لكن
قدر الله وماشاء فعل00


والله العظيم إني ناصح لإخواني في مكشات خاصة
والله على ماأقول شهيد 0


الشهادة لله :
الكفر بالأسفلت لايعلى عليه


0
0

[صقرحايل]

الله يستر ان شاءالله
ومثل ماقلت والله الغش با كل شى الان

[اول الخير]

الله يستر ان شاءالله
ومثل ماقلت والله الغش با كل شى الان



الشكوى إلى الله يا أخ صقر
بارك الله فيك0

المعذرة فالخيمة هنا خطأ ,, ولم ألاحظ ذلك
فياليت ينقل الموضوع للخيمة المناسبة0


0

[s3ed]

السلام عليكم


اخوي اسمحلي اقول لك

هذة مشكلتك انك تمشي في مكان فية مسامير او حديد او اخشاب

الميشلان من افضل الاطارات على مستوي العالم بشرط انك تاخذة من الوكيل

اغلى اطار في العالم ينصاب وينرقع يعني لاتحكم هلى الاطار بانة فية رقع يمكن من سوء الاستخدام وليس من سوء جودة المشلن

[من متى]

مشكور اخوي على النصيحه وثاني موضوع اقراه يحذر من المشلان ..


تحيتي لك

[تاج1426]

جزاك الله خير على هذه النصيحه

[ahmad995]

ياخوي عادي تصير مع الجميع
واحد من العيال طق طقم دنلوب خلال شهرين صارت كل الكفرات مرقعه
بس اعلمك الرجال ما يرده شي كل يوم بالبر ومطينات على ما يقولون ( جفس )

[غيث 6]

شكرا على النصيحة الله يكفينا الشر

[قمة افرست]

المشكلة ليست بالكفرات
المشكلة طال عمرك بمقاس الكفر ومناسبته للطرق المقاس المذكور لاينفع ابدا في الطرق الصحراوية بالذات الردمية او الطرق التي بها حجر
وقد يبنشر بعد تركيبه بساعه فقط نتيجة تعرضة لحجر ولعرض الكفر لايتحمل علما بانه ياتي 6 طبق لين
عليك باختيار نوع مخصص لكل طريق
وانصحك بمقاس 175 / 75 مقاس كفر جيب جي اكس
ولوالله اراد اخذت جنوط جي اكس وركبتها كان ارخص سعرها بحدود 700 ريال
مع كفرات سوبر اندنوسي او اي نوع مشابه ياباني مثل برجستون يوكوهاما ودعستها تشبة الي راكب بالدينات وتجي 8 طبق نايلو وليست سلك او مخلوط سلك والسعر رخيص
لاميشلان ولاشي وتدعى ابو خط وامش بالردمية قد ماتقدر واذا بنشر خلال شهرين
قول قمة افرست غشني

هذه عن تجربة قد تصل الى 6 اشهر دون بنشر شرط يكون توبلس وليس لستك وجنط جيب جي اكس

والخطاء الي وقعت فيه ليس من صناعة الكفر بل كان اختيار خطاء

وسلامتك

[اول الخير]

المشكلة ليست بالكفرات
المشكلة طال عمرك بمقاس الكفر ومناسبته للطرق المقاس المذكور لاينفع ابدا في الطرق الصحراوية بالذات الردمية او الطرق التي بها حجر
وقد يبنشر بعد تركيبه بساعه فقط نتيجة تعرضة لحجر ولعرض الكفر لايتحمل علما بانه ياتي 6 طبق لين
عليك باختيار نوع مخصص لكل طريق

وسلامتك

هذا الكلام بارك الله فيك يكفيني 00
لكن اللي أعرفه إن أغلب الشباب يركبون نفس هذا المقاس اللي ركبته 0


سؤالي ؟


المقاس اللي ركبت أنا ماذا يصلح له !! ؟
والمقاس هو :
275\70\16
وهو مقاس شد البلد
وعلى أغلب سيارات الدفع الرباعي !

0

[a2020]

مشكور على النصيحة

[قناص عسير]

كل الصناعات اصبحت مشي حالك وين صناعات اول البرجستون 3 سنوات معي على كابرس شهريا مرتين عل الاقل الدمام الخميس .... و الحين اركب كوري او اندونسي كل سنه اغيروالله يعين واذا بطلع البر او الجبال كفرين بجنوطها اسبير

[ناصح]

السلام عليكم ورحمة الله وبركاته :


أخواني في الله 00
قدر الله علي وركبت طقم كفرات للجيب مشلان فرنسي الصنع وعددها
5 كفرات وسعر الكفر قريب 600 ريال
والطقم أقل من 3000 ريال بقليل وتاريخ جديد وضمان وكيل
ظنآ مني بأن سعر الكفر له دور بالجودة
مقاس الكفر 275\70\16ر
الآن لي تقريب 8 أشهر ولايخلو أي كفر من رقعة أو رقعتين وربما 3 رقع
وأحيانآ يبنشر بالردمية :confused:
والرقع بالدعاسات والجوانب
وطلعاتي والله قليلة جدآ


والله إني ندمت على شرائي له00
لكن
قدر الله وماشاء فعل00


والله العظيم إني ناصح لإخواني في مكشات خاصة
والله على ماأقول شهيد 0


الشهادة لله :
الكفر بالأسفلت لايعلى عليه


0

0



بصراحة

شيء غريب جدا

أنا ركبتها على اللاند قبل 3 سنوات ولا أقوى منها رائعة بمعنى الكلمة

وركبتها من سنة من شدة أعجابي بالأولى

دور علم أكيد فيه مشكلة أو التاريخ قديم ...!!

[معهم]

اقول ما على الشاهين كفر وبس اسئل مجرب راعي بر وخطوط وكل شي

[الطيرواحد]

عادي تسير كثير انا مرة ركبة كفرات قودير والتاريخ جديد وضمان وكل شي وبعد 3 شهور حبل كلة ومرة مع كفرات يوكوهما حق الهلي يوم واحد وانصلخ وهو جديد وتاريخ جديد

[شبح الصحراء]

على فكرة يا شباب الكفرات المخصصة للبر يكون مكتوب عليها M+S فهناك كفرات مخصصة للسرعة وقد تركب في بعض الجيوب بس ما تصلح للبر لذلك احرص على وجود شعار M+S على الكفر .
وحتى الكفرات المخصصة للبر تكون نوعين إما حجرية أو ناعمة (وهذا يتضح من دعسة الكفر) والحجرية تناسب الطرق الصخرية وتتحمل الحجارة والصخر والشوك أما الناعمة فتصلح للنفود وهي الين واريح للسيارة .
ومهما كان نوع الكفر احرص على تجنب الصخور الحادة فهي تقطع الكفرات وكان الله في عون صاحبنا كاتب الموضوع .
وعلى فكرة كثرة البنشر قد يكون الجنط سبباً فيها خصوصاً لكفرات التيوبلس (تأكد من عدم وجود طعجات في جوانب الجنط) .

[العـربي]

عليك بالجوديير

[اول الخير]

جزاكم الله خيرآ جميعآ على المرور وعلى التعقيب المفيد 0
لازلت أكرر 00
التاريخ كان جديد
وجنوطي سليمة ولله الحمد وترصيصي غالبآ بدون فك الكفر
يعني دقة فائقة00
والله مامنعني الآن من تغييرها إلا المبلغ اللي دفعته فيها


أعرف من يمدحها وأنا أخذتها على هذا الأساس
ماأخفيكم إستعملت سابقآ كفرات كورية ,, والله إنها أحسن من المشلان من خلال تجربتي ,, على الأقل مايوهقك
ودائمآ أكرر عند مروري بأي جلد أو طريق غير معبد
إن الله يستر علي ,, حتى الحجارة بدأت أتحاشاها قدر الإمكان 0



الله يعوضنا وإياكم خيرآ




0

[ناصح]

على فكرة يا شباب الكفرات المخصصة للبر يكون مكتوب عليها M+S فهناك كفرات مخصصة للسرعة وقد تركب في بعض الجيوب بس ما تصلح للبر لذلك احرص على وجود شعار M+S على الكفر .
وحتى الكفرات المخصصة للبر تكون نوعين إما حجرية أو ناعمة (وهذا يتضح من دعسة الكفر) والحجرية تناسب الطرق الصخرية وتتحمل الحجارة والصخر والشوك أما الناعمة فتصلح للنفود وهي الين واريح للسيارة .
ومهما كان نوع الكفر احرص على تجنب الصخور الحادة فهي تقطع الكفرات وكان الله في عون صاحبنا كاتب الموضوع .
وعلى فكرة كثرة البنشر قد يكون الجنط سبباً فيها خصوصاً لكفرات التيوبلس (تأكد من عدم وجود طعجات في جوانب الجنط) .

اعتقد M+S تعني ملائمة للعمل في كل المواسم حتى في الطين والثلوج ..

وهذا ما يدل عليها من النت

If a tire has MS, M+S, M/S or M&S on it, then it meets the Rubber Manufacturers Association (RMA) guidelines for a mud and snow tire. For a tire to receive the Mud and Snow designation, it must meet these geometric requirements


M/S tires offer long tread life and true all-season traction capabilities

[ابوقاسم]

على فكرة يا شباب الكفرات المخصصة للبر يكون مكتوب عليها M+S فهناك كفرات مخصصة للسرعة وقد تركب في بعض الجيوب بس ما تصلح للبر لذلك احرص على وجود شعار M+S على الكفر .



على فكرة يخوي ترى الحرفينM+S تعني MUDيعني طين +SNOWتعني ثلج يعني مالها علاقة بالبر والرمل نهائيا
فهي مخصصة للبلاد الباردة وليست للبلاد الحارة وربعنا من جهالتهم مالقوا الا هي يجيبونها لنا
تقبل مداخلتي بصدر رحب

[۩ أبو سعود ۩]

الله يخلف عليك بخير منها ...

ياليت تعطينا موديل الإطار ...

تحياتي ؛؛؛

[بارق تميم1]

اقول ما على الشاهين كفر وبس اسئل مجرب راعي بر وخطوط وكل شي

مازود على كلام اخوي شي

[ناصح]

اقول ما على الشاهين كفر وبس اسئل مجرب راعي بر وخطوط وكل شي

بصراحة أنا جربت الشاهين من قبل

رائع لكن يعيبه ضعف التماسك لا سيما في وقت المطر ..

[شبح الصحراء]

أخواني الأعزاء ناصح وابو قاسم بالنسبة للـ M+S هذا ليس كلامي هذا كلام احد الفنيين في احدى وكالات الإطارات ، ولكن في الحقيقة اقتنعت بكلامكم لأنه فعلاً S هو الحرف الأول في Snow (ثلج) و M هو الحرف الأول في Mud (طين) وعموماً ما دام انها صممت للتحرك في الثلج والطين فهي أقدر على التحرك في رمال النفود الناعمة .
اخي ناصح في السطر الأخير من مشاركتك "M/S tires offer long tread life and true all-season traction capabilities" يتضح ان هذا النوع من الإطارات يتميز بطول العمر ومناسب للعمل في كافة الفصول .

[راعي المجهم]

أفضل كفرات جربتها هي ماكسس 760 برافو

ممتااااااااااااازة جداً للجموس والجيوب والشاصات يخدم معك 3 سنوات زي الفل

بدون بنشر ماشاء الله

[السنع كله]

المشلات يبي هواء لاينزل عن اربعين الا في الرمل وخذ عمر وهذه تجربتي ومعي مثل كفراتك وماشيه سنتين ونص واكثر من 70000كيلوتشوفها تقول جديدة بسبب عدم نزول الهواء اقول هذا عن تجربة ثلاثين سنة مع مشاكل الاطارات ولم اجد اوقى من الميشلان لكن يبي هواء ومن لايتحمل زيادة الهواء يبعد عن الميشلان لانه قاسي خلقه والليان في الهونكوك الكوري وهو عملي ولين كما ذكر احد معارفي

[salehhd]

السلام عليكم

اشكرك عزيز على النصيحة ومثل ماتفضل بعض الاخوان كل كفر له غاية معينه
فهناك كفرات مخصصة للراحة واخرى للطرق الوعرة والتطعيس وغيرها للصخور وبعضها للسيارات الرياضية
بالنسبة لي كان على موتري برجستون و3 سنوات بدون مشاكل يمكن رقعة او ثنتين وحالياً معي ميشلات كملت سنتين وكم شهر مقاس 17/245/75 حق الباث والكفرات الين من البرجستون واريح في السفر والتطعيس بس مشكلتها تزلق مع الماي وغير كذا ممتازة

[الحرب20091ي]

اخوي انا مركب كفرات مشيلان وللحين ماصار فيه اي شي بل انه معي حوالي سنتين
ومثل ماذكرو الاخوان يمكن انك تمشي في طريق فيه مسامير ..........الخ

[mtc_959]

عزيزي صاحب الموضوع ممكن تصور الكفر علشان نشوف التاريخ وبلد المنشاء انا استغرب الواحد 600فرنسي

[صادق الصدوق]

انا مركبها من ثلاث سنين ولا احلى منها
هي رقم واحد بالكفرات وما فيه مثلها ابد

[محسن اليامي]

مشكور على النصيحه

أنا ركبته على موتري 3 سنوات من أروع مايكون والآن مركبه مره ثانيه عيبه إته غاااالي

[بارق تميم1]

بصراحة أنا جربت الشاهين من قبل

رائع لكن يعيبه ضعف التماسك لا سيما في وقت المطر ..

اخي الغالي ناصح

كلامك صحيح لكن يكون سيئ بداية نزول المطر (اول مطرهـ )

لكن بعدهـ يكون متماسك وهذا الكلام عن تجربه

انا مركبهن بداية الوسم العام الماضي وكان فيه ضعف بالتماسك في اول مطره في الدمام وبعدهـ
الحمدالله متماسك
(لكن اتوقع) ان الي يسبب ضعف في التماسك بعد الله سبحانه وتعالى
الأوساخ المتراكمه على الإزفلت اعزكم الله

اتمنى اني افدتكم ولو بالقليل:)
أخوكم بارق تميم

[اول الخير]

المشلات يبي هواء لاينزل عن اربعين الا في الرمل وخذ عمر وهذه تجربتي ومعي مثل كفراتك وماشيه سنتين ونص واكثر من 70000كيلوتشوفها تقول جديدة بسبب عدم نزول الهواء اقول هذا عن تجربة ثلاثين سنة مع مشاكل الاطارات ولم اجد اوقى من الميشلان لكن يبي هواء ومن لايتحمل زيادة الهواء يبعد عن الميشلان لانه قاسي خلقه والليان في الهونكوك الكوري وهو عملي ولين كما ذكر احد معارفي

نعم يالسنع كلامك صحيح لابد من الهواء يكون غير نازل
فأنا أضع فيهن هواء ضغط 40
ومع ذلك جميع الرقع اللي ركبتهن والبنشر اللي حصل عند ضغط 40 :confused:

غفر الله للجميع على المشاركة 0
المهم :
تجربة والله لن أكررها إن شاء الله 0


الله يعوضني وكل مسلم خسران خيرآ0

[ناصح]

نعم يالسنع كلامك صحيح لابد من الهواء يكون غير نازل

فأنا أضع فيهن هواء ضغط 40
ومع ذلك جميع الرقع اللي ركبتهن والبنشر اللي حصل عند ضغط 40 :confused:


غفر الله للجميع على المشاركة 0
المهم :
تجربة والله لن أكررها إن شاء الله 0




الله يعوضني وكل مسلم خسران خيرآ0


طيب وش رأيك أنا أخليها في حدود 35 وفي الرمال 25 ..!!

أنا ودي ينتهي النقاش بمعرفة السبب الحقيقي

لمصلحتك ومصلحة الجميع

فهل أنت متاكد من تاريخها ..؟

وياليت تمر الوكالة وتتأكد منهم أن ما فيها عيب تصنيعي ..

وموقعم في نهاية طريق خريص من جهة اليمين وأنت متوجه لطريق جابر بعد وكالة بي أم دبليو ..

[سيف الظفير]

يالربع وش العلم نبي العلوم الوكاد بركبها على شاص عليه جنوط لكزس فراشة 17

[مكيشت]

اخي العزيز .... اول الخير
انا اريد منك فضلاً لا امر اً ان تكمل جميلك وتضع صور لكفراتك او اسمها على الاقل لكي لا يتكرار الموضوع مع اخوانك وانا اولهم ، لانني شبه معزم على المشلان بس بعد كلامك " ربطت بريك " .. وبكل صراحة لا اريد ما حدث معك ان يتكرر معي ...
لي خلفية ممتازة مع المشلان في سيارات السيدان ... اما الجيوب فقد افزعتني يا هذا ...فارجو فزعتكم بايضاح اسم منتج الكفرات لديكم ...

الاخوة اللذين يمدحون المشلان ...ارجو توضيح اين تكمن المشكلة في قصة اخينا كاتب الموضوع " اسأل الله ان يعوضه بخير منها " ... ارجو ان ينتهي الموضوع بفائدة حقيقية للقارئ

[AL-THYB]

اخوي انا اعارضك ولا فيامل تصير مثلي بطرق الرادميه
المشلان مافيه مثله لكن يمكن الرادميه الي
انت تمسكه مليانه مسامير
لكن انا عن تجربتي للمشلان
بالنسبه للفرنسي لا يعلا عليه وهو من افضل الانواع وعندنا الحين جمس للحلال نحمل عليه لا وبعد الردميه بالسبوع 3 مرات
10كم والحمد لله ما شكينا منه ولا يعيش معنا إلا المشلان

[ابوحمد666]

نعــــــــــــــــــــــــــــــــــــــــــــــــ ـم الكفر الميشلان الفرنسي سيء سيء سيء والله على ما اقول شهيد
سبق ان ركبتها على جمس عائله ومحافظ عليها بالهواء ومشتريها من الوكيل بطريق خريص وسعر الواحد 580 ريال وبعد اربع شهور كل فتره مورم على كفر(اي يحصل انتفاخ في جنب الكفر)
كفرات المشلان جيده وممتازه بس احرص على الكندي والامريكي اما الفرنسي لا يقربك

[ناصح]

يا شباب نريد أن نركز النقاش عن كفرات الميشلان الخاصة بالجيوب

الرجاء من الجميع عدم إقحام أي توع أخر كي لا يتشتت الموضوع

وكذلك الرجاء عدم الكتابة بخص عريض فمقاس 4 مناسب لقراءة هذا النقاش الهادف

............

نعود لصلب القضية

وهو أننا من خلال الردود نشاهد تباين في نتيجة تجربة كفرات ميشلان

ولا بد أن يكون هناك سبب لأنه بين مادح مدح شديد وبين من يذم ذم شديد

والمسألة ليست عمل إعلان عن إطار بل المسألة سلامة شخصية على صحة وأرواح مستخدميها ووقاية من الخسائر المادية

لذا نرجو من واجه مشاكل مع ميشلان أن يعطينا المعلومات التالية

حجم الإطار .
وهل تاريخة جديد.؟
بلد الصنع .
ونريد موديله أو صورة للكفرات من قريب لنتعرف عليه بسهولة .
وهل هو وارد الوكيل أم غير ذلك ..؟

الرجاء التقيد لمصلحة الجميع .

[اول الخير]

لذا نرجو من واجه مشاكل مع ميشلان أن يعطينا المعلومات التالية

حجم الإطار
وهل تاريخة جديد
بلد الصنع .
ونريد موديله أو صورة للكفرات من قريب لنتعرف عليه بسهولة .
وهل هو وارد الوكيل أم غير ذلك ..؟

الرجاء التقيد لمصلحة الجميع .[/quote]

الكفرات فرنسية الصنع
وارد الوكيل وقد أخذت ضمان من الموزع على هذا الأساس
الحجم
275 \70R16
وهو الحجم المعروف للجيوب
M+S جميع الظروف سواء طين أو ثلوج ومن باب أولى الرمال
جديد في وقته
سنة 2008
أسبوع 29 يعني شهر سبعة تقريبآ
وأنا أخذتهن في شهر 1 عام 30 هجري قبل سنة ونصف تقريبآ
يعني مصنوعات على أبعد تقدير من 5 أشهر من شرائهن
0

[عاشق مكشات]

عليك بالهانكوك حجرية مركبها على الجيب

سنة ونص مارقعتها مطامر بالظهار والجبال ولا اشتكت ومعبية 45

[سوبر مكشات]

جربت الميشلان 10 غاط 245/85/16
ولا احلى ياشيخ حتى بعته بعد سنه كانه جديد

[الحزوبر]

اذا كان برك اللي تروح له فيه رمث او هرم اوعاذر فسلم على كفراتك لوانها مشلان حديد

[الأسد07]

الغش صار في كل شي يا رحال

[ولد وايل..]

الغـــــــــــــــــــــــــــــــــــــــش في زمن ضياع الأمااااااااانة....


حسبي الله ونعم الوكيل...

[الفارس الاسود]

السلام عليكم

اخواني سائقي الجيوب خذو نصيحة اخوكم
الفارس الاسود
لاتركبون كفرات الا دان لوب اصلي

شركة تويوتا من الوكاله هذي كفراتها

طبعا تقولون كلها ياباني نعم

لاكن دان لوب مافي افضل منه ابدا

عمي معه جيب باترول 99

يطلع على خط ردميه مره يسلم ومره يشتكي من البنشر

قولو ليه لانه يركب كفرات تو يو هذي ياباني لاكن لينه ماتصلح للبر

وغيراها من الشركات ماجربت
الا دان لوب سعره مع ارتفاع الاسعار في الصيف خاصه لكفرات 2010
غالي بس اليوم مركب دان لوب ماشاء الله بـ450 ريال للواحد

هذا ارخصهم بعد سعره يتراوح بين450 الى 470ريال تقريبا ولله الحمد

ركب دان لوب لك وللعمر ان شاء الله

صح فيها قساوه شوي لاكن خذه خط وبر

شاكر لك صاحب الموضوع ولكل الاعضاء والزوار وشكرا

[العاذر]

المشلان ماينفع للرمال لانه سلك يحبل ويصعرر اذا نقص الهواء

اذا انت راعي رمال خذ بالون