ماخاب من استشار

[a.منصور.a]

السلام عليكم ورحمه الله وبركاته







اخواني انا براسي جيب باثفندر بس فيه بعض الناس خوفوني منه اللي يقول ينقص زيته واللي ويقول قطع الغيار اسعارهن نار



اللي مستخدمه ياليت يفيدنا

وايهن احسن قير عادي او تماتيك

وشكرآ

[راعي البخاخ]

وعليكم السلام ورحمة الله وبركاته .
حياك الله اخوي منصور . بخصوص الباثفيندر سياره مريحه وخفيفه واقتصاديه بنفس الوقت
يعني انا اعبيه فل بنزين 95 ومامشاي من 140 الى 150 يمشيك بالتانكي اكثر من 500 كيلو
وبالنسبه لنقص المكينه فأغلب الباثفنيدر ينقص بس ماهو بنقص واجد . انا موتري موديله 2004 ستاندر
يعني اذا مشى معي اكثر من 3000 الاف تقريبا ينقص شىء بسيط اقل من ربع علبه . لأني استخدم
زيت دلــنا عليه واحد من الاخوان بالمنتدى الله يجزاه خير الي هو : زيت سوبر جيتي فوكس .
وبالنسبه لقطع الغيار نار وغالي شوي ,تخيل الفحمات الأصليات جديد بــ250 ريال او اكثر
وأحرص على النظيف .لأن الموتر الي ماهو نظيف باثفيندر والا غيره بيشغلك بمشاكله . وخفته بالبر والنفود ماشاء الله عليه
والقير العادي اكيد احسن للي يطلع للبر والنفود والشعبان , والتماتيك للي طلعاته خفيفه للبران على ان غالبيت الباثفيندرات يجي تماتيك
كل كلامي هاذا عن الباثفنيدر من 2003 الى 2005 <<<< الشكل القديم
اترك الباقي لأخواني يردون عليك . تقبل مرور اخوك :راعي البخاخ

[PATHFINDER 4]

انا اعبيه فل بنزين 95 ومامشاي من 140 الى 150 يمشيك بالتانكي اكثر من 500 كيلو



ماشالله عليك انت وموترك :good: انا موتري ما يمشيني الا 399كيلو وانا واقف في المحطة نوع البنزين 95:confused: وممشاي مايتعدى120:no:

[راعي المجهم]

نصيحة أخوية لوجه الله

أبعد عن الباث فندر ومشاكله

تفتفة بسبب الحساسات والبواجي

كربون رائحته مزعجة أثناء الوقوف

سقوط مسامير الهاه في المكينة وتكلف 2500 ريال شغل يد

فك المكينة وأستخراجها وقد تحصل معك كل شهرين إذا ماضبطها المهندس

قطع غياره غالية

زيت المكينة ينقص بعد مشوار 700 كيلو عيب عيوب مصنعية

و90 % من الباث فندر تدخن دخان أزرق من الشكمان إذا دعست له للأخير

صرفية بنزين غير طبيعية

ضيق جداً في المراتب

قربعة وهربدة الديكورات في الأرض الغير مستوية ترفع الضغط

الباث فندر ينطبق عليه المثل الي يقول

يامن شرا له من حلاله علة

[ذيب عالية نجد]

نصيحة أخوية لوجه الله

أبعد عن الباث فندر ومشاكله

تفتفة بسبب الحساسات والبواجي

كربون رائحته مزعجة أثناء الوقوف

سقوط مسامير الهاه في المكينة وتكلف 2500 ريال شغل يد

فك المكينة وأستخراجها وقد تحصل معك كل شهرين إذا ماضبطها المهندس

قطع غياره غالية

زيت المكينة ينقص بعد مشوار 700 كيلو عيب عيوب مصنعية

و90 % من الباث فندر تدخن دخان أزرق من الشكمان إذا دعست له للأخير

صرفية بنزين غير طبيعية

ضيق جداً في المراتب

قربعة وهربدة الديكورات في الأرض الغير مستوية ترفع الضغط

الباث فندر ينطبق عليه المثل الي يقول

يامن شرا له من حلاله علة
والله ياراعي المجهم ماعرفنا لك اللي يشوفك ماشاالله عليك مجرب جميع سيارات نيسان منذ مبطي وتعرف أسرارها ومشاكلها أجل كربون رائحته مزعجة ياخي نصف سيارات الرياض ريحة شكامينهن مزعجة وما ضرنا شي بعدين أنت من المتحاملين على سيارات النيسان وأرجو من صاحب الموضوع عدم الإلتفات لهذه الردود التي تأتي من أناس يكرهون النيسان بشكل عام
بعدين صرفية السيارة للزيت ماهو دليل على عدم جودة السيارة
بعدين بعض أنواع الزيوت الموجودة هي المسببة للنقص بسبب نسبة اللزوجه الخفيفة
تحياتي لك ولصاحب الموضوع

[الادعج]

اللي يشوف ردودك ياراعي المجاهيم يقول هذا له 50% من شركة تيوتا ...هدي هدي لاينقطع بك عرق بس ...والله كل الكلام اللي انت كاتبة اول مرة ادري عنة ..ياسبحان الله ..ياعني ماذكرت شي كويس بالباث ..كل شي مهوب زين..اعوذ بالله ..مع ان والله مهوب معي هالموتر لكن...الحق حق

[راعي النياسين]

راعي المجهم تصدق اعرف واحد معه باث موديل 2003 فل كامل ودائما اطلع معه

ماشاء الله عليه من يوم ماشرى الباث ماغير فيه الا القطع الاستهلاكيه فقط لاغير ماشي فوق 200 الف والرجال راعي مقاوم يعني جالد الموتر

وكل ماسألته عن موتره جلس يمدح فيه

[أبوغيث 2003]

راعي المجهم تصدق اعرف واحد معه باث موديل 2003 فل كامل ودائما اطلع معه

ماشاء الله عليه من يوم ماشرى الباث ماغير فيه الا القطع الاستهلاكيه فقط لاغير ماشي فوق 200 الف والرجال راعي مقاوم يعني جالد الموتر

وكل ماسألته عن موتره جلس يمدح فيه



انا نفس الموديل وفل كامل والممشى 200

ونفس الاستخدام:D

ما قد خرب عندي غير حساس الهوا لان الفلتر متشقق وطنشته وبعد مده خرب الحساس وركبت حساس مكسيما

بـ200 ريال والموتر تمام التمام

لكن قطع الغيار تكلف

البوجي الواحد بـ 60 !!

مشكلة الباثفندر اذا حصل عليك حادث وانت الغلطان "يعني تصليح السياره عليك" يبي يكلف

واللون اللؤلؤي اذا جيت تسمكر الموتر اغلى من الالوان العاديه مثل الابيض والرصاصي والاسود وغير ...

والبنزين تعبيه فل 80 لتر تقريبا يمشيك 360 الى 400 كيلو

الموتر بشكل عام زين لكن راعي القنص اتوقع ما ينفع له لان الباثفندر ما يتحمل كثرة المشي على المطانيج والحصى

هذا اللي اقدر افيدك ياصاحب الموضوع وبالتوفيق

[البوعينين99]

عليكم السلام ورحمه الله وبركاته

انا ماعندي فكره عن صرفيه الموتر أو قطع غياره لكن واحد من الأهل عنده باث موديل 2005 ومره سافرت معه وسقت الموتر على الخط تقريبا مسافه 100 كيلو وبصراحه كرهته من ذاك اليوم , أبد ماعجبني على الخط مافيه راحه ولا حسيت ان الموتر فيه ثبات .مع ان سرعتي ماتعدت الـ140 .

والموتر الي انا قارنته فيه وأستخدمه يوميا هو رنج روفر موديل 1992 أثبت من الباث على الخط بالف مره.

[ذيب عالية نجد]

عليكم السلام ورحمه الله وبركاته

انا ماعندي فكره عن صرفيه الموتر أو قطع غياره لكن واحد من الأهل عنده باث موديل 2005 ومره سافرت معه وسقت الموتر على الخط تقريبا مسافه 100 كيلو وبصراحه كرهته من ذاك اليوم , أبد ماعجبني على الخط مافيه راحه ولا حسيت ان الموتر فيه ثبات .مع ان سرعتي ماتعدت الـ140 .

والموتر الي انا قارنته فيه وأستخدمه يوميا هو رنج روفر موديل 1992 أثبت من الباث على الخط بالف مره.
بالله هل من الصحيح الحكم على أي شيء من إستعمال مره واحده بعدين تقارن الرنج موديل 92 بباث 2005 هل يعقل
تحياتي لك

[البوعينين99]

بالله هل من الصحيح الحكم على أي شيء من إستعمال مره واحده بعدين تقارن الرنج موديل 92 بباث 2005 هل يعقل
تحياتي لك

أولا هذا رأيي ومنت ملزوم به !
وثانيا اي نعم انا بحكم على "شيء" من أستعمال مره وحده , والكتاب يبين من عنوانه !

وأخيرا دامك ماتعرف شي عن الرنج لاتقول يعقل ولامايعقل .

تحياتي لك

[تاج1426]

يعطيك العافيه اخوي منصور
انا من عشاق الباثفايندر واول ما بديت فيه من موديل 91 حتى 2001 قد استخدمته .
وكل سياره لها حسنات وسيئات والباثفايندر حتى موديل 2005 مافيها تكييف بالخلف ولا يوجد مرتبه . اما الموديلات الجديده فهي اوسع واريح وجميع مواصفاتها امريكية ( يعني قمة الترفيه ) واذا وصلت لاسعارها خل تفكيرك بالباترول يكون احسن لسهولة الحصول على قطع الغيار .

[a.منصور.a]

مشكورين ويعطيكم العافيه

[ذيب عالية نجد]

أولا هذا رأيي ومنت ملزوم به !
وثانيا اي نعم انا بحكم على "شيء" من أستعمال مره وحده , والكتاب يبين من عنوانه !

وأخيرا دامك ماتعرف شي عن الرنج لاتقول يعقل ولامايعقل .

تحياتي لك
الله يعطيك من خير الرنج ويكفيك شره
تحياتي لك