فكره جديده للتخلص من التغريز في البر !!!!! ... جربها

[ابو درع]

بسم الله الرحمن الرحيم
السلام عليكم ورحمه الله وبركاته

حياكم الله

اطرح لكم هذه الفكره البسيطه وهي عباره عن قاعده صلبه تثبت على كفر السياره
( كما هي موضحه بالرسم ) على ان تكون من الحديد القوي ( عشان ما تتقطع مسامير الكفرات )
- وظيفتها للطوارء في الحالات الحرجة عند التغريز في البر تسحب الكفر عند تثبيت السنارة(الشنكار) في مكان صلب


http://www.mekshat.com/pix/upload/images6/mk9458_DGIBBE7.JPG

[أيمن]

أبو درع تسلم والله على هالفكرة الرائعة ..
ومواريها أنها عملية في الغراز في السبخات والأراضي المنبسطة ..
لكن هل بالفعل تم صنعها على أرض الواقع ..

تحيتي

[ابو درع]

الله يسلمك ياابو ايمن

والله انا مفكر فيها من زمان ولا بعد جربتها .... والفكره فكرتي
وخلينا نشوف رأي الشباب

[هملان]

وعليكم السلام ورحمة الله وبركاته
مشكور اخوي ابو درع وهذي فكره ممتازه جدا وسهله
هل هذه من افكارك ام فكره قديمه اذا كانت لك تاخذ عليها براءه اختراع
هناك ملاحظه اذا ثبتت المكره في المسامير فمع الشد ربما يكون هناك تلف في سنن مسمار الكفر
تحياتي

[القماري]

مع التقدير لصاحب الفكرة
نقول
تخيل أنك مغرز في رمل ( بر) تحتاج لقطعتين من هذا المنتج (الإختراع) تحتاج لسلك بطول وقدره (ليس أقل من 3 متر على أقل فرض) تحتاج لتثبيت ( قد يفيد ماطرحه الأخ السمح سابقا) تحتاج لفك مسامير الكفرات ( ليس أقل من 8 مسامير وربطها من جديد)
الآن لنتخيل وضعنا القطع المطلوبه ( في هذه الحالة سنواجه مشاكل أولها) الكفرات في معظم الأحيان تتحرك فرادى وليس بالضرورة التحرك إذا كان الموتر داج في الرمل
2- لو فرضنا التحرك الثنائي أين ستكون نقطة ضغط الحبل (في الموتر نفسه - البودي ) الآن لديك نقطتين وستجتمع في نقطة السحب فيتكون مثلث زوايا السيارة قد تتكر في هذه الحالة
3- القطع المذكورة وملحقاتها بحاجة لتخزين وتأكد من التوصيلات - اللحام وغيرها.

اخوي هذه فكرة تطبيقها في الواقع قد يكون غير ذي نفع
مع كل التقدير والإحترام ومزيد من الإبداع وسلمت

[ابو درع]

حياك الله اخوي هملان

نعم الفكره فكرتي ....... اذا شديت المسمار يقوه اعتقد انه يكفي

اصل المسمار طويل ... بارك الله فيك

[ابو درع]

القماري شكرا على حسن تقديرك



بنسبه للمسامير 3 مسامير بكل كفر يكفي .

الواير مو شرط على شكل مثلاث ((تتصرف بئي طريق عند الحاجه)) .

يجب ان تكون القاعده طويله بطول تقريا 50 الى 40 سم لتجنب احتكاكه في البدى .

وياالله الهمام اقرب حداد يطبقها .

[حد السيف]

السلام عليكم ورحمة الله وبركاته
الغالي ابودرع اهلابك يالغالي.... ابي اناقشك بالفكرة حتى يتم بلورتها على ارض الواقع وتكون الفكرة محل التنفيذ وتتم منها الاستفادة ولايعني مناقشتي لك تهبيط عزيمتك او تكسير مجاديفك ولكن للوصول الى التصور النهائي وفتح منافذا اخرى لتلافي اي عيوب للتم تنفيذها على ارض الواقع
حسب الرسم التوضيحي المصاحب افهم من ان البكرة ثابتة ويتم فل الوايرللنقطة المراد شبكها بة حتى تتم المساعدة باخراج السيارة وبشكل متوازي للبكرتين ان كانت الامامية او الخلفية حسب الحاجة
اي انها تصبح مثلث متساوي الساقين القاعدة للمثلث هي البكرتين وراس المثلث هي النقطة الصلبة التي يتم شبكها بها حتى لو قمت بنصب منساب او وتد لشبك الواير
هذة هوملخص الفكرة حسب ما جاء في رسمك
سوالي اخي الكريم من شقين اذا اعتبرنا السيارة مغرزة وتحب اخراجها من الامام
الشق الاول.. هل الفكرة تتعامل مع توزيع القوة للدفرنس الامامي في حالة دوران احد الكفرات الامامية فقط
كيف تتعامل مع هذة المشكلة
الشق الثاني.... طريقة لف الواير تقوم على دوران الكفرات و توقفت عن الدوران بسبب قل القوة الدافعه لدوران الكفرات وبهذا تحتاج الى قوة اكبر مما يفقد الفكرة اهميتها وجدوى عملها
اطرح هذا التساؤل حتى نتمكن من وجود حلول تخدم هذة الفكرة
لك دعواتي بالتوفيق

محبك اخيك حد السيف

[ابو درع]

حياك الله وبقاك .. حد السيف


بالنسبة لسؤالك الاول الغرض منها ان الواير يشد بدوران الكفر المتحرك لكي يحرك الكفر الثابت
وبهذه الطريقة تتحرك السيارة الى الامام كلامي هذا عن السيارة العادية (دفرنس واحد)


واشكرك على رأيك وانا والله ما بعد صلحتها وجزاك خيرعلى كل حال ..،،



ياشباب كلٍ يدلي بدلوه ومنكم نستفيد ......... سلملم

[علي الشهري]

أخوي أبو درع

أولاً: أحي فيك جرأتك في الابتكار والطرح وقبولك وسعة صدرك للمناقشة

ثانياً: الواير وين يثبت طرفه الثاني؟؟ أنا فهمت إنه يثبت في مكان صلب مقابل للكفر

هل فهمي صحيح؟؟

لأن شكل الرسم إن الحبلين يلتقون في بعض!!!

بارك الله فيك

[القناص]

لله درك ابا درع

واصل والله يعينك

[رياض الجزيرة]

السلام عليكم ورحمة الله وبركاته
اخوي ابو درع لا تنسى ان الوايرين عندما تلف على المكره تضرب في مقدمة السيارة ان كان السحب من الامام أو من الخلف ان كان السحب من الخلف لأن زاوية التقاء الوايرين ثابته تقريباً مما لا يمكن الواير من الالتفاف على المكرة لأنه ليس ممتد بشكل مستقيم , كما ان امكانية خلخلة أذرعة السيارة واختلاف أعمدة التوازن تؤثر على السيارة بشكل سريع جراء تجمع قوة السحب على أحد الكفرين أو كلاهما .
آمل ان تكون الملاحظات واضحه , مع احترامي لك ولأخواني أعضاء مكشات فالفكرة جيدة نظرياً ولا بد من بلورتها على ارض الواقع من خلال هذه المشاركات التي تثري الفكرة لنستخلص في النهاية عمل يخدم الجميع .
دمتم بخير وعافية مع اعتذاري على الاطالة .

[قتال]

السلام عليكم ورحمة الله وبركاته ،،،

أخوي .. أبو درع ..

فكرة ممتازة ... ولكن قديمه .. :D :D

والفكرة أسهل من اللي تقوله أنت ..

هالفكرة طال عمرك تجدها في سيارات الدفع الرباعي عند الأجانب .. وهي خاصة لسيارات السفاري الدفع الرباعي والبيج فوت .. وتستخدم للتغاريز وبعض عروض القوة للسيارات ..

وهم يقومون بتبديل الصواميل العادية ( البراغي ) بصواميل على شكل خطاف كبير لكل صواميل العجلات فإذا كان الغراز في الكفرات الأمامية شغل الدبل وشد القلص على واحد من الصواميل ولفه لفتين على باقي الصواميل ومن الطرف الآخر ربطه بشجرة ولا بمنساب ( مسمار ) ونفختين وطلع الموتر وإذا كان الغراز في الكفرات الخلفية سوى نفس الطريقة بالكفرات الخلفية ..


أدري .. حطمت فكرتك .. لكن هالفكرة جيدة ولا بأس أن يتم تنفيذها لخدمة مكشات والمكشاتيين لكن نبدأ من حيث إنتهوا الآخرين ..

وبيني وبينك .. أنا حاولت التقليد هذه الفكرة من زمان .. لكن للأسف ما نجحت معي بسبب نوع الحديد المستخدم والمصنعية التعبانة .. مع إنه كلفني خراطة وشغل .. والحمد لله على العافية ..

وأنا آسف على تحطيم الفكرة .. لكن ما يمنع أنك تجرب هالفكرة وتشاور أخوانك الكشاته فيها ..

سامحني يا خوي .. والله يوفقك يا الغالي ..

أنا راح أحاول أحط صورة الفكرة المستخدمة إن أمكني ذلك في القريب العاجل .. إن شاء الله ..

[ابو درع]

حياكم الله جميعا
التنهات شكرا وبارك الله فيك
يبدو لي من كلامك عن المكره ألصلبه المقصود حديد أهم شي قوي
موشرط الواير يلتقي ببعض, ممكن كل واحد بجهة المقصود أخراج السيارة

رياض الجزيرة .. حياك الله
كلامك جدا منطقي وفعلا يجب تجربتها على ارض الواقع كما أشار
أيضا بهذا الري أخوك( حد السيف ) والتنهات تقريبا نفس سؤلك
حول تلاقي الواير

قتال .. حياك الله
أنا لم أشاهد ما تقول عليه وشكرا على ادلآ دلوك ومنكم نستفيد
بل عكس أنت لم تحطم ألفكره بل نورتنا الله ينور عليك وياريت تعرض الصوره ....

واعتذاري عن تأخير الرد أمس كان عندي رحله والطيارة بغت
تروح عن ........

[الطبيب]

ولا تخلي النقاش ينحيك عن الابتكار والاختراع

والتمس من وراء الشرح والرسم الكثير والكثير من الامور واللتي (( تتهيب )) ان تنشرها بعد النقاش المحتدم اعلاه

وما اقول انا الا فكره ممتازه

ولا غبار عليها

واعتقد بان اللي ينشب بطين والا برباظه

يعرف ان الفكره هذي ممكن انه تنقذ حياته

واصل وتابع مسيرك والله ثم نحن معك

واقول لك هنا بالرد ما كنت انوي اني ارسله رساله خاصه

اذا احتجت اي مساعده او عندك اي سؤال لكي تطور اختراعك

لا يردك الا الكيبورد

وحاظرين يا الغالي

هذا والله اعلم

والسلام ختام

همسه لاخي (( قتال ))

كون الفكره قديمه عند غيرنا لا يعني بالظروره اننا سمعنا بها او نعرفها

ومن ثم اذا كانت قديمك (( على قولك )) فلماذا ما نزلتها بمنتدى مكشات لكي تناقش او تطور

ونحن اولى (( كهواة بر وصحاري )) ان نبدأ من حيث انتهى الآخرون لكي نطور هذه الابتكارات والاختراعات

انتهى كلامي (( فلا تبخل اذا كان عندك مثلها )) ؛)

[ابو درع]

بارك الله فيك ياطبيب ....... وعقبل إنشاء الله تكون استشاري كبير الأطباء

والله انك أثلجت صدري ....... مدري وش أقولك

بلمنا سبه عندي اختراع مولد كهرباء يعمل بدون أي طاقه
استشرت بعض الزوملآ بنشره في مكشات وقالي حرا المفروض
انك تطبقه وتجربه وتستثمره فهذى فكره لم يسبق لها مثيل
ألمشكله أني لا افهم بالكهرباء كثير لكن ألفكره موجودة ...

[أيمن]

هذا الرد تم حجزه لحين تنفيذ هذه الفكرة كي تضم إلى براءات اختراعات المبدعين المميزين في مكشات
شمر عن ساعديك يا مبدع ونحن في انتظارك

تحيتي

[ابو درع]

ايمن ....... حياك الله

لم افهم ايش المقصود الفكره (1) او الاختراع(2)

بنسبه للاختراع مستعد لعرضه في مكشات

انمشكله مين يظمنها تبقى بأسمي ؟؟؟

...........o...............o................o

[أيمن]

http://www.mekshat.com/vb/showthread.php?s=&threadid=12308
هذا مقصدي عزيزي أبو درع ..

تحيتي

[mmalmousa]

الاخ ابو درع
بخصوص مولد الكهرباء الذي يعمل بدون أي طاقه كما ذكرت..
ابي أسألك هل فكرة هذا المولد تقوم على العناصر التاليه
1- بطارية كيميائية" بطارية سيارة
2- موتور 12 فولت دي سي
3- مغير جهد "اينفيرتر"

هل هذه هي عناصر الفكرة؟

اذا كانت هذه هي عناصر الفكرة وتحب أن اساعدك في تطويرها وتنفيذها بشرط تكون غير الفكره التي لدي
لاني سبق وان جربتها وطبقتها وعيبها هي الفقد في الجهد وزيادة حرارة الموتور

اما ان كانت فكرتك ذات عناصر مختلفة فيمكنني مساعدتك في تنفيذها عمليا ان رغبت..طبعا بعد دراستها نظريا

ولك مني جزيل الشكر

[عروان]

أخوي أبودرع ولا يهون الاخوان


هل فكرنا في جهد السحب على الدفرنش؟؟؟

لا تشبه سحب سيارة من الشاصي أو سيارة تسحب نفسها بماطور سحب مربوط في الشاصي بفكرة أنك تسحب الموتر بمساعد الدفرنش.

أرى أن الفكر جيدة بالدراسة أكثر و التفكير في حماية الدفرنش من العطب. مثلاً تأمين الدفرنش بطريقةً ما يتأثر فيها.


الى الامام أخو أبو درع خل عزومك قوية و واصل المشوار و خل عنصر السلامة أساسي في الفكرة.


أطيب تحية

[ابو درع]

ايمن.... شكرا لك على اهتمامك بهذا الموضوع .. وبارك الله فيك
ويزيد ني فخرا



Mmalmousa
.... حياك الله
نعم ألفكره فيها بعض العناصر التي ذكرت .
بما انك قمت بتجربة المولد فهذا يكفيك فخرا انك بدأت بؤال المشوار ، و بغض النظر عن ما ذكرت تشبه الفكر أم لتشبهها
أقولك يا عزيزي استمر خاصة إن كان الديك مهارات ومعلومات
بهذا المجال ... وأنا احتاج ولا استغني بمشورة مثلك وشروك
واعتقد انك لو عرضت ألفكره بهذا المنتدى سوف يتبين لك ارى
تساعدك على الاستمرار بتجنب الخطى .... هذا باعتقادي

والله يبارك فيك ..،،


عروان ... السلام عليكم ..،

يا عزيزي انت لأتسحب شي ثابت حتى يتأثر الدفرنش بهذا ألسهوله
فقط تقوم بمساعده السيارة علي التزعزع لكي تخرج واعتقد بهذا يقل الظغط وهذه النظرية تحتاج إلى فيزيائي لكي يحلل سلبياتها وإيجابياتها أما من ناحية السلامه فاعتقد أننا لو وظعنا الواير6 الى 8 مللي لكي( ينقطع ) عند حدوث ظغط اكبر من تحمل الدفرنش بهذا نظمن حمايه الدفرنش...

[الطبيب]

تعليق بسيط على حيثية (( السلك ينقطع عند زيادة الحموله على الدفرش ))

طبعا مما لا يخفانا جميعا ان السلك المعدني المجدول يتمدد بشكل بسيط عند الشد

مما يجعله خطيرا جدا اذا انقطع لانه سوف يرتد على الجهه اللتي يكون السحب من جهتها

وانا سمعت سالفه بأن احد اللي يستخدمون ونش السحب من النوعيات القديمه (( اللي ما فيها فاصل عند زيادة الحمل ))

والرجال ضغط على الونش لحد ما انقطع الواير وجاه واصابه اصابه بالغه !!!!!

ولكن اتوقع لو كان حبل السحب من نوع القماش المجدول لكان آمن عند الانقطاع

هذا رأيي

هذا والله اعلم

والسلام ختام

[بركان]

الاخ ابودرع

فكرة مثيره والدليل عدد المشاركات.
اعتقد بصعوبة تطبيقها

وكما يقال الحلو ما يكملش
وكما يقول المثل( الميه تكذب الغطاس)

ليش ما تطبق الفكره ثم تطرحها للأخوة.
واذا غرزت في الرمل في ماذا تربط الواير .. في راس الطعس؟؟؟؟
والرفارف وزوايا الصدام بتروح وطي!!!!

تحياتي لك وللأخوة

تحمل اخوك ما عليش.

[ابو درع]

بركان ... بركان .....بركان

بركان

بركان









بركان






بركان





بركن



وشلونك





شكلك ما قريت الردود كله

بركان






مع السلامه





بركان







ابصلحها انشاء الله :

[الطبيب]

وحتى لو كانت غير عمليه ( من وجهة نظر البعض )

ما زالت فكره تستحق التقدير

وعقليه تستحق التشجيع

سؤال لكل (( منتقد وليس ناقد ))

لماذا لا تشاركون بآرائكم للتطوير والتحسين من الفكره

عوضا عن الانتقاد وتكسير مجاديف الرجال ؟؟؟؟؟؟؟؟؟؟

طيب

سؤال آخر .........

لماذا لا تحركون مواهبكم شوي وتوروننا بعضا مما عندكم ؟؟؟؟؟؟؟؟؟

لست ابدا مع من يثبط الآخرين

ولست ابدا اوافق الانتقاد ( السلبي ) واللذي يجعل المتحمس لطرح افكاره واختراعاته يراجع حساباته ويتررد كثيرا بسبب رأي احدكم

ولست اقول هذا الكلام من فراغ

فلقد مررت بهذه التجربه من قبل في الحياه الواقعيه

فلقد ثبطني اشخاص كثيرون لدرجة انني تركت الابتكار او (( الترهيم )) بالاصح لاشياء اريد استخدامها (( ليس للبر )) ولكن في البيت

ولكن عندما راجعت نفسي ونظرت هل انا ام هم الخسران ؟؟؟؟؟؟؟؟

وجدت انني لايجب ان التفت الى من ((((( قال ولم يفعل )))))

بل يجب ان ((((( افعل ولا اقول لهم الا بعد ان يروا ما عملت )))))

وان انتقدوا

((((( فلا يهمني كثيرا ))))) :) :)

خاص لابو درع

اكمل طريقك ولا عليك والله يوفقك

وما زلت عند وعدي

اذا احتجت لاي مساعده او خدمه اقدر عليها فلا يردك الا لوحة المفاتيح

هذا والله اني انقهرت :)

والسلام راحه وختام :)

[بركان]

اخي الكريم/ ابو درع
الاختلاف في الرأي لا يجب ان يفسد للود قضيه.
تبي الصراحة لقد اختلط الحابل بالنابل
هل الفكرة مخصصة للسيارات التي ليس فيها خاصة الدفع الرباعي والا ابتاع كله وما دخل الماطور في هذا الموضوع..

بعدين انا قلت رأيي انه صعب تطبيقها
وليس القصد تثبيط عزمك .

انت طرحت فكرة
هل المقصود جمع الافكار من الاخوة وبلورتها
ام المقصود انها فكرة جاهزة
واذا كانت جاهزة
فطبقها. هل طبقتها؟؟

طبقها وقل لي
والله لآدورك واحب على راسك وخشيمك
واعتذر منك.

بس اللي فهمته ان الطبخة ما تزال على النار
ما بعد استوت.

تكفى صحح مفهومي وبهدوووووووووووووووووووووء. بليز واعتبرني اغبى طالب في الفصل من اللي يجلسون في آخر زاوية في الفصل.!!
-----------
اخوك الصغير المشاغب/ بريكين.

ترى اتفقنا زعل مافيه.

[ابو درع]

بركان حياك الله ...... أشكرك علي حس خلقك وا تواضعك
أنا الم اعرض ألفكره في المنتدى إلا لكي يستفيد منها
الجميع . . ونا أول المستفيدين بطرح الأعضاء بعض سلبياتها
التي يجب علي كل شخص اتخاذ الحيطة منها.. هذا منطقين اما تجربتها على ارض الواقع فهناك الكثير من ..... الخ
مثلا .. أخونا حد السيف برأيه المنطقي وعروان مناحيه السلامه
ولأخ الطبيب مشكورا بتعليق على نواحي السلامه بعرض فكره الحبل نيلو لنهو اقل خطورة من الواير وكذالك لكل من شارك ،
لنصل بذالك إلي نتيجة يستفيد منها الجميع .. واكرر شكري لك بركان ..،

الطبيب ... وفق الله مسعاك
كلمك الجميل يقوي الهمم .
نعم نحنو لدينا طاقات أفكر إبداعات ارى من رجال أصحاب عقول نضيفه، لا ينقصهم سوى التشجيع مني ومنك ومن الأخر لاستمرار أنا اعرف شباب
ليس لديه أي إمكانيات لا ماديه ولا عدد وبذلك تجده يفعل الكثير
ولكثير بقل المكانيان بلا أحيانا من الخامات البسيطة

أنا لا أقول هذا الكلم لني فعلت هذه ألفكره البسيطة بورقه وقلم ولم أجربها حتي علي ارض الواقع
لكن دوافعي من الكلم انه يجب ان نجعل من هواه البر ورحلات
رجال أصحاب همم لنهم أهلا لهذا الشي برآي ..
واكرر شكري لك ... طبيب com

نصيحة لا تش تغل وعليك بدله لها com
ولا تروح الجيرانcom
آلا ونا معcom
سلام عليcom:D

[الروضة الشمالية]

فكرة رائعة

[ابو درع]

حياك الله .. روضة التنهات

وشكرا علي مرورك

اخوك ابودرع

تحياتي

[قتال]

الأصل كُتب بواسطة الطبيب

همسه لاخي (( قتال ))

كون الفكره قديمه عند غيرنا لا يعني بالظروره اننا سمعنا بها او نعرفها

ومن ثم اذا كانت قديمك (( على قولك )) فلماذا ما نزلتها بمنتدى مكشات لكي تناقش او تطور

ونحن اولى (( كهواة بر وصحاري )) ان نبدأ من حيث انتهى الآخرون لكي نطور هذه الابتكارات والاختراعات

انتهى كلامي (( فلا تبخل اذا كان عندك مثلها )) ؛) [/B]



السلام عليكم ورحمة الله وبركاته ،،،

أخي العزيز .. الطبيب .. إسمحلي أنا مانتبهت لهمستك إلا الآن .. وما أعرف وش قصدك من كلامك ..

لكن أسمع .. أنا ما شاركت حتى أنتقد أحد أو أحبط أحد .. أنا حبيت أوضح شي أنا أعرفه .. فإن كان يعجب فكان بها وإن كان ما يعجب فتركه أحسن ..

فتوضيحاً يا أخي .. أنا لي تجارب كثيرة في عدة أمور تخص الكشاته .. لكن للأسف أكثرها فاشلة :( .. وإن لم تكن فاشلة تكون قليلة الفائدة .. هذا حد استطاعتي ..

أما بخصوص فكرة صاحب الموضوع .. فأنا ما نسبتها لنفسي .. لكنها فكرة سبقه عليها شخص غيره بالتأكيد وتم تنفيذها في أرض الواقع من قبل .. دائما نشوفها في عروض القوة للسيارات في القنوات التلفزيونية .. وأنا شخصياً حاولت أبحث عنها في السوق وفي محلات زينة السيارات لكن للأسف ما لقيت اللي يعرف عنها شي .. وبحثت عنها في النت كنت بشريها ولكن لم أجدها .. وهذا اللي خلاني احاول تنفيذها بنفسي .. لكن للأسف التنفيذ فيه شي فني أنا ما انتبهت له ممكن هو السبب في فشل الفكرة .. وصدقني أخي الحبيب .. لو كانت الفكرة نجحت معي كان شفتني حاطها في الكل الخيام بعد ..

والله يوفق الجميع لما يحبه ويرضاه ..

[الطبيب]

شكر لردك وسعة صدرك

لك كل التحيه والتقدير

هذا والله اعلم

والسلام ختام

[عبد العزيز العجاجي]

مشكور على الفكرة وان شاء الله نستفيد منها

[القرم]

تحيه للجميع,,,,

بعد اذنكم جميعا بخش عرررررررررررض... ليش بدال كل الحوسه ما اركب ونش وخلاص...اقصد ان البديل موجود ولا حد الله على مثل هذه الاشياء ..لكن ما يمنع هذا من محاولة الإبداع والبحث عن الجديد الغير موجود في السوق .

تحياتي لكم

[ابو درع]

المرشد ... شكرا علي مرورك

القرم ... حياك الله شكلك مكثر من السمبوساس

وا منبهت فقريت اولا الموضوع ورديت علطول:D

الله يسلمك كيف تركب مثلا،، للكابرس ونش .. فهمنا

عليك بشوربا العدس ولقيمات بر


....................سلام

[القرم]

"السمبوساس" مع اني مدري وش معناها بس شكلها شي حلو لان الحلو ما يجي منه الا الاحلى :) ...وش الي يمنع اني الواحد يحط ونش للكابرس او غيره هذا اولا؟
ثانيا ياخي ما ذكرت ان الاختراع حقك لسيارة معينه! لا كابرس ولا غيره لكن الظاهر ان "التوتات" على وزن "السمبوساس" حقتك اثرت عليك يا الطيب.

[ابو درع]

القرم حيك الله

توي ادري ان السمبوساس احسن من التوتات

ونت قرم ولياجت للمعاني مفوه

ركب ونش الي تبي سوه

وكل واحد يعيش جوه

وفكرتك حلوه

حلوه

.........................سلام

[راعي العزبة]

أبودرع ما أقول إلى الله يعطيك العافية اهم شي أنك تحرك المخ وشكراً مجددا

[ابو درع]

شكرا المشاعرك يارعي العزبه

[قتال]

السلام عليكم ورحمة الله وبركاته ،،،

أخوي أبو درع .. ولا يهونون الربع ..

هذه صورة لقيتها بالنت لنفس الموضوع والفكرة لكن باين عليها قديمة وتختلف عن اللي أنا أقصده شوي ..



http://4xforum.co.za/tguide/recovery/hubcapstan.jpg

[ابو درع]

قتال .. كل عام ونتم بخير

السلام عليكم ورحمه الله

يعطيك العافيه ... والله هذي احسن من الي ان راسمها.،،

قتال ممكن ارابط لهاذه الصوره.. اكون..... شكر

[وجيه 11]

الأخ أبو درع مجهودك طيب خصوصا في الرسم وفي الفكرة مع أنها في بدايتها ، وعلى الرغم من كونها لا تزال في طور النظرية إلا أني مؤيد لها ، وأنا أبغى أنبهك إلى الفشل الذريع الي بيقابلك اذا بغيت تطبق نظريتك .
أنت الآن سويت الخطوة الأولى باقي عليك وعلينا أيضا الخطوة الثانية وهي التطبيق ، والخطوة الثالثة الله يسلمك التطوير فبعد الفشل في التطبيق ما عليك إلا تلافي أو معرفة نقاط الضعف في المشروع بعدها تلقاك سويت اختراع أسمه " أبو درع " تيمنا باسمك مثل ماجلان جهاز سخيف في الفكرة ، تلقى الي اخترعه انجلد وذبوه في السجن وهاوشوه يقولون مهبول انت تبي تخسرنا قمر صناعي علشان خرابيط واحد طالع للبر ومضيع طريقه ؟ جعله ان شاء الله ما يلقاه حنا مكلفين به ؟ وفي الأخير صنعوا الجهاز وانتشر ، ودج ، ورجع لمستواه وسمعته ، ثم جوا ناس وقلدوه ، والآن فيه عشرات الأقمار بنفس فكرة الماجلان :good2:

[قتال]

السلام عليكم ورحمة الله وبركاته ،،،

أخوي أبو درع .. أضغط على الصورة ..


http://4xforum.co.za/tguide/driving/duneclimb.jpg (http://4xforum.co.za/tguide/recovery.html)


http://4xforum.co.za/tguide/recovery.html

[ابو درع]

وجيه..... العيد عليكم.. مبارك وكل عام ونت بخير

الله يبارك فيك ..ونا على قولك شكلي ابنجلد بحدى البران

.........

قتال اشكرك صوارت على الظاغوطه


بعطيك العافيه

[ونش]

يجب ان تكون القاعده طويله بطول تقريا 50 الى 40 سم لتجنب احتكاكه في البدى .

;)

[ونش]

يجب ان تكون القاعده طويله بطول تقريا 50 الى 40 سم لتجنب احتكاكه في البدى .


كيف تخزنها بشكل مستمر بالسياره

[ابو درع]

ونش حياك الله ..

ايش المقصود من التخزين ... أكيد مع مفتاح العجل والعفريتة

ونت تقصد أنها طويلة وتأخذ حيز في السيارة

أقول ممكن انك تضع في بدايه كل رجل مفصله علشان

تصفطها ... يعني مثل كرسي الطبخ إلي يصفط

[ظلال الشمس]

أبو درع نشد على يديك وودنا نشوف ثمرة هالموضوع
والله يعطيك العافية وإلى الأمام

[ابو درع]

ظلال الشمس... وجعلنا في ظله يوم لاظل الا ظله .. ...


حياك الله وبياك ..


تحياتي ،،،

[صالح المطيري]

بصراحة الفكرة ممتازة جداً جداً وتصلح لموتري ولو حصلتها عند زينة السيارت بالمستقبل راح أشتريها على طول بشرط ألقاها وارد أبو درع مع الضمان إن شاء الله :) . تحياتي لك يا ابو درع الفكرة ممتازة وقابلة للتطبيق :good: .

[ابو درع]

صالح المطيري ... ارحب

والله يسمع منك..


بشرط ابيع 1000,000 حبه نسبه الربح 5% فنوع

[حافي]

فكره حلو اخوي ابودرع
وياليت الفكره تصير حقيقه
بس هل الكفرات يبي يتحركن بوقت واحد والحجم كبير شوي يعني يبيلك مكان بالسياره مع الوايرات
لاكن ارجع وفكر وانتبه من الملاحظات مهما كانت صغيره تكبر على ارض الواقع ويبلش الضعيف اللي يستعمله بالبر بحاجته ثم يدعي عليك

[الجيب الربع]

الغالي أبو درع

مشكور على الفكرة

بالنسبة لمسألة التقاء الوايرين واحتمال احتكاكهم بالبدي فيمكن حلها بوضع قاعدة تجمع التقاء الوايرات بحيث تخرج الوايرات من البكرات بطريقة مستقيمة أو بزاويه داخلية صغيرة نسبيا حتى تصل الى قاعدة التجميع التي تثبت بدورها في أي جسم ثابت أو ثقيل جداً

السؤال الجدير بالتركيز عليه: هل طاقة السحب ستكون كافية؟ وماذا يحدث إذا دار كفر واحد بس؟

أجمل تحياتي

[ابو درع]

حافر.. فعلا كلمك في محله . يجب تجربتها لتجنب السلبيات

اما قولك الكافرات بوقت واحد كان ما غرزت السيارة من الأساس

ف التغريز عادتن من عدم توازن الأرض الرمل او ميول السيارة

او قوه شد الرمل تكون أقوى من السرعة المطلوبة التجاوز المحنه

وهذه الفكرة تساعد الكفر الثابت علي التزعزع وليس اكثر من هذا

مثل ما تفعل آنت وانا اذا حدث لك غراز تقوم ( بالتبريح ) لكي تساوي الأرض ..

شكرا لك ولك مني التحية ،،

الجيب الربع ..

بطبع انا لا افهم ان كانت الطاقة كافيه ام لا .. فهذي عمليه فيزيائيه

لها حركه بفعل الطاقه .

وبقولك كفر واحد ماذا يحدث .. مثل ما ذكرت لغرض منها تحريك لثاني

ولك من أجمل التحية ،،

[الطعس الذهبي]

ماشاء ماأكثر الإبتكارات المكشاتية

[ابو درع]

للرفع للفئده ..

[Somebody]

السلام عليكم ورحمة الله وبركاته .......



حيااااك الله اخوي ابو درع ومشكور على الفكره الأكثر من رائعة



بالنسبة للسيارة ذات الدفع الأُحادي سواء 4*4 أو 4*2 تكمن المشكلة في توقف أحد الكفرات بالنسبة 4*2

أو كفرين

بشكل X بالنسبة 4*4

وهنا نقول ان السيارة توقفت عن التحرك

اذا طبقنا الطريقة اللي ذكرت مع 4*2 جهة الكفر الذي يتحرك قد يكون هناك نتيجة إيجابية وخصوصاً اذا كان السحب للخلف وذلك

يرجع لوجود الكفر تقريباً نهاية جسم السيارة ولا يوجد بين البكره التي تلف الواير ( الحبل ) او ماشئت تسميته... والنقطة المربوط بها اي عائق مثل لو كان السحب إلى الأمام فالكفر الأمامي سيكون عثره في عملية الدوران مما يؤدي إلى تغير مسار السيارة أو أن يكون إستجابة الكفر الأمامي للدوران ضعيفة وهنا المشكلة.



*ملاحظتي إذا تمت عملية السحب للخلف بواسطة مكره واحده مع الكفر الذي يدور مسافة بسيطة حتى يدور الكفر الآخر هي الأجدر.

وكذلك هي الطريقة مع الدفع الرباااعي ولكن يختلف انه بإستطاعتك الإتجااه للأمام أو الخلف لوجود دفرنس أمامي.





آسف على الإطالة والشرح الممل



تحيااااااااااااااتي لصاحب الفكره وبقية الأعضاء

[نجم حفرالباطن]

يعطيك العافيه اخوي ماقصرت

[camping expert]

عند الشد ماراح يتحرك الكفر وراح يدور بوش الجهة الأخرى !

بامكانك تركيب عمود مسنن ينتهي ببكره على عمود كردان cardon shaft ومن ثم تعشيق الموتور


تحياتي لك أخي الفاضل والله يوفقك

[albara]

السلام عليكم ورحمة الله وبركاته

أنا أول مرة أقرا عن الفكرة هذي ويوم بديت أقراء بداية الموضوع وقبل اشوف الصور راح بالي على فكرة ثانيه بنفس المبدأ الى قلته اخوي ابو درع بس بدون وايرات , وتركب لأى سيارة مهما كانت , وتطلعك من الرمل والطين , ومتى ما غررزت انزل ركبها على كفرين بخابور صغير لكل كفر واذا طلعت فكها ما تاخذ عشر دقايق وعندي لها تصور كامل بس كل هذا نضرى ( ويمكن تكون قديمة بعد)

عملياً بحاول اطبقها ثم اعرضها

والله يوفقنا

[القيادي]

للرفع للفئده ..

أي فائدة الله يرحم والديك كل هالمدة ولا فيه جديد عن فكرة أنت نزلتها ، لكن يبدو ان القصد يصير اسمك بالصفحة الأولى وعدد القراء الضاحكين والرادين الحانقين-حلوه الحانقين مادري وشلون جبتها- علشان يصيرون كثيييييييير،،، ياحظك

[ابو درع]

القيادي .انت اتهمت جميع الاضيوف والاعضاء بقولك !!! اترك لهم الرد

اما عن اسمي هذا فخر لي ولي مكشات في تميزة في مجموعة من المواضيع التي يميزها ويختارها الاعضاء مثلي

اشكر لك زيارتك لهذ الموضوع

[عاقل]

السلام عليكم
اخوي ابو درع .. سبق وأن جربت الفكره عمليا قبل ثلاثين سنه تقريبا
الحقيقة ما ادري هل انا قريت الطريقة في مجلة او سمعتها من واحد او صنفت وطبقتا
اذكر اني سويت مكره واحده على كفر واحد وبسياره دتسن ، الحقيقة شغله وبدت السياره تزحف على جنب ومع ان الحديد قوي الا انه صار فيه ميلان ...... المهم كانت تجربه ولا عدتها والسلالالالالالالالالالالام

[dodo2003]

فكره جيده ماشاء الله تبارك الله

[قتال]

الصور مرة أخرى


http://www.mekshat.com/pix/upload/images34/mk2426_pg_176_03.jpg http://www.mekshat.com/pix/upload/images34/mk2426_pg_192_03.jpg

[ابـ معزي ـو]

الله يعطيك الف عافيه على الموضوع الرائع
؛؛
له فائده حلوه

تحياتي

[العمرالحزين]

الصر احه الفكرة حلوه ومن خلال الصوره جتني فكره ممكن اضيفها0
ليش بدل ما نستخدم كفرتين 00000 نستخدم الأربع كفرات0
يعني في كل كفره مكره0

بحيث نشبك الواير من الكفر الخلفي للكفر الأمامي بحيث يدور الكفر الأربع مع بعض 00 مثل الدبل 0

صح متعبه شوي لكن أعتقد انها ناجحه 0

وش رأيكم 0

[.أبوعبدالرحمن]

أبو درع تسلم والله على هالفكرة الرائعة ..
ومواريها أنها عملية في الغراز في السبخات والأراضي المنبسطة ..
لكن هل بالفعل تم صنعها على أرض الواقع ..

[اشهب الزلفي]

السلام عليكم
اولا اهنيك على هالفكره
وانا عندي اقتراح لفكرتك بما انه اكثر العذاريب اللي قالوها بالواير او القلص اللي بالجنط
بدل ما يكون كل كفر طالع منه قلص يكون قلص واحد يطلع من الاول ويربط بالثاني ويكون بينهن بكره مربوطه بشجره مثلا اوطنب كبير
ويكون السحب متوازي تقريبا
لكن هل الطريقه هذي ماتأثر على العكوس او رمانات العكوس!!!!!!!!!!!!!
وكان ودي ارسم الطريقه بس اخوك عليمي بالكمبيتر زين اني كتبت
والله يوفقك وفكرتك حلوه بس حاول تشوف عيوبها وتحاول تفاداها وتبي تنجح انشالله.

[صدى الهوجاس]

ما اقوول الا سلمت يمناك يالذيب

[بواردي الدلم]

انا اشوف ان الوايرات يكونن بطول عشره متر ويربط في اقرب شي ثابت وراء السياره
يعني نفس نظام الونش
وهذي الفكره يمكن تنفع في حاله الطين اما الرمل مالها داعي اول ماتحس ان الموتر بيغرز شل رجلك عن البنزين وخله يوقف من نفسه وانزل نسم الله لايهينك وبشويش راح تطلع ومن زود الفرحه بتقلبها تطعيس

[بواردي الدلم]

انا اشوف انك حليت المشكله يالعمر الحزين

[ابوقاسم]

الفكرة حلوة اخوي ابو درع وشكرا للرفع للاطلا على الموضوع وابداء الراي
انا شفت الفكر في احد الافلام الاجنبية منذ مبطي بالحيل ولكن صياغتها تتطلب جهد وما قصر الاخ قتال جاب الصور والتصميم جاهز
ولكن الا يؤثر على وزنية الدفرنش اذا ركبت في الخلف
او على العكوس اذا ركبت في الامام
على العموم وقت الطوارئ والحاجة ما راح تفكر الا في الخروج من الورطة اللي انت فيها
وهذي في الفلم اللي شفته كان في سباق رالي والرجال لما توهق ركب القطعه على الكفر وربط الواير بشجرة فريبة وطلع نفسة









ولكن جنوط السيارة ماهي المنيوم وعريضة والسيارة ماهي فخمة


الجنوط حديد يعني الصواميل طالعه ماهي مخفية مثل سياراتنا
وبالتوفيق

[Hakamy]

سلمت يالذيب

[abnbtota]

يعطيك العافية
فكره ممتازة تحتاج تطبيق بالصور من الواقع مع تلافي الاخطاء حتى اكتمال الفكره
وقد شاهدت في برنامج ديسكفري لسيارات واقعه في الوحل ومياه وتغريز بمعنى الكلمة
وتستخدم نفس الفكره وطبعاً فيه اشجار يمكن الربط فيها وهي مجديه

[هدير الموج]

يعطيك الف عافيه على الفكره الرائعه

كل عام وانت بخير

[برق و سحاب]

الفكره جميله ولكن مستحيله انها تخرج السياره وراح تسبب تلفيات ؟ اللي عنده القدره يشتري اغراضها يشتري ونش ابرك له ؟ والفكره جميله وتدل انك راعي هواجيس فكر بطريقه اخرى

[مداوي]

فكره رائعه
لكن تحتاج دقة تامه في صنعها وتنفيذها
مشكور ماقصرت

[كتاب]

الله يعطيك العافية

هذه الونش معروفة ويتم تسويقها في أستراليا وأمريكا واسمها ( بوش ونش )

هذه عدة مواقع يمكن أن تجد فيها معلومات عنها وأدعو الله أن يعينك على تطوير أحسن من اللي يسوقونها

http://www.bushwinch.com.au/products.html

http://www.exploroz.com/Forum/Topic/44665/The_Bush_Winch.aspx

http://www.austracks4wd.com.au/products.htm

http://www.going4wd.com/bushwinch.htm

http://www.campingwa.net/Busiwinch/tabid/130/Default.aspx

[ماطر]

ياشباب هل يمكن الحصول عليها ؟؟؟؟