موضوع للي يبي يشتري سياره من دول الخليج [الأرشيف]

مشاهدة النسخة كاملة : موضوع للي يبي يشتري سياره من دول الخليج

خربش بربش

19/10/2009, 11:31 PM

بسم الله الرحمن الرحيم

كيف حال الجميع حبيت اطرح هذا الموضوع ولو ان في احتمال عرضه قبل كذا للفائده للجميع وتبادل المعلومات ... طريقة شراء سياره من الخليج الامارات الكويت وغيرها وماهي الاجراءات ومبلغ الجمارك والمشاكل التي تمر بها وغيره من النصائح ......ارجوا من الاخوه ذوي الخبره والذين جربوا الا يبخلوا علينا بالفائده والمعلومات وجزاكم الله خير الجزاء .... ارجوا التفاعل مع الموضوع لاني واحد من اللي يبي يروحون وخايف اتوهق....

البوعينين99

19/10/2009, 11:51 PM

موضوع مهم

ننتظر المشاركات

راعي المجهم

20/10/2009, 03:33 AM

فيه واحد من الربع قبل سنة أشترى جيب من الأمارات ربع 2007

يقول أسعارها مقاربة للسعودية يعني بالسعودية يسوى 90 ألف

بالأمارات يسوى 87 ألف ريال الفرق 3000 ريال فقط

يقول التذكرة بــ 900 ريال والسكن والشرب والمواصلات بــ 3000 ريال

وجمارك 5 % من قيمة السيارة تقريباً 4500 ريال

وعرقلة يومين على الحدود حتى تخلص أوراق سياراتك ووراك 1200 كيلو للرياض

نجي نحسبها

900 + 3000 +4500 + 500 ريال مصاريف خط بنزين وغيره = 8900 ريال

أضفها على قيمة السيارة 87 ألف = 95900 ريال

يعني أغلى من السعودية بعد التكسير والتجميع

ولاتنسى فرق العملة بينا وبين الأمارات

الدرهم = ريال و3 هلالات

يعني 100 ألف ريال سعودي = 97 ألف درهم

3000 ريال تطير عليك عند تحويل العملة

بعد الكلام أعلاه يقول لي أول مرة وأخر مرة أشتري من خارج السعودية سيارة

ولا تنسى أن هناك نصاااااااابين بشهادة دكتوراه

يخبرنا أحد العاملين بمعارض الرياض عن قصة حصلت لواحد أشترى من الأمارات سيارة

يقول أشترى جيب vxr موديل 2005 بــ 100 ألف ريال

نظيييييييييييييييف جداً جداً وردة على قولتهم

المهم كتبوا المبايعة ووقع عليها الرجال وأستلم راعي السيارة فلوسه ووقفوها بالمعرض

وبكرة يجي يستلم سيارته بعد النقل وتخليص أوراقها

المهم اليوم الثاني جاء صاحبنا وقالوا له تفضل هذا مفتاح السيارة

أعطوة جيب 2005 vxr لون أبيض نفس جيبه الي شراه أمس

بس مسمكر ومقلوب وملعوب في أبو جده ماهو موتره الي باع وشراى فيه أمس

أطلع أنزل قالوا له هذا جيبك الي شريته وهذا توقيعك على المبايعة ورضاك بالبيع

بعد أخذ ورد وشكوى في الشرطة والسفارة قالوا له القانون لا يحمي المغفلين

جابه للسعودية وبيعه يالله بــ 70 ألف ريال !!!!

المكشات

20/10/2009, 10:27 AM

^
^

واجد جابوا وكسبوا وحصلوا خير

a2020

20/10/2009, 10:56 AM

ما ظن بين دول الخليج جمارك ، إذا أشترى سيارة من أي دولة من دول الخليج الوكيل يعطيه ورقة الجمارك بأن السيارة تم استيفاء جماركها
فا سالفة ال 5% اذا كنت شاري السيارة من خارج دول الخليج العربي

جهراوي

20/10/2009, 11:19 AM

خربش بربش

20/10/2009, 12:41 PM

يقولون الامريكي رخيص بالامارات

خربش بربش

21/10/2009, 01:19 AM

مشكورين حبايب على مروركم الكريم وننتظر اهل التجارب

الحرب20091ي

21/10/2009, 06:33 AM

والله عندنا جار متخصص في توريد الكراون ماركيز من 2005 الى 2008 بس ماشاالله مربحه في الوحدة لايقل عن العشره او الثمانيه من غير الجمارك بس الرجال يعرف ناس من الامارات هم اللي مضبطين وضعه في المعارض .
بس احذر لان اكثرهم نصابين ويجب الحذر منهم.

salateno

21/10/2009, 10:39 AM

والله اذا كان الفرق الى 10000 افضل تاخذ من هنا ماتسوى تعبها.

خربش بربش

21/10/2009, 12:53 PM

والله 10000 مغريه كله دزه ورجعه الواحد يكد شهر كامل وفي الاخير الراتب 3000

ابوعبدالله530

21/10/2009, 01:11 PM

السلام عليكم
اخوانى ترى الشغله ميب سهله اذا ماعندك خبره لاتروح ولاتتعب نفسك
هنا ممكن انك تتصل على اى واحد من معارفك يعرف بالسيارات ويفيدك وهناك اذا انت معتمد عليهم بالفحص عز الله رحت وطى
كثيرين يروحون وينغشون بالسيارات
والى مهوب متاكد 100 بالميه لايروح ولايتعب حاله
واذا انت ملزم تروح خذ هالنصايح معك
بالنسبه للامارات
الاسواق هى الشارقه ولاتحرص عليها
بنى ياس اذا تدور جيب او العين
لاتروح وسط الاسبوع رح خميس وجمعه وسبت لانك تلاقى جلابه غير المعارض احسن وارخص
واذا تدور امريكى رح لصناعيه الشارقه الصناعيه الثانيه تلاقيها هناك كلها مصدمات وتشوف صدمتها بنفسك وتتصلح لك وتجيبها لانه 99 بالميه من الامريكى بالامارات مصدوم
اما اذا تدور المانى فى ابو ظبى واحرص على سيارات الاجانب هناك لانها تجى رخيصه
وترى مافيه فرق كثير بالسعر بيننا وبينهم
اما الاخ الى يقول مكسب الفورد من 10 الى 8 اذا انت راضى انك تشترى مصدوم وتصلحه وتجى تبيعه هنا فممكن
اما انك تشترى سليم وتبيعه ما اظن لانها لو كذا مابقى احد بالسعوديه الا راح يجيب احسن من راتب شهر
بالنسبه للسكن لاتفكر تسكن فى دبى اسكن بالشارقه الا اذا لك اهداف ثانيه
بالنسبه لفرق العمله يعين الله عليها
بالنسبه للجمارك لازم تاخذ ورقه مقاصه من الميناء قبل لاتجيب السياره علشان يخف عليك الجمرك
واذا نويت انك تتجه للسعوديه اتجه بالنهار علشان ماتطول لانه بعد الساعه 10 بالليل يعلونك عله مايخلصونك الا الصباح

بالنسبه لدوله الكويت مالى خبره فيها
بالنسبه لقطر اذا مالك معرفه هناك لاتتعب نفسك وتروح كل الى بالمعارض مرشوش وملعوب فيه واغلى من السليم هنا

هذا والله اعلم

بروق الخير

21/10/2009, 01:56 PM

السلام عليكم

أنا عندي ثلاث من الربع كلهم اشتروا مواتر من الخليج

وكلهم ولله الحمد مرتاحين وامورهم طيبة
اثنين من الامارات وواحد من قطر
اللي من قطر انا خاويته وكل شي كان ميسر ومتسهل ولله الحمد

حدود الوطن

21/10/2009, 07:01 PM

............................................

حدود الوطن

21/10/2009, 07:11 PM

نصيحة لمن يريد شراء سيارة من الامارات ويريد استخدامها يبعد عن الاستعمال امريكي لانه 90 % مصدوم أو غرقان أو محروق
ولايهمك ابو شكيب إذا حلف لك لو يجيب لك الشمس بجهة والقمر بجهة فقط خذ رقم الهيكل واستفسر عنه في موقع CAR FAX
بأي طريقة

وأما اللي يبي يشتري ويبيع هذا شي ثاني

أما غير الامريكي او الاستعمال الخليجي لا تشتري الا وانت تعرف بالسيارات مضبوط وتعرف بالسمكرة وغيرها

لان النصب عند اصحاب المعارض من اهم الركائز للكسب السريع .........

وبالنسبة للجمارك فهناك طريقة قبل ان تستورد سيارة بإمكانك أن تستفسر عن طريق الاصدقاء والزملاء فلابد أن تجد أي صديق يعرف أو له أحد القرابة قد يعمل في أحد المنافذ الجمركية وهذا أفضل حل ليفيدك عن الرسوم الجمركية ولو تقريباً ..

واعتذر عن الإطالة ..

المساهر

21/10/2009, 07:26 PM

والله استمتعت بالمتابعه والمعرفه

بني حسن

21/10/2009, 07:29 PM

نصيحه عامه اللي ما يفهم بالسيارات يدورله واحد ثقه من الربع يفحصله السياره ويشتريها
.
.
.
واللي يسافر خارج بلده لشراء سيارات هم تجار السيارات فتتوزع مصاريف السفر والاقامه على مجموعه من السيارات يجب ان لا تقل عن سبع سيارات او حسب القيمه الكليه للسيارات وهامش الربح المتوقع
.
.
واذا كانت المصاريف المضافه على ثمن السياره من الامارات حسب ماورد في رد احد الاخوه قريبه من عشرة الاف ريال فأنني اعتقد ان الموضوع غير مجدي ولا يستاهل السفر اذا كان القصد شراء سياره فقط ما لميكن مربوطا بمأرب اخرى والله اعلم
.
.
اشتري من معارض السعوديه وتجارها وتدلل عليهم
احسنلك

الخوي الوفي

22/10/2009, 06:16 AM

بارك الله فيك على الموضوع والنصائح التي افادونا بها الأخوان ،،،،،

السنع كله

22/10/2009, 11:34 AM

عذرا للاخوة جميعا فالكل لم يتعرض للسبب الذي من اجله يذهب من يذهب للشراء من دول الخليج وخاصة البريمي ليس الهدف الرخص لا وانما لان السيارة شد بلد من الصدام للصدام ولم يتجشموا الصعاب الا لما تدخل ابوجميل فيما يستورده سلط ملط ويركب عليه الاكسسورات بل والمكيف حتى الجنط من وكلات تجارية رديئة 0000هذامربط الفرس في القضية اخوتي الفضلاء

خربش بربش

23/10/2009, 02:05 AM

طيب اكيد عندهم مراكز فحص كمبيوتر وسمكره مثلنا لان اغلب الشعب عندنا معتمد على هالشي اصلا

بني حسن

23/10/2009, 11:34 AM

خربش بربش

23/10/2009, 01:55 PM

فعلا ذلونا ذا الوكلاء الحين تلاقي هايلوكس ابو جميل اغلا من البريمي ب7000 ريال مع ان البريمي افضل وقطعه اصليه!!!!!!

السنع كله

24/10/2009, 09:43 AM

مع ان البريمي افضل وقطعه اصليه!!!!!!
وقطعه اصليه
وهذا مربط الفرس

خربش بربش

20/06/2010, 05:30 PM

للرفع من اجل الفائده

ابو سلطان1234

20/06/2010, 05:57 PM

طيب اللي يبي البريمي ليش ما يشتريه من عمان على طول احسن له ويجيبه مع المنفذ الجديد

ملف علاقي

20/06/2010, 10:50 PM

طيب اللي يبي البريمي ليش ما يشتريه من عمان على طول احسن له ويجيبه مع المنفذ الجديد
هم فتحوه الحين عطونا علومه تكفون

خربش بربش

27/06/2010, 04:30 AM

للرفع لتعم الفائده وايش شي يجهلنا علمونا به
سؤال الفلوس كيف اشيلها معي اذا رحت مثلا الى الامارات عشان اشتري سياره

تناهيت

27/06/2010, 06:28 AM

هلا بك اخوي موضوع مهم حقيقه ول اني كنت اتمنى اني قاريه قبل لا أخوض تجربتي قبل شهر .....لأني رحت هناك وتعلمت بنفسي طرق البيع عندهم وكيفيه تخليص الأجراءات الجمركيه وغيرها

على العموم بالنسبه للدراهم الأفضل انك تفتح حساب بنكي في بنك الامارات عندنا واغلب الناس تاخذ كاش وتسافر رغم مخاطر هذه العمليه فالواحد ما يدري وش راح يواجهه خاصه اذا كان السكن غير آمن ولا يتوفر فيه سفتي بكس (صندوق آمانات ) عدآ عن حملها طوال الرحله فعلاُ هم كبير واجهته خاصه اذا كنت راح تمسك خط بري ..... طبعا عليك انك تبلغ الجمرك على المنفذ بالمبلغ الل يمعك اذا كان أكثر من 100000 ريال وتعبي نموذج خاص بذلك يحفظ لك حقك اولا في حاله سؤلت من اين لك هذا في ارض الأمارات ..
طبعا لازم تحسب حساب فرق العمله الــ100000 ريال = 98000 درهم هذا افضل صرف عندهم وكثير من محلات الصرفه والمنتشره في الشوارع تصرف بأقل 500 ريا ل طبعا سعر الصرف يتغير من حين لآخر

نجي للموضوع الأهم وهو المقاصه ...> انا ما اخفيك طالع من هنا وفاهم انها تعفي تماماُ من الجمرك وانها مجرد ورقه تكون موجوده في درج السيارة لاكن الوضع غير تماماُ
تعال نتعرف عن معنى المقاصه ..... هي في الأساس عبارة عن مبلغ الجمرك اللي تم دفعه من قبل مالك السيارة اي كان سواء وكاله او فرد عندما وصلت السيارة الى ارض الامارات مثلاُ ...دفعه الى الجمارك الامارتيه طبعا ....طيب وش فايدتها للسعوديه ؟
عند اعفاءك من الجمرك من قبل جماركنا بموجبها هذا يعني ان الجمارك السعوديه تعمل تسويه بالمبلغ بحيث تقوم بتحصيل مبلغ المقاصه من الجمارك الاماراتيه وانت مالك شغل .
نجي لآليه المقاصه ..
المقاصه لا تعطى للسيارة التي جلست في ارض الامارات اكثر من سنتين وتحدد بالتاريخ الميلادي ....<لذلك يجب ان تعرف قبل شراء اي سياره متى دخلت الاراضي الامارتيه .
كلما زاد مبلغ المقاصه قل عليك الجمارك هنا .
من اين تحصل على ورقه المقاصه ؟
اذا كنت شاري السيارة عن طريق معرض يجب ان تشترط عليهم هذه الورقه وهم يجيبون لك بدون مقابل
اذا كنت شاري السيارة من فرد اماراتي تروح للمرور وتسوي عمليه اسمها تسفير سياره بعد ذلك تروح للميناء اللي وصلت عن طريقه هذه السيارة وبموجب ورقه التسفير واشهار جوازك او بطاقتك المدنيه تحصل على الورقه بمبلغ رمزي مقداره 100 درهم .
انا اكثر شي اتعبني هو الحصول على المقاصه لأني كنت متوقع انها سهله واقرب معرض يسويها لاكن عرفت ان الموضوع يبيله مراجعه الميناء مريت ميناء دبي وافادوني بمراجعه ميناء ابو ظبي 140 كيلو من دبي لن السيارة وصلت عن طريقه وفعلا رحت لميناء ابو ظبي ووجدت التعامل الجيد الذي اخجلين صراحه مقارنه بوضع الداوئر الحكوميه عندنا ولو بتكلم عن المرور عندهم وطريقه التنظيم والتعامل الرائع يبيله موضوع ثاني وياقلب لا تحزن خذ هذي رجاحه ..<داري اني شربت موكا ضيافه منهم في المرور +مع خراف تمر وياقلب لا تحزن ...........<داري ان رخصتي لها 10 سنوات شايل هم مراجعه المرور عندنا لتجديدها

قضينا من المهم
نجي لأخويانا ف يالجمارك وتعقيد الامور والأجراءات وتهالك المباني وتدني مستوى الخدمه وتفشي الواسطات عيني عينك .
قبل لا تخش الحدود وانت في الامارات تمر مركز الشرطه على الحد وتاخذ منهم ورقه تفيد ان السيارة ليس عليها اي مشاكل قانونيه في الامارات بعدها تمر جماركهم وتختمها وتاخذ رقم قيد من مكتب تخليص جمركي وكل الشغله 15 دقيقه وانت واصل حدودنا وتذوق الامرين وتتحسف على شراء سيارة من برى لان هذي من اهم اهداف جماركنا بارك الله فيهم وهداهم .......اذا وصلت الصباح لازم تنتظر الموظف الجليل الين يفطر فول وقلابه وانت ماسك سرى مع الهنود والبنغاليه بين التريلات في عز الحر وقتها حالو تستفيد من وقتك وتحاول تتعلم لغه ثانيه تزيد من ثقافتك شوي
يقابلك الموظف مع الشباك ولا تسلم عليه لأنه موب راد السلام بيسألك كم بيان قله واحد ويعني كم سياره معك .....<ياخذ اوراقك ويلطعك ابو ساعه ثم يسلمها لك تروح لمخلص جمركي يدخل بياناتك في الجهاز بدراهم طبعا 150 ريال بعدها يسلمها للموظف اللي يقدر السعر على كيفيه طبعا وانت طبعا وقتها جالس تنمي ثقافتك مع الهنود والباكستانيه تحت شينكو يبخر من قوه حرارته يالله من فضلك :f .......
حاول تكسب اجر مثلي وتشتري بــ5 ريال مويه بارده وتوزعها على اللي بتستفيد من ثقافتهم لأن الشغله بطول ساعه او ثنتين على حسب مفعول الفول .:( .........<بينادون اسمك فلان الفلاني ناجح خخخخ يجيك موظف المكتب الجمركي اللي نقيت له 150 ريال ويقولك حددو مبلغ المقاصه بمبلغ كذا عاد هنا انت تقرر هل الموتر طلع عليك بخساره او لا وفي كلا الحالتين انت خسران من ضيقه الصدر اللي شفتها ما عدآ الثقافه المكتسبه خلال انتظارك مع العماله تحت الشينكو .....:f
بعد ما تشوف المبلغ تقدر تعترض عليه لاكن بأدب وبطريقه بريئه تجعل من الموظف اللي لعب ف يالفول يرحمك (راعي هواندا مسكين كان معي شاريها بــ24000 وقدرو مقاصته بــ2800 يصيح يقول ببيعها بــ30000 ريال وش الفايده ويحلف ان ما معه غير 1500 ريال طبعا نزلت الرحمه +مفعول الفول المسكن وخفضو له الجمرك الى 1400 ريال هذا شوف عيني ):(
اها وشلون تدفع مبلغ المقاصه هذا كلام ثاني :eek: .........<تروح الله لا يهينك وتمتر مسافه كيلو رجليه الى فرع الراجحي المتواجد داخل الاراضي السعوديه وتصف سرى وتدفع لهم كاش ولازم يكون رقمك نازل عندهم هذه الشغله يبيلها ساعه اقل تقدير ثم تعود على راعي الفول وانت محمض وتدور اوراقك عنده وتقول تراني سددت خلصني بيسحب عليك ابو 5 دقايق يقلب في جواله ثم بعدها بيعطيك وجهه ويدور اوراقك ووتستلمها :mad: ..وتقول في نفسك متى آخر مره حجيت والله انه اهون علىالأقل فيه اجر عظيم ;) ....وتدخل اراضي وطني الحبيب وهل احب سواهو :D ...وتسفط غصب في محطه الرحاب ومن يوم تدخلها وريحه السوبر شل والزيوت وشكامين التريلات مستقبلتك هلاهلا بان الوطن :p .......>فيه مطعم ابو يمن في اولها لازم تنصاه وتنسدح على دكته والمكيف الصحراوي يشخف ظهرك :( ......<بعدها تستوعب انك خاش المطعم تبي تعوض الطاقه المهدره تطلب منه نص تيس مندي مطبوخ من امس لاكن ما طلعوه من البرميل عشان ما بيبرد :D وتأدب الوجبه الدسمه +لبن = تنسدح غصب واتحداك تواصل للرياض لن المشوار بياخذ منك 6 ساعات ..

عزيزي اعذرني على الأطاله هذا ما عايشته واقسم لك بان كل ما ذكرت اعلاه حصل بتوفيق من الله
واي معلومات اخرى انا حاضر واعتبر نفسي مسؤل عن الكلام اعلاه مسؤليه تامه
للعلم داري ان محطاتهم فيها ماك وكوكود ولا تخش وانت موطي براميل الغاز والمناقد مثل محطات الخطوط السريع عندنا :mad:
داري ان دورات المياه في محطاتهم فيها استشوار ومناديل زينا
تحياتي

خربش بربش

28/06/2010, 01:35 PM

اخوي تناهيت مأجور على ماسويت والله لايهينك على الرد اللي راح نستفيد منه في روحتنا والله يكثر من امثالك امين يعطيك الف عافيه

شخص بري

28/06/2010, 04:29 PM

هاذى معاملة صك ارض بدون شهود والله العضيم لا ادفع 6000الاف ريال ولاهالبلوى
انا اشبهها بقصة معناة سجين فى الغربة كل شى كوم وجماركنا الحبيبة كوم وجوة عليها غبرة ويوقف الدم فى عروقك وتحس انك سوف يحكم عليك بالقصاص عند مقابلتهم الا شاهت الوجوة
انا مرة وقفونى جمارك البطحاء 4 ساعات مغير يناضرون فى ونا فى الشمس وجا المدير وكل المسئولين وكتبو على عشرين ورقة ونضرات سلبت منها الانسانية ووقف الدم فى عروقى وفتشو الكفرات وكل اجزاء السيارة المهم انا قلت فى نفسي تهريب مخدرات ودسوها عيال الحرام فى سيارتى

فى النهاية كل هالاجرائات عشان 00000000000000000000000000000000000000000000000000 000000000
كتاب وياليتنى دريت وحرقتة قدامهم حسبي الله عليهم

N-xterra

28/06/2010, 05:09 PM

لا خبرك عتيك وانا اخوك
الحين الجمارك السعوديه تحاول تضيق الخناق على الي يشترون من الخليج
يعني بالنسبه لسيارات الكويت

طبعاً2008-2009 ماتدفع جمارك بس وراك مشاوير
1-الوكيل يعطيك الشهاده منشئ للسياره
2-تروح لفرع الوكيل المسؤل عن الميناء وتاخذ بطاقه جمركيه
3- تروح المرور تخلص الفحص الفني وبرائة ذمه
4- تسقط اللوحات هناك ويعطونك لوحة تصدير
وتروح الحدود تخلص باقي الاجرائات

والسيارات قبل 2008 تدفع جمارك
والسيارات قبل2005 ماتدخل السعوديه

ممكن تدخل وماتدفع جمارك عن طريق استخراج بطاقه مدنيه على انك مقيم هناك بس مشوااااااااااااار

تحياتي

كلامك صحيح أنا توي قبل أمس جايب إكستيرا أوف رود 2009 مستعمل والله يا أنا مترت تمتير لين أذنت وجمعت أوراق الدنيا واللي أنت ذكرت كلهن طلعتهن ويوم جيت جمارك السعودية قالو لي السيارة غرقانه!!
ياجماعة الخير كيفف غرقانه وهي جديدة ما مشت إلا 6 ألف كيلوا إتضح بعدين إن مدير الجمرك قاري اسمي بالصدفة وللأسف اسمي الأخير مطابق لإسم نائب مدير عام الجمارك في السعودية ويبغاني أكلم النائب عشان يكلمة ويمشيني حتى يكون هو خذم نائب مدير عام الجمارك وبالتالي هو الآخر يكون مدين لمدير الجمرك بخدمة غير محددة

حرام عليه اللي سواه فيني خصوصا ان سيارتي خالصه ومركب لوحاتها وكل شي بس ربك أراد وطاح فيها مدير الجمرك

الله يعين جمارك السعودية كوزارة تخضع لرغبات الوكلاء المدعومين من قبل الأمراء عندنا وكما هو معروف إذا أمراء اي دولة دخلو في التجارة فيها فرض الجور على المواطن عن طريق القانون

اتفاقية شعب الجزيرة العربية مع الملك عبدالعزيز يوم تنصيبه ملك عليها أن لا يكون هناك من آل سعود من يزاول التجارة ويكون أمير في نفس الوقت لكن يبدو ان الإتفاقيه قرضتها الفارة

N-xterra

28/06/2010, 05:12 PM

يقولون الامريكي رخيص بالامارات

هههههههه

أغلى من الخليجي ، هو كان رخيص بس دع فيه أبو سعود وارتفع سعره

سراب الوقت

28/06/2010, 11:20 PM

ههههههههههههههه الله يعين قسم بالله غثا

المساجدي

01/08/2010, 06:03 AM

يرفع للفائده وجزاكم الله الف خير فعلا معلومات قيمة جدا

عبدالله المطيري

01/08/2010, 08:17 AM

العام الماضي في شهر 10 بالتحديد بغينا شاص ابورفارف

ودورنا بمعارض النسيم لقينا سعودي مواصفاته ماااااش الرفرف غير لون البدي

وهوبات خلفية

ولقينا بريمي 2009 جديد ب 120000 ريال

قلت خلني اروح البريمي اشتري من هناك

المهم رحت على الطيارة ب 650 ريال يوم الاربعاء الظهر

على دبي

امرحت هناك والفجر وانا عندي موقف التكاسي قلت على منفذ عمان البريمي

وداني ب 200 ريال

المهم دخلت طبعا البريمي تقدر تقول شارع في العين

معارض ماحصلت فيها الا المستخدم

دخلت الوكالة والقا ذيك المزيونة قالت ماعندنا الا 2010

وسعره ب 124000 ريال

واحاول فيها (شغل بدو انا جاي من بعيد ولازم تراعوني والشعير غالي والدعوى خربانه)

قالت خلاص معرض الصقر اللي عندكم بالرياض مشتري 10 جيوب على 122000 وانا بمشي موترك بنفس السعر بطريقتي الخاصة

قلت توكلنا على الله قلت خلاص ادفع الفلوس الحين واستلم موترك يوم الاحد وحنا اليوم الخميس

قلت هنا الخابور ابجلس 4 ايام وحلالي ماعنده احد

المهم اني طلعت من عندها حوالي الساعه 10,30 ص وعلى معارض العين حوالي 20 دقيقه

المهم لفيت فيها شوي مواصفات الاماراتي حول السعودي اكثر اللي عندهم ابيض وانا ابي بيج

المهم لقيت شايب عنده طلبي وعنده جيوب مشتريها من البريمي جدد ماشيه 10 كم

المهم اتفقت انا وياه على 123000 ريال جاهز
ابو رفرف 123000ريال

العادي 111000 ريال

عز الله الساعة 2,30 وانا خالص من اوراق الموتر

والساعة 7 وانا عند المفذ
اخذوا مني حوالي 300 ريال وطلعوا لي لوحة مؤقتة

والساعة وحده وانا عند البل في الصمان

الوكاد ان اللي يبي يشتري من برا لاياخذ الا جديد

سيارات الامارات وعمان المستعمل ماتسوى من يروح ياخذ من عندهم

دمتم بود

المساجدي

01/08/2010, 05:12 PM

الله جابك ياA1B22 يالله حيه انا طالع البريمي تكفى وابي شاص وش المواصفات الى تنصحني فيها ووش تقصد في الهوب الخلفي ووش الاوراق المطلوبه للتصدير للسعوديه بالتفصيل الممل وهل 2009 و2010 ماعليهن جمرك حتى لو ماشيات شوي مش جدد اصفار يعني...
وماتدري عن اسعار الجي التماتيك 2008 هناك ماودي افتح موضوع جديد ابي النقاش يستمر هنا لتعم الفائدة

عبدالله المطيري

01/08/2010, 09:02 PM

المساجدي

بالنسبة للمواصفات انا اخذت العادي رفارف بلوتوث بوصلة
وفيه اعتقد الفل ونش دف لوك

الهوب الخلفي يجي في الشاص السعودي البريمي مايجي وهذي ميزه تحسب للبريمي

بالنسبة للجمرك آخر موديل ماعليه جمرك حسب علمي

بالنسبة للأسعار ماعندي علم بين فيها بس راح اضيف صورة كرت المعرض

اللي اشتريت منه وراعيه شايب اماراتي عنده علم بالاسعار

http://www7.0zz0.com/2010/08/01/18/814619176.jpg

المساجدي

02/08/2010, 01:05 AM

تسلم والله ياA1B22 ماقصر علم غانم ياذيبان وزين حطيت كرتهم انا بدق عليهم والله يكتب الى فيه خير
تحياتي لك