أيهما أفضل اللا ند كروزر والا الباترول في الكشتات؟؟

[راعي الناقة]

سؤال يتردد لدى الكثيرين واختلف الناس فيه ..!!

منهم من تعصب ل الـ VX-R

وقال أنه الأفضل بلا منازع

ومنهم من قال أنه الـ SAFARI

ياترى أيهما تفضل ؟؟ ولماذا ؟؟

[راعي الناقة]

http://www.mekshat.com/pix/upload/images/photo_5.jpg

[راعي الناقة]

معليش نسيت اللكزس بس تراه نفس اللاند كروزر
http://www.mekshat.com/pix/upload/images/01_lexus_lx470_386.jpg

[راعي الجيوب]

انا احسن شي عندي VX.R

[راعي الجيوب]

لاني مجربها والصراحة ممتازة ولكن الباترول ماعندي معلومات عنها

[راعي الناقة]

الباترول قوي لكنه يصرف بنزين وتطيح قيمته
http://www.mekshat.com/pix/upload/images/patrol06.jpg

[الخبير]

السلام عليكم
اعطيكم خبرتي المتواضعه في الجيوب
الاندكروزر : ممتاز بالحيل و من اروع ما رايت لكن لك عليه في الطعوس ، لانك لانك عشقت ما يفز
الباترول: خاصة الجديد قوي بالحيل ، ممتاز كسيارة لمدة 3 سنوات لانه بعد كذا يبي يزعجك في الصرصره و الاحتكاكات، الباترول ممتاز في الطعوس خاصة ، لانه معروف اذا عشقته بالاول طمر.

[راعي الناقة]

الأستاذ الخبير

لاشك لدي أن اللاند أفضل بمراحل من ناحية عملية واقتصادية ومتانة

أما الباترول الستيشن فهو مثل اللاند يغرس ولعلك تقصد الباترول القصير اللي يسمونه السلقة الأبيض خصوصاً إذا كانت كفراته عريض وخر عنه في الطعوس

ومن ناحية القوة الحصانية فالباترول أقوى من اللند كروزر بكثير لأنه يبلغ 280 حصان بالرغم من أنه 6 سلندر أما اللاند فهو أضعف منه حيث يبلغ 250 في الثمانية سلندر و240 حصان في الستة السلندر بفرق 40 حصان للباترول

[راعي الناقة]

بالنسبة للـ VX-R

فمشكلته أنه ثقيل جداً وأثقل من الباترول بحوالي نصف طن 500 كج وإذا ما جيت مسرع ومنسم الكفرات

احتمال كبير أنه يغرز، ومشكلة ثانية أنه أقل راحة من الباترول كأنك راكب حصان مغير يناقز لكنه يتحمل

التغريز ولا يحتر والتويوتا بوجه عام أفضل من النسيان

[patrol2000]

بالطعوس الباترول ولا فيه مقارنه (بس يبيلك محطه بنزين على راس الطعس:D :D :D :D )
والتيوتا لامنك كرفته يحتمي كلتشه
وعموما التيوتا تيوتا (مع ان عندي باترول:p )

[الجافي]

الحقيقه مافيه مقارنه بين اللاند كروزر و الباترول حيث ان كل الميزات من صالح اللاند كروزر الا ميزه وحده وهي النفود ولا يتفوق الباترول الابقليل ومن عيوب الباترول
1 - يتفكك بسرعه
2 - يستهلك البنزين بسرعه و هذا عيب قوي
3 - الغبار يدخل بسهوله داخل السياره والنوافذ مغلقه
4 - تنزل قيمته عند البيع
اما اللاند كروزر فهو بعكس هذه العيوب
تحياتي .............................

[القماري]

الباترول الجديد سوبر سفاري أفضل وأقوى من اللاند كروزر vxr بس بصراحة اللاندكروزر مسيطر على السعر في السوق ودعايته أكبر منه ( الموترين مجربهم في الطعوس ) وأكثر مايعجبني في الباترول نظام التعشيق الجديد ( اللاتش ) مع عزمه الجبار وتحس ان الموتر وده يخدمك ومايخيب ظنك خصوصا بالطعوس والنفوذ ، وعليه بعض العيوب مثل ماذكروا الشباب (بخصوص الخلخلة بعد مدة بعكس اللاندكروزر متماسك أكثر منه ) وبالنسبة للبنزين فالواضح أن البخاخ قلل من الصرف، وأنا أفضل الباترول السلقة S type عملي ومفيد بس عيبه صغير بالنسبة للعائلة

http://www.patrol-me.com/overview.htm

[راعي بر]

مميزات الباترول وعيوبه :
المميزات
1- في الطعوس

عيوبه :
اعد واغلط
ابذكر لكم بعض البعض
1- يتفكك
2- يصرف بنزين
3- يدخله الغبار
... إلخ

مميزات الاندكروزر وعيوبه :
المميزاعد واغلط
1- صبور
2- لايصرف بنزين واجد
3- منظر جميل
...إلخ

عيوبه

1- سعره مرتفع


وانا لا انصح بذا ولاذا انصح باللي في التوقيع ( جيب راعي بر ) مخصص للكشتات والكشخه


راعي بر

[راعي الباترول]

السلام عليكم ....
ارجو ان تقبلوني في منتداكم الرائع
ومن ناحيه الافضل الباترول مما مثله واسا المجرب:light:

[سيف السيف1]

هلآ والله بالأخــــوان كلهم الباترول زين والجيب أزين, والـشـيروكي أزين وزين :redcar:
تحياتي ابوفارس

[هواوي]

مرحبا شباب

صراحه من وجهه نظري انه اجحاف في حق الاند انك تقارنه بالنيسان باترول لان الباترل يقارن بالباجيروا

صراحه ما ادري ليش حنا مركزين عل التطعيس رغم انه قليل الي نطعس

يعني لو تفوق الباترول على اللاند في التطعيس فهذي نقطه لصالحه مقابل عشرات النقاط عليه

الناس يحبون اللاند لانه بعد حفض الله خراباته قليل يعني تروح البر وانت مطمئه تبيعه وانت ضامن انه وهو خربان يجيب سعر افضل من باترول نظيف

الفي اكس اي واحد يصلحه وكل شي فيه واضح وقطع غياره تلقاها في اي بقاله حتى لو في الربع الخالي

صرفيته بنزين قليله مره عكس الباترول

والاهم الباترول يوصل 35 الف اسمع الاصوات والهربده كنك في موديل 88 عكس اللاند ما تسمع له صوت لو مشى مئتين الف

الباترول زي الشيروكي لازم من صيانه دوريه ولكن اللان اشتره وانس بالعكس مع المطبات يتربط

ومن جوى فخم ومريح نفسيا واجمل وعشان كذا اقول انه ما يصح اننا نقارن لاند بباترول
المفروض لاند بهمر بجيب مرسيدس يعني من ذا الطقه

الدعايه الوحيده الي صح هي تويوتا وبس

وحنا لما نتكلم عنه فحنا ما صنعناه ولا اخترعناه ولكن ندافع عنه لانه فعلا الافضل

[يازين الدخل]

نيسان باترول:good: :good: :good:



اسأل مجرب ولا تسأل طبييييييييييييب

[السرحان]

تويوتا وزنها ذهب
والباترول شرس ازداد شراسه
وانت عليك اتنقي وتختار....... لكن نسيتوا الجبار الرام دوج الجديد يخوف !!!

[عمران]

افضل الشاص 98













عمران

[الدبشة]

الحقيقة انا استغرب الذين يمدحون الاندكروزر بقلة الخراب اقولهم روحو لتشليح واسألو عن سعر دبل الاند تلقاه 2500 الي 3000 من كثر مايسحب
ام دبل الباترول فسعره بحدود الالف لان معليه طلب لقلة خرابه
بعدين الاند دائما تهريب الصوف واسالو المكانيكية
اما بالنسبة للقرقعة فانظر هذاالرابط

http://www.mekshat.com/vb/showthread.php?threadid=3516

وشكرا
الدبشة

[عاشق الجبال]

الباترول من 98 فمافوق مريح في المطبات لاتشيل هم الرمال اما اللاند فمطبه قاسي
وتعليقه الامامي يسبب سحكية في الكفرات ووصلاته معرضة للانفلات عند
الاصطدام بالاحجار الكبيرة في الاماكن الوعره :good:

[هاوي]

لا.لالالالا ..ززما فية مثل الرنج روفر واسر لهلك......................


وكبووو غيره

[مقناص]

انا انصحك بلاند كروزرVX_R وهو افضل وانا مجربه
اما السفاري ميزته انه القير عادي وتماتيك في نفس الوقت وقلت صرفيته شوي اتحدث عن الجديد ونصيتي لاند كروزر في اكس آر

[عاشق البسمة]

ياهلا براعين النياق كلللللللللللللللللللهم,,,,,,,


والله الصراحة اذا كان عندك سيارة غير الجيب اللي ناوي تشريه فنصيحة ثم نصيحة تاخذ

لك باترول,,,,,عاشة أيااااااااامه,,,,, لأنه عاشق البران ومهوب رزة مثل اللاند
واذا كان ماعندك الاهو فاشتر لاند والله يعينك على ثقل دمه ,,,معليش ياراعين اللاند,,,


ولاتشترى الاباترول مكينة4800لأنه مهبول بالبر,,,,,,,,,,شكرا

[رعد]

سلام عليكم
ابحط رايي الشخصي بحكم التجربة.

VXR اذا ركبتة حسيت انك راكب موتر موتر مهوب حتسي بزران محرك مهوب طبيعي لا صوت ولا حنة ولا حرارة بس عيبة ثقييل في المدينة مرة بس مو ذاك العيب الكبير و يعتبر ميزة في النفود.

ملاحظة بعض الشباب عنة في النفود مرفوضة وذلك للأسباب الأتية.

اغلب الشباب مقياسهم للمشي في النفود السرعة والمطامر والمناقز وانة يحاول يرقى اكبر طعس وهذا غلط لأن السيارات هذي مهيب مصنوعة ل ها الشيء واذا جينا للتويوتا فهو ثقيل وهي ميزة اضافية للمشي في النفود وليس المطامر لأن كل ماصارت السيارة ثقيلة الى حد ما تساعد في المشي في النفود بس يزيد استهلاك البنزين بعكس الباترول اللي هو في الحقيقة ددتسن بس مغطا هو خفيف بس يستهلك بنزين مافية عزم قوي اذا كان مغرز يعني يالله تتحرك كفراتة وانت تحاول تطلعة من قلة عزمة واذا دارت الكفرات تدور وتحفر عشانة خفيف بعكس التويوتا الثقيل واللي فية عزم.

ميزة التويوتا حتى اذا كان اوتوماتيك مايظر لأن فية عزم مهوب طبيعي والباترل اذا كان اوتوماتيك الله يخلف عليك.

قارن حجم المحرك التويوتا الربع مكينته اكبر من مكينة السفاري فما بالك ب VXR حتى لو كان عدد الأحصنة اكبر في الباترول العبرة في حجم البساتم والأسطوانات في المحرك وليس عدد الأحصنة.

قارن العمر الأفتراضي للتويوتا مستحيل تقارنة بأي سيارة اخرى يعيش بشكل ماتتخيلة ومع ذلك يحافظ على قوتة وسعرة. الباترول حدة 3 سنين ان كثر وتبدا تسمع طقطقت البلوف.

على فكرة هذا رأيي الشخصي من واقع تجربة وعندي كل النوعين VXR 2001 و سفاري2000 بس يبقى تويوتا تويوتا رضينا ام ابينا.

[مقناص]

السلام عليكم ورحمة الله وبركاته.

اخوي رعد كلامك كلة صح.