سؤال صغير عن اليوكون

[wewe150]

:confused: --------------------------------------------------------------------------------
بسم الله الرحمن الرحيم
السلام عليكم ورحمة الله وبركاته
شباب في خاطري اشتري يوكون بس متخوف شوي من بعض الاشياء
هل اليوكن يتحمل الكرف ؟
هل اليوكن من النوع اللي يعيش الى 10 سنوات قدام ولا يطلب ولا يتفكك؟
وكيف الدبل مفيد انا ماني راعي رمل بس راعي بر الربيع وراعي سفريات؟
وآخر سؤال كيف سعره بعد الاستخدام مرضي ولا يطيح واجد
وشكرا طولت عليكم وانا اسف طبعا اليوكن المستهدف سعره 128 من وكالة الجميح بدون دبل

[al360f]

ان شاء الله يفيدك اهل الخبره

[ابوحمد666]

هلابك اخوي
والله السياره مع الناس ماشيه زي الحلاوه وش الموديلات القديمه
بعدين انصحك تستشير احد مجربه لانه في هذا المنتدى راح يجيك اللى يسبه سب وهو ما قد جربه ولا حتى ركب فيه
بس نصيحتي لك حرام تدفع 128 الف وبدون دبل؟؟؟؟يمكن تقول ما احتاج الدبل لاكن يجي اليوم اللى تندم انه مو دبل فزود فلوسك شوي وخذ دبل مع العلم انه ما يفرق بالقياده بدبل وبدون دبل
تحياتي لك

[wewe150]

شكرا على عطفك يا العطوف

عطرت الصفحه بمرورك

وننتظره اهل الخبره تونا بدري على الموضوع ماله الا دقيقه :d

[wewe150]

هلابك اخوي
والله السياره مع الناس ماشيه زي الحلاوه وش الموديلات القديمه
بعدين انصحك تستشير احد مجربه لانه في هذا المنتدى راح يجيك اللى يسبه سب وهو ما قد جربه ولا حتى ركب فيه
بس نصيحتي لك حرام تدفع 128 الف وبدون دبل؟؟؟؟يمكن تقول ما احتاج الدبل لاكن يجي اليوم اللى تندم انه مو دبل فزود فلوسك شوي وخذ دبل مع العلم انه ما يفرق بالقياده بدبل وبدون دبل
تحياتي لك
والله انك صادق بس ترى الدبل قطعة قلب زياده عشرة الاف ولا اعرف هو دبل يعين ولا دبل نعينه يبلنا واحد مجرب الدبل يستاهل انشاء نصبر ونا خذ بدبل ولا عجلنا وخذنا عايدي

شكرا لمرورك يا ابو حمد

[راعي المجهم]

مسألة يعيش 10 سنوات

هذه طال عمرك الأعمار بيد الله ؟؟؟؟ هههههههههههه

الموتر زييييييييييييييييييييين أخوي الفكسار في حجمه وأداءه بس أرخص

وأريح منه في الخطوط الطويلة

وعليك بالشكل القديم من 2000 إلى 2003 مراوح ميكانيكية

مشاكل لا تذكر

[wewe150]

ايه انا اقصد انه يعيش مثل الياباني الياباني ماشاء الله يصبر ما عنده مشكله الى عشر سنوات فهمت اخوي :)

اما من ناحية الفكسار والله ما فهمت عليك وبالذات اخر كلمتين مشاكل لا تذكر
:confused:

ارجوا الايضاح المشاكل في اليوكن يعني ولا الفكسار :(

[راعي المجهم]

أخي الكريم معنا يوكن 2000 دبل له معنا الآن 10 سنوات

قنصنا به الجنوب والشمال والربع الخالي

وسافرنا عليه للمدينة ومكة وجازان وتبوك

موتر حق كرف ولم نغير فيه غير القطع الأستهلاكية قماشات زيت فلاتر بواجي فقط

ومرة خربت طرمنبة البنزين وركبنا طرمبة فكسار لها الآن 8 سنوات زي الفل

وتشوفه تقول جديد ماشاء الله عليه وماشي 300 ألف ميل يعني 500 ألف كيلو تقريباً

[wewe150]

:) ما شاء تبارك الله

طيب مافيه صوت خلخله في الموتر

انت كذا تعزز لي

مشكور لردك على الموضوع:)

[راعي المجهم]

صوت الخلخلة والقربعة يطلع بعد 4 سنوات أو 5 أستخدام شااااااق

وديتها طال عمرك تربيط بــ 400 ريال ويختفي الصوت نهائياً

[ahmad995]

السيارة مريحة مرره وعمليه وخفيفه ظل .. لكن السعر مو ثابت
ومركبها حلوو لكن الامريكي لابد منه القرقعه
طبعا بالبر ما تصلح لان وجه السيارة نازل والصدام بلاستك خفيف

واذا تقبل الاقتراح عليك بالياباني برادو او باترول وركز على البرادو

[طــامــي]

بسم الله الرحمن الرحيم
السلام عليكم ورحمة الله وبركاته
شباب في خاطري اشتري يوكون بس متخوف شوي من بعض الاشياء
هل اليوكن يتحمل الكرف ؟
هل اليوكن من النوع اللي يعيش الى 10 سنوات قدام ولا يطلب ولا يتفكك؟
وكيف الدبل مفيد انا ماني راعي رمل بس راعي بر الربيع وراعي سفريات؟
وآخر سؤال كيف سعره بعد الاستخدام مرضي ولا يطيح واجد وشكرا طولت عليكم وانا اسف طبعا اليوكن المستهدف سعره 128 من وكالة الجميح بدون دبل

اقتراح بسيط بخصوص نزول الاسعار عليك بشركة تويوتا بأذن الله تستخدم وتبيع بسعر قريب من مشتراك يعني بالعربي شيك مصدق .

[قزقوز benelli]

معليش اخوي احمد بس البرادوو ماعندك احد غبي ولا قوي ومو راسي في الخط وانا مجربه خذ الجمس وتوكل على الله والله انو مووتر عزم والجديد بعدين يمشي مشي ماهو صاحي في الشارع وفي البر تووكل على الله بس سعره اكيد يبي يطيح ما رح يكون زي اليباني وبعدين اخووي بعشر سنين تكوون مطلع حقه خله يطيح سعره وشكرا تقبل مرووري

[Magellan]

ايه انا اقصد انه يعيش مثل الياباني الياباني ماشاء الله يصبر ما عنده مشكله الى عشر سنوات فهمت اخوي :)

اما من ناحية الفكسار والله ما فهمت عليك وبالذات اخر كلمتين مشاكل لا تذكر
:confused:

ارجوا الايضاح المشاكل في اليوكن يعني ولا الفكسار :(


عطني سيارة يابانية تصبر 6 سنين بدون مشاكل
وأنا أعطيك سيارة تعيش 10 سنين بدون مشاكل
ياعزيزي الياباني الجديد مايستحمل الكرف وأكبر مثال اللاندكروزر الجديد
سيارات جديدة وطلعت ريحتها من بعض السيارات المخبطة ودبل كهرب
لاحظ مشاكل الباترول من كتاوت وتخبيط بسبب مسامير الثلاجة وخلط زيت القير في الرديتر
يعني الياباني على موديلات التسعينات
أما الحين فمعصي :p يكون ذو جوده عالية

[تبريزة]

خذ لك يوكن دبل

حتى لو ضحيت في الموديل واخذت موديل اقل بس لا تضحي بالدبل

يجي له يوم وتحتاجه وتبي تقول ليتني فارق عشرين مهو عشره بس

ومن ناحية الدبل ،، اذا شريت واحد مستعمل ودبله مافيه مشاكل صدقني راح تدعي لي

بالتوفيق

الله يرزقك السياره الطيبة

[wewe150]

صوت الخلخلة والقربعة يطلع بعد 4 سنوات أو 5 أستخدام شااااااق

وديتها طال عمرك تربيط بــ 400 ريال ويختفي الصوت نهائياً


شكرا اذا المساله كلها 400 ريال اطق ابو ابوه والصرحه الموتر ديكور من جوا ومن برا بس تعرف قاعدة الشيبان اللي تقول الموتر اذا كثرة خرابيطه كثرت خرباته!!!
:D

شكرا وربي ما قصرت يا جعلي اردها لك في افراحك:)

[wewe150]

السيارة مريحة مرره وعمليه وخفيفه ظل .. لكن السعر مو ثابت
ومركبها حلوو لكن الامريكي لابد منه القرقعه
طبعا بالبر ما تصلح لان وجه السيارة نازل والصدام بلاستك خفيف

واذا تقبل الاقتراح عليك بالياباني برادو او باترول وركز على البرادو
با ترول غالي علي طاق 150 والبرادو ما اعجبني شكله بس بكم سعره يا الغالي :confused:

مشكور على اقتراحتك

[ابويزيد11]

عليك باليوكون الدبل الموتر مريح وعملي
موديل 2000 / 2006

[wewe150]

عطني سيارة يابانية تصبر 6 سنين بدون مشاكل
وأنا أعطيك سيارة تعيش 10 سنين بدون مشاكل
ياعزيزي الياباني الجديد مايستحمل الكرف وأكبر مثال اللاندكروزر الجديد
سيارات جديدة وطلعت ريحتها من بعض السيارات المخبطة ودبل كهرب
لاحظ مشاكل الباترول من كتاوت وتخبيط بسبب مسامير الثلاجة وخلط زيت القير في الرديتر
يعني الياباني على موديلات التسعينات
أما الحين فمعصي :p يكون ذو جوده عالية

والله يالغالي شف عندي موترين انا اضمن لك تعيش لو تبي بعد 15 سنه والباقي ما ادري عنه

عندي هايلكس موديل 2002 مافيه قرقعه ولا خربات وعند اخوي لاند 2005 الموتر ماشاء اذا ركبته تقول وكاله مافيه تفكك والنيسان يالغالي ما ادري عنه ولا عن خرباته واصلا من يوم سألت قال 150 جديد شلته من راسي

[wewe150]

خذ لك يوكن دبل

حتى لو ضحيت في الموديل واخذت موديل اقل بس لا تضحي بالدبل

يجي له يوم وتحتاجه وتبي تقول ليتني فارق عشرين مهو عشره بس

ومن ناحية الدبل ،، اذا شريت واحد مستعمل ودبله مافيه مشاكل صدقني راح تدعي لي

بالتوفيق

الله يرزقك السياره الطيبة

الله يوفقك ونصيحتك على العين والراس ومشكور ياالغالي على الدعوه :) والله يوفق الجميع

[wewe150]

عليك باليوكون الدبل الموتر مريح وعملي
موديل 2000 / 2006


طيب والشكل الجديد ما تمدحه ولا كيف :confused:

شكرا لك يا ابو يزيد:)

[رواق الكشته]

اذا كنت رجال ياخذ الموتر ولا يبع فاليوكون خيار مناسب وسياره داخل المدينه شكلها جميل

وعلى الخط مريحه جداً وفبي المكاشيت تبيض وجهك لكن ما تبي واحد غشيم


اما اذا كنت تبي تبيع فأنا أنصحك تشتري تايوتا اونيسان لأنها تمسك سعرها في السوق والسبب موروث بين

الشعب السعودي الطيب


السياره سعرها مناسب مقارنه بالسيارات اليابانيه ذات نفس الفئه

والأهم قبل تشتري أستخر..

وحاجه مهمه جداً لا تحاول تتردد في مشتراك واي كلمه من أي واحد تردك عن رغباتك

والله ماراح تشتري سياره أبداً

الشي اللي يعجبك وتقتنع فيه توكل على الله وخذه

[wewe150]

والله انك بطران لو ما يجي من كلامك كله الا اخر سطر
:) ;)
فعلا انت وضعت النقاط على الحروف

شكرا لك والله يحفظك:)


على طاري الموروث يقولون الشعب السعودي ثلاث اشياء اول ما ينصف فيها على طول
شماغ البسام
وجوال نوكيا
وسياره تويوتا