سؤال لخبراء التعديل والترهيم ...

[السارحي]

السلام عليكم ورحمة الله وبركاته




سؤالي لأهل الاختصاص





عندي يوكن 96 باب واحد ودي احول القير الى عادي لان السياره بصراحه نظيفه وعندنا بالبيت اكثر من 9 سنين حبيت اعدل عليها واخليها للبر فقط

وفي عدة استفسارات ::--

1 هل يحتاج تغيير الدبل باخر خاص بالقير العادي ؟
2 كم التكلفه تقريبا ؟
3 افضل الورش (( يفضل الشرقيه ))

واذا تعطوني نصايح بخصوص الاضافات اكون شاكر لكم

ملاحظه : انا ماني راعي تطعيس ولا تفحيط عشان لايروح بالكم بعيد :no2:

وشكرا مقدما

[السارحي]

معقوله ما في احد يعرف ورشه او واحد حتى لو بنغالي

طيب غير الشرقيه - الرياض - القصيم ->>> بس وين بتروح بعد

[لكزس_جيب]

صبحك الله بالخير ..
والله ياخوي ماعندي خبرة ..
ولكن بدلك على واحد ماشاء الله عليه خبرة في هالامور .. ورجال ونعم .. بيخدمك باذن الله ..
هو عضو هنا اسمه " أبو خطاب"
بحط لك رابط .. عشان تقدر ترسل له رسالة خاصة وباذن الله بيفيدك ..
http://www.mekshat.com/vb/member.php?u=11162

الله يوفقك للخير ..

[السارحي]

بيض الله وجهك طال عمرك على الطاعه

اسعدني مرورك

[بدوي جنوبي]

معقوله يا السارحى
الناس تبحث عن الراحه
وانت تبى الشقا مع القير العادى

والنوع هذا ما جاء منه عادى

يعنى تحتاج تعديل
وين تحصل ورشه تعدل بدون مشاكل مستقبيليه

وجهة نظر

بالتوفيق

[السارحي]

معقوله يا السارحى
الناس تبحث عن الراحه
وانت تبى الشقا مع القير العادى

والنوع هذا ما جاء منه عادى

يعنى تحتاج تعديل
وين تحصل ورشه تعدل بدون مشاكل مستقبيليه

وجهة نظر

بالتوفيق


بيض الله وجهك طال عمرك

بخصوص الشقى انا من عشاق القير عادي اولا

بالنسبه انه ما جا منه قير عادي صحيح بس عندك الوانيت والسوبر جا منهم واعتقد نفس حجم المكينه اذا ماني غلطان
بس المشكله اللي اتوقع تواجهني هي طول عمود الكاردن ممكن فيه اختلاف

بارك الله فيك وشاكر مرورك

[ابويارا1001]

انا ما انصحك

بس اذا ملزم فيه تشليح العتيبي بالدمام سبق واني حولت عنده باترول من اتوماتيك الى عادي

هو راعي هالسوالف ممكن يفيدك

والميكانيكي اسمه موميش(هندي)

[السارحي]

بارك الله فيك ابو يارا

وان شاء الله امره واذا الله كتب وسويته ابسدح لكم تقرير

[بدوي جنوبي]

بيض الله وجهك طال عمرك
بخصوص الشقى انا من عشاق القير عادي اولا
بالنسبه انه ما جا منه قير عادي صحيح بس عندك الوانيت والسوبر جا منهم واعتقد نفس حجم المكينه اذا ماني غلطان
بس المشكله اللي اتوقع تواجهني هي طول عمود الكاردن ممكن فيه اختلاف
بارك الله فيك وشاكر مرورك


بالنسبه لحجم المكينه صحيح هى واحده
للونيت السوبر او الشفر

العمود اذا كان طويل ممكن قص الجزء الزائد
صوره:
http://www.mekshat.com/pix/upload03/images125/mk32037_sleb1.jpg

وتركيب الفلنجه اللى تمسك الصليب
تلحيمها اقصد ،، لكن تحتاج لاخذ المقاسات المطلوبه
لان العمود يكون قابل للحركه خاضة هذا النوع
لانه يعتبر وصلة واحده
http://www.mekshat.com/pix/upload03/images125/mk32037_kerdan.jpg
مو مثل الجيوب وصلتين .

اذا وجدت قير عادى وورشه مناسبه اعتقد العمود ممكن تركيبه .
بالتوفيق

[السارحي]

بيض الله وجهك اخوي بدوي جنوبي

وشكرا على التوضيح

حاليا انا في مرحلة جمع معلومات عشان ما اتوهق

وان شاء الله اذا وجدت التكلفه مناسبه سويتها و عطيتكم تقرير كامل باذن الله

[السارحي]

للرفع

يا اخوان اذا في احد جرب هالشغله يعلمنا اذا فيها مشاكل

بارك الله فيكم