من عقب اليوم تغيرت نظرتي للستيل سوا البريق او القدر

[غيّام]

بسم الله الرحمن الرحيم

السلام عليكم ورحمة الله وبركاته

ياجماعه جربت اغير بعض اغراض العزبه لفتره معينه والظاهر انها بتطول

غيرت الكاتم اللي كان عندي وهو سب ستيل وخذت فيد السيف اللي يجي المنيوم
لكن اللي لاحظته ان الرز معد يطلع فيه قراره (حكاكه) والرز يطلع نثري على كيف كيفك .طبعا الطبخ له دور

والبريق كان عندي ستيل وغيرته بالبريق الاصفرالالمنيوم المعروف اللي يجي مع راعين التريلات
صار الشاهي ياخذ فتره اطول وهو كايف
وهذا الكلام جربه ناس غيري وفعلا صار صحيح

جرب ماراح تخسر شئ

وللجميع تحياتي

غيام

[مخاوي السباع]

الاخ الكريم
غيام
فيه نوع ابريق متين جدً تحصله عن الادوات المنزليه
ونوعه الابريقخاص بالشاهي اللمنيوم
هذا سلمك الله مابيرد الشاهي فيه ويعطيك نكها للشاهي
اترك الاصفر هذه مايصلح مره البته

مخاوي

[غيّام]

اخوي مخاوي
السلام عليكم ورحمة الله وبركاته
مشكور بس وش لون شكله الاباريق واجد

[أبو فراس]

السلام عليكم ورحمة الله وبركاته

اخوي مخاوي السباع وشلون هالابريق ولو حطيت صورته كان يكون افضل

[عبد العزيز العجاجي]

الأصل كُتب بواسطة abu feras
السلام عليكم ورحمة الله وبركاته

اخوي مخاوي السباع وشلون هالابريق ولو حطيت صورته كان يكون افضل

[ولد وايل]

غير بريق ابو تاج لاتدور ........ بس لا تهجره لانه........

يتغير طعمه اذا هجرته

وعندك بريق ابوشخال ثم يجي بعده

البريق الاصفر ما عاد فيه اصلي مثل القديم

واحسن شي اللي تجي كتابته على طول مو مقوسه

وصناعته كــــــــــــــــــوريه

[ابو درع]

تبي الشاهي عليك والله ببرقان الغرش

وارد سعد حباب الجبر

[يزيد2002]

عطونا الزبده وش احسن ابريق

شكلي بشتري خمسين ابريق

واجرب

بس اقول خلني على ابريقي احسن لي

[وجيه 11]

ترى كلما صارت خامة البريق جبرة و متينة كلما كان أحسن

خذ عندك مثلا ابريق منول الألمونيوم الأبيض ، تلقى الشاهي فيه أصفى من الماء حتى لو انه ثقيل

وبعدين البريق لا تتركه فترة طويلة ، لزوم تصلح فيه شاهي باستمرار ، ولا تغير عن الشاهي .

وخل شغلك متكتك ، يعني هذا بريق الشاهي وهذا بريق الحليب وهذا بريق النعناع ... الخ

ترى بعض الناس يسقيك من بربسته ويكابر ويمدح شغله ، وانت عنده السفيه الجاهل الي ما يعرف يضبط

شي ، وهو تلقاه مخدر الشاهي في بريق الزنجبيل او الحليب .

[ولد وايل]

السلام عليكم....

والله ان معك حق الاستيل جدا تعبان ويحرق الكبسه....

اخوي وجيه11
(ولا تغير عن الشاهي .

وخل شغلك متكتك ، يعني هذا بريق الشاهي وهذا بريق الحليب وهذا بريق النعناع ... الخ)

ما صار شاي هذا معسل طبعا امزح
والله الموفق

[نيتروجين xp]

الستيل تعبااااااااااااان جداً وما ينفع أبد

ما مثل الحديد

وكل ما كان القدر ولا البريق حديده سميك كل ما كان أحسن ..

وتقبلوا تحيات أخوكم
:::::المجتهد:::::

[وشلووون مغليك]

http://www.saudigear.com/asheg_albar/mk7084_100_04561.jpg



مثل هذا البريق صدقت يالغلا

[هدير الموج]

الستيل مهو صحي للطبخ

كل عام وانت بخير

[ابو برقا]

ولكن يبقى الستيل هو الأفضل صحيا
بعكس المواد الأخرى التي تنتقل الى الأكل اثناء الطبخ والمعروف علميا بالهجره أو هجرة المواد
الستيل أقل المواد هجرة والأفضل من الستيل الزجاج فقط
وللمعلوميه الستيل انواع وافضل الانواع رقمه (18\10)
وكل عام وانتم بخير

[جنون الليل]

الأبريق الأصفرررررر نحااااااااااس ماهوب استيل
والأستيل درجاااااااات وله عيار مثل عيار الذهب وتلاقيه مكتوب على القدر
بس معروف أن قدور المعدن العادية هي الأفضل لطبخ الأرز خاصة غذا تبيه يطول على النار
والشهي أحسن شي لها بريق الصاج اللي تسمونه غضار

[اسير الغضا]

منب راعي عزب وتقبل مروري

[سليمان 10]

كل واحد له وجهة نظر وانا اقول ان الابريق الهندي الالمونيوم الي يجي له مقاسات مثل 10و11و12الى أخره هوالابريق المثالي للشاهي اما القهوه فلها الابريق الستيل حتى لايهجر بسهوله ولان القهوه تفرز زيت هوالي يهجر بالدلال والبرقان اما الحليب والزنجبيل والحلبه والشيح والغجر والبابونج والشاهي الاخضر والنعناع وغيرها فلها الابريق الاصفر الي تلقاه في كل مكان واكثر مايستعملونه الناس مفوح او غوري 0000

[كادر]

السلام عليكم
اخوي كان عندي قدر المونيم سيب استعملته مرتين او ثلاث ثم تصرفت فيه ومن عيوبه
صعب التنظيف
المادة التي تطلع من الالمونيوم
استخدم الحين استيل سيب والسيف زي الحلاوة
تحياتي

[zoom10]

ليتك تدعمنا بصور يكون أحسن بارك الله فيك

[عبّار]

كلامك صحيح و الأستناستيل معروف ان يحتفظ حرارة اكثر من الالمنيوم الامر اللي يأثر على جودة الطبخ

[برق الحيا 55]

كل واحد له وجهة نظر وانا اقول ان الابريق الهندي الالمونيوم الي يجي له مقاسات مثل 10و11و12الى أخره هوالابريق المثالي للشاهي اما القهوه فلها الابريق الستيل حتى لايهجر بسهوله ولان القهوه تفرز زيت هوالي يهجر بالدلال والبرقان اما الحليب والزنجبيل والحلبه والشيح والغجر والبابونج والشاهي الاخضر والنعناع وغيرها فلها الابريق الاصفر الي تلقاه في كل مكان واكثر مايستعملونه الناس مفوح او غوري 0000



كلام سليم .......

[ابوشعيل97]

الريق الاصفر شي

[northstar46]

الالمنيوم خطر على الصحة وله علاقة قوية بمرض الشلل الرعاشي والستيل افضل صحيا وليس له مخاطر مثل الالمنيوم

[هواوي]

ممكن صور لكل نوع عشان نعرفها بسهوله؟؟

لان الي اعرفه ان الاستيل اصح من الاالمنيوم بكثير

وكثير من المختصين يحذرون من الالمنيوم اذا تعرض لحراره عاليه

وتذكروا ان الصحه دائما اهم من النكهه

[sedrh]

http://www.saudigear.com/asheg_albar/mk7084_100_04561.jpg



مثل هذا البريق صدقت يالغلا

الكوري منه فعلا عجب :good2: :good2: :good2: :good2: :good2:
لكنه بدا يقل في السوق بعد دخول الصيني :no2: :no2: :no2:
و نصيحه من :heart: خلك مع اللي في الصوره او في نوع روماني ذاك مصيبه بس حجمه شوي كبير

[دهران]

الأخ الغالي / غيّام

ألف شكر على هالموضوع والذي نستفيد ويستفيد منه الكثير بإضافة المزيد من الخبرات في هذه الأمور .

بالنسبة لي المسألة مسألة تعود على الشيء فكل ما تعودت على نوع معين من أدوات الطبخ كل ما كنت تجيد الطبخ فيها بغض النضر عن نوعها أو نوعيتها .....

وتم نقل الموضوع هنا (( مكانه الأنسب ))

وتقبل أعذب وأرق تحية .

[سرهيد]

بسم الله الرحمن الرحيم

السلام عليكم ورحمة الله وبركاته

ياجماعه جربت اغير بعض اغراض العزبه لفتره معينه والظاهر انها بتطول

غيرت الكاتم اللي كان عندي وهو سب ستيل وخذت فيد السيف اللي يجي المنيوم
لكن اللي لاحظته ان الرز معد يطلع فيه قراره (حكاكه) والرز يطلع نثري على كيف كيفك .طبعا الطبخ له دور

والبريق كان عندي ستيل وغيرته بالبريق الاصفرالالمنيوم المعروف اللي يجي مع راعين التريلات
صار الشاهي ياخذ فتره اطول وهو كايف
وهذا الكلام جربه ناس غيري وفعلا صار صحيح

جرب ماراح تخسر شئ

وللجميع تحياتي

غيام


http://www.saudigear.com/asheg_albar/mk7084_100_04561.jpg

اما سالفة البريق الاصفر ، فما يحتاج انا لي كم شهر الآن شغال عليه

لكن الكاتم ، عز الله امس مصلح لي كبسة عليه و( القراره ) على قولتك ، ما احلى منها والرز حبته تعدها من جب الرز

يعني اللي يحكم الرز وجودته هو الطباخ مثل ما قلت


تقبل احترامي

[ذيب صعافيق]

--------------------------------------------------------------------------------الالمنيوم خطر على الصحة وله علاقة قوية بمرض الشلل الرعاشي والستيل افضل صحيا وليس له مخاطر مثل الالمنيوم هذارأيي ولمنع (القراره)يوجد قدورلها قاع مزدوج00000

[خيال نجد]

السلام عليكم

أخواني...

هالأبريق بنظري هو الأفضل

بشرط أن يكون الأصلي ..كوري..

طبعاً منقطع من السوق إلا في بعض المحلات

ولم أجد منه إلا مقاس 8-18

وهذا صغير جداً

والمقاس المظبوط 10-18

ودمتم سالمين

خيال نجد



هذا الكوري ... طبعاً متين جداً والشاهي فيه ((أكّه)) مظبووووط

http://www.mekshat.com/pix/upload01/prof002/mk23868_ddaadr.jpg


هذا الصيني ... طبعاً مايصلح


http://www.mekshat.com/pix/upload02/images81/mk31037_20081006319-001.jpg

[الوانيت1]

ترى كلما صارت خامة البريق جبرة و متينة كلما كان أحسن

خذ عندك مثلا ابريق منول الألمونيوم الأبيض ، تلقى الشاهي فيه أصفى من الماء حتى لو انه ثقيل

وبعدين البريق لا تتركه فترة طويلة ، لزوم تصلح فيه شاهي باستمرار ، ولا تغير عن الشاهي .

وخل شغلك متكتك ، يعني هذا بريق الشاهي وهذا بريق الحليب وهذا بريق النعناع ... الخ

ترى بعض الناس يسقيك من بربسته ويكابر ويمدح شغله ، وانت عنده السفيه الجاهل الي ما يعرف يضبط

شي ، وهو تلقاه مخدر الشاهي في بريق الزنجبيل او الحليب .


بلااااااااااا غة فى الوصف يعجز عنها اللسان لله درك .
فعلا كلامك صحيح يأخى ولاااا تستطيع أن تجادل هذة النوعية من البشر............////.

[أبوسلطان1]

بعد التحية والسلام
اخواني احترنا كل الي في راسه صوت الي يقول ستيل الي يقول غظار الي يقول معدن والمنيوم
نبغى الكلام العلمي وتقبلو خالص تحياتي

[قاصد الصمان]

ما غير الأستيل شي حتى لوكثر الكلام
وهذا الكلام من سابق خبره وتجربة ........ من ناحيه صحية ......... ومن ناحية الأ فضل في الجودة

[أبومنصور]

هلا بالغالي غيام
اتفق معك على ان القدر الأستيل ما بنفع ولا بريال :)
لانه اذا طبخت فيه الرز لازم يحكك هذا اذا ما احرق
اما الأبريق فالكوري الأستيل لا يعلى عليه
وكذالك ما تفضلت به الأصفر ايضاً كوري الصنع
بارك الله لك في مالك وزادنا واياك

[القاصي1]

من ناحية الصحة والله ماأدري
لكن الطعم والله يا كبسه الالمنيوم الكاتم ما يصف معها الستيل ابداً
اما البريق ...لين صار الماءغدير والبريق نظيف ولا هوب هاجر والشاهي كيني والسكر على الريحه ..وعلى حطب... وعلى طعوس الدهناء ...والجو مغيم....
ياسلام سلم

[قانون الجذب]

الأفضل السل استيل

لانه الأقل ضرر على المدى البعيد
وعند استخدام الألمونيوم او المعدن بدون مشاكل
ليس معناه انه لا يضر فشرب الدخان يضر
ولكن
لاتظهر أثاره
الا بعد مرور سنوات




؟؟؟؟؟ (( ما هو مرض الألمنيوم )) ؟؟؟؟؟؟



مرض يسببه تفاعل الأطعمة الحمضية كالفواكه والخل والليمون مع الأواني المصنوعة من الألمنيوم وتسبب الشيخوخة المبكرة ولقد اكتشفوا مؤخرا إن مرض الخرف سواء منه خرف الشيخوخة أو الخرف المبكر سببه ترسبات جزيئات الألمنيوم على شكل رقائق صغيرة تدمر خلايا المخ ، فتصبح القوى العقلية في تدهور. تنتزع من خلايا المخ قدرة الذاكرة كما تحول سلوك الإنسان وإدراكه إلى شكل سيئ لايتلائم مع البيئة والمجتمع.

ولكن السؤال الذي حيرهم طويلا هو من أين يتسرب هذا المعدن اللعين إلى طيات المخ وخلاياه ؟؟؟

لقد بحثوا في الأطعمة المختلفة فلم يجدوا له أثرا كما هو الكالسيوم والفسفور والحديد مثلا ، ولكنهم وجدوا أمرا اشد خطرا هو أن الأطعمة الحمضية كالفواكه الحمضية مثلا أو الخل أو الليمون الحامض أو ربما السبانخ تذيب طبقة رقيقة من تركيب أواني الطبخ الألومنيومية ومن ثم يتسرب الألمنيوم في الجسم ويصعد مع الدم إلى طبقات المخ العليا ليدمر خلاياها .
منقول عن اخطار قدور الالمونيوم

[شنطة عده]

الي عنده قدر السيف ينتبة منه تراه قنبلة مؤقوته
والله العظيم انه انفجر على قريب لي والحمد الله انه ما كان احد قريب منه . بعدين قدرالسيف يفتقر للجوده خاصتاً مقبض الاقفال ينكسر(من الاسفل) بعد مده بسيطه وفوق هذا يتاخر في الطبخ والاولين يقولون (يدلك على الخيل اثمانها) عليك بالالمـاني او سيب الفرنسي

[ابوسعودد]

الاستيل دائما هو الافضل

[سيف الظفير]

عاد قدر السيف للضغظ مذموم هنيا يالذيب

[موتي]

من عرفت نفسي ما قد استخدمت الستيل

[أمير الصيد]

انا في نظري أن الشاهي من صاحب الشاهي نفسه ؟؟
بمعني لوتجيب رخمه وتخليه يصلح شاهي في افضل ابريق طلع شغله بربسه كأنه غسال معاميل ؟؟
أما لو تجيب واحد متخصص في تصليح الشاهي وتعطيه اسوا ابريق حكر لك الشاهي وخلاك تشرب البريق كله ؟ لأن الشاهي لن يجلس أصلاً بالابريق إلا ساعه تقريبا وربما اكثر أو اقل ؟

أما لو حصل البريق الزين مع المتخصص في تصليح الشاهي هذا موضوع ثاني ؟؟ خارج على نظاق النقاش اصلاً .
وتقبلوا تحياتي.

[بطناج]

والله انا تلخبطنا ولا عاد ندري وش الطيب فيهن ،،كل واحد عطانا من راسه صوت، لكن تدري ابقول رايي وبس


بالنسبة لي استخدمت الابريق الاصفر، وطلع أسوأ من السيئ ، لا تقربونه أبد، لا كوري ولا صيني.

بعدها توجهت للمعدن طير شلوى، ولقيته أمير وما في الحكي فايده.

صورة جوية للحبيب

http://www.kashtah.com/4images/data/media/2/IMGP0232.jpg

[زياد2003]

بسم الله الرحمن الرحيم

السلام عليكم ورحمة الله وبركاته

ياجماعه جربت اغير بعض اغراض العزبه لفتره معينه والظاهر انها بتطول

غيرت الكاتم اللي كان عندي وهو سب ستيل وخذت فيد السيف اللي يجي المنيوم
لكن اللي لاحظته ان الرز معد يطلع فيه قراره (حكاكه) والرز يطلع نثري على كيف كيفك .طبعا الطبخ له دور

والبريق كان عندي ستيل وغيرته بالبريق الاصفرالالمنيوم المعروف اللي يجي مع راعين التريلات
صار الشاهي ياخذ فتره اطول وهو كايف
وهذا الكلام جربه ناس غيري وفعلا صار صحيح

جرب ماراح تخسر شئ

وللجميع تحياتي

غيام
صادق والله انا استخدم الكاتم حق السيف من اكثر من 3سنةات
والبريق الاصفر اهم شي يكون كوري لاني من عرفت البر والطلعات مااستخدم الا الاصفر

[قمرآآآى]

الالمنيوم خطير جدآ ارجو منك الاطلاع على مواضيع الاخوان بخصوص قدور الظغط

[hot_line]

من قالكم الالمنيوم خطير ويجيب امراض كله كلام في كلام

انا عندي قدر من يوم عرفت نفسي وانا اكل منه والحمد لله ومنته مافيه اي شيء

[راع المذنب]

الستيل هو الستيل خل عنك بس

[بن هدهود]

تحياتي للأخوان أن من رأيي أن الطبخ والقهوة والشاي على نفس صاحبها الخيل من خياله تقبل مروري مودتي