خوي راعي كيف
17/05/2002, 01:45 AM
قصيدو رثاء بوداع الشتا والمكاشيت والبراد والمطر وفلة الحجاج ؛؛؛؛؛
لو الله اللي راح وقت المكاشيت=وهبت هبوب الصيف كله عجاجي
يا شين جو فتت القلب تفتيت=وكدر علي العيش عكر مزاجي
لولا هموم بالحشا ما تغنيت=بأبيات شعر قلتها با نزعاجي
لو الله اللي للمكاشيت كبيت=ما عاد فيه فلة للحجاجي
يا ما لبراد الجو والله تشهيت=والصبر لو أقواه ينفع إعلاجي
يا زين لا منك للحجاج فليت=بجبال طخفه والابدنا اسواجي
السيل يزبد والرعد له تصاويت=والقاع صابة من البرق ارتجاجي
قالوا تمن وقلت والله يا ليت=جمس جديد وما أدخلوه الحراجي
وخمسة آلاف من الغنم لو تمنيت=كلها انعيم ومن خيار النعاجي
ومعهن عشر عمدان مقصودي البيت=بيت الشعر ما هو حديد وصاجي
في حافته شبيت ناري ودنيت=محماس مع نجر وموقد إسراجي
وحكرت لي فنجال بن وتقهويت=وما عادلي من بعد هذا حواجي
ويا الله يا للي تخرج الحي من ميت= يا فارق بين القراح وهماجي
طالبك تغفر زلتي يوم زليت=وطالبك تجعلني من النار ناجي
لو الله اللي راح وقت المكاشيت=وهبت هبوب الصيف كله عجاجي
يا شين جو فتت القلب تفتيت=وكدر علي العيش عكر مزاجي
لولا هموم بالحشا ما تغنيت=بأبيات شعر قلتها با نزعاجي
لو الله اللي للمكاشيت كبيت=ما عاد فيه فلة للحجاجي
يا ما لبراد الجو والله تشهيت=والصبر لو أقواه ينفع إعلاجي
يا زين لا منك للحجاج فليت=بجبال طخفه والابدنا اسواجي
السيل يزبد والرعد له تصاويت=والقاع صابة من البرق ارتجاجي
قالوا تمن وقلت والله يا ليت=جمس جديد وما أدخلوه الحراجي
وخمسة آلاف من الغنم لو تمنيت=كلها انعيم ومن خيار النعاجي
ومعهن عشر عمدان مقصودي البيت=بيت الشعر ما هو حديد وصاجي
في حافته شبيت ناري ودنيت=محماس مع نجر وموقد إسراجي
وحكرت لي فنجال بن وتقهويت=وما عادلي من بعد هذا حواجي
ويا الله يا للي تخرج الحي من ميت= يا فارق بين القراح وهماجي
طالبك تغفر زلتي يوم زليت=وطالبك تجعلني من النار ناجي