الفزعه يا اهل المكشات مشكله في اليوكن 2007

[RASHED1384]

عندي يوكن موديل 2007 دبل ولعت لمبة المكينه ولما وديدته للفحص بالكمبيوتر اخبرني المهندس ان المشكه من حساسات الشكمان وديته لورشة في الصناعية وقال انه يبي يسويله برمجه لالغاء الحساسات وطلب 600 ريال
وكذلك عندي ساعة الكيلو تظهر بعض الاوقات رساله تقول يجب فحص تماسك العجلات بالارض ومره يجب اصلاح تماسك العجلات بالارض ومره جهاز تماسك العجلات بالارض مطفاء

الفزعه ياشباب لانه انقلب راسي من الصناعيه وما ادراك ما الصناعيه

[RASHED1384]

وين اهل الخبره

[نااايف2]

اللي قال لك ابرمج بـ 600 لاتروح له

انا عندي لك حل اذا مانفع وديه وافحص كمبيوتر


الحل انك تفصل سلك البطاريه الاحمر او السالب لمدة 10 دقايق وترجع تشبكه
يعيد برمجة الكمبيوتر

[Magellan]

أنت فاك دبات التلوث أو لا؟؟
ووضعية الدبل لما تجيك الرسالة يكون بأي حاله يعني إنت شابك الدبل الأوتو

[المنبسط]

الله ييسر أمرك ويسهل دربك
نصيحة لا تودي السيارة الا لمركز متخصص في السيارات الامريكية وتضمن المهندس اللي بيشتغل ولو كان سعرهم غالي لأن هذي السيارات حساسة جدا.
والشباب ما راح يقصرون معك في توجيهك للمركز المناسب والمجرب

[RASHED1384]

اخوي نايف شكرا على ردك السريع سويت نفس الطريقه وترجع كما كان اول

اخوي ماجلان شكرا على ردك السريع السياره شد بلد مافكيت شي ووضعية الدبل عل H2 يعني الدبل غير موصول
اخوي المبسط الله يبسط لنا ولك الطرق الوعره ويسهل امرنا وامرك وجميع المسلمين وزي ما قلت ان وديت السيارة لمركز متخصص في الجمس وقا لى هالكلام

[RASHED1384]

وديت السيارة لواحد وفحص السيارة بالكمبيوتر وقال لى السيارة تحتاج تغيير حساسات العادم ( الحساسات الى في الشكمان)

[Magellan]

إذا كانت الحساسات حقت الشكمان مو حقت القزوز فانا أنصحك إن تلغيها ببرمجه
لأنها ماتأثر بالسيارة فقط تقيس مقدار التلوث
والحساسات الجديدة لو غيرتها راح تكون غالية إلا إن شريتها من التشليح...
شف ورشة Slr إن كانك من أهل الرياض في صناعية الدائري بين الدائري الشرقي والجنوبي يلغونها الظاهر بـ500 ريال

[ابو فهد 1]

مرحبا

والله اذا تبي نصيحتي خلة انا عندي نفس المشكلة مرة تمسك لمبة المكينة تولع وبعدين تطفى

ومرة يطلع اشارة ان يجب فحص العجلات الاربع والله خليتة ولا رحت لم احد ابد

وماشي الامور متيسرة

وتحياتي لك

[المماتوس]

المشاكل هذي تبغاك تروح للوكالة وتسوي سوفت وير برمجة كمبيوتر هذا الكلام عن تجربة
وإن شاء الله تبين معك الأعطال الحقيقية وأنا سويت السوفت وير في صيانة الجميح طريق خريص والسيارة تحت الضمان راحت كل التنبيهات ورجع تحذير الاطارات والله لا يهينهم غيروا الأربع حساسات والأمور هذي تميز فيها اليوكن 2007 هذا وأنا أداريه والحين جردفه بالمقناص واموره طيبه لولا اللحيه تحت الصدام ...اظن طولتها :d

[قمرنا]

فيه ورشه الجابري في الصناعيه خلف المالكي حق المرسدس فنيين كهرباء

[صالح2007]

بالنسبة للمبة المكينة ولعت عندي وبعدين صرت اعبي بنزين 95 وبعدين طفت ولله الحمد

[RASHED1384]

ماجلان- الحساسات الخاصه بالشكمان
ابوفهد- ذبحنا الحر يابعدي
المماتوس-سويت السوفت وير من تقريبا اكثر من سنه
قمرنا - شكرا على اهتمامك
صالح2007 - البنزين من شريته وهو 95
اشكر تجاوبكم معي وانا سوف افحص حساسات الانزلاق
واذا جد في الموضوع جديد في الاصلاح سوف اخبركم بما تم معي

[المفهي]

لمبت حساس الشكمان خرط فاضي
كانت مولعه عندي وطفت والى الحين الحمدلله طافية

وترا شاشه المعلومات بعض الاحيان تخبط وتوسوس بالناس

ماعليك وانا اخوك دق سلف وتوكل على رب العالمين

[Avalanche]

أخوي راشد


حاولت أ بحث بالنت عن المشكلة ...


الكل يقول اعمل فحص كمبيوتر :eek:


وشيكت الكاتلوج ...


http://www.mekshat.com/pix/upload03/images131/mk34212_099990.jpg


http://www.mekshat.com/pix/upload03/images131/mk34212_099991.jpg


لكن والله ما فهمت شي من المكتوب :D


ايش صار معاك !!

[السنع كله]

لاتكون انت حساس اذا اشتغل الحساس