مشوره بخصوص شاص 2009والبحث عنه

[الايام]

السلام عليكم اخواني الكشاته الكرام

ابي مشورتكم لاهنتوا جميعا

لي فتره وانا ابحث عن شاص تويوتا 2009 جديد0 فكان فيه عروض كالتالي

1-حصلت عند معرض الاقصى مواصفات استغربت انها تكون (جميليه) وهي جنط حديد اللي هو مثل الخليجي+كفرات رمليه +هزاز وهذا سلمكم الله ب 113 الف(بس ودي اعرف وش فرقه عن الخليجي هل الفرق جوهري ام غير ذلك) يقول مسؤول المبيعات انها طلبيات خاصه لجميل!!!!!

انا ما اسأل عن مواصفات مثل ريموت وتخشيب وخلافه (اسأل عن المحركات ونوعية القطع والتجميع)

2- حصلت شاص سعودي زجاج كهرب ومرايا كهرب ب108 الاف ريال
المراد ان مسؤال المبيعات ينصحني ما اقرب الهزاز لان لو حصل فيه اي مشكله تخرب عليك الطلعه كلها0

احترت يا اخوان وابي شوركم وشور اهل العرف

[الايام]

للرفع بارك الله فيكم

[محب النياق]

انا اقولك جمع روحك واشتر2010 وانت استخر والله يوفقك

[راعي المجهم]

أنحش عن 2010 لأن المكينة راسين ضعيفة مرة وغير عملية

2009 هو آخر موديل نزل براس واحد

وبعدين لو أنا مكانك ماشتري جديد أشتري مستعمل ماشي 5 آلآف كيلو

ولا 15 ألف كيلو أرخص وأخو الجديد

[الايام]

تسلمون ي اخوان على تفاعلكم

بحثي عن 2009 لانه هو بقية السلف الطيب من سيارات الجيب
ليش! لان هالمحرك اللي هو 4500 يصنع منذ عام 1992 واصبح مجرب وبقوة وارضى جميع العملاء في جميع انحاء العالم والصحاري

وانا متمسك اني الحق عليه واقتنيه وهو توه جديد

ولان المستعمل منه ما ينقص الا كم الف قلت اشوف جديد على يدي احسن

دمتم بود وبأنتظار مشورة الاخوان في موضوع الاعلان

[راعي 4500 EFI]

وعليكم السلام ورحمة الله وبركاته


أعرف اني داخل عرض بالموضوع بس حبيت أعرض عليك موتري شاص 2009 سعودي بدون ونش ودفلك ماشي 31000 - واحد وثلاثين الف , والحمد لله الموتر نضيف
سيم بـ 92000 ,,, ان كان لك نظر



وان كانك تبي تشري جديد فالحق واشر على بريمي 2009 فل ونش ودفلك ,, واللي يقول انه يخرب مايدري وين الله حاطه مع احترامي له , , مع الوالد GXR 2005 يسوي عليه تجارب بالدفلك وماشاء الله ماضره ,, وباعه وهو سليم ,,

ومع واحد من الشباب شاص 2010 واستعمل الدفلك ومابه الاالعافيه مايخرب ولاشي ,,

واياك تشري بدون ونش ودفلك وتندم بعدين مثل ماندمت ..

[الايام]

تسلم اخوي انا في الحقيقه ادور جديد

[ahmad995]

عليك بال 2010 تراه الناس توجهت له والشوارع امتلت منه
ومسألت المشاكل كل موديل جديد تحوم حوله اشاعات وتنتهي بعد كم شهر

واذا انت معزم على ال 2009 عليك بالبريمي لانه يجي 11 سسته ومرغوب اكثر عند البيع

[الايام]

حتى السعودي يجي 11 سسته

تتذكرون موديل97 الاند كروزر وشلون الناس عليه من يوم طلع 98 ومازالت اقيامه فلكيه تلقى النظيف منه بحوالي 80 الف ريال بعد استخدام 12 سنه تقريبا

وانا اظن ان هالتاريخ سيعيد نفسه مع اخر موديل اللي هو 2009 4500cc

[سيف الظفير]

توكل على الله خذيت لي بريمي ولا ازين منه

[ســـرحـــان]

الاخ الايام .... اقول توكل على الله وان حصل دف لوك ازين انا معاي من 2005 ولله الحمد ماشاء الله لاقوة الا بالله ماجاه شي واستخدامه وقت الحاجة ضروري واسأل مجرب

[has-120]

خذ اللي فيه هزاز ( دف لوك )
وأنت مغمض
ما يسوى حاجته ..
وبالنسبه للسعودي أعتقد هذا طلبك
(لأنك ما تبي تخشيب ولا اكسسوارات)

وعلى فكره
مواصفات السعودي 2008 و 2009
يجي الفل كامل : ونش +هزاز +كفرات رمليه { وبعض الاحيان جنوط كروم}

وجهه نظري سعودي الفل كـــــامل (فل الفل)
مـــــــــــــــــــــــــــناســـــــــــب
{السعر والمواصفات}:good:

ملاحظه :-
لو تشوف وشلون يسوقون الشريطيه
السيارات الجديده وخصوصا البريمي
لين توصل المعارض
{ بـتـنحاش من سياراتهم على طول)

تحياتي

[مدمن فتك]

الشاص بدون دفلك مايزبن انتبه زين

[الايام]

بارك الله في كل من تفاعل مع هالموضوع ونصح لي وما نستغني عن خبراتكم

[abofahd55]

الا يا م


مساك الله بالخير

انا بعطيك وجهه نضري وانت بكيفك

انا جربت البريمي وجربت السعودي

بالنبسه للديكورات فيها فرق

مثلا البريمي يجي تخشيبه ويجي نيكل للاصطبات اللي ورا

ويجي جنوط هلل ويجي فيه مبرد كلتش


با لنسبه للسعودي يجي بدون تخشيبه وبدون نيكل وبدون مبرد وجنوط شنابر اللي لونها رصاصي


بالنسبه للفل الفطيمي سعره ١١٨٠٠٠

واذا تبي سعودي بلغني


وحاضرين للطيبين شروا من عندي

[الايام]

شكرا اخوي ابو فهد على هالمعلومات

اذا عندك فطيمي 2009 جديد ب 118 اشوفه و(وش فرقه عن البريمي)

[abofahd55]

الايام كلمني علي هالرقم وابشر بسعدك ان شالله باللي نقدر عليه

٠٥٦٨٣٦٢٣٠٩

[الايام]

كفو الله يعطيك العافيه

[الدويشاني]

مرحبا أخي الفاضل


لدي شاص 2009 ماشي (9000) تسعة آلاف فقط


بريمي رفرف بدون ونش أو دفلك


الموتر مطلعة جديد


ماجاه معي الا العافية لابر ولاتطعيس


ومازال باكياسه

أغلب الوقت واقف في الكراج


الموتر سيم مني من راعي المعرض اللي شريته منه بــــ 111000


بمئة واحد عشر ألف


اذا لك نظر الله يكتب لك اللي فيه الخير

[الايام]

اخوي الدويشاني بارك الله لك في سيارتك

لكن رغبتي في ابو 11 ريشه

وشكرا لك

[خالد030]

يارجال خذ 2010 بريمي فل والله موتررررررر

[صقر الحراملة]

الايام ,,, لك رسالة على الخاص

و انتظر ردك هنا إذا ما تقدر ترد على الخاص بسبب قلة المشاركات

بصراحة موضوعك فالصميم

[ab.zayed]

اخوي طلبك عندي شاص 2009 بريمي بيج ونش ودفلوك جديد

[الايام]

اخوي صقر الحرامله تحيه طيبهلك

عندنا فالرياض فيه عروض كثيره الحقيقه 0 وفي ظني المتواضع انها ماراح تطول رح تخلص لان فيه ناس كثر اهل معرفه بالمحركات يرغبون الفوز بهالموديل قبل نفاد الكميه(ويرجع موال ال97 مره ثانيه)

اذا ما تهمك المواصفات موجود في معرض نجد شاص 2009 ولكنه ابيض اقل نوع ستاندر بحدود 96 الفريال

اما اعلى مواصفات شوي اللي هي زجاج كهرب ومرايا كهرب وار بي ام بحدود 107 الاف ريال

واعلى مواصفات ايضا يوجد ب113الف سعودي ولكن يزيد عما ذكر ان به هزاز وجنوط حديد مثل الخليجي

والاخ ابو فهد زميلنا بالمنتدى يقدر يزودك بمعلومات اكثر وما قصر معي ابدا الله يجزاه خير

دمت بخير

[ابوطاقية]

اليحي بالرياض عندهم طلبك جديد تقريبا 117 الف

[الايام]

اخوي ابو زايد

كم حد اللي عندك جزاك الله خير

والاخ ابو طاقيه بارك الله فيك على هالمعلومه

[ab.zayed]

اخوي الايام انا ماحديت تعال شف السياره وسم وان كتب الله نصيب الله يبارك لك وهذا جوالي 0555596036

[الايام]

هل سيم منك يابو زايد
وكيف حالة السياره من جميع النواحي

[ab.zayed]

السياره جديد وانا الي جايبها من البريمي بسطحه خاصه وللعلم السياره بالبيت ولا عرضتها ولا راح اعرضها لان عندتا بالذات اذا عرضت كسروا سلعتك وقالوا ما عرض الا محتاج انا ابي ابيعها بالذكر واذا لك رغبه جوالي عند

[الايام]

ابو زايد جديده يعني ما مشت على الزيرو؟

عشان اعرف اسوم الله يحفظك وضح