أبي أفضل كفرات للجمس

[حفيد الأشقر]

السلام عليكم


ودي أركب كفرات لموتري جمس شفر z71 وش تنصحوني به ؟ جنط 17

مع العلم أني ابغى كفرات قويه وتتحمل لأن أكثر أستخدامي داخل المدينة والخطوط الله يعين عليها

والبر مرة بالأسبوع و أغلب طلعات البر تطعيس وأماكن وعره وجبال ؟

وأبي اللي تخدم معي ولا تضر سيارتي .!!

[PATHFINDER 4]

أخوي عندي جمس موديله 97

مركبين عليه ميشلان :good: جلس معي الكفر 3 سنوات والى الان عايش مع انك تخاف لاشفت شكله :D

بس من ناحية صبر وامان معرووووف المشلان وخاصة للجموووووووس اصلا الغالب اصحاب الجموس مايركبون الا هو .

تحياتي :)

[.أبوعبدالرحمن]

عليك بالميشلان وتوكل على الله


هي الكفرات اللي بتناسبك ان شاء الله

[حفيد الأشقر]

طيب والدانلوب بعض الشباب نصحوني فيه ..وش رايكم


وكم سعر كفر الدانلوب و الميشلان؟

[PATHFINDER 4]

الدانلوب مدري عنه لكن الميشلان اذكر اني مركبه في بحر ال 2700 الى تقريبا 3000

[ابو البارق]

ياخي شف البرجستون تراها طيبة
وانا ركبتها عندي على الجمس مديل 96 وكرفتها اربع سنوات او خمس سنوات ولا رقعة مشاء الله
والآن غيرت للمشيلان وخايف منها

[قمة افرست]

بريلي مريحة ولا لها صوت
بعدها ميشلان او قودير

[ابو محمد1991]

ترا كفرات وكلته طيبه الجنرال الامريكيه قعدت عندي في الجمس 4 سنين ومسكت بها خطوط وكلش ومافي زيها وغيرتها عشان كانت ممسحه بس ولا صلخت ولا شيء وغيرتها بنفسها

[حفيد الأشقر]

طيب الجمس أستخدام وش أسم كفرات وكالته ؟

[PATHFINDER 4]

طيب الجمس أستخدام وش أسم كفرات وكالته ؟




أتوقع على حسب الموديل كفرات الشكل الجديد يفرق عن كفرات القديم

[حفيد الأشقر]

من عنده راي يفيدنا به

[يكفيني نظرة]

من ناحيتي دنلوب افضل كفرات لسيارات الدفع الرباعي وسعرها معقول 2200 تقريبا لجنط17 و1600 لجنط 16 واهم شي حافظ على هواها لاينقص ولا عليهن ان شاء الله شف على الكفر مكتوب Max Press وبجنبها رقم همن P S I ويختلف من كفر لكفر
هذا اعلا شي تعبيه للكفرلاتزوده عن كذا وال بي اس اي نوع العيار اللي تعاير به