سؤال عن كفرات البالون ؟؟

[النايف999]

اخواني السلام عليكم ورجمة الله وبركاته

انا ابي اسالكم عن كفرات البالون وش الافضل منهم

صراحه انا جربتها قبل على اف جي جديد وركبت افضل نوع سيام ومع الاسف اسبوع الا وانا كاره السياره

رجه وقلق تقول السياره قديمه

وفكيتها وارتحت منها ورجع موتري مثل اول

انا الحين ابي اركبها على جيب لكزس وش الزين من البالون اللي مايرج

وش تشورون علي اركبهاا او اركبها دنلوب دعسة شاهين زي حقت الشاص

[ياسر111]

سبحان الله كانك عارف ان ياليوم جالس اسال عن الافضل والاسعار
قالو لي ماكسس 900/17
سعره 470 الواحد
بس كذا محل يقولي ماينصح تركب اذ انت في الديره اذا انت في البر حلو بس بالديره زي ماقلت تكره السيارة
رجه وبذات ان مقبلين على امطار ان شاء الله وماينفع ابد ابد وقت الامطار مايمسك الفرامل
والقرار لك وراح اتابع الموضع نشوف وش الافضل وبالنسبه للعيوب اللي ذكرتها صحيحه ولا ولا
تقبل مروري

[ابو مترك]

شف البلون ما تنفع اللى في النفود
ماتصلح لا ديره ولا خط ولا شعبان
اسئل مجرب ولاتسئل طبيب
وغثه واجد
والقرار يرجع لك
تقبل مروري

[راعي الطلعات]

صراحه الافظل سيام تير وهي اقل رجه من ماكسس

اذا صار عندك بالسياره رجه وده يا ميزان المجد او العضيب المجد يجيهم كثير سيارات مركبين بالون وعارفين شغلهم بس بيقولك ترى البالون لابد ويرجع بس بعد مده طويله

انا توني اليوم راجع من عندهم والحمدلله راحة الرجه بنسبة 90%

اسئل الله لك التوفيق

[وليد الجريدي]

المشكله بالرجه الله يعينك عليها انا مسوي ترصيص ارضي وتقريبا كويسمن 140 الى 160 رجه بس والله انتبه من الماكسس مينفع وخصوصا في بر اذا كان البر اللي عندك اغلبه صخور وحجار لاتقربه الحجار مايصبر يتنتف على طوووووووووووووول
بس فيه نوعيه على ماعتقد برجسون ممكن سعرها 420 ريال كفرات بالون بس اوطى من ماكسس بقليل
واحسن تنفع خط وبر كل الي تبي
بس ماكسس بر فقط لاغير وبعد بالمطر الله يعينك ماتنفع ولا بريال يبيلك تركب المضله الي تجي بالطائرات الي تهدي السرعه والله خطيره مرررره

وانت ابخص

[الكونترولCONTROL]

اذا ما لك بالجلد ( الدروب الصحراوية ) و لا النفود
فما تصلح نهائيا ... لأنها تمسح بسرعة و لا يرتاح
الموتر أبدا .. و ازينها يقولون الماكسس .. بالتوفيق

[النايف999]

شرفني مروركم

انا جربتها وكانت تجربه سيئه

تبيها كشكل ونفود وووبس

لكن رجه وميلان دركسون وتثقل بالسياره

مع اني رصصت ارضي كم مره بالمجد وغيره ومانفع

الظاهر بنغير وبحول على دنلوب دعسه شاهين زي حقت الشاص مجربها من قبل

وننتظر باقي الاخوان

[ابرق نثيل]

البوالين على موترنا ماشكينا منهن
يالبا قلبها .. ;)
بس الظاهر ماعرفت لهن زين
وبالعربي ماتصلح لراعي الداومات يشغل ويمشي على طول ماتنفع له :no:

من وجهة نظري ووجهة نظر اخوياي نطبق مايلي :

* الجنط لابد ان يكون اصلي ونظيف على الشرط وان يكون عريض
* شف اي مثل جنط باترول 2002 مقاس 16 عالمي للبوالين.

* اذا الجنط نحيف (انواع الخطوره - تماوج بالخط - عدم الرساوه - امكانية الانفهاق من الجنط):D

* ترصيص الجنط ترصيص ارضي ب (100 ريال) . من مركز مرموق (المجد - الطيار الخ ) مع اخذ الضمان اللازم عليهم .

* قبل الانطلاق في اي مشوار لا بد من تقديم السياره مسافه 40 سنتي . والوقوف لمده 2 دقيقه الى 5 دقائق حسب الموتر اذا محمل او لا .

* هواء الكفرات لا يقل عن 35 والمفترض يكون 40 . كلما قل الهواء كلما حسيت بالرجه

* اذا بدت ترج بعد فتره طويله من تركيبها فمعنها عمرها الافتراضي انتهى ويجب تغييرها.

كما هو واااضح من كثرة اجراءته انه كفر احترافي وليس لعامة المستخدمين :good:

[صعافيق 911]

لا اله الا الله

[ابوحمد666]

اولا ما انصحك بالماكسس مقاس 17 لانه على الجيب يطلع فيها رجه لان الجيب مقص ,فما تصلح اللى للباترول لان الباترول دفرنس
ثانيا هناك كفرات اسمها هيرو لكن مو موجوده عندنا بالسعوديه لكن يمكن تحصلها بالاحساء او الدمام وراح تحصلها في الامارات وقطر وسعر الحبه تقريبا 700 ريال وهي من افضل الكفرات على الاطلاق وجميله جدا على الجيب الجديد وبا امكانك تبحث عنها بالقوقل وتشوف اسعارها وشكلها كمان
تحياتي لك

[النايف999]

يعطكيم العافيه ماقصرتوا
بانتظار باقي الاخوان

[هاوي براونق]

انحش من الماكسس
انا جربت الماكسس وجربت الدنلوب وجربت الهيرو طبعاً 16

1/ الماكسس :
رجه ، ثقيل على الموتر ، ماينفع بالديره

2/ الدنلوب :
فيه رجه خفيفه رصص ارضي وتروح ، وخفيف على الموتر ، عيبه مايطول معك

3/ الهيرو :
اذا رصصت ارضي تروح وماترجع الا بعد فتره طويله ،يعطي شكل للموتر ولين بعد وموجود عندنا بالشرقيه


ومن ناحية الدنلوب دعست الشاهين والله انه فله حق بر وخطوط ولا بعد عمرره طويل

اتمنى اني افدتك ولو بلقليل من الي عندي

تحيتي لكـ

[ابوقصاص]

ما قصروا الاخوان

تحياتي ...

[(((.ابوتميم .))))]

كفرات الدنلوب دعسة شاهين وش مميزاتهاا؟؟؟؟ وهل هي من داخل لستك ؟؟؟ يعني ارقعهاا بتوبرس
تقبلوو تحياتي

[الرحال الجوال]

كلام الأخ أبرق نثيل صحيح 100% من واقع تجربة شخصية ..

[ابومشخص]

الزين بالشكل سيام وتحمل

الزين بالاستعمال والخفه ورجته قليله الماكسس والهيرو
طبعا اذا بغيت الرجه تروح سو للموتر ترصيص ارضي

[ابومشخص]

انا ركبت السيام الهيرو الماكسس الدنلوب

الترتيب حسب الافضل
سيام
ماكسس و هيرو نفس المستوى
الدنلوب ردي بعض الاحيان ينسم من جهة الجنط شفة الجنط

وجهة نظر يالربع

[النايف999]

الله يعطيكم العافيه

الا وش رايكم بالدنلوب انا جربته فتره وممتاز