تويوتا - سيارة ب 86 الف تباع ب 170 الف‎

[ابوو زيد]

السلام عليكم ورحمة الله وبركاته


اخباركم ان شاء الله بخير


هذي رساله جتني على الايميل ويمكن وصلت للبعض منكم وحبيت تشوفونها


و اتوقع اغلب الوكالات نفس الحكايه ماهي منحصره على تويوتا فقط


اليكم الرساله


-------------------------------------------------------------------------


هذي الصوره من البيانات الجمركيه لليحي موزع تويوتا


وبصراحه غبنه وقهر يعني الاسعار تدبل 110%


اول شي هذي فاتورة لسيارات الاند كروزر جي اكس ار و جي اكس و برادو





http://hh7.net/download.php?img=3475


شوفوا الاسعار بس والله قهر


سعر الجي اكس ار 23000 دولار = 86000 ريال سعودي


ويباع عندنا باكثر من 170 الف ريال سعودي



وهذي فاتروه ثانيه


http://hh7.net/download.php?img=3476


شوفوا الاف جي بمليون ونص يعني تقريبا بـ 60 الف ريال وانا لي يومين اروح للبازعي يقولي 123000 كاش


طبعا الين مرتفع هالايام بس شوفوا بكم شارينه ايامها 53248 ريال



وهذا فسح دخولها للمملكه عشان تدبل على ظهورنا


http://hh7.net/download.php?img=3477


طبعا كل الاسعار شامله الشحن


حسبي الله عليكم ياوكلاء على الغبن


على كذا بكم الكامري و الكرولا و الهايلكس ؟


وش رايكم ياوزارة التجارة و ياحماية المستهلك



___________________________________


وانا ما اقول الله كل مالكم وتطلع فضايحكم ياوكلاء السيارات
.
.
.

[باثفندر]

لاحول ولا قوة إلا بالله ،،، إن كان هذا الكلام صحيح ،، بس اخوي الأوراق هذه صورة وسهل إنها تتزور !!!!!

[ابوو زيد]

شكرا لك اخوي باثفندر

والله ماعلم عنها شي كما جتني على الايميل نقلتها لكم وماهي غريبه انه يدبلون سعرها

[أبو خولة]

حتى لو قلنا ان فيها تزوير ,,, حنا ملعوب علينا ملعوب ...

شعب مغلوب على امره

[ابوو زيد]

شكرا لك اخوي ابو خولة

وصدقت ماخذين فيدتهم وزياده

[ahmad995]

حسبي الله ونعم الوكيل
ياليت نعيد حملة خلوها تصدي

[قطب 999]

طيب وكالات تويوتا في الخليج جميع اسعارهم متقاربه ماذا يعني

الفواتير والمستندات المرفقه لا تعني انها اسعار حقيقيه
ممكن حتى تقدم للجمارك لتكون الرسوم الجمركيه اقل
التجاره لها اساليب ملتويه للتقليل من المصروفات
لا يجي واحد مطفي النور يقول فيه تسعيره لدى الجمارك لكل سياره
هذا يتم تطبيقه على الضعوف مثلي ومثلك ااما هوامير التجار لهم طرقهم الخاصه

[الاصلي]

صحيح انه ملعوب علينا بس مهب الئ هادرجه
اعتقد مكاسبهم بالسياره من 30 الف وجاي

[برق الشمال 11]

حسبي الله عليهم

[ابوو زيد]

شكرا لك اخوي احمد 995

اي والله ياليت نعيدها

[ابوو زيد]

شكرا لك اخوي قطب 999

صدقت التجار لهم عدت طرق

[ابوو زيد]

شكرا لك اخوي الاصلي

ماتوقع فيدتهم اكثر من 30

[ابوو زيد]

شكرا لك اخوي برق الشمال

[جمـر الـغـضـى 11]

حسبي الله ونعم الوكيل بهم ... يارجال اغلب السيارت ياخذونها من اليبان بـ 60 الف يبعونها 130 الف .. عيني عينك وابوجميل يقول مارح يصدي غير فلوسكم هههه

المشكله الشعب السعودي مايقاومون السيارات والله ياليت لو الحمله مشت مثل ماخطط لها كان ابو جميل يطيح اسعار شوي ياخي تبي ربح اربح بس مو نصب 110%

اعوذ بالله ..حسبنا الله ونعم الوكيل .. وبإذن الله يجي لهم يوم ..

ومشكور اخوي على الصوره ويالت الناس تصحصح شوي ..

تقبل مروري اخو وايل العنزي

[الكايف2]

كذابين وحراميه علي كل حال ان صارت الاوراق صحيحه اومزيفه لكن حسبنا الله ونعم الوكيل الله لا يحللهم ولايبيحهم هم ومن ساعدهم اميييييييييييييييييييييييييييييييييييييييييييييييي ن

[الادعج]

وش نقول ...وش نخلي ..حالنا الحال المولي.. اييييييييه الله المستعان ابو جميل كم له وهو وكيل تيوتا بالسعودية ...عشراات السنين ومازال يمتص فلوس العالم ...مصه العذاب ان شاء الله ..حسبي الله عليه ...>>>>واحد مقهوووور

[موسم الخير]

الله المستعااان خلونااا نقوم الحمله خلوهاااا تصدي وتشوفوو الخير ابو جمل ههههههه مستولي على السوق

[راعي المجهم]

كلام موظف سابق في وكالة تويوتا بجدة تم تسريحة

وكشف اللعبة كاملة والآن هو في جلسات محاكم مع ممثل عبداللطيف

يقول الجيب الشاص 2009 يكلف الشركة الأم 40 ألف ريال

ويباع على البو جميل بــ 60 ألف ريال وابو جميل يبيعه على الشعب بــ 125 ألف ريال
----------------------------

وأقام ابو جميل عليه شكوى في محاكم جدة وأثناء المحاكمة أثبت فعلاً كلامه

بالفواتير والأدلة وأوراق التخليص الجمركي أن كلامه صحيح

وتم صرف النظر عن القضية والآن ابو جميل مقيم عليه دعوى بأنه

خان الأمانة وأفشى معلومات سرية أثناء عمله في الوكالة تضر المبيعات

يعني حتى وإن نزلت الأسعار 40 % تعتبر كسبانه الشركة وكسبان الوكيل

الجيب يكلف تصنيعه 40 ألف ريال صح يوم كان البترول بــ 60 دولار

والحديد كان سعره أكثر منه الآن صح

الآن خليينا نقول أنه يكلف تصنيعه 40 ألف ريال مع أن البترول بــ 40 دولار

والحديد نازل سعره عالمياً أكثر من 80 %

طيب خلي شركة تويوتا تبيعه بــ 50 ألف ريال على ابو جميل مكسبها يصير 10 آلآف

وأبو جميل خليه يبيعه على الشعب بــ 70 ألف ريال مكسبه 20 ألف ريال
-------------------------------
الآن هل عرفتوا اللعبة الشركات كسبانه والوكلاء كسبانين حتى وأن أنخفضت الأسعار
70 %

والمستهلكين هم من يدفعون المكاسب للأثنين

شوووووف الرابط هذا وأنت تعرف الفضائح

http://www.google.com.sa/search?hl=ar&source=hp&q=%D9%85%D9%88%D8%B8%D9%81+%D8%B3%D8%A7%D8%A8%D9%8 2+%D9%81%D9%8A+%D8%AA%D9%88%D9%8A%D9%88%D8%AA%D8%A 7&btnG=%D8%A8%D8%AD%D8%AB+Google%E2%80%8F&meta=&aq=f&oq=&safe=active

[0راعي الجبيل0]

هذي والله العالم اسعار يحطونها هم علشان ينزلون بضرائب الجمارك يعني بدل مايدفع على انه بسعر 170 الف ريال يدفع جمرك على انه بـ 80 الف ريال ويصير الفرق بينهم ربح ياخذه من المشتري ...... لان مالها منطق الا كذا

[مرامر]

يا اخوان خلونا واقعيين. هالكلام ماهو صحيح والأ سعار المذكوره كلام فارغ. ما اعتقد اننا بهالغباء على شان نصدق هالمعلومات المغلوطه. والدليل ان اسعار السارات متقاربه في جميع دول الخليج. هل هذا يعنى اننا كلنا مغفلين؟

اسعار السيارات بامريكا ايضاً مقاربه لأسعارنا، لكنها اغلى منا شوي، وربما السبب التعرفه الجمركيه اعلى من عندنا.

هذا رابط امريكي مشهور لبيع السيارات الجديده والمستعمله ارجو زيارته والتأكد بانفسكم تفادياً لتضليل الزوار ناهيك عن التشنيع بوكلاء السيارات بدون دليل قاطع. http://www.cars.com/go/index.jsp

ارجو من الأخوان التأكد من صحة المعلومات قبل وضعها في المنتدى.

------------------------------------------------------------------

[فارس شمال]

طيب معليش للي يدافع عنهم .. الحين بما اني متواجد بكثره بالاردن اشوف الكامري عندهم قيمتها 120 الف او اقل بما ان الجمرك عندهم 100% بالميه لا وتوجد عندهم ضريبه مبيعات 16% بالميه ورسوم على بدل ترفيه مثلا فتحه سقف عليها رسوم جنوط او سيدي او جلد على السياره كله تندفع رسومها كل واحده بلحالها

يعني كم تطلع الكامري لا والكامري عندهم صناعه يابانيه وتجي فيها مواصفات احسن من الي عندنا بكثير المواصفات الي عندنا تكون عندهم نص فل او اقل بعد يعني في اكثر من درجات فوق الفل كامل الي عندنا ويجي معها الشاشه الاصليه مو شاشه جايبها عبداللطيف صينيه ويسرق فيها الشعب ب5500 ريال هههههههه الله لايربح من كان يستغل عباد الله ويستغفل غشامتهم ويسرقهم والمشكله يبيعها على انها قطع اصليه ؟؟!!

المهم تقريبا الكامري تطلع على الشركه المركزيه بمبلغ لايعدي 45 او 35 الف ريال فقط .. بدون جمارك طبعاً ولا ضريبه مبيعات ولا رسوم اضافيه . ولاوفوق كذا مثلا اذا فكرت تجيب سياره من الحره من عندهم ممنوع تدخل سياره موديل السنه يعني 2010 ممنوع ليه طيب ..؟؟ هذا الي طمع تجارنا فينا لا وطلعوا بالقرار اقل من 2005 مافي يعني وش تركوا للضعوف خصوصا اهل الشمال الي الفقر عندهم معدي الخطوط الحمرا .... الله يكون بالعون بس

[راكب جمس]

الله لايوفقهم

[بو جريس 73]

والله قهررررررررررر

[ابو فهد 2004]

على كذا انا ابي لي جي اكس ار من اليابان
ما اقدر أورد هههههه

[(ابوسعد)]

اذا تبي حقيقت الاسعار صدق وبعد اذان الاداره ادخل على موقع حملة خليها تصدي

[ابوطاقية]

يقول المثل حدث العاقل بما لايعقل فأن صدق فلا عقل له
يا اخوان مستحيل ان المكاسب 100% والا كان كل التجار يحولون استيراد سيارات
تاجر العقار يبني عماره تكلفه 20 مليون يدعي الله ليل نهار انها تدخل راس مالها بعد 10 سنوات والي يستورد سيارات يدخل 100% مكسب خلال شهرين والا ثلاثه هذا مستحيل
يا اخوان العامل الياباني اعلا دخل بالعالم وتبيه يصنعلك شاص قيمته 40 الف حشا ماصار ياباني صار بنقالي
اخوى مطلع جيب عشه موديل 84 من عبدالطيف جميل ب 35 الف ريال يعني هل يعقل كان يكلف تصنيعه 17 الف !! مستحيل
سنة 84 كان سعر برميل البترول 7 دولار والان 80 دولار
معقوله تبي راتب العامل الياباني موقف من سنة 84 مايزود
نعم لهم ارباح لاكن موب بها الارقام الخياليه ولو مالهم ارباح كان ماشتغلو بتجارة السيارات
وللمعلوميه ارباح الشركات المصنعه ضئيله من بيع السيارات مقارنه بقطع الغيار لانها هي المكاسب الخياليه

[شاهين999]

السلام عليكم ورحمة الله وبركاته



اخباركم ان شاء الله بخير


هذي رساله جتني على الايميل ويمكن وصلت للبعض منكم وحبيت تشوفونها


و اتوقع اغلب الوكالات نفس الحكايه ماهي منحصره على تويوتا فقط


اليكم الرساله


-------------------------------------------------------------------------


هذي الصوره من البيانات الجمركيه لليحي موزع تويوتا


وبصراحه غبنه وقهر يعني الاسعار تدبل 110%


اول شي هذي فاتورة لسيارات الاند كروزر جي اكس ار و جي اكس و برادو





http://hh7.net/download.php?img=3475


شوفوا الاسعار بس والله قهر


سعر الجي اكس ار 23000 دولار = 86000 ريال سعودي


ويباع عندنا باكثر من 170 الف ريال سعودي



وهذي فاتروه ثانيه


http://hh7.net/download.php?img=3476


شوفوا الاف جي بمليون ونص يعني تقريبا بـ 60 الف ريال وانا لي يومين اروح للبازعي يقولي 123000 كاش


طبعا الين مرتفع هالايام بس شوفوا بكم شارينه ايامها 53248 ريال



وهذا فسح دخولها للمملكه عشان تدبل على ظهورنا


http://hh7.net/download.php?img=3477


طبعا كل الاسعار شامله الشحن


حسبي الله عليكم ياوكلاء على الغبن


على كذا بكم الكامري و الكرولا و الهايلكس ؟


وش رايكم ياوزارة التجارة و ياحماية المستهلك



___________________________________


وانا ما اقول الله كل مالكم وتطلع فضايحكم ياوكلاء السيارات
.
.

.





حسبنا الله ونعم الوكيل

[قناص حباري]

جزاك الله الف خير

[crozman]

يعطيك العافيه