المساعد الشخصي الرقمي

مشاهدة النسخة كاملة : انصلخ كفر والله يستر من الباقي ومحتار وش اغير؟؟!!!


بو خالد77
25/10/2009, 02:33 PM
السلام عليكم ورحمة الله وبركاته

مسيتم/صبحتم بالخير جميع

من اسبوعين تقريبا انصلخ علي الكفر الامامي الايمن والله يستر من الباقي...

المهم..رحت الجمعه الماضيه لصناعية الخبر ومريت كم بنشر من المحلات الكبيره...

حيروووني يالربع بالكفرات...مشلان حصلته عند محل ب300 وعند الثاني ب400 وعليها
وصناعات ومدري وشوي,,,

المهم اني احترت في انواع الكفرات واسعارها واصحاب البناشر وطفشت ومشيت من غير ماغير,,,قلت لين الويكند الجاي اغير...

المهم اللي خشوا راسي من الاخر ثلاث انواع..المشلان..والتويو..والهانكوك,,,والوالد يقول حط (نسيت اسمه)اللي وكيله التميمي,,,والبنشريه يمدحون الماكسس...

مع العلم اني راعي خطوط ويمكن سرعه,,,,,,للي بيسئلون عن سيارتي,,,,,سيارتي بالتوقيع

الزبده انا احترت وابي شوركم:confused: ...لاهنتم
رواق الكشته
25/10/2009, 02:52 PM
حط اللي عليها من الوكاله وأقصد نفس النوعيه

وهي أفضل لك

لا تنسى تشيك على التاريخ


والنصيحه الكبرى إترك السرعه

فجودة الكفرات لن تمنع عنك الحادث إذا تهورت ...
ابن صقيه
25/10/2009, 03:14 PM
يوكوهاما

ياباني ممتاز وسعره معقول
الستانس
25/10/2009, 05:30 PM
اترك عنك السرعه اول شي نصيحه لك

ثانيا عليك بالماكسس تايوانيه وجودتها عاليه وعمرها التقريبي سنتين
يعني لو بتشتري ماشلان بـ400 ريال وماكسس بـ200
الماشلان عمره من 4-5 سنوات والماكسس سنتين
فمن رايي تاخذ ماكسس وتركب كل مره جديده هذي فكرتي
أبوكلبشة
25/10/2009, 05:36 PM
ياخوي اذا تبي شوري عليك رح لبنشر الجسر بصناعية الخبر واسال عن واحد اسمه علي مطوع واستشيرة وتراه نصوح بالحيل ولا يقصر ابدا
قطب 999
25/10/2009, 05:40 PM
خذ بريجستون بوتانزا


http://www.tirerack.com/images/tires/bridgestone/bs_potenza_re050_ci1_l.jpg
بو خالد77
26/10/2009, 06:46 AM
اللي عليها من وكالتها برجستون بس احس انه قاااسي
يكفيني نظرة
26/10/2009, 11:28 AM
السلام عليكم ...
انا الصراحه جربت الماكسس على جيب ممتازات ورخيصه واللي كانت معي صناعتها تايلنديه جلست سنه اخت الجديده واسافر عليها واروح البر وماشيه معي تمام.
Avalanche
26/10/2009, 01:56 PM
أخوي بوخالد
كان عندي هوندا أكورد .... وكنت دايم استعمل نوع يقال له فايرستون

وبصراحه كان ممتاز

و كان في أنواع منه
أنا استعملت النوع المخصص للسرعات العالية

ولا تنسى تتأكد من تاريخ التصنيع (يجب أن يكون جديد)
بو خالد77
27/10/2009, 06:49 AM
الله يرحم والديكم ويجزاكم خير
قمرنا
27/10/2009, 08:03 AM
أنصحك بماكسس أو هانكوك لينات ومريحات لكن إذا أنت راعي
خط أنتبه لعيار الهواء وبالتوفيق...
سلطان الرياض
27/10/2009, 09:45 AM
أنا مجرب لجميع الانواع التالية :

بريجستون : ممتاز للخطوط والسفر ولكن عيبه أنه قاسي 90%

يوكوهاما : ممتاز نفس البريجستون بس مو قاسي 95 %

دنلوب : ممتاز وليس قاسي ولكن بعد سنة تحس أن الموتر يزحف في بعض المنعطفات. 80%

تويو : نفس دنلوب بضبط 80 %

وخذ في عين الاعتبار جميع الانواع التي ذكرتها هي يابانية وجودة عالية من ناحية السرعة والحرارة.

وأهم شي تأخذ اللي تاريخها جديد أهم شي ....

وحد في بالك كل 60-70 الف كيلو غير الكفرات .... أو سنتيان .... أيهما أقرب ...
رحال300
27/10/2009, 10:56 AM
خذ بريجستون بوتانزا


http://www.tirerack.com/images/tires/bridgestone/bs_potenza_re050_ci1_l.jpg
نفس الكلام
البرجستون افضل كفر لخطوط والسرعه
وحاول تتجنب السرعه
s1s1
27/10/2009, 12:05 PM
الفايرستون ممتاز ولاله صوت مع الخط
والان موجود بالموتر ممتاز
راعي المجهم
27/10/2009, 01:52 PM
أفضل شئ في الكفرات الآن مطبها لين كنها لكزس تتحمل الشوك كنها جنزير تمشي على الرمل كنها بالون وبدأت تسحب البساط من تحت أقدام العمالاقة وأنتشرت بين الناس لها 15 سنة ماكسس برافو 760 وتجي أيضاً على جنط 17 وجنط 16 و15 و14 سعرها 400 ريال فقط
ريشه صقر
27/10/2009, 02:50 PM
قبل النوع

اهم شي التاريخ لا يكون 2007 او 2008

لان اغلب الي بالمحلات منتهيه ):
بو خالد77
28/10/2009, 11:13 AM
ما شا الله عليك ياراعي المجهم,,,تصلح حق دعايات....

الله يعطيكم العافيه ويرحم والديكم ,,,,شااااكر لكم مروركم ومشاركتكم...
تاج1426
28/10/2009, 11:25 AM
تحيه طيبه وبعد :
اول شي لو تفكر بموضوع هالسرعه اللي تقول بالنسبه للوقت للي يمشي السرعه المعقوله لقيت ما فيه فرق بينك وبينه وبعدين اللي يشوف حوادث السرعه وما يعتبر يكون اعمى بصيره
ثاني شي اتبع نصيحة الوالد الله يحفظه لك وفعلا فايرستون وكيله التميمي وانا شخصيا اتعامل مع هذي الكفرات من حوالي 10سنوات وبفضل من الله ما أذكر اني شكيت منها .
والله يحفظك ويرعاك
أبوحمد 505
28/10/2009, 11:37 AM
الله يعينك أنا أحترت من كلام الأعضاء وأنا ماني محتاج كفر كيف أنت

بس راعي المجهم غير صراحة قريت ردة أربع مرات أسلوبة شي

الله يعينك من ناحيتي أركب كفر كوري ويجلس معي تقريبا سنة ونص
شبح الصحراء
28/10/2009, 12:56 PM
بالنسبة للسرعة هناك رموز على الإطارات تحدد اقصى سرعة يتحملها الإطار ، مثلاً حرف S اقصى سرعة له 180 كلم/ساعة بينما حرف H اقصى سرعة 210 كلم/ساعة وإذا تجاوزت اقصى سرعة للإطار فقد ينسلخ الإطار أو ينفجر لا قدر الله ، وهناك حروف اخرى تدل على السرعة وبإمكانك ان تعمل بحث في جوجل عن الرموز الموجودة في الإطارات .
أخيراً انتبه من السرعة الزائدة ولا تفكر في نفسك فقط ولكن فكر بمن يحبك فهل تريدهم ان يفقدوك بسبب السرعة الزائدة ؟! .
ذيب الهويمل
28/10/2009, 01:03 PM
راعي خطوط ماشيلان
مكشاتي الجزيرة
28/10/2009, 01:44 PM
1- ميشلان
2- يوكهاما
3- بريجستون
4-سومتومو
.أبوعبدالرحمن
28/10/2009, 04:42 PM
اللي مثل سيارتك

افضل حاجة عليها وفي الدرجة الاولى في نظري

سوموتومو

وبعدين الدنلوب

وبعدين البرجستون

وبعدين الفايرستون


طبعا كلها ياباني



والله يوفقك باللي يرضيك