تكفون المساعدة:ماهو أفضل زيت لقير الباثفندر2006

[نفود الطوقي]

بسم الله الرحمن الرحيم

إخواني الكرام
أبغى منكم المساعدة

أريد أن أغير زيت القير للباثفندر2006
وودي آخذ رايكم وش أفضل انواع الزيت

والمشكلة أن زيت الوكالة غالي
سعر العلبة حوالي 85 ريال
وهو يالله تكفيه 5 علب

فأشيروا علي ياجماعة الخير

[صقرالعرب2007]

ولله يالغالي أنصحك تحط زيت الزكايل الأصلي,,

ترى القير زبدة الموتر مب سهل انك تتهاون فيه ولله ما تسوى شي الـ 425 ريال لا خبط عليك القير...

بعدين تراها مب ضاره كل 50 ألف غيره وش وراك

[ابوناصر426]

السلام عليكم
لاتغير الا زيت الوكالة، ترى مهوب مثل زيت المكينة تغيره كل 3 الاف او 5 الف، هذا بتغيره كل 30 الف كيلو، اخذ زيت الوكالة وتوكل على الله.

[ابو محمد1991]

قيور الباثفندرات الجدد من 2006 وفوق ما كل واحد يعرف يغيرها بس الوكاله هي الي تغيرها وبعد زيت القير الي من الوكاله مخصص له لانك اذا حطيت زيت ثاني ممكن يدمر لك القير وبعد موترك توه ماشي 85 هم يقولون لاتغيره الا عند 100000 كم واذا تبي فايده اكثر ومعلومات اكثر عليك بها الرابط
http://www.assayyarat.com/forums/showthread.php?t=133936&page=210

[نفود الطوقي]

أشكركم على أرائكم

لكن فيه أحد الاخوان معه باثفندر 2005
وقال لي أنا والشباب نغير زيت القير من نوع بي ام دبليو هيدروليك
وسعر العلبة 25 ريال وهذا ما يوجد عند أي محل ، وأكثر ما يوجد في الصناعية القديمة
فهل أحد منكم عنده خبرة في هذا
وقد جربه ، وما رايكم فيه
وهل يركب على الباثفندر 2006


ثانيا : أنا اللي أعرفه أن زيت القير حق الباثفندر ما يمشي إلا حوالي 50000 ألف كيلو
والظاهر ان الوكالة قالوا لي كذا
فهل هذا الكلام صحيح ، وإذا كان غير صحيح فكم يمشي

أرجو منكم المساعدة
جزاكم الله خير

[ابوناصر426]

أشكركم على أرائكم

لكن فيه أحد الاخوان معه باثفندر 2005
وقال لي أنا والشباب نغير زيت القير من نوع بي ام دبليو هيدروليك
وسعر العلبة 25 ريال وهذا ما يوجد عند أي محل ، وأكثر ما يوجد في الصناعية القديمة
فهل أحد منكم عنده خبرة في هذا
وقد جربه ، وما رايكم فيه
وهل يركب على الباثفندر 2006


ثانيا : أنا اللي أعرفه أن زيت القير حق الباثفندر ما يمشي إلا حوالي 50000 ألف كيلو
والظاهر ان الوكالة قالوا لي كذا
فهل هذا الكلام صحيح ، وإذا كان غير صحيح فكم يمشي

أرجو منكم المساعدة
جزاكم الله خير


ياخوي الباثفاندر الشكل الجديد يختلف عن القديم، اختلاف كبير، لذا انصحك انك تغيره في الوكالة، ترى اللي تبي توفره بجيبك يمكن تدفعه توضيب للقير لاقدر الله.

[عاشق الفرعه]

أنا مع أخوي أبوناصر

[ابرق نثيل]

مالك الا الزيت الموصى به من المصنع وهو
NISSAN Matic-J Automatic Transmission Fluid.
لانها زيوت خاصه جداً وليست مثل اي زيت متوفر بالسوق :no2:

http://www.mynismo.com/images_products/3913.jpg



كمعلومات عامة
شف اي زيت في العالم له زيت يكافئه اما تماماً او قريب جداً منه

يوجد شركات تصنع شي قريب من زيت المصنع وليس مطابق تماماً
مثل شركة AMSOIL

http://www.amsoil.com/StoreFront/images/atf_qt_300pxh.jpg
Amsoil Synthetic Universal Automatic Transmission Fluid

معلومه مهمه :
زيت النيسان Nissans Matic-J مصنوع من قبل شركة كاسترول او ربما تم عمل تركيبته من كاسترول في المانيا (على طاري BMW)



http://www.castrol.com/liveassets/bp_internet/castrol/castrol_usa/STAGING/local_assets/downloads/m/MultiVehicle_ATF.pdf


Castrol Transmax® J هذا اقرب زيت قير يناسب الباترول الباثفيندر والاكستيرا وبعض سيارات الهوندا والسبارو والفلفو


وايضا هناك زيت اخر من موبيل بنفس مواصفات زيت النيسان والكسترول Matic-J

https://www.mobiloil.com/USA-English/MotorOil/Images/Products/atf_synthetic_top.gif
Mobil 1 Synthetic ATF

https://www.mobiloil.com/USA-English/MotorOil/Other_Products/Mobil_1_Synthetic_ATF.aspx

[شبح الصحراء]

في النيسان الإكستيرا يوجد ستكر تحذير داخل غطاء المحرك بالإنجليزي يقول" استخدم زيت ناقل الحركة المخصص حيث ان استخدام زيت آخر سوف يسبب تلف ناقل الحركة" واتوقع الباث الجديد يشبه الإكستيرا لذلك احذر اخوي من تركيب اي زيت غير مناسب خصوصاً ان زيوت الجير في الجيوب الجديدة من نيسان المصنوعة في امريكا تختلف عن الزيوت المتعارف عليها في محلات قطع الغيار .
على فكرة انا رحت للوكالة ابي اسأل عن تغيير زيت الجير الأتوماتيك للإكستيرا اللي معي قالوا ما يتغير فقط يفحص واذا احتاج تغيير يتغير ، وسألت عن فلتر الجير قالو ماله فلتر !! ، المهم انا ما اقتنعت كثير بكلامهم ومحتار اغيره ولا لأ خصوصاً انها عدت سبعين الف كيلومتر ، والغريبة يوم فحصت الزيت بنفسي تفاجأة ان لونه شفاف مع اني اعرف ان زيوت الجير الأتو يجي لونها احمر وماني عارف هذا شي طبيعي ولا لأ؟!! شي يحير .

[نفود الطوقي]

أشكركم ف الحقيقة على مروركم
وارائكم القيمة

بالنسبة لفلتر زيت القير
فأنا أجزم جزما أنه لايغير

لكن يا إخواني
كم يمشي إذا غيرته

يعطيكم العافية

[النوفي 3535]

اخوي العزيز
صباح الخير
رجان لا تغير زي الجير نوعية الزيت نف النوعية المستخدم للبارول
ويختلف نوعية الجير 2006 عن 2005
والزيت الي حاطه اخوي ابرق مايصلح هذا للجير ال2005 وتحت
اا 2006 يختلف ابي اكلم الكالة واسلمهم علشانك
تحياتي

[شبح الصحراء]

النوفي الله لا يهينك مادامك رايح للوكالة تسأل عن الباث اسأل عن الإكستيرا 2008 هل يغير زيت الجير الأتوماتيك ؟ واذا يتغير متى يتغير تحديداً؟ وهل فيه فلتر لزيت الجير الأتوماتيك؟ واذا فيه متى اغيره؟ واذا فيه زيوت ثانية لازم تتغير كالدفرنسات والدبل وغيرها .
انا رحت الوكالة قبل بس ما اقتنعت بكلامهم هم يقولون زيت الجير ما يتغير فقط يفحص من فترة وفترة ويقولون ان مافيه فلتر لزيت الجير !! واحتاج اقطع الشك باليقين .
وجزاك الله خير مقدماً .

[نفود الطوقي]

أشكر جميع الاخوان على نصيحتهم
وإن شاء الله أبغيره عند الوكالة

[تاج1426]

طيب ليش ما تدخل مواقع امريكيه تشوف نوعية الزيت اللي يحطونها لنوع سيارتك ترى نيسان وتويوتا تمشية بضاعه فقط لاغير يحطون استيكرات على العلب ويقولون خصيصا لــ ........... يعني ماهو معقول انهم يصنعون السياره ويخصصون لها زيت بعينه

والله من جاء هالقير الاوتوماتيك وهو متعبنا ومتعب مخابينا بعد
والله يرحم ايام القير العادي صحيح انه متعب لكن مريح ماديـــا