*** سؤال ارغب بتحويل البطارية من الكترونية الى التي تعبأ بالماء***

[ابوسليم]

السلام عليكم ورحمة الله وبركاته
السالفة يااخوان اني مالي سبع شهور امغير بطارية (AC/DELCO ) لسيارتي ال (GMC) بحدود400 ريال وشغلت عليها
لمبة خمسين واط لمدة ساعة تقريباً قبل يومين . يوم بغيت اشغل السيارة مااشتغلت الا بعمل اشتراك وبعدها اسيارة صارة تشتغل عادي بس اظاهر انها ماعاد تتحمل اشغل عليها اي لمبه ( ونا مادري الأن ماهي المشكلة هل البطارية انتهت او تحتاج شحن او اغيرها الى البطارية القديمة التي تعباْ ) . أرجو النصيحة من الأخوان لا حرمتم الأجر .... وشكراً

[سيف الظفير]

من يوم تدق سلف تشحن من الديلكو

[باثفندر]

سبعة شهور باقي على الضمان 3 شهور !!!!

رحلهم ويغيرونها لك إن شاء الله ولا تشيل هم ( مجربه ).

[راعي المجهم]

من يوم تدق سلف تشحن من الديلكو


أخوي سيف الديلكو ماله دخل

الشحن يكون من الدينمو للبطارية !!!

وبالنسبة لك يا صاحب الموضوع الخطأ منك

البطارية لو تجيب أفضل بطارية في العالم وتركبها مالها يوم

وتشغل عليها لمبة بيان لمدة ساعة أو أكثر شئ طبيعي تفضى على طول

ولا تشغل السيارة

الآن شوف أخي الكريم بطاريتك لها عدسة شفافة

ناظر فيها أذا اللون أخضر ماعندك مشكلة النقص الي حصل راح يتعوض

وإذا لونها أسود أشحنها عند حق بطاريات

وإذا لونها أبيض أطلب الله في العوض ماعاد تنفع

ومالك ومال التغير أيسي ديلكو ممتازة جداً لها معي 3

سنوات على الجمس 2001 وأشغل عليها لمبة كبوت

50 واط بس كل نص ساعة أشغل السيارة 5 دقائق فقط لتعويض النقص

وماشية زي الحلاوة

[سيف الظفير]

أخوي سيف الديلكو ماله دخل

الشحن يكون من الدينمو للبطارية !!!

وبالنسبة لك يا صاحب الموضوع الخطأ منك

البطارية لو تجيب أفضل بطارية في العالم وتركبها مالها يوم

وتشغل عليها لمبة بيان لمدة ساعة أو أكثر شئ طبيعي تفضى على طول

ولا تشغل السيارة

الآن شوف أخي الكريم بطاريتك لها عدسة شفافة

ناظر فيها أذا اللون أخضر ماعندك مشكلة النقص الي حصل راح يتعوض

وإذا لونها أسود أشحنها عند حق بطاريات

وإذا لونها أبيض أطلب الله في العوض ماعاد تنفع

ومالك ومال التغير أيسي ديلكو ممتازة جداً لها معي 3

سنوات على الجمس 2001 وأشغل عليها لمبة كبوت

50 واط بس كل نص ساعة أشغل السيارة 5 دقائق فقط لتعويض النقص

وماشية زي الحلاوة




يالغالي والله انه على بالي ولكن رقعتها بالديلكو


لاتدقق نهاية الدوام والجوع واصـل حدة

[Nasser-ahah]

إحتمالين
1- البطارية تعبانه
2- أصابع البطارية يمكن متراكم عليها شيء من الملح أو مادة بيضاء حط عليها مويه حااااااارة وفركه بليفه حديد

[راعي المجهم]

يالغالي والله انه على بالي ولكن رقعتها بالديلكو


لاتدقق نهاية الدوام والجوع واصـل حدة

والله خابرك كفو ياسيف لكن لكل جواد كبوة

ههههههههههه

هالمرة بعذرك عشان كبوة الجوع

دمت بود

[دغيم1]

السلام عليكم ورحمة الله وبركاته
حياك الله أخوي
بالنسبة لمشكلة البطارية
عند إنتهاء الشحن لابد من الإشتراك
وتعود البطارية لعدها السابق
وعند إحتراق عين أو أكثر تكون البطارية
قد إنتهت ولاتعمل إلا باشتراك حتى تصل غلى نهاية عمرها الإفتراضي
وذلك عن طريق إختبارها من العدسة
وأغلب بطاريات الـ
(AC/DELCO )
مضمونه لدى الوكيل ويمكن إستبدالها لمرة واحده شريطة فاتورة الشراء
تقبل تحياتي

[سوبر VTC]

و عليكم السلام و رحمة الله

بطارية اي سي ديلكو
تغيرت مهب مثل اول
الان بعد 7شهور على الاكثر تضعف
تصير دقة السلف ضعيفه
حتى لو ماولعت عليه لمبه او اي جهاز اخر
يعني جودته مهب مثل قبل 4سنوات

بطارية اليوسا على سبيل المثال
عند احد الموزعين 55بطارية كلهن خربانات و هن جدد
و السبب انهن مغشوشات
صناعه لك عليه او معاد تصنيعه
اليوسا نفس القولدن شركه وحده

اللي يبي بطارية كد و مد و تعيش فتره اطول
خصوصا تشغيل لمبات او محول
نصيحه
يركب بطاريه تعبا ماء :good:
كد جلست معي 4سنوات بطارية اضافيه
الماء تنقص كل 6شهور نقص بسيط

افضل بطارية تعبا
باقادر يابانيه
او بطارية هانكوك

موفق

[عاشق الفرعه]

البطارية ممتازة ولكن طريقة الأستخدام غير جيد

[السارحي]

يوشا الكوريه ممتازه كل ما نقص الماء زيد وتوكل على الله

مره جيت اشغل السياره عيت تشتغل البطاريه ضعيفه شيكت على ماء البطاريه لقيتها ناشفه

قلت ازودها ماء واشوف يمكن تشتغل عبيت البطاريه ماء عادي وخليتها شوي وشغلتها قبعت :confused: ههههه :D اقصد اشتغلت زي الحلاوه وعليها لين بعتها يمكن سنتين او اكثر

[ابوسليم]

اشكر جميع الأخوان على تجاوبهم .

سيف الظفير- مافهمة وش تقصد بالديلكو ؟؟

باثفندر - البلا وين احصل الفاتوره اخوك فوضوي

راعي المجهم - ياخوك كنت اشغل على بطارية السابقة وهي نفس النوع ولاكن كنت ماخذها من الوكيل العيسى
الميه اكثر من ساعة ولما تشغل السيارة تشتغل على طول . بس البطاريه هذي اخذتها من راعي بنشر !!! لأن الوكيل رفع سعرها الى 500 ريال

دغيم1 - الأن السيارة تشتغل مافيها مشكلة بس شكل البطارية ماتتحمل اي لمبه .

سوبر VTC - كلامك صحيح البطاريه السابقة جلست معي تقريبن سنتين ونصف وهي نفس النوع ..
وهل تتوقع اني احصل باقادر اليابانية الأن في الغرابي .

عاشق الفرعه - بلعكس استخدامي لها قليل جداً ( استخدام نظيف)

السارحي - يازين ياخوك هل بطاريات بس تبيلها متابعة .

[جيبي جايزلي]

شف ونا اخوك اذا كان بطريتك من النوع اللي مسمارها مع الجنب فتوقع ان هاذي هي العله المسمار ما يشد صح صارت مع اخوي لين غير البطاريه وشري النوع اللي اصابعه فوق وقص اصابع البلد حقت السياره وغيرها وحط الاصابع اللي تجي فوق وشدتها صح الصح وارتاح

[ابوسليم]

اخوي / جيبي جايزلي
البطارية تجي مسامير على الجنب ومشدوده .

[سوبر VTC]

باقادر يابانيه موجوده و هي كد و مد :good:
عند الوكيل باقادر
احد الربع ركبه لباترول بس غاليه ب420ريال :no:
يشغل عليه لمبه 50وات
لمده 6ساعات فاكثر
الان سعره تقريبا ب400 الى 380ريال

اعتقد البديل عنه من ناحيه السعر الاقل
هانكوك
او
بطاريات روكت كورية :good:
تحصله عند باقادر
الروكت تركب للباترول م2002 و طالع تجي 100امبير
بعد تشغيل الموتر تعطي 110امبير

بس مدري تركب للجمس ام لا

موفق

[ابوسليم]

اخوي / سوبر Vtc
لاهنت على هل معلومات الزينه ونا بأجرب البطارية هي تبي تزين ولا غيرناها والله يعوض علينا .