المساعد الشخصي الرقمي

مشاهدة النسخة كاملة : معي جيب فيه دبل وهزاز وونش واتحدى اطلق شنب فيكم.!!!!


بركان
02/10/2004, 08:55 AM
السلام عليكم ورحمة الله وبركاته

بعض الاخوة هداهم الله اذا شرى له جيب عرض نفسه واهله وربعه الى التهلكه وفي باله انه سيارة لا تقهر ولا تغرز في الرمل ولا الوحل ولا تنقلب فتجده يتعرض النفود والارض الطينيه والوعره لان معه جيب وآخرتها يطلب النجدة لاخراجه فلم ينفعه دبله ولا هزازه ولا ونشه.

يا اخوان الجيب وغيره من السيارات المجهزة مهما كان تجهيزها لا تستطيع ان تقهر التضاريس وعوامل المناخ لذا يجب ان نعلم بان قدرات الجيوب محدودة مهما كان تجهيزها وعلينا توخي الحذر وان نتعامل معها كأنها سيارة كسائرالسيارات العاديه..

كتبت هذا الموضوع بعد ان اسعفت صاحب جيب مجهز وقد بلعته الرمال ولم تفيده تجهيزاته بشيء.

واحذر تسلم.!!!!!!
اسير الهيش
02/10/2004, 09:29 AM
وعليكم السلام ورحمة الله وبركاته
والله أنك صادق ياخوي بركان والله من واحد توهق هو وأهل على بحساب أن معه جيب
والله يستر على المسلمين والركادة زينة
Che Guevara
02/10/2004, 11:46 AM
صدقت
سمير 800
02/10/2004, 12:25 PM
وعليكم السلام

معروف السياره يقدر يمتلكها اي شخص ولكن تخلتف القياده من شخص الى اخر وهذا السر في وقوع الكوارث والمشاكل للذين يعتقدون ان السياره هي الكل بالكل وهنا الخطاء
واقول الخيل من ركابها

وموضوع فعلا رائع
وبالله التوفيق
عروان
02/10/2004, 02:14 PM
صدقت

بعض أصحاب الجيوب يعتقد أن الدبل مايغررز و أذا تقول له نسم الكفرات شوي قبل لا يدخل في نفود ناعم تلقاه يستعيبها لان موترة دفرنشين.

الصح أنك تلين الكفرات شوي, يريحك و يريح موترك لآنه بيطلع الطعوس وهو مرتاح.

وسلامتكم
سنتافي
02/10/2004, 03:11 PM
السلام عليكم ورحمة الله وبركاته

السواق اولا الموتر ثانيا



http://www.mekshat.com/pix/upload/images5/mk8041_1121.JPG
مارشال
02/10/2004, 03:22 PM
موضوع جيد اخوي بركان
جزاك الله خيرا

وقررت نقله


الى ........


سطح المكتب
بــرق الشمال
02/10/2004, 07:27 PM
دائما محب للنصيحه(التذكير)اخوي بركان...
الله يعطيك العافيه ومشكور ماقصرت
قشاع الرمث
02/10/2004, 08:03 PM
الأصل كُتب بواسطة بــرق الشمال
دائما محب للنصيحه(التذكير)اخوي بركان...
الله يعطيك العافيه ومشكور ماقصرت
شايب الصمان
02/10/2004, 09:49 PM
الأصل كُتب بواسطة عروان
صدقت

بعض أصحاب الجيوب يعتقد أن الدبل مايغررز و أذا تقول له نسم الكفرات شوي قبل لا يدخل في نفود ناعم تلقاه يستعيبها لان موترة دفرنشين.

الصح أنك تلين الكفرات شوي, يريحك و يريح موترك لآنه بيطلع الطعوس وهو مرتاح.

وسلامتكم
وهذا الصحيح ان الموتر ما ترتفع حرارة من الكفرات المنفوخه لذلك اضم صوتي لصوت اخي عروان
والله الموفق
بركان
02/10/2004, 11:04 PM
الاخوة الكرام

شكرا على مروركم.

الاخ سمير/
السائق ليس كل شيء في كل الظروف. هاك مواقف يقف امامها السائق مبهرا.
طحنون
02/10/2004, 11:18 PM
السلام عليكم ورحمة الله وبركاته
هلا اخوي بركان صحيح هاذا الواقع
التحمس الزايد والثقه في النفس المفرطه
وعدم التفكيربالعواقب والنتائج والتهور
وقال ايش عندي جيب مايغرز( لاتجيك رباظه تقعد يوم كامل وانت تحفر)

هههههههه
العبره لمن اعتبر
مشكور اخوي على الموضوع
اخوك طحنون
خشم الحصان
02/10/2004, 11:21 PM
الاخ الغالي
بركان
السلام عليكم
اخي في الله الله يجزاك عنا كل خير وان الله يثيبك علي هالموضوع الي احسنت اختياره وتوقيته
ياخيي كلامك علي العين والراس بس المشكله منهو الي ياخذ بهالكلام ويقتنع واكثر ماتوجه هالمشاكل مع الشباب الله يصلحهم امين تلقاء الوحد مغتر في نفسه ومغتر في موتره صحيح ان الموتر فيه دبل ونش ومجهز
بكل شي بس تطيح في خبه كلها سايف ولا حولك اي شي يساعد علي تطليعت الموتر ثم خذ انوع الويل والثبور علي الموتر لا ياخيي الموتر مهوب منه العيب العيب من سواقه لئنه لو تعامل مع الارض بكل واقعيه مانشب عمره وقعد ياشر للناس بالله ساعدوني ياخيي منتاب ملزوم تمر بالسياره مع هالدرب اذا كان صعب دور منزل زين او مطلاع زين وسلكه ولاهوب عيب ولا نقص فيك ولا تغتر بعميرك ان معك سياره مجهزه
التجهيز الم يكن معه حكمه وخبره وركاده والله لو تجيب ابو جنزير مايفك عمره اذا هلش .
وبعضهم اذا ركب معك وقمت دور الدرب الزين غدا كنه محرك بليس ورك خايف طب مع الجرف اكتم الدعسه الموتر دبل وفيه ونش ورك كنك خواجه تداري علي الموتر بلي مادري الحبيب انه اذا طق فيه شي يبي يروح لبيتهم وينسهل وينام هذا اكبر همه وانت باسر في الصناعيه دوجي تصلح موترك الله يخلف او تصالات علي الربع تكفون افزعو تراني مغرز ................. وينه فيه ابد قريب في الدهناء بالله هذا منطق انت طالع توسع صدرك ولا تضيق صدر ربعك وهلك ياخيي ودي والله اكتب لك الكثير عن بعض الشباب بس اخاف اطول والمثل يقول من كثر هذره قل قدره
عموم الله يجزاك عنا بدخول الجنه لفزعتك لخوك المسلم وتطليعه من غرازه ومشكور يابعدهم والله يغفرلك ذنبك امين
اخوك
خشم الحصان
بركان
03/10/2004, 07:31 AM
الاخ الكريم/ طحنون
شكرا على مرورك وعلى اضافتك.

---------------------------------------------
اخي الغالي / خشم الحصان
كلامك درر. وكما قلت من يعتبر؟؟؟
ودعواتك تاج فوق راسي.
اخي انك لتخجلني بتواضع ردودك ودعواتك الصادقة لأخوتك المسلمين.
دمت اخا عزيزا
وحفظك الله من كل مكروه.
أبو فراس
03/10/2004, 03:32 PM
السلام عليكم ورحمة الله وبركاته

هاه وش تقولون بهالجيب حيل الله قوي ما نفعه الدبلات

http://www.abunawaf.com/mix/matar/tooki9.jpg
بركان
03/10/2004, 09:48 PM
اقول متهور
واكل علقه وياهي علقه
أبو يوسف
03/10/2004, 11:22 PM
كلامك سليم وفي محله
جزاك الله خير اخوي
مع التحية
أبو يوسف
03/10/2004, 11:24 PM
كلامك سليم يا اخوي وفي محله
وجزاك الله خير
مع التحية