شباب لا تبخلون علي بردودكم المتميزه ارجو الدخول للاهميه

[غالي111]

بصراحه انا ناوي اشتري بليزر 2009 Ls بس متخوف من السياره فيه من يمدحها وفيه من يذمها ابي اسالكم كيف السياره وكيف قطع غيارها غاليه ولا معقوله وهل هي موجوده ومتوفره وهل هي تتحمل ولا تخرب بسرعه مع اني من المحافظين علي السياره وكيف هي في البر والطعوس وافضل هو ولا الفورشنر ارجو الرد علي ولكم مني جزيل الشكر والتقدير

[ابوفاضل2]

السلام عليكم ورحمة الله وبركاته
بلمختصر المفيد لاصرت ناوي جديد
كفر تويوتا يسوى الامريكي كله
التويوتا صبروتحمل وقطع متوفره
والامريكي اذا كمل سنه ماطلب ياطيبه
مجرد رأي..............
تقبل مروري

[عزيز قوم]

أخوي السيارة هذي أخر سنة لها حرام إنك تشتريها وهي على نهاية حياتها شوف خيارات أخرى عندك الفورد أكسبلورر وباثفيندر وباجيرو سبورت كلها تؤدي الغرض ولها شعبية وقطعها أرخص من البليزر

[ابويارا1001]

انا استخدمت بليزر سنه وانفوي 3 سنوات


كلها مستخدمه ما هي وكاله موديل 2003


ما طلع لي مشاكل كما اسمع .مع ان استخدامي تفجير بالبر


وبالشارع عاقل بس اسرع نوعا ما


الموتر حليو بس قطع الغيار ماهي متوفره


وفيه بعضها صلخه سعر فلكي مثل القزازه الخلفية ب6000


انا كنت متعامل مع راعي قطع غيار يجيب من امريكا


قطع امريكيه ما هي اصليه بس جوده عاليه


واموري كانت ماشيه


اللي غيرته في السيارتين
1 طرمبة بنزين
كراسي مكينه
مسامير توازن
بواجي واشياء استهلاكيه


عزيزي اذا انت ما تعرف تصلح الا بالوكاله نصيحة لا تاخذ بس اذا انت راعي ورش خذ الموتر


طلعت لي مشكلة كهرب بالبليزر ودووختني لين بعته
وكذلك واحد معنا بالدوام وصلخوه الوكاله ب4000


ملاحظة كلتش المروحة ب 1800 تقربيا ويحتاج برمجة بعني لازم الوكاله او مركز مختص


اذا انت راعي بر وما تعرف للموتر يا مالك من التغريز لين تتعلم عليه
لانه طامن حيل


وترى صرفية النزين اكثر من اليوكون


على الخط سرعة 160 يمشيك 300 كيلو


التانكي صغير




الشباب يمدحون الاكسبلورر سعره مقارب


والياباني افضل لكن اسعاره خياليه



انا عن نفسي ادور إنفوي دينالي وهاوي هالموتر

[راعي الطلعات]

مع واحد من ربعي 2006 وتمنى انه ما شراها

هي شخصيه صراحه في اذا كنت بس راعي كشتات فقط مو نفوذ ولا قص و قنص خذ لك 4*4

وبالتوفيق

[ابو محمد1991]

لا هذا ولا ذا الاندونوسي مع احترامي خذلك بليزر اخير لك من الفورتشنر وفي حلول افضل عندك الباثفندر اقل منهم صرفيه واقوى منهم عزم وسعره حولهم ب118 الف شاشه وكميره وانوار ضباب والاكسبلورر ب94 نص فل وكلهم حليوات الا الفورتشنر مع انه تويوتا الا انه اسوء سياره لعدة اسباب منها :
1- غالي على غير سنع
2- لو يدقك احد منورا وانت ما عندك هوك راح فيها لان الصدام موب مدعم
3- اندونوسي التجميع فيتفكك بسرعه
4- غالي على غير سنع
والله حرام يحط عليه شعار تويوتا

[المميـز]

بما ان المقارنه بين البليزر والفورتشنر

البليزر كان مع احد الزملاء اشتراه اول ما نزل السعوديه عام 2002
وجلس معه الموتر تقريبا اربع سنوات وماخرب عنده الا كلتش المروحه
على السنه الرابعه وباعه على خرابه ... واكثر شي كان يعاني منه
لمبات الفرامل الخلفيه وهي عيب تصنيع بالبليزر من طلع على الدنيا
إلى الحين لازالت هذي المشكله موجوده وانا دايما الاحظهم عند الاشارات
وغيرها اذا ضرب فرامل ماتشوف الا الفرامل الطويله اللي فوق هي اللي تشتغل
ولكن السيارة بوجه عام ممتــــــــــازه وما شاف منها الا كل خير
بس ان البليزر واطي ويبي يشغلك بالاماكن الحجريه ...

الفورتشنر اشوفه منتشر كثي هذي الايام وأفضلها الـ 6 سلندر
مكينته مثل مكينة الجي اكس ار والبرادو والاف جي
وله شعبيه كبيه بين الناس ومن مميزات التويوتا انه يمسك سعه عند البيع

لو خيرتني بين السيارتين ... اختار التويوتا فورتشنر

عليك بالاستخاره بعد الاستشاره
والله يكتب لك اللي فيه الخير