افضل الكفرات العريضة لسيارتي الجيب نيسان باترول 2004

[مكيشت]

السلام عليكم ورحمة الله وبركاته
انا ابحث عن افضل الكفرات العريضة لسيارتي الجيب نيسان باترول 2004 جنط "16" وفق المواصفات التالية :
1- ان يكون لين وناعم
2- ماله اصوات مثل " ووووووووو" في الخطوط
3- ممتاز في الخطوط والمدينة ووسط في البر وانا استخدامي في البر للنفود اكثر من الشعبان او الردميات او المناطق الحجرية ،
4- قوة تحمل عالية
5- سلامة عالية جداً من الانفجار والانسلاخ
6- تماسك عالي في الاسفلت سواءاً في " البريك " او المنعطفات .
7- السعر من حدود 400الى 600
ارجو تقديم النصح وفق خبراتكم الكريمة حيث انني حديث عهد بالجيوب وكفراتها ويقولون " ما خاب من استشار " ... مع الشكر الجزيل سلفاً

[ahmad995]

1- الدنلوب
2- الهانكوك

[رحال300]

الدنلوب مقاس 275 ارتفاع 70وراح تدعيلي ان شالله

[محسن اليامي]

ميشلان مركبه مرتين لين وناااااعم في الخط

بس غالي شوي

[مكيشت]

الاخوة الاكارم
اشكر لكم حسن تعاونكم وسرعة تفاعلكم مع الموضوع لانني فعلاً محتار ومتردد واخاف اني اقدم على خيار خطأ ... واكون مثل صاحب " المشلان " اللي اكلها علقها اسأل الله ان يعوض عليه



1- الدنلوب
2- الهانكوك

حسب كلام هل الدنلوب انه قاسي ..... والسؤال هل الهانكوك تنطبق عليه المواصفات الباقية ؟


الدنلوب مقاس 275 ارتفاع 70وراح تدعيلي ان شالله
.حسب كلام هل الدنلوب انه قاسي


ميشلان مركبه مرتين لين وناااااعم في الخط

بس غالي شوي

انا جربت المشلان في السيارة الصغيرة فعلا ( لايعلا عليه ) مريح وامن وقوي وتماسك عالي بس كيف وضعة في الجيوب وما هو المقاس المناسب ووين اجد الاصلي ؟ وكيف اعرف مواصفاته ؟ ...اخاف اطيح في شئ حق " تزلج " :D

يا جماعة الخير ارجو توضيح ما يتعلق بالكفرات من ناحية المواصفات كالسرعة والمقاومة والحرارة وكذلك كيف يتم معرفة هل الكفرات حجرية ام رملية ام خطوط ؟ .. يعني على سبيل المثال كفر شركة A كيف اعرف انه ملائم لما اريد ؟ اين تكتب مواصفاته ؟ فانا لا اريد كفرات حجرية ... ولا اريد كفرات للخطوط بس ... يعني تكون وسط ..وانا اتعظت من اخونا اللي شراء المشلان اللي صار ينصح الناس ان يفروا من المشلان فرايي الشخصي لابد ان يكون في اختياره لنوع الكفر شئ من الخطأ ...( وانا اخاف اني اكرر نفس الشئ ):no: ... غلشان كذا ..فزعتكم يا النشاما
وســـــــــــــــــــــــــــــــــــــــــــــــل امتكم جميعاً

[جيبي جايزلي]

كفرات من نوع سوموتوموشاهين اظاهر اسمها كذا نوع ممتازه جدا

[باثفايندراوي]

انا جربت ال Bf All Terrain T/a في الخط حلو و في البر حلو لكن شرط ان يكون هالملاحظة مكتوبة على الاطار Temprature A أو Aa للحرارة العالية جدا و ان يكون درجة التحميل على الاطار A يعني يتحمل اوزان عالية لكن طبعا الميشلان لا يعلا عليه لكن الحواف ماله رقيقه وايد اي ضرية رصيف بسيطة على طول تسلم عليه.في اطار ثاني امركي الصنع و يعتبر Top Of The Top و هو الميكي تومبسون و فعلا تركبة و تنساه و هو يعتبر الاطار الوحيد في العالم اللي يجيك ضمان 3 سنوات من المصنع ضد عيوب التصنيع و انا جربته على تويوتا بو شنب ثلاث سنوات و نص كد و دحر و الله ما شتكىزو الله يقدم لك اللي فيه الخير.

[shaheen70]

*بسم الله الرحمن الرحيم*
وعليكم السلام ورحمة الله وبركاتة
أخي العزيز & مكيشت &
رأيي ميشلان أو يوكوهاما
والدنلوب شد بلاد ماهوب شين
تقبل مني أرق تحية
وموفق للخير وفي أمان الله
أخوكshaheen70

[عاشق Vtc 4800]

هـــلآا بك أخـــووي مكيشــت

أنـــآا رجـــآال معي نفس موترك تقريبا

فتــك 2002 سوبر

له معي حدود 5 سنيـــن أو أكثر

من عرفتـــه ما أركب لــه إلا برجستوون

حقـــآات الوكـــآالة

مريحـــآات وزينـــآات في الرمــل

وفي الخــط تـــووب

وفي الحجرة كويســآات

بس لآا تأخــذ إلا نفس نقشة الوكــآالة

وتأكد إنه وارد بقشــآان

وأهم شي نفس نقشة الوكـــآالة

لأن فيه نقشة ثـــآانية مخييســة

واسم الكفر الي مثل نقشة الوكالة

بريجستون ديللر إتش / تي

والله يوفقك لمـــآا فيــه الخير

[لبيد بن ربيعة]

اخي من واقع تجربة

لا تتجاوز كفرات هانكوك التي تشبه نقشة الشاهين مقاس 275/70/16 مميزة جدا خصوصا استخدامك أكثره
في الرمل والنفود وراسية في الخط وصوتها معقول وسعرها مناسب عند الوكيل بن شيهون قبل شهر 390 ريال الكفر الواحد مع التركيب والترصيص


وفقك الله ودمت بود

[مكيشت]

طلبي هو " ما هو الافضل ضمن هذه القائمة المشهورة لدينا في اسواقنا ؟ :
1 - بريلللي
2- ميشلان
3- دنلوب
4- يوكوهاما
5- فايرستون
6- تويو
7- هانكوك
8- ماكسس
طبعاً انا استبعدت " البرجستون " لانه في السيارة الصغيرة قاسي مرة وناشف ويزلق مع الامطار وبعد الاستخدام ، فما بالكم في الجيوب اتوقع انه بيكون مشكلة ...

[سيف الظفير]

امس الاثنين 1430/11/7

مركبها على الشاص

هنكوك

مقاس 265*70*17

ولا احلى منها الدعسه عالية وهذي ميزة عشان تصير جوانب الكفر قوية ولين وعريض وطيب بالحيل بالنفود وعلى الخط

وسعرها 390 مركبها امس

وهي بتاريخ

2009/9

[راعي المجهم]

أفضل شئ للجيوب والجمسات تنفع للخطوط والرمل والحجر

مطبها لين كنها لكزس تتحمل الشوك كنها جنزير تمشي على الرمل كنها بالون

وبدأت تسحب البساط من تحت أقدام العمالاقة وأنتشرت بين الناس لها 15 سنة

ماكسس برافو 760 المقاس المناسب لك 16 / 275 / 70

وتجي أيضاً على جنط 17

سعرها 400 ريال فقط

[الوتر الحزين]

دنلوب 275/ 70 جنط 16
يابانية
مجربه من سنين ومافيها عيب ولله الحمد في النفود ممتازه وفي الخط والردميات قوية وتتحمل.

[راعي كيف]

غير مشلان لادور كان في راسك انك تدور عيب في اي كفر
ركب وتوكل على الله

مشلان وبس

[مكيشت]

غير مشلان لادور كان في راسك انك تدور عيب في اي كفر
ركب وتوكل على الله

مشلان وبس

اخي العزيز ......
اشوف الاراء تكثر بشأن مشلان .... يا ليت تدلني على :

1- اسم الكفر المناسب وفق ديارنا الحرارة والثبات والليونة والاصوات " بكل صراحة انا اخاف اجيب العيد " ، لو اروح لمحلات الكفرات بيعطيني الموجود عندة وهو اصلاً ما يدري بانواع الكفرات ، بالرغم بان كل منتج من كفرات مشلان له مواصفاته الخاصة وليس كل كفرات مشلان تناسب الظروف الجوية لدينا نحن في السعودية

2- المكان او الوكيل المناسب لشراء الكفر
انا موقعي بالرياض

[البيروقراطي99]

انا اشور عليك بالهانكوك
اللي يشبه وطيت الشاهين وهذا من واقع تجربه

[راعي العشــه]

ماشوف احد ذكر منكم نوع فايرستون
طبعا انا ماادري عنه ولا عمري جربته بس فيه ناس يمدحونه
وانا فعلا مثل اخوي مكيشيت
ادور لي على كفرات مقاس 16 تكون مناسبه لجميع الحالات
والاخوان اللي ذكرو كفر هنكونك دعسة شاهين مو يجي لين هذا النوع والمشكله الكفر اللين عدوه اللدود الحصاة علطول ينشق من الجنب
ولا فيه كفرات شاهين (سوتوموتو) وممتازات بس عيبهم لينات وتخاف من الكفرات اللينه
وارجو من اخ مكيشيت اذا ركبت كفرات تعطينا تقرير عنهم علشان ودي اركب :)

[العبيات]

وش رايكم بـ الدنلوب 17/285/65

وهل يفرق الارتفاع كثير إذا خذت 17/285/70 وهل تفرق الليونة ؟

[ابن سعيدان]

hankok

ونم

[أبو محمد2010]

اذا حصلك برجستون A_ A لا تشاور...

[ابو حميد2008]

والله ياخوي عليك بالهنكوك
فيه المواصفات اللي تبيها
تقبل مروري

[راعي كيف]

اخي العزيز ......
اشوف الاراء تكثر بشأن مشلان .... يا ليت تدلني على :

1- اسم الكفر المناسب وفق ديارنا الحرارة والثبات والليونة والاصوات " بكل صراحة انا اخاف اجيب العيد " ، لو اروح لمحلات الكفرات بيعطيني الموجود عندة وهو اصلاً ما يدري بانواع الكفرات ، بالرغم بان كل منتج من كفرات مشلان له مواصفاته الخاصة وليس كل كفرات مشلان تناسب الظروف الجوية لدينا نحن في السعودية

2- المكان او الوكيل المناسب لشراء الكفر
انا موقعي بالرياض

السلام عليكم

من ناحية اسم الكفر والله مدري لكن ركبته عند واحد من الربع ولي تعامل معه ليسى بسيارة وحده بال بأكثر من 50سيارة بحكم عملي ونصحني ان اركبها واريح بالي يعني على قولتهم نم :p

المهم الي ركبتها انا مقاس 16/75/265 الغاط 10 غاط وهي قاسيه شوي هي حجريه بس شكله حلو وركبتها لأني راعي حصيان وحرة
وإذا بتركب ركبلك 8 او 6 غاط الين لك
بالنسبه للضروف الجويه والأرضيه فهو مناسب لكل اشد الضروف قساوة A-A

اصوات مالها اصوات ولله الحمد
النقشه جميله جداً
فرق معي الموتر بالفرامل كثير احس ان السيارة بدت تمسك فرامل احسن من اول بكثير
ارتفع الموتر شوي
ثقل الموتر معي بسبب الغاط 10غاط

http://www.imageurlhost.com/images/yiv0zzll0dmmg1ywq71a.jpg

وهذي صورة للكفرات على السيارة وعلى فكرة قلبت النقش في الداخل

مكان بيعها عندك الوكيل على طريق خريص اتجاه الشرق لكن ماعرف الوصف بالحيل
وعندك الموزع المعتمد لهم الطيار

وخويي إذا تبي تركب من عنده بالغرابي ارسلي على الخاص اعطيك رقمه وماراح يقصر معك إن شاءالله
السعر من 600 الى 650 حسب المحل


اخوك ابو ناصر
راعي كيف

[مكيشت]

بصراحة ما توقعت ان سمعت الهانكوك لها الدرجة ...احس انه من اكثر ما يذكر من قبل اخواني اعضاء هذا المنتدى حول افضل الكفرات ...
من خلال المواضيع الخاصة " بافضل الكفرات " بالمنتدى لاحظت ان اكثر تفضيل الاعضاء في للتالي :
1- دنلوب
2- هانكوك
3- مشلان
4- ماكسس عريض

ولكن السؤال : ما هو اسم الكفر ؟ فكل شركة كفرات لديها عشرات الموديلات ..

[مفتون صيد]

السلام عليكم

اخوي انا عندي ميشلان اللى ذكره اخوي ابو ناصر ولا هو نقص في رايه

بس ان بغيت الراي بعد اذن ابو ناصر وكل واحد ورايه ابعد قدر ما تقدر عن الميشلان وخصوصا المقاس اللى قاله

ما جلس معي الا سنة وشهرين وانعدمن مره خصوصا من جوانبه تقطع وضرب على واحد قبل كم يوم من الجنب لانه لين والجند عريض فكل ممشاه على بطنه ويفكك الموتر خرب عندي قواعد الشكمان ابعد والله اني منصح لك وغالي

الدانلوب ازين منه بصراحه شد البلد 275 على 70

الهانكون ينفع رمل وخط راسي وهادي جدا جدا بس حصى ما ينفع الا الحجريات اللى غاط 10 اللى يجي صخيف

الفايرستون اشوف عليه عروض واهم عرض ضمان خمس سنوات ويمدحونه ناس واجد وجنبه اقوى من الميشلان و8 غاط اخف شوي
وشكلي ابركبه ياهو فايرستون او هانكون حجري

[s1s1]

اخوي مفتون صيد المشاركة شف تاريحها كم لها الله يجزاك يمدية ركب طقم ثاني:o