المساعد الشخصي الرقمي

مشاهدة النسخة كاملة : === صـفـة تـفـتـخـر فـيـهـا ===


المربد
02/10/2004, 02:01 PM
قرأنا الكثير من المشاركات تـتـكلم عن الصفات الحسنة والصفات غير الحسنة.
وبعضنا يحمل الكثير من الصفات والعادات التي يتحلى بها بالكشتات. مثل المحافظة على البيئة ، ومساعدةالاخرين ، وخدمة المجموعة ، والتضحية ، والطبخ ، والدلول، ... الخ.

فما هي احسن صفة تـتـحلى بها في البر؟
















اما انا فاحرص على السلامة واحتياطاتها
الطبيب
03/10/2004, 12:43 AM
واهمها البندول

تدري ليه ؟؟؟؟؟؟؟؟؟

لاني اعطيها لاخوياي اذا صدعوا من كثر سوالفي وقرقتي على روسهم :)



======

امزح معاك

الصفه اللي افتخر فيها ؟؟؟؟؟؟؟؟

ما أتذكر اني افتخر بصفه معينه

لاني لما اطلع للبر انسى كل شي عند الاسفلت خصوصا الحيا

ولما ارجع للاسفلت اخلي كل شي سويته بالبر بمكانه

هذا اللي اقدر اقوله


هذا والله اعلم

والسلام ختام
العودالازرق
03/10/2004, 10:37 AM
الشىء الذي افتخر به انني اخدم الزملاء في الرحله من طبخ ونفخ وشاهي وقهوه وتنزيل وتحميل الا غراض ونصب الخيمه وغيره (ترا ماهوب عيب وخفه النفس زينه) وسلا متكم .
سمير 800
03/10/2004, 11:48 AM
الله يعطيكم العافيه جميع

احرص على قول الحق في كل شي

وتنبيه اللى معي على عدم الغلط وتحري الصدق بنقل الخبر والعلم

ولاننسى قومه الصبح بالبر، اسابقهم واعمل فنجال قهوه وكاسه شاي

وبالله التوفيق
GENERAL 3NTAR
04/10/2004, 06:27 PM
انا اقوم بعمليه العلاج الاولي والتمريض :D

ومرات اطبخ الغداء:rolleyes:
فواز
04/10/2004, 06:55 PM
التسدح ‍‍‍‍‍والتبطح
المربد
05/10/2004, 09:54 AM
الف شكر يا الطبـيـب ويا سعد عين ربعك بطلعتك معهم، واستمر اخوي بحمل الادوية وما تدري اليوم اللي يحتاجونها.

العود الازرق : الله يهنيك على خفة النفس بس عساها تستمر لآخر الكشتة ترى آخر يوم تصير الانفس شينه.

سمير 800: بئس مطية القول زعموا... وكفى المرء كذبا ان يحدث بكل ما يسمع. زادك الله حرصا وثبتك بقول الحق. اما القهوة مع طلعة الشمس!!!

جنرال عنـتــر: ما ادري شلون يجتمع فيك هالصفتين ؟ بس يا حظهم اللي تمرخهم وتدلكهم

فواز : ما نطلع للبر الا للتسدح والتبطح ولكن لابد معها شوي نشاط، وما اظنها تجي منك انك تشوف ربعك يحوفون ويزوفون وانت قاعد
عنبري تمير
05/10/2004, 01:18 PM
اما انا بالنسبه لي احب اجمع الحطب واذا صرنا بالصيف
اسوي القهوه والحليبه بعد الفجر.
بــرق الشمال
05/10/2004, 01:57 PM
بالنسب لي..مجرد وصول المكان المقصود في البر..
1-قول هذه الكلمات الخفيفه...(اعوذ بكلمات الله التامات من شر ماخلق)ثلاث مرات
2-الحرص على اداء الصلاه في وقتها.
3-الحرص على جمع المخلفات في كيس.او عندالرحيل من المنطقه..جمعها
ووضعها على النار.
4-عدم العبث بالاسلحه واطلاق النار(خصوصا في الفياض)بالرشاش او غيره.
فالكثير من البدو يتأذون..وتخيف ايضا(تجفل)الابل..فهذه الضاهر منتشره..فالله
يصلح من قام بها.
5-اخذ بعض الاحتياطات الواجبه مثل:
(شنطه اسعافات اوليه-بنادول-)..
فهذ الصفات ياأخواني ليست للفخر..
وانما واجب علينا جميعا..
واخص بذلك..هذه المقوله..
(اترك المكان كما كان او افضل مماكان)
المربد
06/10/2004, 09:07 AM
عاشق الد دا ســن ايش خليت يا الغالي تحطب وتسوي الحليب ما شاء الله عليك ما عاد باقي الا القرص بـجـمــر هالحطيـبـات.

برق الشمال كثر الله امثالك وهذي من صفات المكاشيت .
FaHwDy
06/10/2004, 09:46 AM
السلام عليكم ورحمة الله وبركاته...

فكوني على الطبخ فطور وعشاء وغدا :D :D :D

<<<<<<<<<< دب


وعموما البر ما يانفع الا بالتعاون

:)
SilverSniper
06/10/2004, 11:59 PM
يجوز لي وقت طلعات الصيد ... أمشي وأصيد ... وان لقيت أحد خلصت ذخيرته عطيته... وان لقيت أحد توهق ببندقه عاونته عليها... والناس للناس والكل بالله...
أما وقت السيول والربيع .. أطلع أحياناً أدور اللي مغرز أجره... واللي ناشب أطلعه ... واللي طافي أسحبه... والناس للناس والكل بالله
اسووومه
08/10/2004, 11:53 AM
اما بالنسبه لي انا آخذ معاي هتفون (مسجل صغير )



واسمعه باليل والنهار


وانا صراحه ماافتخر واااايد بس افتخر شوي ...:)
أبو يوسف
08/10/2004, 10:22 PM
انا الحمد لله احب اساعد اللي مغرزين
بالدف ولا الموتر ياحيل الله ما يجر
وبأماكن الرمث استانس على تقليع الرمث اليابس وتحميله بالحوض
ومشكور اخوي على طرح الموضوع

مع التحية
المربد
09/10/2004, 02:55 PM
فهودي: الله يستر على خوياك تطبخ عشاهم قبل الغداء ، ، ، اخاف يخرب على ما يجي الليل.
تسلم يا لحبيب

القناص الفضي: هذي علوم الرجال الاولين، عساك دايم على القوة.

اسومة: .....!!

ابوهديل: عساك على القوة يالغالي ، اما الرمث ، كثر منه بس لايدري عنك اخونا حد السيف يخاف على البيئة..
الف شكر
اسووومه
09/10/2004, 06:52 PM
شنو المربد ليش استفهام عند اسمي



شسويت.......شقلت؟؟؟!!!؟؟؟:rolleyes: :rolleyes: :rolleyes:
الطبيب
09/10/2004, 07:50 PM
اسومه

الرجال صاحب الموضوع يسأل

(( وش الصفه اللي تفتخر فيها بالبر )) ؟؟؟؟؟؟؟

يعني وقت الصيد والكشتات

وردود الشباب اكبر دليل على ذلك

اما (( الهيد فون )) وليس (( الهتفون )) كما كتبت

فهل هو صفه ؟؟؟؟؟ ام هو مجرد اذاة تستخدم (( نعم لم اخطىء بالتهجي )) اذاة وليست اداة

لان افضل ما في البر هو الابتعاد عن ضوضاء المدينه وصخب الحياه

والاستماع لغناء (( ام سالم وجارتها القوبعه )) وهاتين احسن بآلاف المرات عند راعي البر

من غناء او بالاصح عثاء او ثغاء المسمين بالمطربين والمغنيين في هذه الايام

والراديو ليس الا امتداد لازعاج الحياة المدنيه

هذا - حسب اعتقادي - هو ما قصده اخي العزيز المربد

او اي مكشاتي مخضرم

يحب الهدوء ويستوعب الاسئله من اخوانه ويفهمها بحكم اننا في هذا المنتدى جميعا نحب الهوايه ذاتها

الهوايه الدمويه من وجهة نظر الكثيرين

ليه دمويه ؟؟؟؟؟

لان الصياد ما يستانس الا اذا تلطخ ثوبه بالدم من الصيد

والكشات ما يستانس الا اذا ذبح الذبيحه بيده وتعارك معها ومع اخوياه للحصول على الكبد (( نيه ))
نعم نيه بدون طبخ وبدون حتى اضافة الملح

وعلى فكره .........

ترى الذ ما بالكبد امتداد يشبه اللسان ويسمى لسان الكبد

بعد كل هذا ............................ !!!!!!!!!!!

تقولين لهم

هيتفون ؟؟؟؟؟؟؟؟!!!!!!!!!!!

الله يهديك

هذا والله اعلم

والسلام ختام
SilverSniper
09/10/2004, 11:12 PM
صدقت أخوي الطبيب... ويا زين صوت ام سالم اذا صرت تسمعه وانت غافص خويك بعد ما غلبته وأخذت الكبده منه وقعدت تاكلها على رواق وهو يالله انه ينفس :)
لكن وانت في البر وسمعت في الراديو والا في الكنوود قصيد زين من قصيد القنص والا الحكمه فما ودك انه يسكت أبد..
المربد
10/10/2004, 06:41 AM
الله يستر عراك يا الطـبـيــب.!!
اسووومه
10/10/2004, 05:50 PM
استغفر الله
استغفرالله
استغفرالله
الحين ترى واايد مكبرين السالفه

جني مسويه جريمه

اففف
بعدين لحظه ليش الله يهديني شجايفيني
وآنا مو فاهمه ولا كلمه من الي قاعدين
تقولون

وبعدين اخوي الطبيب ممكن توضحلي شنو يعني (اذاه)
وبعدين كلمة هتفون صحيحه
وهدفون هذي اول مره اسمع فيها!!!





:confused: :confused: :confused: ا
SilverSniper
10/10/2004, 06:03 PM
لا يالطبيب هالمرة اسمح لي أنا... ولا يهون المربد
الحين يا أسوومه ... فيه أحد يدعي لك بالهداية وتقولين ليش... الله يهدي كل المسلمين انشاءالله..
وانتي لا سويتي جريمه ولا شي من هذا القبيل لكن بعض الأشياء تضايق المكشاتيين.. مثل الغناء ... مثل النعومة الزائدة ... عدم القدرة على التصرف... وغيرها
وما فهمتي الكلام المكتوب فهذي لغة المكشاتيين.. ان لم تفهميها فاسألي نفسك ان كنت في المكان الصحيح...أما الهتفون ( على قولتك ).. ... فرجاء... اقرأي هذه الكلمة بصوت عال ( Headphone )...
أعتقد كلامي واضح ومفهوم...
الطبيب
10/10/2004, 07:00 PM
بأني انتمي لهذه المجموعه الطيبه من المكشاتيين

اللذين لم يتأثروا بالنعومه

ويفهمون (( كلامي )) :)

هذا والله اعلم

والسلام ختام
المربد
11/10/2004, 06:39 AM
بل حـنـا نـفـخـر بك يا خلفهم
بركان
11/10/2004, 11:12 AM
يا طبيب يا دكتور
ياSilverSniper يا بواردي

رفقا بالمسكينة ورفقا بالقوارير.
لقد اخذتموها على غرة من امرها

ما عليش يا اسووومه يا نعووومه امسحيها بوجهي
انا اللي باتحملك
بس لا زم تعرفين ان هاذول الربع خشنين وايد
ولا يحبون النعومة في ارض الله
الواحد منهم يده كانها صنفرة حديد
وترى الكبده اللي يحكون عنها ياكلونها نيه وانا طبعا معهم يعني ما هي مطبوخه بس ما يبغون يقولون لك على شان ما تسمينهم وحوش .
طبعا محاكيك منهم لانه مشترك في منتداهم
وانا انعم واحد فيهم وما عمري شريت اي نوع من انواع الكريمات
كريمي احصل عليه من ( لية) الخروف والا من عكرة الضب.
وهم ما صدقوا على الله ها لوزة الناعمة تقع في شباكهم
شوفي انا هالحين باخلصك من شباكهم بس لا تتعودينها ثاني مره
ولا عاد تطرين لهم اسم هيدفون او فيديو كلب!!!!
اما صيري خشنه مثلهم والا تحملي ما يييك منهم هالخشنين!!!.
فيه يا اسووومه موقع يمكن يصلح لك وكلهم ناعمين بنعومة شعرك انصحك بالذهاب اليه خوفا عليك يا اسووووووووومه وهو:www.saudigirl.com
وانا اضمن لك المعاملة بالرفق ونعومة انعم من نعومة جواد العلي جعل النار مكبه.
اما هنا فانا لا اضمنها لنفسي فكيف للنعومة اسووووووووووووووومه.

باييييييييييييييي.
بركان
11/10/2004, 11:34 AM
اخوي المربد
ماعليش اخذتني الفزعة لاختنا المسكينه/ اسووومه
وما قلت اللي عندي حول الموضوع

الصفة اللي افتخر فيها في البر:
اذا وصلنا للمكان انزل على طول واذهب وكانني اقضي حاجتي الين ينزلون الربع العفش ويبتون الفرشه ويركبون القهوه والشاهي والغدا ثم ارجع واقول هاه يا شباب تبوني اسوي شي ما شاء الله عليكم والله انكم رجال ما عطيتوني فرصه!!! عطو الحر فرصه واذا قربت العوده نفس الحكايه اروح بعيدددددددددددد واذا رجعت والى كل شي في ظهر الموتر . حرام عليكم يا شباب عطوني فرصه اشارك واخدمكم.!!!!!؟؟؟؟؟


والآن جاء وقت الجد

الصفة التي افتخر فيها:
هي انني اول من يقوم من النوم ويؤذن اذان الفجر بصوت مشابه للمؤذن المعروف عبد العزيزابن ماجد رحمه الله لشدة اعجابي بصوته رحمه الله. طبعا قبل ما تعزف ام سالم سيمفونيتها المشهورة في الصباح الباكر.
وبعد الاذان اركب القهوة على النار ثم اوقظ جماعة الربع لاداء الصلاة جماعة طبعا اخوكم الامام بالقوه!!!
وبعد الانتهاء من اداء واجب الصلاة تكون القهوة جاهزة.
ويا زين قومة الصبح ودلة القهوة مع قدوع يحبه قلبك مع انشقاق نور الصباح. وهذي حلاوة البر.
وفنجال ورى فنجال وتمرة ورى تمره.

تحياتي
العودالازرق
11/10/2004, 12:01 PM
اسعد الله جمبع اوقاتكم (اخواني اهل البران) الاخت اسووومه في اعتقادي الشخصي سجلت في هذا المنتدى غلط بسبب بسيط هو انها بنت ولاهي راعيه بر ولا غيره والافضل تسجل في منتدى غيره (كما ذكر احد الاخوان) اختي العزيزه هل تقدرين تتحملين حراره او بروده الجو .ثاني شى قبل ما تردين على اي سوال شوفي الردودعلىكل حال تبقين عزيزة وغاليه واى استفسار عن البر فانا وجميع الاخوان في الخدمه وسلامتكم .
المربد
11/10/2004, 02:14 PM
هلا باستاذي بركان عساك بس ترفع صوتك، مثل بن ماجد الله يغفرله، علشان يشهد لك كل شيء يسمعك.
ما شاء الله عليك محوش الاجر كله من الاذان الى الامر بالمعروف الى الامامة. الله لا يحرمك الاجر.

العود الازرق اذكر مرة دخلت بالمنتدى وحدة من الامارات وحاولت تحط طبخات (كيك وفطاير) بعدين ما ادري وين صارت.