فزعه اهل القصيم......

[محيسن1]

السلام عليكم ورحمه الله وبركاته
اخواني صبحكم الله بالخير
يالربع انا بأذن الله جاي للقصيم
عندي شغل صباح الخميس
عقبه ابغى مكان طيب للغداء ويكون ممطور
وياليت يكون الوصف واضح وان حصلت احداثيه يكون افضل
ولكم مني التحيه والتقدير

[فارس بريده]

حياك ربي يالذيب وابشر بعزك

لكن وانا اخوك القصيم كبير حدد وين دربك بريدة وإلا غيره من مدن القصيم الكثيرة

[محيسن1]

هلا بك اخوي فارس بريده
وهذا عشمي في اهل القصيم
وانا اخوك
دربي لرياض الخبراء

[فارس بريده]

والله يا ولد الرجال

ونعم بك وبأهل رياض الخبراء لكني ما ابخص الديرة للأسف

يرزقك الله بالي يدلك على ما تبي ان شاء الله

هناك اراضي رملية تشاهدها وانت بالسرع ممتازة لكن لا اعلم الممطور من غيره

وفقك الله

[محيسن1]

والله يا ولد الرجال

ونعم بك وبأهل رياض الخبراء لكني ما ابخص الديرة للأسف

يرزقك الله بالي يدلك على ما تبي ان شاء الله

هناك اراضي رملية تشاهدها وانت بالسرع ممتازة لكن لا اعلم الممطور من غيره

وفقك الله


ماعليك زود

مشكور وماقصرت
بيض الله وجهك


وين اهل رياض الخبراء

[محيسن1]

يالربع ترى مايمنع اي مكان حول رياض الخبراء
يعني بريده .. عنيزة..الرس ..
اهم شي يكون مناسب للغداء ويستاااهل

[ابولولو]

اخوى محيسن1 شف مراسل رياض الخبراء بخيمه الاحوال المدنيه قصدي الجويه ههههههه وارسل له على الخاص ودبر عمرك لاتجي الروحه وانت ماسويت شى تراء يضيق صدرى ودى انك تفله وتنبسط ولا تنسانا من الهدايه ههههههه

[ذرب سدير]

القصيم ما نزل به مطر يا محيسن

[ابولولو]

القصيم ما نزل به مطر يا محيسن

السلام عليكم
اخوى ذرب سدير كيف الحال
ابشرك المطر حول الرس بكثره ونزل ببريده ونزل بعيون الجواء ادخل خيمه الاحوال وانت تدرى شكلك بعيد عنه الاخبار ومكشلت

[محيسن1]

ياهل القصيم وينكم ترا بمشي بعد ساعتين
تكفووووووووووون

[a1Ruwais]

يفيدونك الأخوان

[ابومحــ م ـــد]

اخوي محيسن اذا كنت جاي لرياض الخبراء اسئل اللي انت جاي عنده ( والظاهر ماراح يسمح لك تغدى الا عنده ) عموماً اذا ولا بد اطلع على طريق المدينه من عند مخرج رياض الخبراء وامش لك شوي وراح تشوف يمين الخط ويساره اماكن حلو والقصيم كله حلو ياااااااحلو 0

[يالبى الربيع]

شف اصلا القصيم هو نفسه بر

انا امش بالشوارع برا المدن طبعا وخذه من انا انك راح تحتار من كثر الاماكن

[ابن سيف 18]

يا حيف يا اهل القصيم (( ويننا عنه ؟ ))

اخوي محيسن اسأل الله انك وفقت في شغلك واتممته
وودي اقولك اذا انت مازلت بالقصيم ارجو ارسال رساله خاصه ( ضروري )
لانه من حقك انا نضيفك --- واذا كنت مشيت ارجو انك تضيف ايميلي (بعد اذن الادارة)ومنه ،تواصل وتأخذ رقم الجوال حتى تبلغني اذا سيرت على القصيم وانا اقولك اذا سيرت عليكم بالخرج .
iix4@hotmail.com
وسلامتك