تكفون تكفون تكفون [الأرشيف]

جلمودي

28/10/2009, 03:14 AM

دله وفنجال

28/10/2009, 03:33 AM

السلام عليكم...

هلابك اخوي جلمودي والله يرزقك الموتر الي بالك ...

من ناحيت الموتر فزي ماذكرت طال عمرك الـfj ممتاز وعملي ومركبه خيال ووسيع من داخل لايغرك الشكل الخارجي وسواقته ممتعه جداً في البر والزفلت عزك الله والقراء, ومن ناحيت الخرابات لاتشيل هم ارقد وامن بأذن الله ماعليك خوف مادام على خشم الموتر مكتوب تايوتا.. بس عيبه شكله لك عليه شوي يعني مايقارن بلجيوب الي غيرة من ناحيت الشكل وشنطته صغيره نوعاً ما..

اما الموتر الي انصحك فيه فهو الباجيرو الي مكينته 3500 لاتعداه الحقيقه خيال في كل شي شكله ومركبه وسواقته وقوته ورساوته ويطربك بلبر وغير البر وممشاه بلنفود ازين من التايوتا والنيسان ويطلع مطاليع مايطلعنه الجيوب الثانيه وسعره الي يجي نصف فل او اقل بلـ100 الف او اقل وصدقني اخوي جلمود تبي تنسا الورش والوكاله .. بس عيبه شي واحد الوكيل وقطع الغيار غاليه ...

واذا تبي شي حلو ورخيص وأقل من الـ100 بكثير فعليك بلأكستيرا محركاته محركات الباثفاندر الـ2005 ومطورينها شوي ومن جوا اوسع من الباثفاندر الشكل الاول ويمدحونه بلقوه والنشاط وقوة التحمل ومن ناحية الخرابات فما عليه خلاف يكفي انه نيسان ...

هذي ثلاث مواتر مشهودلها بلقوة والمتانه والتحمل وانواعها مشهوره ومطلوبه فلذلك حتى عند البيع ماراح تخاف موترك يبي يمشي سوقه...

ومن ناحيت الامريكي فنصيحه خله اخر الحلول واذا احتديت احرص على الفورد لانه افضل الامريكي من ناحيت الصبر والتحمل عكس الجي ام سي فهو خراباته لاتعد ولاتحصىا ماعدا اليوكن والتاهو اما الجيوب الصغار لاتحرص عليهن ابد مثل الاكاديا والبليزر وغيره ...

هذا الي عندي اخوي والي اقدر عليه واعذرنا على الاطاله ...

جلمودي

28/10/2009, 03:57 AM

كل الشكر أخوي / دله وفنجال

كفيت ووفيت ورايتك بيضاء ولعلمك الباجيرو كان خياري الاول بس لما سألت عن الوكيل وقطع الغيار قالو لي

مثل ماتفضلت سيء وانا جربت الاف جي والأكسبلورر،،،، من الداخل الفورد افخم واوسع واريح والاف جي

اقوى ومن داخل اشوفه بدائي جدآ وعيبه الباب الخلفي والشنطه ضيقه نوعآ ما وبالنسبه للبيع انا بضيف السياره بكرت العايله مافي فكه قبل 6 سنوات بس مادري عن الفورد بالبر يجمل او لا شينه كاشخ بجيب وتغرز :j فشيله

عاشق السيل

28/10/2009, 08:28 AM

وعليكم السلام ورحمة الله وبركاته ،،،

إذا كنت مافيه أمل تطلع من هالسيارتين فأنصحك وبقوة تاخذ الاكسبلورر من وجهة نظري أفضل بكثيييييير من الإف جي وبصراحة مافيه مقارنة ،، ومايميز الإف جي إلا شعار تويوتا !!

الإكسبلورر أريح وأوسع وأجمل ونفسه خفيفة ونشيط بالبر وإذا حافظت عليه يدوم لسنين بدون مشاكل بأمر الله ،،

وإذا فيه امل تغير عن هالموترين ترى فيه خيارات كثيرة وعلى رأسها الإكس تيرا ،،،،

موفق لكل خير وتقبل مروري يالغالي ...

ahmad995

28/10/2009, 08:34 AM

اذا الخيار بين السيارتين بس
عليك بالاف جي تراه موتر كد ومد وراعي خطوط
واحد من العيال معه 2008 ويتردد عليه كل اسبوع من بريدة للرياض ومعه عائلة
يقول مريح جدا بالخط ومافيه صوت حنه مكينه يقول امشي 180 والضغط على 3
وبالتطعيس مافيه اي طقطقه بحكم انه مافيه ديكورات زايدة
والرجال رجله حاااارة يعني يجلد الموتر وماشاف منه الا كل خير

اما الااكسبلورر سيارة عائلية ممتازة لا تنفع للبر

رفيق الأمل

28/10/2009, 08:42 AM

تسلم ياخوي طال الله عمرك وعمر اسرتك ونصيحتي خذلك جيب فور تشنر تويوتا 6 سلندر وشوف مدي راحتك في سواقتها ومدي خفها في البر والشرع والله يوفقك

الربذي

28/10/2009, 08:48 AM

تسلم ياخوي طال الله عمرك وعمر اسرتك ونصيحتي خذلك جيب فور تشنر تويوتا 6 سلندر وشوف مدي راحتك في سواقتها ومدي خفها في البر والشارع والله يوفقك
الاخ جلمودي وعليكم السلام ورحمة الله وبركاته ..صراحه اشوف فورتشنر 6سلندر فقط ماهو 4 هو الانسب بس يبي ركاده لانه تقول جدار واقف
والله يستر عليك

وجديد صعبه تحصل الا غير اليباني واليباني ميزته مرغوب لاعاده البيع مايخسر ويباع بسرعه اسال مجرب ..

تنومه دياري

28/10/2009, 08:52 AM

الا ف جي عيوبه واجد والفورد اللي تقول مايجمل في البر اقدم يامال الشحم على المعارض والقط لك جيب 2006 هدد لاندكروزر وان شاء الله تدعي لي بالخير قيمته في حدود 115الف

فصاص

28/10/2009, 09:53 AM

اذا ميزانيتك بالسعر هذا وتبي موتر جديد

خل عنك الاف جاي والاكلسبلورر

الاف جي ماله ميزه الا شعار تويوتا والاكسبلورر حساس مايصلح اذا انت راعي بر

اذا تبي موتر بحدود السعر هذا عليك بالاكستيرا موتر جبار
مكينته مكينة باثفايندر 291 حصان واخف وزن من الباث يعني وحش

انا انصح فيه بقوه لانه يخدمك في المدينه ويبيض وجهك في البر

موديلات 2010 صارت في مستودعات الحمراني لان 2009 انتهى من السوق وخلال فتره بسيطه بيعرضونه او يمكن تحصل 2009 في المعارض

بن سليمان

28/10/2009, 10:55 AM

اسعد الله صباحكم/ مساكم

ا
السلام عليكم ورحمة الله وبركاته

اخواني الافاضل / انا قررت اشتري سياره دفع رباعي بحدود 100 الف تزود شي بسيط وأبي جديد لا :no2: حد يقول خذ لك تايوتا مستخدم ومتردد آخذ اف جي او فورد أكسبلورر وابي مشورتكم مع ذكر سلبيات وايجابيات السيارتين علمآ بأن عائلتي صغيره اطفال اثنين الله يخليهم لي وطلعاتي للبر وسط لكن المنطقه اللي اسكنها برها نفود لا تبخلون علي بمشورتكم الله يجزاكم خير وييسر أموركم جميع ,,,,

الافجي اشوف اكثر اللي يستخدمه شباب صغار يعني اعمارهم بين 17 - 20 سنه حولنا اثنين معهم افجي شنبهم ما خط وصراحه تصميمه مناسب لهم عباره عن همر مصغر
اذا كنت تبحث عن راحة عيالك عليك بالفورد وخصوصا وان طالعتك للبر وسط على حسب كلامك ولا اتوقع انك تبي تسوي مثل هذا في البر
http://www.w6w.net/album/10/w6w200504091027573983379e5.jpg

والاكسبلورر اذا عرفت كيف تتعامل معه اتوقع يلبي بالمطلوب
http://www.mekshat.com/pix/upload02/images88/mk92773_24.jpg

وايضا انصحك بالنيسان اكستيرا لكن الفورد يتفوق عليه بالراحه والوسع
والاكستيرا سعره رخيص ونشيط في البر

http://www.japanesesportcars.com/photos/d/23053-2/2009-nissan-xterra+_12_.jpg

وهذي نهاية التهور بالتطعيس الله يكفينا شر الحوادث ويعوض صاحب السياره خير
http://www2.0zz0.com/2008/11/19/12/584360517.jpg

تاج1426

28/10/2009, 11:31 AM

السلام عليكم ورحمة الله وبركاته
والله الباثفايندر الجديد هو غرضك واسأل مجرب لانه يكفي عائلتك وبالبر ممتاز ومريح ورفاهيته امريكي
واتمنى لك التوفيق

س6ك7ب

28/10/2009, 11:35 AM

مع أني أعشق الإف جي
لكن أنصحك بالإكسبلور أريح لك ولعائلتك وأنسب
وخير الكلام ما قل ودل

مشعل العيسى

28/10/2009, 11:39 AM

اخوي جلمود

في البداية الاخوه ما قصرو وازيد على كلامهم شي بسيط مع انهم افهم مني كلهم .. انا خبرتي بسيطة

انا رحت قبل كم شهر لورشة رفيق اعرفه وكنت اصلح عنده سيارتي وكنت اشاوره في الجيوب وقال لي كلمه جميله ..

قال شف وانا اخوك لا تتعدى الفرت الاكسبديشن قلت له ليش قال لانه مع رفيقي وشاريه مستعمل ويقول والله له اربع سنوات ما غير الا الزيت فقط ... ويقول حتى لو خرب فيها شي يكون شي بسيط وسعر القطع رخيصة مره والخراب سهل اصلاحه ...

وعليك وانا اخوك بالاستخاره ... والله لها اثر عجيب جداً ...

الله يوفقك بالسيارة الطيبه ..

الرسيفر

28/10/2009, 12:50 PM

يا حبيبي أنا من وجهة نظري خذ لك إف جي لأنه بصراحة تايوتا والتايوتا شيك بالمخباة وغير كذا الموتر نشيط ورسمي وكرب يعني ماسكن روحة ما هنا طقطقة وأصوات

والراي رايك وأنا أخوك

أبوحمييد

28/10/2009, 02:59 PM

انا اقول فورتشنر 6 سلندر 2010 ماشاء الله موتر وتويوتا ذيبان..

الساهر2003

28/10/2009, 04:54 PM

اخوي اذا انت راعي سرعة فلا تاخذ فوتشنر واذا انت مانت راعي سرعة فخذ فوتشنر 6 سرندر قير تماتيك وانس جميع السيارات وسعره على الوضع الحالي جيد

Magellan

28/10/2009, 05:30 PM

الأف جي FJ سيارة مراهقين وكدش يالدرجة الأولى
معظم المستخدمين بين 17- 20 سنه كما يقول بن سليمان
فضلا عن مشاكل القير الأتوماتيك فيه وكم واحد خبط عليه القير وموجود مواضيع في منتداهم
لكن كنشاط وقوة ممتاز وجودة تويوتا إلا أن أكبر منغص أنه سيارة تصلح للمراهقين..
.............
الأكسبلورر :
تزايد إستخدامه في الفترة الأخيرة ، طبعا ليس السبب أنه أفضل كإعتمادية ولكن بسبب أن سعره مناسب أضف لنجاح فورد كراون فكتوريا بسوقنا عزز له اضف بأنه ناعم وسلس بالقياده

من الجيد توسيع الخيارات وأنا أرشح الفورتشنر لك

ابوناصر426

28/10/2009, 06:03 PM

تبي موتر مريح وسعره زين وموتر بر
اخذ لك باثفاندر الشكل الجديد او اكستيرا

وفيه واحد عارض اكستيرا 2009 قير عادي للبيع مواصفاته كالتالي
الموديل : 2009 قير عاااااااااادي
الفئة : S وهي الأعلى في الأوف رود
اللون الخارجي: فضي
اللون الداخلي: تقريبا أسود
العداد: 1200 كيلو فقط ....... الموتر جديد.

المواصفات كالتالي:

طبعا ريموت وسيكيورتي سيستم ومفتاح مشفر ضد السرقات
مكيف ومحرك أقراص إلكتروني
سي دي تشينجر ل 6 سيديات
إم بي ثري - مدخل آيوكس
مثبت سرعة - فون هاند فري + تحكم يالإستيريو
دفلوك خلفي ، هوك خلفي
جنوط الأوف رود مقاس 16 إنش
مساعدات رياضية خلفية وأمامية
مرتبة الراكب الأمامي يمكن صفطها كما في الفل كامل
الإطارات حجرية مع تراكشن عالي ودعسة خشنة وهي الأنسب للبر
ورقم لوحة مييز جدا

هذا رابط موضوعه
http://www.assayyarat.com/forums/showthread.php?p=2000019#post2000019
وبس

جلمودي

28/10/2009, 08:20 PM

الاخوان جميع بيض الله وجيهكم وماقصرتوا كفيتوا ووفيتوا وماخاب من استشاركم

وعلى قولة المثل لولا اختلاف الاذواق لا بارت السلع وانا قررت بعد مشيئة الله ومشورتكم اشتري اكسبلورر بس

لاتبخلون علي بالون وتحملوني يالنشاما هل آخذ ابيض او اسود او فضي طبعآ من داخل بيج

بأنتظار ارائكم ,,,,, ودمتم بود ....

المدير1

28/10/2009, 08:47 PM

انصحك بالهاي دفرنسين تنسا طريق الصناعية وتبيعها براس المال بعد سنتين انشاءالله

س6ك7ب

29/10/2009, 12:05 AM

أخوي جلمودي
أنصحك باللون الأبيض
لأنه ملك الألوان
وماراح تتعب في غسيله
لأنه ماتبين عليه الوساخة والأتربة إلى بعد فترة طويلة
أما الأسود فيبيلك كل يوم تغسله

المكشات

29/10/2009, 10:49 PM

استخر .....
و أنصحك بالباجيرو جديد

إذا كان جديد ما تحتاج الوكيل 6 او 7 سنوات باذن الله

وفيه الباجيروات اللي عند معرض المهرجان وكالة اصفار 2009 من الامارات جايهن برد خفيف يبيعهن بـ 85 الف جديد وكالة أنصحك بهن

ابويارا1001

30/10/2009, 04:13 AM

انا استبعد ال أف جي

لانه صغير وبكره ربي يرزقك وتكبر عائلتك ما راح يوفي معك

شوف الاكسبلورر او الفورشنر او البرادو اذا قدرت عليه او الباثفايندر

طبعا 6 سلندر ولا تفكر بال 4 سلندر بالنسبة للتويوتا

انا ما اعرف سعر الباثفايندر ولكن يمدحونه

بختصار خذ لك موتر دارج و3 مراتب

وبالتوفيق

ابن سيف 18

30/10/2009, 04:27 AM

اؤيد اللون الابيض لووون جمييل لايق عليه بالحيل

لكن في النهايه

عليك وانا اخوك بالاستخاره ... والله لها اثر عجيب جداً ...

شامخ ألهيلا

30/10/2009, 05:35 AM

اخوي يقولون الشيبان

اشتر واستعمل وبيع

دور لك موتر عملي وقطع غيارة متوفره
وصيانته متوفرة والكل يعرف له

واذا قدر الله وحدك زمانك تبيع بسعر يرضيك

الله يرزقك يالموتر اللي يكون فال خير عليك

ابو جوري 1

30/10/2009, 07:10 AM

السلام عليكم و رحمة الله و بركاته
اخوي
انا مريت بنفس وضعك و جلست 3 شهور ادور على موتر يكون دفع رباعي و بحدود قيمتك وعائلتي نفس عدد عائلتك
بصراحة فكرت في الاف جي و ما اقول فيه شي بس شبابي زيادة و متعب في الباب الخلفي
و طبعا ممكن العائلة تكثر ان شاء الله ،،، عشان كذا استبعدت الاف جي:no2:
شركة فورد سبحان الله ما يعجبني ولا سيارة عندهم:D :D
استخرت الله سبحانه و لا تنسى الاستخارة
و قررت اشترى باثفايندر علما انه ماكاااان في الحسبان
الحمد لله شريت باث 2008 ماشي حول 17000 كلفني 100 الف و بصراحة ما اقول الا الله يعطيني خيره و يكفيني شره
فكر في الباااااااااث ترى بتلاقي حدود قيمتك سيارة جديده
و حصلت باث 2009 ماشي تقريبا 8000 فقط اسود يبي فيه 105000

أبومزنة

30/10/2009, 01:29 PM

أخوي ممكن أعرف وش مواصفات الباث 2009 اللي ذكرته ؟

مشعل العيسى

30/10/2009, 02:37 PM

نصحية محب لك ..

ابعد عن الاسود ... انا كان معي سيارة سوداء والحقيقة اذا ركبتها في الظهر او الصبح او العصر تفوح من الحر .. لان مثل ما انت عارف ان الاسود يجلب الحرارة ..

الا اذا كنت في الجنوب فأتوقع انه مناسب نوعاً ما .. لان الجو هناك بارد ..

والرأي خذ لك الابيض او البيج والله ييسر امرك ويدلك على اللون الزين ..

Riyadh City

30/10/2009, 03:04 PM

الاكسبلورر خيار موفق خاصة وانك شخص ما يفكر بالبيع لانك اذا كنت بياع ما انصحك فيه لانك بتنصدم بسعره لا جيت تبيع ...

لا تعدى اللون الابيض لانه ملك على الاكسبلورر وركب شاشه لعيالك خلهم يستانسون

وبالنسبة لطلعات البر دامها خفيفه على كلامك فتراه يجمل

وبالسفر ممتاز

مبروك مقدماً

الحرب20091ي

30/10/2009, 04:47 PM

اخوي الشباب ماقصروا معك كلن عطاك رايه في المواتر دفع رباعي
باقي عليك شي واحد فقط الا وهو
صلاه الاستخاره واللي تميل له نفسك توكل على الله وشتره
تقبل مروري.

جلمودي

31/10/2009, 12:03 AM

ماقصرتوا جميع وبيض الله وجيهكم كلآ بأسمه اما بالنسبه لي اشتريت اكسبلورر اللون ابيض ادعولي بالبركه وجزاكم الله خير الجزاء

راعي البخاخ

31/10/2009, 12:34 AM

ماشاء الله تبارك الله .الله يعطيك من خيره ويكفيك شره . والله يوفقك ويسعدك
انت وعيالك عليه . واخـــتــيار مــوفق وتستاهل كل خـير ياخوي

مشعل العيسى

31/10/2009, 12:43 AM

ماشاء الله تبارك الله .الله يعطيك من خيره ويكفيك شره . والله يوفقك ويسعدك
انت وعيالك عليه . واخـــتــيار مــوفق وتستاهل كل خـير ياخوي

مثل ما قالوا اخوي خذلك شاشة صغيرة للأطفال

مقلع الرمث

31/10/2009, 01:00 AM

والله ياناس الرجال يبي يطلع فيه شيب من كثر ماشرتو عليه

فجزاكم الله كل خير

لكن انا بعد ابشور عليك

تبي النصيحه خلك على مقرودك لا يجيك اقرد منه ;)

بس حاب اقولك حاجه بما اني عندي اسره ونفس العدد اللي عندك

فانا فكرت وفكرت ومليت من التفكيرر

اول شي عندي انا بعض الاشكاليات

اولا اني ادور حول سعرك يعني مايتعدى الميه

وعندي عده سيارات منها مثلا الباجيروا

سعره تقريبا ب الميه فل كامل خليجي طبعا

بس فيه سلبيات منها

اولا نازل

اثنين لاحملته فحج وبعد مده يبتل فاحج وانت ماحملته

ثالثا تانكيه صغير

رابعا كثره القربعه

خامسا يبيله واحد يترفق يعني لا شفتلك نزله ولا شي و لا حصات ولا اي شي توخر عنها

فكرت بالاكستيرا

وبنفس الوقت فيه بعض السلبيات القريبه من الباجيروا

وفكرت ب الاف جي بس قلت شكله غير

مناسب واشوفه دائما منقلب ولااادري وش

السالفه فوق

راسي استفهامات مع ان شكله راسي

فكرت باااشياء واجد وانفقع راسي وفكرت

بالالكسبلورر

رحت وسألت واحد قالي لا يقربك لان خرباته

واجد وبعض القطع غير متوفر وخاصه القير

واجد اللي يشكون منه

بعد هذا

قررت قرار اني ياااما ازود الدراهمم اشوي واشتري جيب برااادوا ولا فتك

وهذا اللي يناسب فقط لانهم متقاربين من

الحجم وتانكي البنزيم حلو والموتر وذف

يعني مو كبير زي الاند الجديد (جبخان)

ويتحمل مع العلك ومع اللين ورفيع وشيك

بالمعارض ولو بعد فتره

وبالتوفيق

;) فانا الان بصددد تكويم الدراهم الين يتكومن ;)

ابو نووووره

31/10/2009, 01:04 AM

انحش من الفورد