نسينم الكفرات في اول ثلاث ايام ليكون الكفر انسب للرمال ((هل هذا الكلام صحيح))

[اسير الغضا]

اخواني الافاضل اعضاء مكشات


.....

اشتريت كفرات ماكسس لباث فندر
يقول لي احد الاخوان حط بالكفرات 15 لمدة ثلاث ايام
يلين الكفر ويصير ازين ممشا اذا طبيت غردقه

فهل الكلام صحيح وتنصحون بفعل ذالك

[has-120]

لا يهمونك
لا ينقص الهوا عن 35
وإلا بينقص عمر الكفر
وكل واحد راضي بعقله

[ابوناصر426]

لايهمك هاللي قال هالكلام

لو تحط الكفر 15 وتخليه ثلاث ايام بتدمر الكفر، خصوصا على الزفلت بيقوم يلعب الموتر لعب، والحفر تبهذل الكفر بهذلة، خل هواء الكفر 35 وعين خير، واذا رحت للبر نزل الهواء على 20 ولا تحطه 15 الا في حالة الغراز فقط، لان الهواء الناقص بالحيل يلعب بالكفر ويدمره.

[البيروقراطي99]

اشتريت كفرات ماكسس لباث فندر
يقول لي احد الاخوان حط بالكفرات 15 لمدة ثلاث ايام
يلين الكفر ويصير ازين ممشا اذا طبيت غردقه



فهل الكلام صحيح وتنصحون بفعل ذالك



اخوي الغالي
سوال: مامعنى غردقه ؟؟؟

انا اقول ليه ماتجرب وتخبرنا وش النتيجه والا لا
تحياتي لك

[الوتر الحزين]

هلا اخوي

والله اتوقع ان كان خويك مايبي كفراته بيسويها

لان وانا اخوك الحفر بتلعب في الكفر وبيحبل مع كل جهه |(يحبل يعني يصعرر)

شكرا

[باثفندر]

اللي أعرفة ان الكفر الجديد تحط فيه هواء زيادة شوي لمدة 3 أيام عشان تنشد الصفطات اللي فيه وإن كان به عيوب تطلع ،،،

بعدين النصيحة كفر الباث لايزيد عن 30 .

[VIP-503]

السلام عليكم

اخوي من المحافضة على عمر الكفرات هي ان لا ينقص هواها عن حد معين وهو من 35 إلى 40 واما في الرمال 20 إلى 25 والافضل 20 واما كلام نسم الكفر هذي يبي الكفر يحبل ولك تحياااااااااااتي

اخوي انا بقولك كلمه ان فهمتها فخير وبركة واما ان كانك على رااايك فالله يعينك اقر على كفراااتك السلام

اخوي الوالد الله يطول بعمرة يشتغل بارمكو ويستلمون ورديات على ردمية المهم انه اذا دخلو الموتر الصيانة اول ما يشوف الفني ضغط هوا الكفرات وي حطها 40 والخط ردمية يعني الهوا الزايد يعب بالكفر والهوا الناقص يلعب بالكفر لك تحياتي واسف على الاطاااااااالة

[س6ك7ب]

أخوي أسير الغضا
ماشاء الله الأخوان كفوا ووفوا
وكلامهم صحيح وسليم
لكن أزيد عليهم بأنه تنسيم الكفر يضغط عليه الجنط ويقرصه ويبدأ بالتشقق
وشكراً

[ابوليله]

ههههههههههههههههههههههه

الله يهدي خويك بس على النصيحه هذي

الي اعرفه أو متعارف عليه أنه لاينزل الهواء لمدة ثلاث ايام او اربع

يعني الكفر يكون فيه من 35 وفوق اما العكس فهذا يضر الكفر على طول يالغالي

[اسير الغضا]

يعطيكم العافيه
بالنسبه للاخ الفاضل اللي سأل عن غردقه ((هو المكان اللي صعب تمشي به الموتر وتغرز علطول))

[السارحي]

عفوا اخوي اسير الغضا انت جربت تمشي على الاسفلت وهوا الكفرات 15 !!!

اخي الكريم كفرات البالون او اي نوع اخر اذا مشيت عليها وهواها ناقص تنعدم

وانا اكلمك عن تجربه وما قد شريت جيب او وانيت الا ركبت عليه بوالين ماكسس وغيرها

وهواها لا يقل عن 40 على الاسفلت

[اسير الغضا]

يعطيك العافيه اخوي الفاضل ((السارحي))

[يوم السبت]

انا سمعت شبه الكلام هذى وودي اعرف مصداقيته

الي سمعته انك تنزل الهواء 20 الى 25 و لا تسرع على السيارة لمدة شهر .

انا ماجربت .. بس كفراتي لو احط الهوا فيها 50 تعطيك شكل انها منسمة و اتوقع السبب التحميل .


.. طيب سؤال ثاني على طاري سمعت و عن اذن صاحب الموضوع ..

يتفلسف علي واحد و يقول لا تنزل هواء في الطين.. بلعكس زود الهواء .

يمكن مايبغى السيارة تنزل ما ادري بس ايش صحه المعلموه

[خيال النفود]

عزيزي هذا الكلام اول مره اسمع فيه
الماكسس والبالون بشكل عام اذ انت مركبهم بجنوط مو شنابر
بالديره وبالسفر تحط فهيم 40
وبالجلد والردميات تحط فيحط فيهم 28 او 25
ام بالنفود اذ كان جنطك 16 حط فيه من 20 الي 18
ام جنط 17 يبغالك تحط فيه من 18 الي 15 لانه مشكلت البالون ماينزل على كثر ماتنسمه ما يفرش مثل الكفرات العريضه
ونصيحه لك اخوي اول ماتركب الزفلت عب الكفرات اربعين تراهم خطرات وتخلي الموتر مو راسي ويزحف بسرعه مع المنعطفات
اول لاقنصنا بالحره حقت الشملي والحايط نحط فيهم 25 وانسى البنشر ونتقشم اي حجر قداما . وعزالله انه عز الماكسس
طبع اكلمك عن ماكسس تركبهم بجنوط عاديه مو جنوط شنابر

[عاشق مكشات]

صدق خيال النفود

[اسير الغضا]

انا سمعت شبه الكلام هذى وودي اعرف مصداقيته

الي سمعته انك تنزل الهواء 20 الى 25 و لا تسرع على السيارة لمدة شهر .

انا ماجربت .. بس كفراتي لو احط الهوا فيها 50 تعطيك شكل انها منسمة و اتوقع السبب التحميل .


.. طيب سؤال ثاني على طاري سمعت و عن اذن صاحب الموضوع ..

يتفلسف علي واحد و يقول لا تنزل هواء في الطين.. بلعكس زود الهواء .

يمكن مايبغى السيارة تنزل ما ادري بس ايش صحه المعلموه

اخوي الفاضل

يفيدونك الاخوان ان شاء الله
بالنسبه للطين مالي به علم بس اتوقع انه ماتفرق






عزيزي هذا الكلام اول مره اسمع فيه
الماكسس والبالون بشكل عام اذ انت مركبهم بجنوط مو شنابر
بالديره وبالسفر تحط فهيم 40
وبالجلد والردميات تحط فيحط فيهم 28 او 25
ام بالنفود اذ كان جنطك 16 حط فيه من 20 الي 18
ام جنط 17 يبغالك تحط فيه من 18 الي 15 لانه مشكلت البالون ماينزل على كثر ماتنسمه ما يفرش مثل الكفرات العريضه
ونصيحه لك اخوي اول ماتركب الزفلت عب الكفرات اربعين تراهم خطرات وتخلي الموتر مو راسي ويزحف بسرعه مع المنعطفات
اول لاقنصنا بالحره حقت الشملي والحايط نحط فيهم 25 وانسى البنشر ونتقشم اي حجر قداما . وعزالله انه عز الماكسس
طبع اكلمك عن ماكسس تركبهم بجنوط عاديه مو جنوط شنابر
يامال العافيه يابعدي تشكر على هالمعلومات


[QUOTE]
صدق خيال النفود


نورت يابعدي

[سوبر VTC]

على حسب كلام زملائي
ان الكفر الجديد يحط به
هواء زايد يعني 35 و طالع
و بعد اسبوع ينقص الهواء
ليش ؟
عشان يصير الكفر لين :good:
و بعضهم اذا مشى بالموتر 5000الاف كيلو
نقص الهواء الى الوضع الطبيعي

موفق

[سوبر مكشات]

عزيزي

كنت مركب يو كو هو ما على البترول حقي


والله يا حللتهن تحليل

قعدن معي 4سنوات و8 شهور يعني لو عندك صندوق وتحط فيه كل يوم ريال

كان جبت قيمة طقمين

كنت على الجلد(الردميات)
احط فيهن 15 الى 20
اما الرمل 10 او15

واحيانا كثيرة ما انسم ابد يعني ادق الدبل وهو فيه 40 او35


و اخر حياتهن معي قساوتهن وحدة
يعني الكفر ما فيه امل يلين

كان تحط عليه شاهي خربان يفك



واحد الشباب يقول حط فيه 70 او90 وخل الموتر اسبوع واقف
وتراي ما جربتهن




كانك بتجرب اتمنى انك تستفيد

[سوبر VTC]

واحيانا كثيرة ما انسم ابد يعني ادق الدبل وهو فيه 40 او35




هههههههههه
ياخوي انت تذبح القير و المكينه بكثر الهواء :)
و يتكسر الموتر
الا اذا كانت الارض عزاز مهب هيار
اذا كان موترك جنط 16 نقص الهواء افضل و خله طبيعي
يقضن الكفرات و لا ينعدم الموتر
الا اذا كانت الكفرات جنط 17
كفر الباترول مقاس 17 طبعا برجستون اظنه ب780 ريال غالي جدا
ذكرت بشيبان وقت الصيد بالصمان
معهم جيوب جديده على وقته م97
حاطين بالكفرات 40 او 50 المواتر تكسرت
تعرف شيبان و صعبه تقنعهم مالهم الا رايهم :D
يعني هم صح و انت بزر ما عندك سالفة :p
قبل شهر كاشتين و جا لمنا رجال و غرز
باترول صالون م2008
الكفرات بهن 40 او كثر
الموتر تعلق يدور بوش :p

[نوض الحقوق]

كفرات ماكسس مركبهن على الباث من سنة و اربع شهور و الحين فيهن اقل من نص العمر شوي و طول هالوقت و هواهن ما تعدا 20 بس الا في السفر في الصيف احط فيهن 30
و الخلاصة عند تعبئة الكفر بالهواء قس الضغط حتى يقف الكفر يعني شكلة يصير مليان مهوب شكلة منسم واوزن عليه لان احجام الكفرات و انواعها تختلف
و لك الشكر