للبيع : أراضي لأهل الصيد غرب رفحا بـ 75كم ..

[أهلا1]

تقع على بعد 75كم تقريبا غرب مدينة رفحا , بعد مفرق لوقة على اليسار , ولاتبعد عن الطريق الدولي سوى 5كم أوأقل, ليس فيها صكوك , والمساحة حسب ماتريد بحيث لاتتجاوز 5000م2.

[من متى]

كم الاسعار ومستوى سطح الارض كيف ؟

[القبطان نامق]

السلام عليكم

ياليت لو تعطينا تفاصيل عن الأرض

مثل / فيها بير ولا لا
عليها قرض
وكم طالب فيها
وهل إنتهاء تاريخ الإقرار

شاكر لك و أسف على كثر الأسئله

[PRIME]

تقع على بعد 75كم تقريبا غرب مدينة رفحا , بعد مفرق لوقة على اليسار , ولاتبعد عن الطريق الدولي سوى 5كم أوأقل, ليس فيها صكوك , والمساحة حسب ماتريد بحيث لاتتجاوز 5000م2.

ياليت توضح موضوع الصكوك هل تقصد ان الصك ناقص مادتين 85 و 86 .. !!!

[أهلا1]

كم الاسعار ومستوى سطح الارض كيف ؟

المتر على السوم ,ومستوى سطح الأرض عادي لاصعب ولا سهل .

[أهلا1]

السلام عليكم

ياليت لو تعطينا تفاصيل عن الأرض

مثل / فيها بير ولا لا
عليها قرض
وكم طالب فيها
وهل إنتهاء تاريخ الإقرار

شاكر لك و أسف على كثر الأسئله

الأرض كاملة بصك واحد وأرغب ببيع أجزاء منها على شكل قطع , لأستفيد منها ويستفيد من يريد أن يتخلص من الإيجار أو من يجد نفسه محرجا بدخول أملاك الغير . إذا بيع القطع بأوراق لأنه لايمكن استخراج صكوك .

[أهلا1]

ياليت توضح موضوع الصكوك هل تقصد ان الصك ناقص مادتين 85 و 86 .. !!!
هي أرض واحدة مملوكة بصك واحد وأرغب ببيع أجزاء منها ولايمكن استخراج صكوك لكل قطعة أبيعها .

[متمكشت]

هي أرض واحدة مملوكة بصك واحد وأرغب ببيع أجزاء منها ولايمكن استخراج صكوك لكل قطعة أبيعها .

أخي الكريم بإمكانك تجزئة الارض على حسب رغبتك وفرز كل قعطة بصك مستقل ..
بالتوفيق للجميع

[بن نقا]

وش يسوون بها أهل الصيد يوم يشرونها ؟؟ يعني يحطونها محميات ومزارع ؟ ولابيوت ؟ ولا إستراحات ؟ لاهي داخل رفحا ولاهي على طريق دولي يعني يقول الواحد يحطله محطه ولا شي يتفيود من وراه ؟؟

[قناص حباري]

ارسل لي رقمك على الخاص

[الكرك الاكحل]

وش يسوون بها أهل الصيد يوم يشرونها ؟؟ يعني يحطونها محميات ومزارع ؟ ولابيوت ؟ ولا إستراحات ؟ لاهي داخل رفحا ولاهي على طريق دولي يعني يقول الواحد يحطله محطه ولا شي يتفيود من وراه ؟؟


ياخي يحبسه ويحطله كم برسوبسه واثل وكين ومنقع صغير بين الشجر ويحطله غرفه ودورت مياه ويبدا يصيد به

[أهلا1]

أرجو عدم التعليق إلا لمن يريدون الشراء .

[hawi net]

لو حطيت صورة للأرض من جوجل طاح عنك نصف الاسئلة

[شاص2006]

السلام عليكم اخوي كم سعر القطعة والورقة اللي معك ما يعارضون عليها اهل الديرة واقدر

اطلع صك بعدين

اسمح لي بكثرة الأسئلة.....

شاكر ومقدر

[عبكري]

أخوي اهلا1

الله يرزقك من فضلة

لك رساله على الخاص

[أهلا1]

السلام عليكم اخوي كم سعر القطعة والورقة اللي معك ما يعارضون عليها اهل الديرة واقدر

اطلع صك بعدين

اسمح لي بكثرة الأسئلة.....

شاكر ومقدر
سعر المتر على السوم ولارايح أحد ..قضية الورقة مافيها معارضة ولاشيء لأن القطع أصلا في ملكي وعليه صك ..

[راكان 11]

اخوي الارض كلها كم مساحتها

[شاص2006]

اخوي اهلا1 الرجاء إرسال رقمك على الخاص اذا ما فيه احراج

شاكر ومقدر

[الوسم]

ما شاء الله تبارك الرحمن

والله يزيدك من فظله وإسمح لي بهذا الإستفهام ؟؟

يعني إلى بعت أي شخص من اللي يسومون تبي تفرغ له بصك في المحكمة أو كتابة العدل ؟؟؟

وإلا أنا فاهم الموضوع بشكل خاطيء ؟؟؟

وإذا كان كذلك !!

فأرجوا التوضيح

لأن المسأله ليست بالسهله وليتسع صدرك علي لفهمي القليل !!

بعد فترة يجي من يملك المكان بصك صادر من محكمة أو كتابة عدل ويقول ضف عفشك وإلا شلناه عنك وبعنا مزاد 000ولا لنا منه شيء ؟؟؟

ويمكن يزيد الطين بله 000 ويقول ! ! ! وعطونا أجار السنين اللي قضيتوها في حلالنا !!

[رعاد مطر]

بدون صك ؟؟؟؟

[الفليحاني]

اخوي هل الورقة نظامية وتعترف فيها الدولة انا ما اعتقد
لان حدثت مشكلة لعمي شرى اكثر من ارض بنظام الورق باحد المناطق وحفر فيهن 3 ابار وبالأخير ردمن الابار من قبل الدولة لعدم اعترافها بالورق
واذا انت بياع راح لكتابة العدل برفحاء وقسم الأرض وطلع لكل ارض صك وبعها

[المكشات]

الخربطة خربطة

والصح صح

تبي تبيع بيع شرعي بع بصكوك

أما أوراق والصك باسمك من المجنون اللي بيشريها

عشان بكره يجون الورثة و يقولون توكل على الله صك باسم ابونا

[عاشق البانيلي]

الخربطة خربطة

والصح صح

تبي تبيع بيع شرعي بع بصكوك

أما أوراق والصك باسمك من المجنون اللي بيشريها

عشان بكره يجون الورثة و يقولون توكل على الله صك باسم ابونا

كلام صحيح
وصح السانك

[ابو صقر 111]

اذا كان الصك ناقص للمادتين اي لم يذكر فيه اطوال مزرعتك بالمتر فالناس ربما تصادر عليهم اراضيهم وهنا تكون ورطه لهم فلابد من وضوح عملية البيع والشراء

[أهلا1]

اخوي الارض كلها كم مساحتها

القطع من 5آلاف وأقل .

[أهلا1]

ما شاء الله تبارك الرحمن

والله يزيدك من فظله وإسمح لي بهذا الإستفهام ؟؟

يعني إلى بعت أي شخص من اللي يسومون تبي تفرغ له بصك في المحكمة أو كتابة العدل ؟؟؟

وإلا أنا فاهم الموضوع بشكل خاطيء ؟؟؟

وإذا كان كذلك !!

فأرجوا التوضيح

لأن المسأله ليست بالسهله وليتسع صدرك علي لفهمي القليل !!

بعد فترة يجي من يملك المكان بصك صادر من محكمة أو كتابة عدل ويقول ضف عفشك وإلا شلناه عنك وبعنا مزاد 000ولا لنا منه شيء ؟؟؟

ويمكن يزيد الطين بله 000 ويقول ! ! ! وعطونا أجار السنين اللي قضيتوها في حلالنا !!

ياعزيزي .. أنا مالك الأرض كلها بصك واحد .. وأعطيك ورقة وبالشهود على أنك اشتريت مما أملك كذا وكذا ,, وهذا معمول به في كل مدينة يعني شيء معروف.وعاد الي خايف براحته .

[صقر الشماااال]

ــــــــ الله يعطيك العافيه ــــــــــــ

[اهل الردات]

كم القيمه السوم

[اخو سعود]

ههههههههههه طيب وش استفيد من الورقه اذا جوني عيالك وقالو وين رايح
وبعدين ما تحس اها بعيده عن الناس
انا مستعد للشراء اذا فيها صك
اما نضام الاوراق راح مع الشيبان