يا خبراء الباترول .. مطلووووبين ,,]

[abo shagran]

السلام عليكم ورحمة الله وبركاته ...}



يا اخوان عند واحد من الاصدقاء .. باترول 91 احمر وذهبي سفاري ربع ماشي 200الف ..وانا ودي اشتريه منه .
ولا ادري كم يسوى سعره ..علما انه فاكه وكاله

بس فيه بعض العيوب ..

1- تاكي على جنبه الايمن = منقلب قلبه خفيفه ومصلح
2- الدبل موب شغال .. وما ادري وش فيه بالضبط ..
3- يبي له كمبرسر مكيف ..
4-يبي له مساعدات ..
5- يبي له بعض التعديلات مثل جنوط +كفرات + اسلاك بواجي ومن هذي الامور
......................................

اتمنى تقولون لي ..

1- لو بغيت اصلحه كم يكلف .؟
2- لو بغيت اركب له كفرات بالون وجنوط هلل ..لان جنوطه بايخه ..

[انا المستحيل]

مساء الخير ياصاحبي
انا كان عندي باترول نفس المديل تقريباً ونصيحتي لاتشترية اذا تبي تطلع عليه البر خاصة اكثر من 30 ك بري الديرة
والنيسان اذا طاح مايقوم
اشتر نيسان نظيف احسن لك وصدقني انا جربت وتعبت كثير،،، ،، ،
البر يبي له خوي تتكل عليه بعدالله والباترل هذا عيوبة كثيره شوي

[abo shagran]

جزاك الله خير يالغالي..] والله انا كشته عليه السنه اللي فاتت انا وراعيه حدود 400 كيلو ..والحمد الله ما شفت منه شي.. بس كان الدبل مو شغال + المكيف .]

[اتفاق الطائف]

الاعطال اللي ذكرتهم ولاصلاحات تقريبا راح تكلفك في حدود 7500 ريال

اتوفع وليس من واقع خبره ان الجيب يسوى في حدود 13 الف وبالتوفيق

وان كان تبي النصيحة

اذا انك عارف بلاعطال ومتاكد منها وكان السعر مضاف اليه قيمة الاصلاحات في حدود المعقول فلا يفوتك

افضل من انك تشترى واحد ما تدري ايش هي عيوبة وتتورط

[ابويارا1001]

السلام عليكم ورحمة الله وبركاته ...}



يا اخوان عند واحد من الاصدقاء .. باترول 91 احمر وذهبي سفاري ربع ماشي 200الف ..وانا ودي اشتريه منه .
ولا ادري كم يسوى سعره ..علما انه فاكه وكاله

بس فيه بعض العيوب ..

1- تاكي على جنبه الايمن = منقلب قلبه خفيفه ومصلح
2- الدبل موب شغال .. وما ادري وش فيه بالضبط ..
3- يبي له كمبرسر مكيف ..
4-يبي له مساعدات ..
5- يبي له بعض التعديلات مثل جنوط +كفرات + اسلاك بواجي ومن هذي الامور
......................................

اتمنى تقولون لي ..

1- لو بغيت اصلحه كم يكلف .؟
2- لو بغيت اركب له كفرات بالون وجنوط هلل ..لان جنوطه بايخه ..




الدبل ماهو شغال ما ادري كم سعر الدبل بالتشليح خل نقول1000
كمبروسر مكيف مع شغله بحدود 800
مساعدات + تربيط بحدود 600 اذا ما طلب غير المساعدات للتربيط
جنوط 1000كفرات1800 اسلاك بواجي وتصفية 600
اذا كان الموتر مصلح مضبوط بعد الحادث ولا يبي سمكره
اتوقع لو تاخذ بحدود 12 عشان تكون في السليم

كونك تعرف الموتر هذي ميزه


انا اشتغلت على تعديل باترول زي اللي عندك وكلف حول 10000

[abo shagran]

الله يعطيك الف عافيه يالغالي ..ومشكور على مرورك وردك ..]

والله يعينا لو كلف 10000 بس ان شاء الله نقول اقل ..]

[دسوقي]

السلام عليكم ترا الباترول لا طلب طلب يبتل تقل تجدع بير مهب معقول قظيظ يبتل لا يقربك الانظيف اسال مجرب

[abo shagran]

الله يعطيك الف عافيه اخوي ..]


وان شاء الله نشوف اراء بقيه الاعضاء

[البوعينين99]

عليكم السلام

انا أشوف أنك لو تاخذ موتر جاهز يكون أفضل بكثير من أنك تاخذ موتر وتصلحه بنفسك .

أسأل مجرب ,, ولاتنسى انك فوق الفلوس الي تبي تدفعها في التصليح راح تقضي وقتك في الورش .


الله يوفقك

[abo shagran]

صحيح اخوي البوعينين .. اني راح اقضي وقتي في الورشه .. بس فتره وتعدي ان شاء الله

وبالنسبه تقول لو القا شي جاهز .. والله يالغالي لي اكثر من شهرين وانا ادور ..

[WHITE HAWK]

ان كان هاالجيب احتياطي مع سيارة اخرى ينصح فيه واما اذا كان العكس فنصيحة لا........

[abo shagran]

ايه نعم يالغالي .. هو سياره ثانيه راح تكون ان شاء الله ..]

[برق بن رعد]

ان كان هاالجيب احتياطي مع سيارة اخرى ينصح فيه واما اذا كان العكس فنصيحة لا........



هذا الكلام السليم
وازيد عليه خصوصا انك طلعت على السيارة للبر ولا تبين لك فيها عيوب توهقك في البر

ويظهر لي ان الموتر داخل نظرك

ونصيحة اسأل كم تكلف الاعطال دامك عارفها قبل تشتري وشوف هل تخارجك او لا

وبخصوص المكيف اذا كان استعمالك في الشتاء بس نصيحة لا تصلحه

وتبقى وجهة نظر

[سفاري959]

اخوي اذا يبيعك الموتر بحدود 10000 توكل على الله واشتر واللي عيبوا في الباترول انا اشوفه من باب التعصب للتايوتا لا اكثر انا استخدمت اكثر من سته باترولات ما تطلب وبالذات الشكل القديم واذا على الخرابات الاسبوع الماضي متعطل معنا شاص 2010 من اول طعسين جاوب الكلتش تحياتي وموفق خير ان شاء الله