شوفوا طريق الدوام ودلوني على الكفر الزين مشكورين [الأرشيف]

ريان2002

30/10/2009, 01:57 PM

مساكم الله بالخير جميعاً
قبل الصور خذوا هالمقدمة البسيطة لتتضح الصورة
1 / السيارة يوكون 2002
2 / الكفرات الحالية دنلوب 275-70-16
3 / تم إستخدامها على نفس الطريق لمدة سنتين ووجب تغييرها
4 / الإنطباع جيد جدا ولم تبنشر ولا مرة واحدة على طريق الدوام ولله الحمد
5 / المسافة 30 كيلو رايح جاي بالنسبة للوعر فقط والإجمالي 80 كيلو رايح جاي
6 / السلق غير مرغوب لسوء مظهره على السيارة والبالون لن يتحمل وعورة الطريق وهذا أنا متأكد منه
ملاحظة ( قد يقول البعض غير نفس الكفرات اللي عليه طالما أستخدمتها سنتين وسلكت معاك وهذا الكلام سليم وممكن أركب نفس الكفرات ولكن أبحث عن الأفضل )
وهذي صور عن الطريق
http://www.mekshat.com/pix/upload03/images131/mk136312_13062009974.jpg

http://www.mekshat.com/pix/upload03/images131/mk136312_14112007113.jpg

http://www.mekshat.com/pix/upload03/images131/mk136312_17122008462.jpg

http://www.mekshat.com/pix/upload03/images131/mk136312_19102008276.jpg

قاصد الصمان

30/10/2009, 02:11 PM

عليك بالمشلان هي افضل لكن سعرها غالي شوي

مجنون باترول4800

30/10/2009, 02:21 PM

يا رجال والله ما عرف له الا اهل الجنوب مايركبون الا الكفرات الحجرية ..ولاتوجع راسك

الرحال الجوال

30/10/2009, 02:32 PM

عليك بالبالون نوعية ( ماكسس ) 8 غاط

معي يوكون 2008 مركبه عليه

وماشي معي ولا عليه أي خلاف والحمد لله

قوي وراسي عيبه الوحيد لازم الترصيص كل 4 شهور

أعرف وأحد يطامر به في الحرّات دون أدنى مشكلة

aooa

30/10/2009, 02:36 PM

لا تغير من دنلوب بس اهم شيء يكون من الوكيل وليس من كفرات دبي

بن سليمان

30/10/2009, 03:57 PM

عليك بالبرجستون الحجري قوي جدا على الارض الحجريه مثل اللي بالصوره:good:

حسين السبيعي

30/10/2009, 05:07 PM

فيه نوعيه كوريه سعره رخيص اسمه ردستون جربته على جمس صالون دبل91 ممتازه وفيه جميع المقاسات وفيه 10 غاط 8 غاط وهي نفس البرجستون شكل وعمل ونصحك فيه وكيلها العيسائي في كيلو 2 جده وكان الله في عونك

بدوي جنوبي

30/10/2009, 11:28 PM

نصيحه لا تركب حجرى ترا بيكسر سيارتك

انا عندى حجرى نوع برجستون قاسي جدااااا
حتى على الاسفلت لان عندنا الشوارع ما شاء الله
نظيفه ما فيها حفريات ولا ترقيعات
والبلديه مرررررررره مهتمه لسياراتنا
عشان ما تخرب المقصات والمساعدات
وصدقنى اللى يفتح ورشه راح يكسب ذهب .

عموما

هذا هو شكل الكفر مقاس 17 /265 /70

http://www.mekshat.com/pix/upload03/images132/mk32037_7u.jpg

بهذلنى من صلابته

اشور عليك وامكن البعض ما يأيدنى

ركب كفر هانكوك ،،، لين مره
اذا تبى تحافظ على سيارتك ما تتفكك

تهمنى السياره اكثر من الكفرات

تحياتى

نومـ11111س

30/10/2009, 11:49 PM

الله الله بالمشلان

بعيد الهقاوي9

31/10/2009, 12:04 AM

تبغى الجوده والراحه خذ برجيستون.............وبس

ابوحمد666

31/10/2009, 12:14 AM

اخوي هذا الطريق تسميه وعر ههههههههههههه
الظاهر انك ما شفت الوعر زين هذا ادخل فيه بكامري
اما قولك البالون ما يتحمل ؟ممكن تشرح لنا كيف ما يتحمل؟اذا البالون ما يتحمل الوعر ايش الكفر اللي يتحمل؟
تحياتي لك اخوي

راعي البخاخ

31/10/2009, 12:26 AM

عليك طال عمرك .بالكفر اللين افضل واحسن لسيارتك من التفكك
مثل ماقال اخوي بدوي جنوبي الكفر ولا السياره خخخخخخخخخخخخخخخخخخ والطريق الي اشوفه
بالصوره تقدر تقول ردمـية ممهدة يقطعونها بكوامري وهم مسرعين
وعليك بالهانكوك نصحيه احسن والين لأنه مايفكك سيارتك وبنفس الوقت رخيص .
واذا ماانت مقتنع من الهانكوك ارجع وركب دانلوب بس حاول تاخذ مقاس اعرض شوي

turkey11

31/10/2009, 12:27 AM

السلام عليكم

انا لو ماكانك كان ركبت شاهين بس تاخذها من الوكيل عشان الجوده وعشانه لين
وسعر الوكيل زي السوق تقريبا بس الميزه تظمن الضمان عشان ما يكون من الامارات
ويكون هواء الكفر اقل من 30
يعني
20
او بالكثير 25

تحياتي

كاشت وحداني

31/10/2009, 12:30 AM

تبي انصيحه
انصحك بالهنكوك
الكوري بس خذه من الوكيل
ارخص بس لازم تغيره كل 10 شهور الى سنه
لكن لين جدا ومريح للسياره وركابها

ريان2002

31/10/2009, 01:03 AM

أشكر كل من رد على موضوعي وبالنسبة للأخ حمد 666 فأقول إني ماني غشيم بالطرق وفيه أماكن لو إني مصورها ومنزل صورها ماكان هذا رده لأن فيه أماكن لو الهايلكس ماوزن مشيته فيها يتعلق على بطنه وإذا قد شفت صور لطريق جبل شدا الأعلى أو جبال القهر فترى طريق دوامي يشبهها فهل ممكن تطامر بالكامري على زي هالطرق ؟؟؟؟

راعي المجهم

31/10/2009, 01:15 AM

ماكسس برافو 670

ممتازة جداً للخط وللجلد وللرمل

ابوفهيدان

31/10/2009, 01:32 AM

هانكوك او يوكوهاما

الوسيطاء

31/10/2009, 01:38 AM

اخوي الله يكون بعونك بس حبيت اقولك شف كفرات بف قدرش بلزفت مافيها صوت

وعلى الحجر قويه والنقشه خشنه والكفر عريض ويركبونه راعين المرهمات لان

النقشه خشنه وهي زي الي يجي بلهمر من وكالته والاكس بلورا من وكالته

وترى اسعارها غاليه بس بعد توفيق الله 5 سنوات تستخدم خط وحجري ورملي وهو

امريكي

http://up4.m5zn.com/9bjndthcm6y53q1w0kvpz47xgs82rf/2009/7/31/03/a4p1aw9oz.gif

فقاقة

31/10/2009, 02:33 AM

انا اقول دام هذا طريق دوامك ركب جنزير عسى الله يعينك

عبدالرحمن السالم

31/10/2009, 02:48 AM

والله اذا تبي النصيحه والشور والشى الطيب لاتعدي الكفرات اليبانيه
يوكاهاما.. تويو .. دنللوب
يباني لك وللزمن ولينه وزينه وتتحمل

السنع كله

31/10/2009, 06:30 AM

وعليك بالهانكوك احسن والين لأنه مايفكك سيارتك

ابوعدي

31/10/2009, 07:59 AM

من وجهة نظري
اشوف الميشلان الافضل قوي التحمل غالي لكن يستاهل

هواوي صيد

31/10/2009, 08:36 AM

اخوي اطرح لك ثلاث خيارات وانت شف اللي يناسبك

1 - كفرات ميشلان قوي ولين نوعا ما وغالي سعره بس يستاهل
2- كفرات برجستون قوي واقسى من المشلان وسعره قريب من الميشلان
3 - هانكوك كفرات زينه ولينه واشوفها تناسب مع طريقك دامه ممهد وتحافظ على موترك
والخيار لك
وتقبل مروري

احب البرواهله

31/10/2009, 10:02 AM

وشذا الطريق الله يعينك ويفرجها ربي

ناصر الدهمشي

31/10/2009, 11:13 AM

واحد يقوله ركب كفرات لينه واحد يقوله ركب بالون

من الصورة تبين الطريق حجري صور جبال مافيه رمال ناعمه فا ماتنفع معها هالكفرات

لانها ماتطول معه يمكن حتى سنة

اذا تهمك الكفرات وتتحمل عليك بالحجري والاخوان ماقصروا معك

وذا تهمك السيارة وماتبيها تتفكك وتبي تغير لها كل فترة قصيرة كفرات عليك بالكفرات اللينه

وخلك على مجنونك لايجيك الاجن منه

دام اعجبك نوع كفراتك اللي ذكرتها مشت معك ومالاحظت عليها شي فا خلك عليها

والله يعينك على هالدوام

يكفيني نظرة

31/10/2009, 11:16 AM

اخوي عن تجربتي على كذا سياره ما اركب الا دنلوب قوي وياباني ويتحمل حتى الاماراتي اللي بالغرابي مالاحظت عليه مشاكل الا مره وحده نسم مع الجنب من مسمار بس وغيره اضرب به شعبان ونفود وخطوط بعز الظهر بالصيف ومامثله وسعره 1600 وحولها واذا تبي تضمنه ياباني خذه من وكيله والله يكون بعونك ويحفظك من شرورهالطريق ..

وتقبل مروري

ابوحمد666

31/10/2009, 12:02 PM

اخوي ريان
المسأله مزح وانا اخوك ولا تزعل علينا وهذي بوسه على راسك
وما دام الدنلوب جلس معك سنتين انصحك تركب نفس النوع وكثر خيره اللى عاش سنتين
تحياتي لك اخوي ريان مره اخرى

mjmo55

31/10/2009, 12:23 PM

الله يكون بعونك على هالطريق ويحفظك أنت وموترك

والاخوان الله يجزاهم خير ما قصروا

ريان2002

31/10/2009, 02:52 PM

أشكركم الشكر الجزيل ياأخوان والله يقدم مافيه الخير لنا جميعاً
وتراني ياأخوي أبو حمد 666 والله مازعلت منك بس حسيت إنك مافهمت مقصدي والعذر من الله ثم منك وكلنا بإذن الله أخوان

ابودعسان

31/10/2009, 04:26 PM

ان ارى انك تركب دنلوب بس الاصلي من الوكيل
لان الكفرات اللينه زي الهنكوك ماراح تمشي معك راح تصعرر او يبنشر
والقاسيه تكسر موترك زي البرجستون
الدنلوب ناسسب معك فخلك عليه
وبالتوفيق

11عبدالرحمن11

31/10/2009, 04:32 PM

طقم كل سنة بالون بس يكون تاريخه جديد ما كسس (8 غاط) ابو جمل 900 بس حط الهواء 30الى25 بس انتبه لا تمشي عليها الا وانت حريص في المطر ولا نقعة مويه ما يبيلها شي تقلب زلاجات
اعيد واكرر (8 غاط) مو سته دواء للوعر

turkey

31/10/2009, 05:16 PM

يا رجال قدم أستقالتك أصرف

خوي الشاص

31/10/2009, 06:51 PM

السلام عليكم عليك بالبالون ماكسس
ثمانيه كاندس
تريح ظهرك وتريح الموتر والي قالك ماتحمل ماعنده سالفه
لانها كفرات جيبي لها سنتين اهم شي تكون تيوبلس مو لستك
والله ادقها بالحره ولله الحمد ماقد وقفت اصلح بنشر اهم شي نزل هواها على عشرين وشف
وراح تدعيلي
بس الله يعينك كل سة شهور طقم بالف وسبع

التعـ King ـديل

31/10/2009, 07:05 PM

فايرستون 275/70/16 راحه وصلابه

اشتريته مستعمل وقعد معي سنتين ونص مشيت عليه اكثر من 50 الف سفريات

سوبر VTC

31/10/2009, 11:26 PM

الله ييسر امرك اخوي و يسهل عليك

كفر لين يحافط على الموتر
هانكوك :good:
و سعره منطقي جدا
الكفر العادي عرضه للتشقق من الحصى
و قد يضرب الكفر لا قدر الله
اما البالون
فهو ممتاز جدا للوعر و الحصى :good:
البالون يبلع او ياكل الحصى
بمعنى يمتص المطب + الحصى :good:

موفق

عاشق البر والصيد

01/11/2009, 12:07 AM

سوبر VTC

01/11/2009, 12:19 AM

دوختو راس الرجال معاد يعرف وش يركب
ههههههههههههههههههههههه
امزح
خلونا نسوي ترشيح لأقوى كفر يتحمل واللي يطلع ترشيحه اكثر يركبه الرجال هاه وش قلتو
يالربع احسن كذا ؟ ويكون الترشيح ل 20 صوت او 15
بالنسبه لي انا ارشح كفرات الميشلان

الميشلان ممتاز
لكنه ما يتحمل الحصى :no2:
يتشقق و لين و يخلص بسرعه
و جنب الكفر ضعيف جدا :no:
عادي جدا يضرب الكفر

شامخ ألهيلا

01/11/2009, 12:31 AM

اخوي تبي الشورررررر

اشتر لك ددسن ولا هايلوكس غمارهموديل قديييييم خاص لدوام للمنطقه هذي

واذا مالك في سياره غير

عليك بالدنلوب والهانكوك
الدنلوب موصفاته عاليه وفيه نوع الي يجي على الجيب الاندكروزر
يتحمل الحجر والوعوره
في الازفلت يتحمل الحراره الى سرعة 220
70 % يخدمك في الرمااال والنفود
بس للمطاعس والربع الخالي مايصلح

امبراطوور

01/11/2009, 12:32 AM

انا جربت كل الكفرات فيها اللي قوي يكسر السياره
وفيها اللي يحافظ عليها وكلن يتحمل الوعر
الا بعض الكفرات مانصحك فيها : الهانكوك والماكسس العادي<ليس البالون>
خلك على الدنلوب قويه بالبر وتحافظ على الموتر