راعي كيف (الغائب باسمه الحاضر في قلوبنا)

[راعي عنيزة]

السلام عليكم

راعي كيف
من منكم لا يفتقد ابو ناصر ؟
من منكم لا يفتقد هذا العضو الذي غمرنا بطيبة قلبه وتواضعه الجم
من منكم لا يفتقد خفة دمة وروح الدعابة التي كان يوزعها في انحاء المنتدى
من منكم لا يفتقد نخوته وبذله نفسه في خدمة الاخرين
من منكم لا يفتقد صور عزبته وصور مطاريسه في قرص البر وحتى صورة بريق كشتته المتعفط :)

الشهادة لله انه من انقطاع راعي كيف وانا اشعر ان المنتدى ناقص حتى العلاقات بيننا اصبحت تشوبها الرسمية الزائده
ابو ناصر قد جمع القلوب واسرها بروح نكتة ومداعباته المحببة للجميع واضفى للمكان سحرا وبريقا مميزا وكاننا فعلا في كشته والبساط احمدي
هذا نداء لابو ناصر ارجوا من ابو فهد ان يوصله له



http://130.94.173.239/22/bonaser.jpg

[السمح]

صح لسانك والله يابوحمد .. وعز الله إنا فقدنا واحداً من أهم أعضاء المنتديات ..

لكن ما نقول إلا الله يجازي اللي كان السبب ..

الله يدفع البلا عقب هاك الموضوع يقولون إنه إذا مر مع الشارع تلطم لا يعرفه أحد :D :D ..

بس لعل في خويه العوض .. وترى أبوفهد يوصل له علوم المنتدى أكيد ، لأن أبوناصر حريص على معرفة علوم المنتدى ، ومشكلته الجهاز وإن شاء الله تبي تنحل المشكلة قريباً .. ونشوفه معنا مرة ثانية ..

[خوي راعي كيف]

:) اللة يعطيك الف عافية يابو حمد عز الله انك ماقصرت باللي قلته

ويستاهل الخير والله ولا اقولة مجاملة لجل انه رفيقي لاويشهد الله على كلامي .

سماحة نفس وطيبة قلب ولا يعرف الزعل .

وغيابة على ماقال اخوي ابو تركي مشكلة بالكمبيوتر :D والهروب من وجة العدالة من التهمة الملفقة

والا بالعكس الرجال يسأل عن الجميع والجديد بالمنتدى.

لكن الضروف الله يخلف هي اللي رادتة عن المشاركة هاليومين .

ودايم والله يسأل عنكم جميعا وانت بالذات يابوحمد لانك المنافس الوحيد بالمنتدى .


;) ;) عاد الصز لواروح انا تفقدن يابو حمد؛؛؛؛؛

[عبدالعزيز الدباسي]

تسلم والله يا ابو حمد

الحقيقة ان الرجال غايبٍ حاضر ، ونشهد الله اننا حبيناه وحبينا طيبة قلبه ودماثة خلقه وحبينا الرس على شانه:D وهي دعوة بداها حبيبنا راعي عنيزة بالمطالبة بعودته سريعاً وعودة طلته على المنتدى .
=====================
خالي ابو حمد للمرة المليون تثبت بانك ملح المنتدى ، وروح المنتدى ، وشقردي المنتدى ، ،،،،،،،،،،،

مواضيعك دايم جديدة ، وخفة دمك ميزة ، ونفسك دايم عزيزة ، وبالخير تنشر كل فضيلة ،،،،،،،،،،،،،،،،،،

ان غاب احد سألت ، وان تأخر احد تطمنت ، وان كتب احد شاركت ، وان زارنا ضيف رحبت ،،،،،،،،،،،،،،،،

الله يخليك لعينٍ ترجيك ، وبالمحبة تهنيك ، وللخير تدعيك

<CENTER><P><IFRAME WIDTH=65% HEIGHT=240 SRC="http://shagrdi.jeeran.com/shegardi1.swf"></IFRAME><BR></CENTER>

[راعي كيف]

.......الى احبتي في الله أخواني واعز من عرفت الى جميع من في المنتدى والى جميع من شغل بالى في الحقيقة لم تغفلو ابداً عن خاطري ولم ابتعد بإرادتي بل الضروف اجبرتني على ذالك وانا متأكد انكم انتم من يتمنى لي أو لغيري النجاح في الحياه وما اراه منكم اكبر دليل على ذالك اتأسف لكم والى كل غالى عن غيابي المفاجي وعذراً وإن شاء الله سوفى ابذل قصارى جهدي لكي ارجع بمثل ماكنت بهي من قبل ( ولا انسى تشجيعكم لي او لغيري ).

اخي ابو حمد راعي عنيزة
اشكرك كثير الشكر وتفقد الشر إن شاء الله والجميع ، هذا في الحقيقة يدل على حرصك وهتمامك وطيب اصلك ومعدنك الله يرضى عليك وعلى والديك والمسلمين اجمعين اشكرك من كل قلبي (((ابو حمد)))
ودي اكتبك قصيدة لاكن ابشر في المرات الجايه:D :p .

ابو تركي السمح
أخي الأكبر أحترمك واحترم مشاعرك تجاهي (وامين يارب العالمين ) الله يجيب الفرج إن شاء الله .

ابوفهد خويي وخوي العمر لأخر العمر إن شاء الله ( رب اخ لك لم تلده امك )
ماقصرت وفيت وكقيت والله يعطيك الف عافيه على حرصك وهتمامك على سؤالك وحرصك الدائم وعذرنا على القصور واشكرك بتبليغك عن كل جديد في المنتدى وعن كل مايكون نافع لي ولغيري .

ابو عبد الله شقردي
راعي القلب الكبير و الحريص على الجديد دائماً و المفيد اشكرك من صميم قلبي ويشهد الله إني من يوم شفتك وانت في بالي ( ولايهون ابو تركي و الخبير وشقران )و الجميع روح طيبة ونفس صادقه وحقيقة دائمة على لسانة ابوعبد الله ابشر بالعودة بس شوي على الله يرضى عليكم وابشرو بالمفاجئات .


اخيراً وليسى اخراً اشكركم واشكر تواصلكم واخصكم انتم اولاً ومن في المنتدى .
والى الملتقى والمشاركات إن شاء الله .








تحياتي واشواقي

[عبدالعزيز الدباسي]

(((((((( أقسم بالله العظيم ، الذي رفع السماء بلا عمد))))))))

اني يوم شفت اسم راعي كيف مسير علينا في المنتدى انتابني حالة من الفرح والسرور وانشراح الصدر، وكلها بركة دعوة خالي ابو حمد اللي خلتنا انشوف راعي كيف في المنتدى ، وعلها دوم ما هي يوم


<CENTER><P><IFRAME WIDTH=65% HEIGHT=240 SRC="http://shagrdi.jeeran.com/shegardi1.swf"></IFRAME><BR></CENTER>

[عاشق الصحراء]

هلا و الله براعي كيف.
حياك الله , و الله افتقدناك و لا صدقنا اننا نشوفك , ترك عزيز و غالي.
انورت و اسفرت و خلك معنا على طول.


تحيات عاشق الصحراء:heart:

[راعي عنيزة]

عاد انتم مصدقين اني افقد ذا الشين ولا اوله عليه :bounce: ؟؟؟؟؟؟؟؟

ايه هين معصي ثم معصي :flog:
السالفه وما فيها اني ناوي انزل كميه من البضاعة الي انتم خابرين وخبركم ذا الشين كاسر سوقي ومسطير على التهريب بالقصيم لذلك حبيت اسوي له كمين واعرف هو بالقصيم ولا طاس للرياض :D


السمح #
يابن الحلال مشكلة ذا الجهاز صارت مشكلة الشرق الاوسط
اعتقد ان فيه اسباب خفيه غير معلنه عند الرجال مثل انه بعد الدوام طايح بسوق الحمام يبيع صواريخ وشروخ على باله رجل اعمال ماعنده وقت للنت ;)

خوي راعي كيف #
قال من شاهدك ياباالحصين قال الرجال :D عاد انت وياه تقل تلعبون طائره
واحد يرفع والثاني يكبس وهات يا تمديح ببعض وانواع المصريات :love2: :D
شف عاد رفيقك خابرين مشكلته من عقب الرياض والمطاعم جاحدته والمخباة رايحة فيها لكن ما يهمه يروح لقصر السمح يلقا عند البوابه جوهر وجعفر يعطيهم الفاتوره ويدعس معه معروض طلب شرهه ويبشر بسعده ;)


شقردي #
تسلم يا حبيب الشعب تصدق على اني وسيع وجه ويدلعونن بوجه بن فهره الا اني استحيت وخدودي حمرن وصارن تقل طماط وفي رواية اخرى تقل بندوره وفي اصح الاقوال تقل كفر يوكوهاما :D
وانا اصادق على كلامك باننا ما حبينا الرس الا عشان راعي كيف وعشان سمسم جهينه :)


يتبع

[راعي عنيزة]

راعي كيف #
:love2: :heart: :love2: :heart: بالحضن يا راقل واحشني قوي قوي
واوووووووووووواك طاعون كم لك ما تسبحت ريحة اباطك تصرع على مسيرة شهر :D
تصدق عاد ما عرفتك احسبك واحد ثاني
ياخي شكلك متغير ناظف وصاير تقل من حقين الرياض الصدقيين الي يقولون فيذا وبروح انوم وضحكتاني

عاد لا تقاطع انت ووجهك واكثر ما كثر الله مقاهي الانترنت بالرياض ولو ترفع حصاة لقيت مغسله ومقهى انترنت وابوتركي :D


شقردي #
ياخي وش عندك على التمديح والمصريات قط احد قايلك اني اوزع شرهات ;)


هلا والله بعاشق


واخيرا نطالب جميعنا الاخ راعي كيف بدخول المنتدى مرتين في الاسبوع في اقل الاحوال ولن نرضى باقل من ذلك واي تقصير يعرض نفسه للعقاب ويركب حق :rolleyes:

[خوي راعي كيف]

عز الله انك مهرب دولي بالحركات ذي

:p بس تراي انا اللي راد باسم راعي كيف لان معي الرقم السري حقة لان عارف انك ماسألت عبث

وابو ناصر الحين بادي يصدر خارجي ومشغول مع العملاء

;) بعدين الحين يوم انك تقول تلقا ابو تركي تحت كل حصاة الحين ابو تركي اللي هو (( عمنا ))

قعرة :flog: عليك به تكفى يابو تركي ....


:rolleyes: بس تدري عاد والله انك مطعّم بالمنتدى وعز الله انك حلاة بعد ابو ناصر

ولايهوووووووووونون الباقين