رايـــكم لاهنتم في الوحش الــــدوج ..

[السالمي]

السلام عليكم ورحمة الله وبركاته ....... وبعد

اخوااااااني انـــا عزمت قبل فترهـ اخذ قراند شروكي 2000 v6

وجاني واحد امس وقال خذ الدوج تراهـ افضل

وفي الحقيقه انـــــــا جربت الشروكي نفس النوعيه اللي ابيها بس انه 94

والصراحه ماشفت منه اي عيب لاحراره ولا اعطال ولاكثرت مشاكل اللي يشتكون منها

لاكن الدوج ماسبق وجربته واللي نصحني يقول انه افضل من الشروكي

والصصراحه وقفت الدوج تحس انه من وحوش البر بس المشكله ماعرف عن مشاكله شي

الشروكي له سمعه شينه عند البعض لاكن اللي يجربه ويوفقه ربي في موتر زين يبي يرتاح معه

لاكن الدوج انــــــــا ماجربته وابي منكم اللي جربه او عنده خبرهـ فيه

يفزعلي واعتبروها نصيحه من اخو لاخوهـ

[Bader-M]

الدوج
سياره الفاهمين

على العموم
هذا ربط
للرام

ان شاء الله يفيدك

http://www.mekshat.com/vb/showthread.php?s=&threadid=21429&highlight=%C7%E1%DF%C8%D4

[Eagle]

والله الدوج كلش ماله نصيب عندنه ولا له سوق وسعره يطيح بسرعه
والقطع الغيار غاليه حته في السكراب (التشليح)
وبعد اغلب القراجات الي تصلح امريكي ما تصلح الدودج وتتحاشاه وما تلقى ألا القليل المتخصصين بالدودج وهذا يخليهم يرفعون السعر
بالنسبه للقراند شيروكي عند واحد من الربع سته سلندر موديل 95 واستعمله لي سنة 2002 تقريبا وكل موسم بالبر وجالدينه جلد وحوادث وماشالله عليه ولا احلى منه ولا مره شفت الحراره مرتفعه ابد مع انه كان وارد امريكا

[بركان]

الشكل والقوه :good: :good: :good:
اما قطع الغيار:no2::no2::no2:

[SilverSniper]

مشكلة الشيروكي قيره ... ما يتحمل الجور أبداً... كما انه صغير من الداخل جدا ... وقرقعته واجد..
الدودج أفضل منه وأقوى ولكن عيب الدوج ثقل وزنه وضعف تربيطه وارتفاع حرارته
ويجي بعضهن قيور تماتيك.. وفي نظري هذي عيب.. والبعض يعتبره ميزه

[السالمي]

لاهنت اخوي طاير بالعجه

افهم من كلامك انك تنصح فيه عن الشروكي

وبعدين انا ماقصدت اللي انت عطيتني الرابط حقه انا اقصد الشكل الثاني

[السالمي]

صدقت اخوي

وانــــــا ملاحظ الشي ذا الشروكي افضل انتشار منه

اقل شي اسمه جيب وصار اسم جيب متعارف عليه في اي دفع رباعي

مع العلم انه يطلق على الشروكي فقط واقصد اسم جيب

[السالمي]

اخوي بركان قطع الغيار يبيلي اسال عنها والله

امــــــــا الشكل فعلا مسكت

[الجمس]

اخوي السالمي
السلام عليكم ورحمة الله وبركاته
يقولون ( الدوج اهله دجوا )
قطع غياره نار ولا تلقاها الا عند الوكيل ولا كلا يصلحه , نصيحتي انحــــــــــــــــــــــــــــــــــــش .
تحياتي.

[شايب الصمان]

السلام عليكم ورحمة الله وبركاته
اخوي السالمي
الدوج (ram 1500) -الثمانيه سلندر ممتاز جدا عندي موديل 98 قير اتوناتيك
الحقيقه اكرمه يكرمك (القطع صحيح غاليه ولكن تعيش الاصليه اذا حطيت الاصليه
تخدمك من 2-4 سنوات ) العزم والقوه ما عليهم كلام واي استفسار مستعد

[السالمي]

لاهنتم


وياشايب الصمان

عسى اللي في بالي هو انت تقصده

لانك جبت الاسم وانا اعرفه بالشكل


اللي انا اقصد الدوج البابين اللي يجي مكيف ورى على ما اظن

[شايب الصمان]

السلام عليكم ورحمة الله وبركاته
اخوي السالمي
أقصد غماره واحده ولكن غمارة كبيره تشيل اربعه اشخاص
مرتاحين (وزن متوسط) .
موتري ولله الحمد جربة في عدة مواقف ولم يخذلني
عليك بالقطع الاصليه ,الحراره انسى ,ممكن صرف البنزين
يزيد شوى يعني 87 ريال تمشيني مع المكيف وسرعه بالديره
350 كيلو اما على الخطوط من 450 الى 540 كيلو .
طبعا احسن من الموديلات القديمه لانني من عشاق الدوج.
لأي معلومات أكثر مستعد أوتجرب الموتر حاضر .

[السالمي]

8
8
8

الله يسلمك يابعدي وشاكر تفاعلك معي

بس انـــا والله قصدي البابين

[نقا هشال]

هلابك اخوي

وانصحك لاتتعدى الياباني تويوتا بالذات..

[القناص]

السلام عليكم
والله انا انصحك بالدورانجو
وفي
وقوي
وواسع من الداخل
قوي جدا قومه وفزه وخط
وعلى الرمال ما يحتاج حتى للدبل
حط الهوا 20 وتمش على كيفك

http://www.mekshat.com/pix/upload/images6/mk79_141.JPG

ومريح جدا ما كنك في جيب
له معي الان 4 سنين
وسعره سعر ارخص من اي جيب ياباني مع ان مواصفاته افضل من افخم جيب ياباني
مراتب جلد
ثمانيه سلندر
اتوماتيك
مكيفين
دبل
فيديو دي في دي
لا يفوتك تراه موتر
والفاهمين هابين فيه زي ما قال لك اخوي طاير بالعجه

http://www.mekshat.com/pix/upload/images6/mk79_durangododge1.JPG

والسلام

[السالمي]

اخوي نقاااااا

والله انا ضـــد جيوب التايوتا الحاليه

ماعدا الربع والشاص اما الاند كروزر ماهضمته التالي

اما القديمات من الـ 97 وتحت هن المواتر ان جينا للجد

التاليات حقات رزهـ فقط لا اكثر



<< القـــــــــــــــــناص >>

انت وين جيتني

انا اللي طار بالعجه هالمرهـ ماهو اخوي طاير بالعجه

عز الله انك كفيت وفيت يالــــــغالي

[Eagle]

اذكر رمضان الي فات في مكان يتجمعون في الجيوب والوانيتات يطعسون على رمال البحر كل يوم لي وقت الفطور وكان في دورانجو يدخل كل يوم ويطعس كان قوي جدا بس يضغط بانزين ويطمر على طول من مكانه عجيب في الطعس
بالمناسبه في اسواق الخليج متوفر بس 8 سلندر لكن ينزل سته سلندر بعد اسأل قبل لا تشتري السته سلندر معقوله

[السالمي]

هذا بلا ابوك ياعقااااااب

[شايب الصمان]

أخي السالمي

السلام عليكم ورحمة الله وبركاته
دورانجو ممتاز حسب تجربة واحد من الربع وهو حق شركه ويمدحه بالحيل
وحتى الوانيتات RAMالشكل الجديد ممتازه ولكن القطع على حساب الشركه (يعني مايدري عن الاسعار)
و فيه موقع لبيع السارات بأمريكا وهو مجرب من ناحية الصدق
سبق وأن أشتريت منهم سياره وانيت شفر غماره ونصف ولله الحمد وصلت كما ابلغوني
من جميع النواحي ... اذا اردة الموقع فانا مستعد ...والله يوفق الجميع