هل تنصحون بتركيب بطارية اضافية

[Foxdigi]

مساكم الله بالخير جميعاَ الموضوع هو ان لدى رغبة في تركيب بطارية اضافية وذلك لكثرة طلعاتي للبر. ولكن فيه شخص نصحني بعدم تركيبها لحساسية كمبيوتر السيارة هل هذا صحيح وهل يسقط الضمان مع البطارية الاضافية .
السيارة دينالي 2009
الرجاء الافادة من ذو الخبرة في هذا المنتدى العزيز والغزير بالخبره والتجربه
ولكم خالص الشكر ,,,,,

[أبوالقروش]

أخوي احسن شي تسئل الوكيل لان شروط الضمان تختلف من وكيل لاخر وكلهم دعوجيه مايصدقوا خبر حتي يسقطوا الضمان فأحسن شي تسألهم واذا قدرت ركبها عندهم احسن لك
تقبل مروري وتحياتي لك.................

[الكايف2]

حياك الله اخوي بالنسبه للبطاريات انا مركب في السيارتين عندي لاند كروزروجيب شاص والحمد لله ماشفت اي مشكله بالعكس الا ارتحت بعد ما ركبت صركل شي علي الاظافيه والربع بعد ان شاءالله بعد بيعطونك العلم موفق اخوي
بالنسبه للظمان انا ماادري عن الشي هذا

[مزهب الطراقي2]

اخوي ما أنصحك تركبها لان الكمبيوتر حساس لدرجة ما تتخيلها

انا معاي يوكن 2009 رحت لمحل زينة بركب انوار زينون طلع الكهربائي نصوح وعيا يتعبث به قال رح للوكالة

رحت للوكالة وجيت للفلبيني قلت بركب انوار زينون قال نونونونو هذه كمبيوتر اي حركة بالكهرب تعدمه

لا سيما ان موترك دينالي والدينالي اكثر تعقيداً من اليوكن بحكم فخامته وكثرة مواصفاته

الله يستر عليك وعلى موترك

[هبــ حريملاااء ـبوب]

السلام عليكم ..

عن نفسي ما انصحك تحوس الموتر واهل الدار ادرى .. انا عندي ددسن ولا حست فيه نهائي ..
الحل ونا اخوك خذ لك مكينه كهرب شنطه 700 واط ما يتعدى وزنها العشره كجم
تشغل لك عشر لمبات ابو 18 الابيض بالاضافه الى تلفزيون ورسيفر بالراحه مع حساب طول السلك ..
وتاخذ قد علبة ببسي بنزين مع فنجال قهوة زيت مع بعض وصوتها زي صوت ماطور الهواا وتمشيك اربع ساعات وسلامتك ..

وان بغيت اكبر فيه والسوق مليان .. ولا تعبث بموترك .. حياااك الله ومن يقرااا

[قناص حباري]

ركب بطارية اضافية وريح راسك وخل كل شي عليها والاساسية لتشغيل
ورشة سوافي او 4*4
او كهربائي ممتاز شدح حيلك سوافي ممتاز

[ابولولو]

ركب وتوكل على الله لى سنوات وسيارتنا كله كمبويتر والحمدلله ماصار شى بس اهم شى دور كهرباء صح ترتاح نفسى وانت بالبر ولى كل شوى جاك الذئب جاك اوليده هههههه يعنى اذا شغلت بطاريه وحده بالبرماترتاح وانت بلحلاك كل شوى قائم تشغل وطفى اسئل مجرب ولاتسئل مااجرب هههههههه قصدى طبيب

[Foxdigi]

ركب وتوكل على الله لى سنوات وسيارتنا كله كمبويتر والحمدلله ماصار شى بس اهم شى دور كهرباء صح ترتاح نفسى وانت بالبر ولى كل شوى جاك الذئب جاك اوليده هههههه يعنى اذا شغلت بطاريه وحده بالبرماترتاح وانت بلحلاك كل شوى قائم تشغل وطفى اسئل مجرب ولاتسئل مااجرب هههههههه قصدى طبيب
هههههههههههههههههههههههها والله ياجماعة الخير واحد لاتركب والثاني ركب .
اقدر لكم جميع ارائكم ولكن اريد كلام يجمد على الشارب , بعني واحد مجرب باليوكن او شخص متخصص .
والله انكم حيرتوني اقتراحات متناقضه ولكنها فيها منطق اخاف اركب يصير عندي مشكلة بالضفيره وبنفس الوقت حرام احرم نفسي بالطلعات خصوصاً اذا تركيبها مافيه مشكلة ,,,,,,,,

[شامخ ألهيلا]

اخوي موترك قير تماتيك
فانصحك تركبها
اول شي لاقدر الله وتعطلت الاساسيه يوجد تحويل من الاحتياطيه الى الاساسيه لتشغيل السياره
عندك محلين بالرياض يبدعون في تركيبها
السوافي + الدفع الرباعي

ومر عليهم سيارااات اشكال والوان
وهم مايبون من اسلاك سياراتك الاساسيه الا مخارج من الدينمو فقط
والباقي هو يرهمون لك اسلاك للاناره والمحول وغيره
وظفيرتك مالهم دخل فيها

[السنع كله]

كم تكلفة تركيبها كاملة واين ممكان اللي يركبونها وشكرا واعتذر من صاحب الموضوع

[ابوسعودد]

فيه مواضيع كثير عن البطاريه المتنقل اللي تشحن على الكهرب يمكن تكون هي الحل المناسب

[يكفيني نظرة]

اخوي ما أنصحك تركبها لان الكمبيوتر حساس لدرجة ما تتخيلها

انا معاي يوكن 2009 رحت لمحل زينة بركب انوار زينون طلع الكهربائي نصوح وعيا يتعبث به قال رح للوكالة

رحت للوكالة وجيت للفلبيني قلت بركب انوار زينون قال نونونونو هذه كمبيوتر اي حركة بالكهرب تعدمه

لا سيما ان موترك دينالي والدينالي اكثر تعقيداً من اليوكن بحكم فخامته وكثرة مواصفاته

الله يستر عليك وعلى موترك

عطاك اياها الله يجزاه خير اخونا مزهب الطراقي ودللك بموتره وهو اخو موترك ولو احترق موترك او جاه شي مالك قبيل ولاحدن دافع ريال الا انت لكن مثل ماقال اخونا ددسن 2008 خذ لك البطاريه المحموله وارتح واحفظ موترك لايتعطل عليك بخط سريع والا بوسط بران ولا لك والي..

وتقبل مروري اخوك يكفيني بس نظرة.

[ابوحمد666]

بالنسبه للبطاريه الاضافيه
اذا كانت سيارتك على الضمان وصار فيها عطل لا قدر الله ما راح يشملها الضمان بسبب البطاريه الاضافيه
فا انت لك خيارين اما تركب بطاريه اضافيه وفي حالة العطل راح يكون عليك بالوكاله
او تصبر حتى ينتهي الضمان وتركب اللي تبي
اما مسألة كمبيوتر وتاثر عليه فليس هناك تاثير على الكمبيوتر
واذا عزمت على بطاريه انصحك ببطاريه با قادر يابانيه وخذ اكبر مقاس 95 امبير
ويوجد بطاريات جافه مقاس 250 و400 امبير لكن ليست موجوده بالسعوديه تحصلها بالامارات وميزتها انها جافه اي بدون سائل وعلى ما اعتقد اسمهاoptima
وان شاء الله باقي الاعضاء يفيدوك
تحياتي لك

[عزيزو]

اخي الكريم ولا يهون الشباب على ما اعتقد يجي كرسي بطارية في السيارة الجديدة خاص بالبطارية الاضافية

[احمد سعد]

يوجد جهاز صغير يولد اربع لمبات لدى محل بالغرابي جنب محلات الخيام ((محل تجهيز رحلات ))اشتريته باقل من 150 ريال فعال وتشغل السياره كل ساعتين وهذا حل