ممكن حدمة

[عزوومي]

السلام عليكم ورحمة الله وبركاته
ياجماعة انا ودي اطلع رحلة الخميس الجاي برحلة وش أحسن مكان عشان استعد من الان واعلم الربع بالدوام
انا في عنيزة

[القنـاص2008]

الاخوان يفيدونك ان شالله

[ابوعبدالله 2]

افا عليك بعنيزه ولا تعرف وين تروح ياخوي اطلع من الديره من اي اتجاه وتصير بالبر تقبل مروري وتحياتي لك

[نهار تميم]

وين تبى تطلع خارج عنيزة والاداخل عنيزةعلى شان نخدمك ----تحياتى للجميع==البعد==

[باثفندر]

سبحان الله ،،، عنيزة متأكد عنيزة ،،، ياكثر مافيها أماكن انصحك بالغضا طريق البدائع ، وسيعة صدر صيف وشتاء.

[العميد ابواروى]

الصياهد شرحه و ونيسه مرررره

[عزوومي]

اولا شكرا لمروركم
ثانيا انتم فهمتوا غلط انا راعي بر لكن ابي شي قريب بعد المطر اللي جاء

[راعي البدايع]

اولا شكرا لمروركم
ثانيا انتم فهمتوا غلط انا راعي بر لكن ابي شي قريب بعد المطر اللي جاء

تبي شي قريب عندك قطن جايه مطر طيب قبل كم يوم ومكشت ممتاز ظلال طلاح وذرى جبل وغيران عن المطر الله يجيبه وبالتوفيق إن شاء الله

[ابن سيف 18]

يالله حيه

شف ياخوي اسأل عن طريق الخرمة الجديد وتراه مرقم بلوحات عندك من رقم 9 لين 17 يمين هذي شرحه وعندك من 14 يسار بس فيه مراح غنم وبعارين
وعندك اذا انقطعت اللوحات المرقمه يمين ويسار هذي بعيد عن الناس وقريب للزفلت
وعندك طريق الروضة(المخيمات)او طريق المشروع - وهذا مرقم شف لاتجي قبل 5 ابد خلك من 5 وطالع (لانه احيانا بآخر الليل تهب وتجيك ريحة مشروع الدواجن وانتم بكرامه فـ تبي تدودبك وفيه مكان فيه مكاشيت (بس الصراحه المكان ذاك لأهله يعني توب (اللي هو 11 يسار وادخل شوي بعدين تييمن مع الجواد(جمع جادة:) ) رح يمين شوي - واسم المكان البراكيه على ما اظن.... وغيره كثيييير ولله الحمد

ولك حرية لاختيار

بس وش مواتركم عشان اتقهوا معكم :)
واذكرك وأقول (( ممنوع الاحتطاب )) ترا اول من يبلغ لامارة انا ..والله يستر اذا ما انا موظف بالأمارة الله اعلم


ايه وابشرك قبل ساعه من الان امطار ورعود وخير كثير لكن ما اعلم بس بالديرة ولا طرف عنها. اذا جاني خبر برد لك .... بكرا يمكن اطلع


عالعموم رحلة موفقة
واذا بغيت شي تراي جاهز والاخوان جاهزين
واي شي على الخاص

وسلامتك.........

[صقر العثمور]

الله يسلمك اهل عنيزه بهم الخير انشالله

[ابومحــ م ـــد]

انت في باريس نجد وتقول هالكلام والله انك ضيقت صدري