المساعد الشخصي الرقمي

مشاهدة النسخة كاملة : فزعتكم ياأهل القصيم


saadsaud
05/10/2004, 08:39 PM
السلام عليكم ورحمة الله وبركاته وبعد
أخواني أعضاء خيمة مكشات تحية عطرة بالخزامى
أنا شريت جيب GXR خلفية لكزس وبغيت أركب تانكي بالجوانب عند الدعاسات والأخوان في المنتدى وصفولي أكثر من محل بالرياض لكن يا أما غالين مرررررةة أو ناس ما تعرف الشغل وما أبغى أصير ميدان تجارب للعمال على موتري ,,,,,,,,المهم فيه واحد من ربعي قال فيه محل (الرحيلي) في بريدة, وبغيت ولا عليكم أمر معلومات عن هالمحل ( عنوانه , وشغله , ويسوى العنوة أو لا , وهل يغش بالمعادن المستخدمة في عمله,,,,,, وآخر شيء الأسعار ورقم التلفون)
معليش تحملوني على كثر الأسئلة لكن هذا جيب يسوى,,,
ومشكورين على مروركم علينا
أبوأحمد98
06/10/2004, 07:59 AM
السلام عليكم ورحمة الله وبركاته

والله أخوووي هالمحل هذا ما دري عنه شي بس اذكر الشباب بالمنتدى اذكروا موضوع كامل عنه ...بس ما ذكر وش عنوان هالموضوع .....

بالنسبه للورشه ....على ما اظن بصناعية بريده ...وانت جااااااي مع الدائري الجنوبي وجيت كبري عنيزه لف يمين وابتل تجيك الورش على يدك اليمين .....بعد كم أشااارره ....هذا الي عندي ....:(
الاحداثي
06/10/2004, 01:53 PM
مرحبا بك ..

والله ياأخوي انا ما أعرف المحل اللى تقول لكن فيه ورشه بالرس ( مشهورة جدا) ومتخصصة بالتوانك الأستيل والفيبر الظاهره والمخفية وعربات القلوص بأنواعها وهي ورشة الضويان والمسؤول فيها شخص سوري اسمه ابو منذروعندهم أفكار وابتكارات عجيبه وشغلهم على كيف كيفك رح لهم وتبى تدعي لي ان شاء الله .

وتقبل خالص ودي أخ saad

(((((((((((((((((((((((((((((( الاحداثي )))))))))))))))))))))))))))))))
الاحداثي
06/10/2004, 01:57 PM
اخوي saad ان شاء الله قريب ادبر لك رقم ورشة الضويان .....................
وتراهم يستاهلون عنوك من العاصمة وتلقي عندهم ان شاءالله مطلوبك ....
( ويا ليت يصير لنا نصيب من زيارتك )

ولك خالص ودي واحترامي

(((((((((((((((((((((((((((((( الاحداثي )))))))))))))))))))))))))))))))
أتلى الأجواد
07/10/2004, 04:59 PM
3300FF ولا تعدى اليحيا بالرياض ترى عندهم اللي تبي شغل متكتك وعلى كيفك ولو زاد عليك شوي لكن شغل زين :redcar:
الوسم2
07/10/2004, 06:52 PM
أخي العزيز Saadsaud


السلام عليكم ورحمة الله وبركاته


موقع المحل عند إشارة النجر في مدخل بريدة على اليمين

اسم محل سعود الرحيلي للحدادة

المحل ينعناله يفصلك في أي شكل تريدة

أنافصلت عنده مرتين المحل مضبوط إنشاءالله

وحاول أنك تحصل الهندي الطويل

الوسم 2
بــرق الشمال
08/10/2004, 11:54 PM
سبق وان طرح الموضوع..ولكن مايحضرني اسم المشاركه
بس ابشرك بعزك...
بالنسبه للمحل اللي ذكرت وصفه سهل جدا...
وانت بخط الرياض رايح للقصيم يجيك اول كبري..يقولك يمين بريده
ويسار عنيزه..لف يمين وسيد يجيك تقريبا بعد رابع اشاره على اليمين..
المهم الول ماتلف مع الكبري امش لمين يجيك قبل الاشاره..4 محلاات للرحيلي
والرحيلي مقاساته ممتازه وشغله نظيف ولكن افضل محل والله ميحضرني هل
هو رقم 3 او 2..على العموم فيه (هندي-بنقالي)اسمه تجمل هذا جيد وسبق اني انا وكم
واحد من زملائي..اشتغلنا عنده..ولكن سؤالك هل هو يغش بامعادن ولالا..؟؟
انا صلحت عنده حديد ابونجمه 3ملم ويعتبر افضل انواع الحديد تقريبا..وكان شغله
بالمقاسات وغيره ممتاز ولكن للاسف صدى بعد فتره فالحديد كله مش ولابد..وبصراحه
انصحك بـ سل ستيل أو المنيووم اذا كنت تبيه جوا السياره حتى لو زاد السعر...
وبالنسبه للمحلات الجيده كثيره..منها ماهو بالرياض مثل..(اليحيى-المميز-المواهب-الزايدي)
ومنها ماهو بالقصيم بريده مثل: عروق الشمال..ومنها ماهو بالرس مثل: شمس.
ومثل ماقلتلك قد يزيد سعر الستيل او الالمنيوم ولكن لك وللزمن..ولاهوب خساره
saadsaud
09/10/2004, 04:00 PM
السلام عليكم ورحمة الله وبركاته
شكراً لكل دخل وشارك وأعطانا رأيه
مريت اليحيا اللي بحي السلام ورد علي الهندي وقال لي :(مانركب لجيبك تانكي)!!!!!!!!!!!!!!!!!!
ماأدري وشوله
وأنا إن شاء الله طالع للقصيم الخميس ........................
والله يكتب كل خير