طالب فزعتكم يالاجواد..ملي الا الله ثم انتم

[مكشاتي...]

يالربع ويااهل الفزعه عندي امر محتار فيه جدا
وهو شراء سياره وحنا مقبلين على ايام تهيضك
لشراء جيب للكشتات
وش تنصحون..نصيحه محب لاخيه
انا حدي 30 او 33 وفيها وابي شوركم
يااهل الخير....

[أبوحمييد]

لاند موديل 93 صح انه قديم شوي لاكن صبووور وانا مجربه والله ماشاء الله ..
وموتر جامعها كلها ان جيت للعزم يطربك طرب وان جيت للبنزين لينه تانكيين وصرفيته زينه والفكس ار الخليجي يجي دفلك وثلاجه يعني كامل والكامل وجه الله لاكن وين تلقى النظيف...

والله يسر امورك...

[mhm-191]

انا من رايي
تويوتا جي اكس او جي " مثل ماقال اخوي ابوحمييد " مديل 95
ان شاءالـ33 الله تجيب لك موتر نظيف ...
او نيسان " صالون" مديل 94
لكن نصيحه اخو : اقرب من التويوتا ..

[4800 VTC]

اسمع الشور وانا خوك وما راح تندم

عندك باترول من 91 الى 94 بتجيب بالقيمه الي معك

عزم وخفه وموتر

[جبل ادقس]

انصحك بالاندكروزر من موديل 91 إلى 95 vx قوه وعزم لا يعلى عليه والدبل تنافس به السيارات الجديده .
انا معي موديل 91 اخذته من وزارة الدفاع ماشي 70 الف فل كامل تانكين وثلاجه ومكيفين واستبنتين ماشاء الله وكاله والله انه يعطيني الثقه الكامله وقت دخول البر بالعائله .
اهم شي دور النظيف وربي يوفق الجميع

[الادعج]

باترول نيسان من 93 الى 95 وباذن الله ماتندم

[مكشاتي...]

والله اشكر لكم اهتمامكم وفزعتكم الطيبه
لكن وش رايكم بددسن دفرنسين هل هو مناسب
والله ان اللاند موتر والباترول لكن موديلاتها قديمه شوي
والله مدري وشلون اجازيكم على فزعتكم ونصايحكم وما اقدر اقول الا
جزاكم الله كل خير والله يجعلها بميزان حسناتكم

[سقاف]

التايوتا التايوتا
والموديلات ماقصروا الشباب

والله يرزق بالسيارة الطيبة إن شاء الله الكريم
ويكفنا شر هالسيارات نحن وإياك واخوان المسلمين

[التعـ King ـديل]

الباترول الباترول وتمتع بالطرب