المساعد الشخصي الرقمي

مشاهدة النسخة كاملة : سؤال لأصحاب الصوالين التويوتا عن تانكي الماء الداخلي


مريقب العيفار
06/10/2004, 01:03 AM
اخوتي الكرام

لو تكرمتو ممكن احد يفيدني عن التانكي الداخلي

اللي خلف المرتبة الثانية هل تحدث رجرجة الماء اصوات اذا كان

الموتر يسير ام لا

لأني نويت اركب واحد لكن خفت من هالشيء

انه يزعجني بملابخ الماء

وشكرا لكم سلفا
BASSAM
06/10/2004, 02:30 PM
اخوي مريقب العيفار.

السلام عليكم ورحمة الله وبركاته

انا مركبه عندي في الباث شف هذا الرابط http://www.mekshat.com/vb/showthread.php?s=&threadid=23789

من ناحيه الصوت اذا ركبت تانكي واكدت على الورشه يحطون لك قواطع مظبوطه في التانكي فصوت الماء يكون كالتالي:
1-السياره تسير ب اي سرعه ولكن ثابته تقريبا داخل الديره او هاي واي . (النتيجه) : لا تسمع اي صوت للماء نهايئا مهما كانت كميه الماء في التانكي.
2-السياره تسير وكل شوي تضغط البريك مثل داخل الزحمه او عند لاشارات او عند نقاط التفتيش. (النتيجه) : اذا كان التانكي مليان FULL فانك لا تسمع اي صوت واذا كان غير ذلك فانك تسمع اصوات بسيطه جدا ومقبوله.
3- السياره تسير خارج الزفلت .(النتيجه) : ينطبق عليه فقره 1 و 2 بس اذا كان الطريق مناقز طعوس وبطانيج يبي يزيد الصوت اللي برقم 2 و 1 حتى لو كنت بسرعه ثابته.

ملاحظه : الاصوات هذي اذا كنت لوحدك بالسياره ما معك احد ولا شغلت الراديو او المسجل بس اذا كان عكس ذلك فالاصوات تقل كثيرا.

ملاحظه 2 : اذا كان هناك اغراض كثيره فوق التانكي مثل العزبه واغراض الرحلات ( مليانه الشنطه) فلن تسمع اي صوت مهما كانت كميه الماء او الوضع الذي تقود السياره فيه.

نصيحه اجعل التانكي ممكن ينشال ويتركب مثل ماسويت .

توكل على الله والسلام ختام.
مريقب العيفار
07/10/2004, 12:24 AM
أخي الكريم BASSAM

شكر الله لك تجشمك عناء الرد

لكن أخي الكريم التانكي الذي اريد ان اركبه يختلف عن التانكي

الذي ركبته انت

الذي اسأل انا عنه هو التانكي الذي يكون خلف المرتبة واقف

يعني بشكل طولي وليس مسدوح
الروضة
07/10/2004, 10:11 AM
اخوي مريقب العيفار
السلام عليكم ورحمة الله وبركاته
نصيحة لاتركب التانكي طولي خلف المرتبة لعدة أسباب
1- يضيق عليك الغمارة بحيث لو أردت أن تصفط المرتبة لحمل شيْء طويل يعيقك التانكي
2- يضيق عليك عند حمل العفش بعكس لو جعلة منبسط مثل تانكي الأخ بسام
3- يشغلك عند التعبيئة
وبعدين فيه مكان بديل له إذا سيارك جيب تحت الدعسة

والسلام
BASSAM
07/10/2004, 11:05 AM
السلام عليكم ورحمة الله وبركاته

اخوي الروضة شكرا لك.
اخوي مريقب العيفار بالنسبه لصوت الماء مثل ماشرحت لك نفس الشي واقف او منسدح .
بس المنسدح اوذ ف وامين في حاله المناقز بالطعوس لانه راسي اكثر من الواقف.

ولك حريه الاختيار


وعليكم السلام ورحمة الله وبركاته
مريقب العيفار
08/10/2004, 10:45 PM
أخي الروضة

الف شكر لك ويعطيك ربي العافية...


ألأخ الكريم BASSAM

جزاك الله خير والصحيح انك ما قصرت

جعلك سالم وغانم
خصيم الوقت
10/10/2004, 01:54 PM
السلام عليكم ورحمة الله وبركاته


اسمحلي يا أ خوي مر يقب العيفار في مشاركتك في البحث عن موقع منا سب لتا نكي الماء

للجيب الصا لون وأنا اعجبتني فكرت اتانكي الي تحت ادعسات لانه قد مر علي في هذ المنتدى

ونا بحثت عنه وماحصلته لان فيه العمليه كيف تكون بتفصيل وهاذ يفيدني كثيرا

فأرجوكم الي عنده خلفيه عنه فلا يبخل علينا

وشكرا
مريقب العيفار
11/10/2004, 01:04 AM
الله يحييك اخوي خصيم الوقت

والتانكي اللي تحت الدعسات

حجمه صغير

سبق اني شفت احد الشباب مركبه

واضح انه ما يشيل واجد

احد الشباب في المنتدى ذكر انه ياخذ فقط قرابة

خمس وثلاثين لتر

ولا يضطر له الا اصحاب الجيوب اصطب لكزس

ساحاول ان اجد لك رابط الموضوع

والى لقاء
مريقب العيفار
11/10/2004, 01:17 AM
اخوي خصيم الوقت

الظاهر اني حصلت لك الرابط

خذ هذا أول واحد

http://www.mekshat.com/vb/showthread.php?s=&threadid=20523&highlight=%CA%C7%E4%DF%ED

وهذا الثاني

http://www.mekshat.com/vb/showthread.php?s=&threadid=21451&highlight=%CA%C7%E4%DF%ED
محتاار
12/10/2004, 05:27 PM
اخوي مريقب العيفار التانكي الي يكون ممدود على ارضية السيارة تراه افضلك زي ماقال اخوي بسام الله يسلمه لاكن بدال ماتخليه كذا على حطته لبسه عازل(لباد) وكذالك اشراع تنزاني وصدقن انه ماراح تسمع له صوت ابد وبعدين المواتر خلفيت لكزس اغلبهم يسوون كذا ونا واحد منهم وصدقن راح تدعيلي .
لاكن ركز على القواطع زي ماقال اخوي بسام لانة تخفف الصوت وتزيد من تحمل التانكي للاغراض الي تحط فوقة . ونصحك بعد بتانكي الالمنيوم تراه افضل شي بنسبه للصوالين والتوانك الداخلية والسبب:
1: لانه خفيف .
2: سعره اقل من الستيل .
3: مايتغير الطعم عليك ولايخور .
4: علية ضمان طويل الامد على اي تغير في الطعم او اي تسرب للماء.
وهذا الي انا امركب .

اسف على الاطالة اخوي .
اخوك ابو حسين .
مريقب العيفار
13/10/2004, 06:30 PM
أخي الكريم محتاار

لك شكري ودعواتي على ردك الكريم

فجزاك الله خير
خصيم الوقت
13/10/2004, 11:16 PM
هلا أخوي مريقيب العيفار

ماقصرت ومشكور على ها الروابط

لاكنك حيرتني عجل ركب تا نكي حتاي الركب مثلك:D